Cofradía de Santiago Apóstol de Quingua

10/01/2026

TINGNAN: Ang Mapaghimalang Pintakasi ng ating Bayan, SEÑOR SANTIAGO APOSTOL DE QUINGUA, ay sinuotan ng bagong manto, sinturon, at kalasag bilang paghahanda sa Hatid kay Santiago Apostol sa Enero 11, 2026.

Narito ang mga gawain sa Uwi ng P**n 2026:
https://bit.ly/HatidKaySantiago2026

Viva Santiago Apostol!

Photo | Charvic Panday

30/12/2025

Pistang Bayan 2025
DAKILANG KAPISTAHAN NI SANTIAGO APOSTOL
Ang Traslacion o ang Paglipat ng Relikya ni Santiago
Disyembre 30

Ang kapistahang ito ang pinakamatandang pagdiriwang sa karangalan ng Apostol sa Santiago de Compostela. Dito ginugunita ang pagkakatagpo sa banal na labi ng Banal na Apostol sa Iria Flavia at ang paglilibing nito sa kasalukuyang lugar na kinalalagyan nito sa Katedral ng Santiago de Compostela.

Mayroon pang isang dahilan kung bakit ipinagdiriwang ang pistang ito sa petsang nabanggit. Ito ay malapit sa kapistahan ng kanyang kapatid na si San Juan na ipinagdiriwang naman tuwing ika-27 ng Disyembre.

Hanggang sa kasalukuyan ay solemneng ipinagdiriwang ang kapistahang ito sa Santiago de Compostela na kinatatampukan ng pagdiriwang ng Banal na Misa at Prusisyon.

Sa ating parokya, ito ang ating ipinagdiriwang tuwing Pistang Bayan. Ito rin ang sinasariwa natin sa pagsasagawa ng “Salubong Festival”; ang maligayang paglilipat sa mga relikya ni Santiago sa kanyang katedral sa Compostela, na ginugunita ng paglilipat ng imahen ni Santiago Apostol mula sa kanyang tahanan sa Sipat patungo sa kanyang simbahan sa Plaridel.

(Reb. P. Francis Eugene Fadul Adefuin, SThL.; sa pamamagitan ng 4th National Congress of St. James the Greater Parishes and Devotees- 2023)

30/12/2025

VIVA SANTIAGO APOSTOL DE QUINGUA!
Disyembre 30, 2025 | Pistang Bayan

Ang Magiting at Mapaghimalang Pintakasi ng Bayan ng Plaridel, Bulacan

Mahal na Patrong Santiago Apostol, ipanalangin mo ang iyong bayan, ipag-adya mo kami sa lahat ng kapahamakan, at tulungan mo kami sa aming mga pangangailangan.

Nakikiisa ang buong Cofradia de Santiago Apostol de Quingua sa dakilang araw na ito!

30/12/2025

PANALANGIN SA UMAGA
Dakilang Kapistahan ni Santiago Apostol
Disyembre 30, 2025

Ama naming makapangyarihan,
itinalaga mo ang unang pag-aani ng iyong mga Apostol
sa pagdanak ng dugo ni Santiago.
Ipagkaloob mong tumibay ang iyong Sambayanan
sa kanyang pagpapahayag ng pananampalataya
at lubusang pagkakamit ng pagdalangin niyang puspusan
sa pamamagitan ni Hesukristo
kasama ng Espiritu Santo magpasawalang hanggan.

Pagpalain nawa tayo ng Panginoon,
iligtas tayo mula sa lahat ng kasamaan
at akayin tayo sa buhay na walang hanggan.
— Amen.

Santiago Apostol,
Ipanalangin mo kami!

28/12/2025

28/12/2025

Ang Mapaghimalang Pintakasi ng Bayan ng Quingua, SEÑOR SANTIAGO APOSTOL DE QUINGUA, is now vested in his Fiesta Regalia for the Salubong Festival and Pistang Bayan on December 29 and 30, 2025.

The Fiesta Regalia 2025 was devotionally offered by the Jaurigue-Panday Family.

Viva Santiago Apostol!

Photo from Charvic Panday

26/11/2025

RED WEDNESDAY 2025 | November 26
Living Hope Amidst Suffering