PREX- St. James Plaridel

PREX- St. James Plaridel The Official page of Parish Renewal Experience (PREX)
of Saint James the Apostle Parish, Poblacion, Plaridel, Bulacan (Diocese of Malolos)

Agosto 28, 2026 I Paggunita kay San Agustin, obispo at pantas ng SimbahanBiyernes ng Ika-21 Linggo sa Karaniwang Panahon...
28/08/2026

Agosto 28, 2026 I Paggunita kay San Agustin, obispo at pantas ng Simbahan
Biyernes ng Ika-21 Linggo sa Karaniwang Panahon

Ang salitang β€œmamaya na” ang pinakamapanganib na salita sa buhay natin.

Mamaya na akong magbabago.
Mamaya na akong magpapatawad.
Mamaya na akong magdarasal.
Mamaya na akong babalik kay Lord.

Narinig natin sa Ebanghelyo na dumating ang nobyo nang hindi nila inaasahan. Doon napagtanto ng limang dalaga na hindi pala puwedeng last minute ang paghahanda.

Ganyan din sa ating buhay pananampalataya. Hindi puwedeng puro plano ang pagbabago; kailangang simulan.

At magandang tingnan si San Agustin na ang kapistahan ay ginugunita natin ngayong araw. Hindi naging banal ang buhay niya dahil hindi siya nagkamali. Naging banal siya dahil hinayaan niyang baguhin siya ng Diyos. Mula sa dati niyang buhay, natutong bumalik, magmahal at maglingkod sa Panginoon.

Kaya baka ang hamon sa atin ngayon ay simple lang: Ano ang matagal mo nang ipinagpapabukas na pagbabago?

Huwag nang β€œmamaya.” Baka ang grasya na hinihintay mo ay matagal nang ibinibigay ng Diyos, ang kailangan lang pala ay tanggapin at simulan mo.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: 1 Corinto 1, 17-25
π’πšπ₯𝐦𝐨: Salmo 32, 1-2. 4-5. 10ab-11
π„π›πšπ§π π‘πžπ₯𝐲𝐨: Mateo 25, 1-13

Agosto 27, 2026 I Paggunita kay Santa MonicaHuwebes ng Ika-21 Linggo sa Karaniwang PanahonKung biglang darating ngayong ...
26/08/2026

Agosto 27, 2026 I Paggunita kay Santa Monica
Huwebes ng Ika-21 Linggo sa Karaniwang Panahon

Kung biglang darating ngayong araw ang Panginoon, ano kaya ang makikita Niya sa buhay mo?

Sa Mabuting Balita, hindi tayo pinapaalalahanan ni Jesus na matakot, kundi maging handa. At ang pagiging handa ay hindi tungkol sa pagiging perpekto. Ito ay tungkol sa pagiging tapat sa maliliit na bagay, tulad ng sa pamilya, sa trabaho, sa paglilingkod, sa pagpapatawad, at sa paggawa ng tama kahit walang nakakakita.

Dito makikita natin ang napakagandang halimbawa ni Santa Monica na ang kapistahan ay ating ginugunita ngayong araw. Ilang taon siyang naghintay, umiyak, at nanalangin para sa kanyang pamilya lalo na sa kanyang anak na si Agustin. At dito, makikita nating hindi instant ang sagot. Pero hindi niya hinayaang ang tagal ng paghihintay ay maging dahilan para tumigil siya sa pananampalataya.

Kapatid, baka may hinihintay din tayo na sagot sa ating mga dasal o yun bang katuparan ng ating pangarap. Maganda na mayroon tayong pag-asa na ito ay matutupad pero mas mainam din na habang hinihintay natin ang sagot ng Diyos, huwag nating kalimutang mabuhay nang tama.

Dahil minsan, ang hinihintay nating pagbabago sa paligid natin ay nagsisimula muna sa pagbabago sa loob natin. Kaya huwag nating itanong, β€œKailan kaya ako sasagutin ng Diyos?” Mas mabuting itanong natin: β€œHabang naghihintay ako, nananatili ba akong tapat sa Kanya?”

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: 1 Corinto 1, 1-9
π’πšπ₯𝐦𝐨: Salmo 144, 2-3. 4-5. 6-7
π„π›πšπ§π π‘πžπ₯𝐲𝐨: Mateo 24, 42-51

Agosto 26, 2026 I Miyerkules ng Ika-21 Linggo sa Karaniwang PanahonMadalas, mas inuubos natin ang oras sa pagpapakita na...
25/08/2026

Agosto 26, 2026 I Miyerkules ng Ika-21 Linggo sa Karaniwang Panahon

Madalas, mas inuubos natin ang oras sa pagpapakita na mabuti tayo kaysa sa tunay na pagiging mabuti. Maayos magsalita, laging present sa simbahan, marunong magdasal, pero kapag walang nakakakita, iba na ang ugali. Masakit pakinggan, pero baka minsan, tayo rin iyon.

Sa Ebanghelyo ngayong araw, pinapaalala ni Hesus na hindi Siya nadadala sa panlabas na anyo. Nakikita Niya ang puso at ang tunay na intensyon, mga kahinaan, at maging ang mga kasalanang pilit nating tinatago.

Pero hindi ito mensahe para mawalan tayo ng pag-asa. Sa halip, paanyaya ito na tigilan ang pagpapanggap at magsimulang maging totoo sa Diyos. Hindi kailangang magmukhang perpekto. Ang mahalaga, bawat araw ay may pusong nagsisikap maging mas mabuti.

Baka ang kailangan natin ngayon ay hindi bagong imahe, kundi bagong puso. Dahil mas mahalaga sa Diyos ang pusong tunay na nagbabago kaysa mukhang banal na ayaw magbago.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: 2 Tesalonica 3, 6-10. 16-18
π’πšπ₯𝐦𝐨: Salmo 127, 1-2. 4-5
π„π›πšπ§π π‘πžπ₯𝐲𝐨: Mateo 23, 27-32

Agosto 25, 2026 I Martes ng Ika-21 Linggo sa Karaniwang PanahonMinsan, magaling tayong magmukhang mabuting Kristiyano, p...
24/08/2026

Agosto 25, 2026 I Martes ng Ika-21 Linggo sa Karaniwang Panahon

Minsan, magaling tayong magmukhang mabuting Kristiyano, pero nakakalimutan nating maging mabuting tao sa araw-araw. Madalas tayong magsimba, magdasal at maglingkod, pero paano ba tayo makitungo sa mga taong mahirap mahalin? Marunong ba tayong umunawa, magpatawad at maging makatarungan?

Sa Ebanghelyo, pinaaalalahanan tayo ni Jesus na hindi lamang panlabas na gawain ang mahalaga. Mas tinitingnan ng Diyos ang puso. Walang saysay ang pagiging relihiyoso kung puno naman ng galit, inggit, paghuhusga at kayabangan ang ating kalooban.

Hindi naman sinasabi ni Jesus na itigil natin ang mabubuting gawain. Ang hamon Niya ay gawing tunay ang ating pananampalataya mula sa puso hanggang sa gawa.

Kaya nga bago natin ayusin ang pagkukulang ng iba, tingnan muna natin ang sarili natin. Baka ang taong kailangan nating baguhin ay hindi ang nasa harapan natin, kundi ang taong nakikita natin sa salamin.

Kapatid, ang tunay na kabanalan ay hindi kung gaano tayo kagaling magmukhang mabuti, kundi kung gaano tayo katapat magmahal kahit walang nakakakita.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: 2 Tesalonica 2, 1-3a. 14-17
π’πšπ₯𝐦𝐨: Salmo 95, 10. 11-12a. 12b-13
π„π›πšπ§π π‘πžπ₯𝐲𝐨: Mateo 23, 23-26

Agosto 24, 2026 I Kapistahan ni Apostol San BartolomeSa Ebanghelyo, matutunghayan natin ang tagpo ng pagtawag ni Jesus k...
23/08/2026

Agosto 24, 2026 I Kapistahan ni Apostol San Bartolome

Sa Ebanghelyo, matutunghayan natin ang tagpo ng pagtawag ni Jesus kay San Bartolome. At tulad ng marami sa atin, madali nating hinuhusgahan ang isang bagay na hindi natin gusto o hindi natin maintindihan, katulad ni San Bartolome o Natanael nang marinig niyang mula sa Nazaret si Jesus. Pero ang maganda dito ay hindi siya nanatili sa kanyang duda sa halip ay pumunta siya at nakita niya mismo.

Kadalasan, may mga taong hinuhusgahan agad natin, may mga sitwasyong sinusukuan natin, at may mga pangarap na tinatawag nating imposible dahil sa unang tingin, parang walang pag-asa.
Pero baka kailangan lang nating pakinggan ang sinabi ni Felipe: β€œHalika at tingnan mo.”

Huwag mong hayaang ang unang impresyon, kabiguan, o takot ang magsabi kung ano ang kaya ng Diyos. May mga bagay na hindi mo mauunawaan habang malayo ka; kailangan mong lumapit, magtiwala, at makita kung ano ang ginagawa Niya.

At higit sa lahat, tandaan mo: Bago mo pa hinanap si Jesus, kilala ka na Niya. Alam Niya ang puso mo, ang laban mo, at ang mga bagay na hindi mo masabi.

Kaya kung ngayon ay nagdududa ka sa sarili mo, sa buhay mo, o sa plano ng Diyos, huwag ka munang sumuko. Lumapit ka. Baka ang akala mong katapusan ay simula pala ng isang bagay na mas maganda.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Pahayag 21, 9b-14
π’πšπ₯𝐦𝐨: Salmo 144, 10-11. 12-13ab. 17-18
π„π›πšπ§π π‘πžπ₯𝐲𝐨: Juan 1, 45-51

Agosto 20, 2026 I Huwebes ng Ika-20 Linggo sa Karaniwang PanahonAng Ebanghelyo ngayon ay hindi lang tungkol sa imbitasyo...
20/08/2026

Agosto 20, 2026 I Huwebes ng Ika-20 Linggo sa Karaniwang Panahon

Ang Ebanghelyo ngayon ay hindi lang tungkol sa imbitasyon ng Diyos sa atin, kundi sa kung paano tayo tumutugon sa kanyang paanyaya. Aminin natin, maraming beses na tinatawag tayo ng Diyos, pero mas pinipili nating unahin ang ibang bagay. May oras tayo para sa trabaho, sa cellphone, barkada, at sariling gusto pero kapag oras na para sa Diyos, nagiging β€œbusy” na tayo.

Masakit isipin, pero baka minsan hindi naman Diyos ang lumalayo sa atin, baka tayo ang paulit-ulit na tumatalikod sa Kanya.

Pero ito ang magandang balita: hindi nauubos ang paanyaya ng Diyos. Kahit ilang beses tayong tumanggi, patuloy Siyang naghihintay. Hindi dahil wala Siyang ibang mapipili, kundi dahil mahalaga tayo sa Kanya. Kaya huwag nating hintayin na dumating ang panahon na saka natin sasabihing, β€œSana mas pinili ko ang Diyos noon.”

Habang may pagkakataon, tanggapin natin ang paanyaya. Dahil ang buhay na kasama ang Diyos ay hindi pagkawala ng saya, dahil ito ang paghahanap ng tunay na dahilan para mabuhay.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Ezekiel 36, 23-28
π’πšπ₯𝐦𝐨: Salmo 50, 12-13. 14-15. 18-19
π„π›πšπ§π π‘πžπ₯𝐲𝐨: Mateo 22, 1-14

Agosto 19, 2026 I Paggunita kay San Ezekiel Moreno, obispoMiyerkules ng Ika-20 Linggo sa Karaniwang PanahonSa Ebanghely...
19/08/2026

Agosto 19, 2026 I Paggunita kay San Ezekiel Moreno, obispo
Miyerkules ng Ika-20 Linggo sa Karaniwang Panahon

Sa Ebanghelyo, may mga manggagawang buong araw nagtrabaho at mayroon ding dumating sa huling oras, ngunit pare-pareho silang tumanggap ng kabayaran, at tulad ng inaasahan, nagreklamo ang mga naunang inupahan. Minsan, ganyan din po tayo, diba? Naiinggit din tayo kapag nakikita nating mas mabilis pinagpapala ang iba. Naiisip natin, β€œAng tagal kong nagsakripisyo, pero siya pa ang naunang pinagpala?”

Pero ipinapaalala ni Jesus na ang biyaya ay regalo, hindi bagay na maaari nating singilin sa Diyos. Habang nakatingin tayo sa biyaya ng iba, nakakalimutan nating bilangin ang biyayang nasa atin.

Tulad ng isang santo na ginugunita natin ngayon, siya ay si San Ezekiel Moreno, isang Obispong Agustino at pintakasi ng mga taong may sakit na kanser, tinuturuan tayo ng kanyang buhay na manatiling matatag at tapat sa Diyos kahit may pagsubok at paghihintay. Lalo na sa mga may malubhang karamdaman, hindi madaling sabihin na β€œmagtiwala ka lang.” May takot, pagod, at pangamba. Ngunit hindi ibig sabihin ng paghihintay ay nakakalimutan na tayo ng Diyos.

Maaaring hindi pareho ang oras ng biyaya natin, pero pareho ang pagmamahal ng Diyos sa bawat isa. Kaya sa halip na β€œBakit siya, Lord?”, matuto tayong magsabi: β€œSalamat, Lord, dahil hindi Mo ako pinababayaan.”

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Ezekiel 34, 1-11
π’πšπ₯𝐦𝐨: Salmo 22, 1-3a. 3b-4. 5. 6
π„π›πšπ§π π‘πžπ₯𝐲𝐨: Mateo 20, 1-16a

Agosto 18, 2026 I Martes ng Ika-20 Linggo sa Karaniwang PanahonSiguro po, lahat naman sa atin ay sasang-ayon sa katotoha...
18/08/2026

Agosto 18, 2026 I Martes ng Ika-20 Linggo sa Karaniwang Panahon

Siguro po, lahat naman sa atin ay sasang-ayon sa katotohanang hindi biro ang sumunod kay Hesus. May mga pagkakataong kailangan mong magparaya, magsakripisyo, at piliing manatili sa Kanya kahit walang kasiguruhan sa paningin ng mundo. Ganiyan ang ginawa ng mga apostol, iniwan nila ang kanilang dating buhay, hindi dahil alam nilang magiging madali ang lahat, kundi dahil nagtiwala sila sa tawag ni Kristo.

At ang magandang balita ay ito: hindi kailanman nakakalimot ang Diyos sa taong tapat sa Kanya. Nangako si Hesus na ang mga nag-iwan ng marami alang-alang sa Kanya ay tatanggap ng higit pa, at higit sa lahat, ang buhay na walang hanggan.

Kaya kung minsan pakiramdam mo, β€œLord, bakit parang ako lang ang laging nagsasakripisyo?” tandaan mo na nakikita ng Diyos ang bawat pagsunod na walang nakakakita, bawat sakripisyong walang pumapalakpak, at bawat pagkakataong pinili mo Siya kaysa sa sarili mo.

Hindi ka lugi sa pagsunod kay Kristo. Maaaring may isinuko ka, pero may gantimpalang inihahanda ang Diyos na hindi kayang tumbasan ng anumang bagay sa mundong ito.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Ezekiel 28, 1-10
π’πšπ₯𝐦𝐨: Deuteronomio 32, 26-27ab. 27kd-28. 30. 35kd-36ab
π„π›πšπ§π π‘πžπ₯𝐲𝐨: Mateo 19, 23-30

Agosto 17, 2026 I Lunes ng Ika-20 Linggo sa Karaniwang PanahonMabuti ang binata sa Ebanghelyo. Sa katunayan, sinusunod n...
17/08/2026

Agosto 17, 2026 I Lunes ng Ika-20 Linggo sa Karaniwang Panahon

Mabuti ang binata sa Ebanghelyo. Sa katunayan, sinusunod niya ang mga utos at nais niyang maging kalugud-lugod sa Diyos. Pero nang hilingin na ni Jesus na iwan niya ang kanyang mga ari-arian at sumunod sa Kanya, nalungkot siya at umalis.

Bakit? Dahil may bagay siyang hindi kayang bitawan.

Nakakatawa hindi po ba? Pero madalas nating nakakalimutan na ganyan din tayo. Minsan, handa tayong gumawa ng mabuti para sa Diyos, pero kapag hinawakan na Niya ang bagay na pinakamahalaga sa atin, ito man ay pera, pride, relasyon, galit, nakaraan, o sariling kagustuhan, nag-aalinlangan tayo. Umaalis tayo.

Ang tanong ng Ebanghelyo ay β€œAno ang hindi ko kayang bitawan para masundan ko si Kristo?”

Mga kuya at mga mga ate, hindi masama ang mga bagay na mayroon tayo. Pero kapag mas minahal na natin ang mga ito kaysa sa Panginoon, nagiging tanikala na sila sa atin. Mga kadena sa ating mga paa na nagiging sagabal upang makasunod tayo sa yapak ni Hesus.

Kapatid, hindi lahat ng kailangan mong bitawan ay pagkawala. Minsan, ito ang daan para mas mapalapit ka sa Diyos.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Ezekiel 24, 15-24
π’πšπ₯𝐦𝐨: Deuteronomio 32, 18-19. 20. 21
π„π›πšπ§π π‘πžπ₯𝐲𝐨: Mateo 19, 16-22

Agosto 14, 2026 IPaggunita kay San Maximiliano Maria Kolbe, pari at martirHuwebes ng Ika-19 Linggo sa Karaniwang Panahon...
14/08/2026

Agosto 14, 2026 I
Paggunita kay San Maximiliano Maria Kolbe, pari at martir
Huwebes ng Ika-19 Linggo sa Karaniwang Panahon

Madali ang magmahal kapag masaya, pero doon nasusukat ang pag-ibig kapag dumating na ang sakit, pagsubok, at pagod. Sa panahon ngayon na ang lahat ay tila mabilisan, kapag mahirap na ang relasyon, minsan ang unang naiisip ay, β€œTama na. Ayoko na.” Pero ipinapaalala ni Jesus sa pamamagitan ng Ebanghelyo ngayong araw na ang pag-ibig ay hindi lamang tungkol sa nararamdaman, kundi ito ay tungkol sa katapatan, pananagutan, at sakripisyo.

Pero magandang linawin natin. Hindi ibig sabihin nito na kailangan nating manatili sa isang relasyong mapanakit o mapanganib. Ang punto ni Kristo ay ito: huwag nating gawing disposable ang tao dahil lamang hindi na siya nagbibigay sa atin ng saya. Ang tunay na pag-ibig ay marunong lumaban para sa mabuti, marunong magtiis, at higit sa lahat, marunong kumapit sa Diyos.

At napakaganda ng koneksyon kay San Maximiliano Maria Kolbe na ating ginugunita ngayon. Sa halip na piliin ang sariling buhay, pinili niyang ialay ang sarili para sa ibang tao. Iyan ang sukdulan ng pag-ibig: hindi β€œAno ang makukuha ko?” kundi β€œAno ang kaya kong ibigay?”

Kadalasan ay gusto nating mahalin tayo nang walang kondisyon, pero tayo mismo ay nagmamahal na may kondisyon: β€œMamahalin kita basta hindi mo ako sasaktan. Basta naiintindihan mo ako. Basta hindi mo ako bibiguin.” Ngunit ang pag-ibig na itinuro ni Kristo ay mas malalim. Hindi ito kahinaan. Ito ay lakas na marunong magsakripisyo para sa kabutihan.

𝐏𝐑𝐄𝐗 𝘡𝘩𝘦 𝐋𝐨𝐫𝐝! πŸ€Ÿβ€οΈπŸ’™πŸ€

π”π§πšπ§π  ππšπ π›πšπ¬πš: Ezekiel 16, 1-15. 60. 63 o kaya Ezekiel 16, 59-63
π’πšπ₯𝐦𝐨: Isaias 12, 2-3. 4bkd. 5-6
π„π›πšπ§π π‘πžπ₯𝐲𝐨: Mateo 19, 3-12

Address

St. James The Apostle Parish. Poblacion
Plaridel
3004

Website

Alerts

Be the first to know and let us send you an email when PREX- St. James Plaridel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category