https://www.facebook.com/103629262687744/

Bisita ni San Isidro Labrador - Agnaya, Plaridel, Bulacan, Agnaya, Bulacan, Plaridel (2026)

30/12/2025

𝐃𝐢𝐬𝐲𝐞𝐦𝐛𝐫𝐞 𝟑𝟎, 𝟐𝟎𝟐𝟓 | 𝐈𝐤𝐚-𝟔 𝐧𝐚 𝐀𝐫𝐚𝐰 𝐧𝐠 𝐏𝐚𝐠𝐝𝐢𝐫𝐢𝐰𝐚𝐧𝐠 𝐬𝐚 𝐏𝐚𝐬𝐤𝐨 𝐧𝐠 𝐏𝐚𝐠𝐬𝐢𝐥𝐚𝐧𝐠

𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐬𝐚 𝐊𝐚𝐫𝐚𝐥𝐚𝐧𝐠𝐚𝐧 𝐧𝐢 𝐒𝐚𝐧𝐭𝐢𝐚𝐠𝐨 𝐀𝐩𝐨𝐬𝐭𝐨𝐥

𝘼𝙣𝙜 𝙈𝙖𝙜𝙞𝙩𝙞𝙣𝙜 𝙖𝙩 𝙈𝙖𝙥𝙖𝙜𝙝𝙞𝙢𝙖𝙡𝙖𝙣𝙜 𝙋𝙞𝙣𝙩𝙖𝙠𝙖𝙨𝙞 𝙣𝙜 𝘽𝙖𝙮𝙖𝙣 𝙣𝙜 𝙋𝙡𝙖𝙧𝙞𝙙𝙚𝙡

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚:
1 Juan 2, 3-11

𝐒𝐚𝐥𝐦𝐨𝐧𝐠 𝐓𝐮𝐠𝐮𝐧𝐚𝐧:
Salmo 95, 1-2a. 2b-3, 5b-6
Magalak ang kalangitan,
at daigdig ay magdiwang.

𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚:
Lucas 2, 22-35

6:30 ng Umaga | Banal na Misa

Punong Tagapagdiwang:
Lub. Kgg. Dennis C. Villarojo, D.D. -
Obispo ng Malolos

at mga kasamang pari

(PAALALA: Ang livestreaming mass ay para sa may sakit na hindi makakadalo sa simbahan. Inaanyayahan ang lahat na magsimba sa ating Parokya.)

______________________________
𝐏𝐋𝐄𝐀𝐒𝐄 𝐋𝐈𝐊𝐄, 𝐅𝐎𝐋𝐋𝐎𝐖 𝐚𝐧𝐝 𝐒𝐇𝐀𝐑𝐄 our Social Media Platforms!
para sa mga kaganapan, gawaing liturhiya at mga anunsyo mula sa ating Parokya.
𝐅𝐚𝐜𝐞𝐛𝐨𝐨𝐤 𝐏𝐚𝐠𝐞: https://www.facebook.com/ParokyaNiSantiagoPlaridel
𝐈𝐧𝐬𝐭𝐚𝐠𝐫𝐚𝐦: https://www.instagram.com/parokyanisantiagoapostol
𝐓𝐢𝐤𝐭𝐨𝐤: https://www.tiktok.com/
𝐘𝐨𝐮𝐭𝐮𝐛𝐞: www.youtube.com/
Halina't Ipalaganap ang Salita ng Diyos sa pamamagitan ng Social Media!

26/11/2025

𝐀𝐋𝐀𝐌𝐈𝐍 𝐀𝐓 𝐏𝐀𝐆𝐋𝐀𝐋𝐈𝐌𝐈𝐍: 𝐑𝐞𝐝 𝐖𝐞𝐝𝐧𝐞𝐬𝐝𝐚𝐲 - 𝐊𝐚𝐡𝐮𝐥𝐮𝐠𝐚𝐧 𝐚𝐭 𝐊𝐚𝐡𝐚𝐥𝐚𝐠𝐚𝐡𝐚𝐧

𝐀𝐧𝐨 𝐚𝐧𝐠 𝐑𝐞𝐝 𝐖𝐞𝐝𝐧𝐞𝐬𝐝𝐚𝐲?

Ang Red Wednesday ay isang taunang pandaigdigang kaganapan ng Simbahang Katolika na ginugunita bilang simbolo ng pagkakaisa sa mga Kristiyanong inuusig, pinahihirapan, at pinapatay dahil sa kanilang pananampalataya. Ito ay inisyatibo ng Aid to the Church in Need (ACN), isang international Catholic charity na nakatuon sa pagtulong sa mga simbahan at mananampalatayang dumaranas ng pag-uusig at kahirapan.

Isinasagawa ang Red Wednesday tuwing Nobyembre, kadalasan sa Miyerkules pagkatapos ng Solemnity of Christ the King. Sa araw na ito, ang mga simbahan, gusali, at monumento sa iba't ibang bansa ay pinapailawan ng kulay p**a, at hinihikayat ang mga mananampalataya na magsuot ng parehong kulay bilang tanda ng pakikiisa at pag-alala.

𝐊𝐚𝐬𝐚𝐲𝐬𝐚𝐲𝐚𝐧 𝐧𝐠 𝐑𝐞𝐝 𝐖𝐞𝐝𝐧𝐞𝐬𝐝𝐚𝐲

Nagsimula ang Red Wednesday sa United Kingdom noong 2016. Nilayon nitong palawakin ang kamalayan sa lumalalang pag-uusig sa mga Kristiyano sa iba't ibang panig ng mundo at sa kasabay nito ay ipagtanggol ang kalayaan sa relihiyon para sa lahat ng tao.

Ang kulay p**a ay pinili bilang simbolo ng dugo ng mga martir—mga Kristiyanong nag-alay ng buhay para sa pananampalataya. Sa unang pagdiriwang, pinailawan ng p**ang ilaw ang ilang bantog na gusali gaya ng Westminster Cathedral sa London, bilang tanda ng panalangin at pakikiisa sa mga biktima ng pag-uusig. Mula noon, kumalat ang selebrasyon sa maraming bansa, kabilang ang Pilipinas, Italya, Poland, at Brazil.

𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐑𝐞𝐝 𝐖𝐞𝐝𝐧𝐞𝐬𝐝𝐚𝐲

Taun-taon, libu-libong simbahan at institusyon ang sumasali sa kampanya ng ACN sa pamamagitan ng mga gawaing tulad ng:
• Pagdaraos ng Misa at panalangin para sa mga Kristiyanong inuusig.
• Pagpapailaw ng mga gusali at simbahan sa kulay p**a.
• Pagdaraos ng seminar at talakayan hinggil sa kalayaan sa relihiyon.
• Pagsuot ng p**ang kasuotan bilang tanda ng pakikiisa.

Ayon sa Vatican News (2024), ang Red Wednesday ay nagsisilbing “panawagan sa konsensya ng mundo” upang kilalanin ang libu-libong Kristiyanong pinapatay o pinagbabawalan dahil sa kanilang pananampalataya.

𝐑𝐞𝐝 𝐖𝐞𝐝𝐧𝐞𝐬𝐝𝐚𝐲 𝐬𝐚 𝐏𝐢𝐥𝐢𝐩𝐢𝐧𝐚𝐬

Sa Pilipinas, unang ipinagdiwang ang Red Wednesday noong 2017 sa pangunguna ng Aid to the Church in Need Philippines. Noong Enero 2020, opisyal itong kinilala ng Catholic Bishops’ Conference of the Philippines (CBCP) bilang taunang pambansang pagdiriwang ng Simbahang Katolika sa bansa.

Simula noon, lahat ng diocese, parokya, at Katolikong institusyon ay hinihikayat na makibahagi. Bawat taon ay may temang pinipili ang Simbahan. Halimbawa, ngayong 2025, ayon sa Archdiocese of Manila (RCAM), ang tema ay: “Living Hope Amidst Suffering”

Ito ay sumasalamin sa pag-asa ng mga mananampalatayang nananatiling matatag sa gitna ng pagdurusa.

Ang mga pangunahing simbahan gaya ng Manila Cathedral, San Agustin Church, at maraming diyosesis sa buong bansa ay lumalahok sa pamamagitan ng mga espesyal na Misa, candle lighting, at mga gawaing panlipunan bilang konkretong pagsasabuhay ng mensahe ng Red Wednesday.

Kahulugan ng Kulay P**a

Ayon sa CBCP News at ACN International, ang kulay p**a sa Red Wednesday ay kumakatawan sa:
1. Dugo ng mga martir – pag-alaala sa mga Kristiyanong nag-alay ng buhay para sa pananampalataya.
2. Katapangan at pag-asa – simbolo ng lakas ng loob na ipagtanggol ang pananampalataya kahit sa harap ng panganib.
3. Pagkakaisa at malasakit – tanda ng pakikiisa ng mga Katoliko sa kanilang kapatid na inuusig sa iba’t ibang bahagi ng mundo.
4.
Sa ganitong diwa, ang Red Wednesday ay hindi lamang paggunita kundi isang panawagan sa pagkilos upang ipagtanggol ang karapatan ng lahat na manampalataya nang may kalayaan.

Mga Sanggunian
- Aid to the Church in Need International – acninternational.org
- Catholic Bishops’ Conference of the Philippines (CBCP) News – cbcpnews.net
- Vatican News – vaticannews.va
- Archdiocese of Manila (RCAM) – rcam.org
- UCA News – ucanews.com

SocCom Researcher: Bro. Joed Gabriel
SocCom Pubmat Editor: Bro. John Rey Castillo
____________________________
𝐏𝐋𝐄𝐀𝐒𝐄 𝐋𝐈𝐊𝐄, 𝐅𝐎𝐋𝐋𝐎𝐖 𝐚𝐧𝐝 𝐒𝐇𝐀𝐑𝐄 our Social Media Platforms!
Para sa mga kaganapan at mga anunsyo mula sa ating Parokya.

𝐅𝐚𝐜𝐞𝐛𝐨𝐨𝐤 𝐏𝐚𝐠𝐞: https://www.facebook.com/ParokyaNiSantiagoPlaridel
𝐈𝐧𝐬𝐭𝐚𝐠𝐫𝐚𝐦: https://www.instagram.com/parokyanisantiagoapostol
𝐓𝐢𝐤𝐭𝐨𝐤: https://www.tiktok.com/
𝐘𝐨𝐮𝐭𝐮𝐛𝐞: www.youtube.com/

Halina't Ipalaganap ang Salita ng Diyos sa pamamagitan ng Social Media.

22/11/2025

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆𝐊𝐀𝐇𝐀𝐑𝐈 𝐍𝐆 𝐏𝐀𝐍𝐆𝐈𝐍𝐎𝐎𝐍𝐆 𝐇𝐄𝐒𝐔𝐊𝐑𝐈𝐒𝐓𝐎 𝐒𝐀 𝐒𝐀𝐍𝐋𝐈𝐁𝐔𝐓𝐀𝐍
Nobyembre 23, 2025

𝐂𝐡𝐫𝐢𝐬𝐭𝐮𝐬 𝐇𝐞𝐫𝐢, 𝐇𝐨𝐝𝐢𝐞, 𝐒𝐞𝐦𝐩𝐞𝐫!
Si Kristo Noon, Ngayon, Bukas, at Magpakailanman!

𝐀𝐥𝐚𝐦𝐢𝐧 𝐚𝐭 𝐏𝐚𝐠𝐥𝐚𝐥𝐢𝐦𝐢𝐧: 𝐀𝐧𝐠 𝐊𝐫𝐢𝐬𝐭𝐨𝐧𝐠 𝐇𝐚𝐫𝐢

Ang Dakilang Kapistahan ng Kristong Hari ay isang mahalagang pagdiriwang sa Simbahang Katolika na ginaganap tuwing huling Linggo ng Nobyembre bilang pagwawakas ng Liturgical Year. Itinatag ito ni Papa Pio XI noong 1925 upang bigyang-diin ang kataas-taasang paghahari ni Hesukristo sa lahat ng nilalang, bilang tugon sa lumalaganap na sekularismo at paghina ng pananampalataya sa Diyos.

Layunin ng kapistahang ito na ipaalala sa mga mananampalataya na ang lahat ng makamundong kaharian ay pansamantala at ang tanging tunay at walang hanggang Hari ay si Kristong Panginoon. Sa kasaysayan at teolohiya, inilalarawan si Jesus bilang Hari, Mesiyas, at Manunubos—ang katuparan ng mga propesiya at Anak ni David na ipinangako sa Lumang Tipan.

Maging sa sinaunang Kristiyanismo, kinilala Siya bilang Pantocrator, ang Makapangyarihang Hari ng sanlibutan. At bagama’t minsang ginamit ang titulong “Hari ng mga Hudyo” bilang pangungutya noong Siya’y ipinako sa krus, ang titulong ito ang higit na nagpamalas ng Kanyang tunay na paghahari—isang paghaharing nakabatay hindi sa kapangyarihang militar o kayamanan, kundi sa pag-ibig, pagkalinga, at kaligtasan.

Sa Pilipinas, ang Kapistahan ng Kristong Hari ay makikita hindi lamang sa liturhiya kundi sa debosyong panrelihiyon at pagpapahayag ng pananampalataya. Sa ilang parokya, gaya ng mga nasa Bulacan at Marikina, ipinagdiriwang ito sa pamamagitan ng novena, prusisyon ng Banal na Sakramento, at iba pang gawaing naglalayong kilalanin si Kristo bilang Hari ng bawat tahanan at pamayanan.

Sa Ebanghelyo ng kapistahang ito, ipinapaalala ni Jesus na ang Kanyang paghahari ay nahahayag sa ating malasakit at paglilingkod, lalo na sa mga pinakaaba. Ayon sa Kanya, “Nang gawin ninyo ito sa pinakahamak sa mga kapatid kong ito, ito ay sa akin ninyo ginawa” (Mateo 25:40). Kaya’t ang tunay na pamumuno ng Hari ay nakikita sa kabutihan, katarungan, at pagmamahal sa kapwa.

Sa huli, ang Dakilang Kapistahan ng Kristong Hari ay paanyaya sa bawat mananampalataya na hayaang maghari si Kristo sa puso, pamilya, at pamayanan. Ang tanda ng Kanyang paghahari ay ang kapayapaang nagmumula sa pag-ibig at ang kabutihang ibinabahagi sa mga nangangailangan—isang kapayapaang tanging Siya lamang ang makapagbibigay at hindi kailanman maihahandog ng anumang bagay sa mundong ito.

Mga Sanggunian:
- Dambana at Pananampalataya. “Kultura: Mabuhay ang Kristong Hari!”
- Our Lady of the Abandoned Parish – Marikina. “Ang Pagdiriwang ng Pagkahari ni Kristo: Istorya at Pagninilay.”

SocCom Pubmat Edito: Sis. Andrea Joy Morante
SocCom Researcher: Bro. Aaron Josh Nicolas

____________________________
𝐏𝐋𝐄𝐀𝐒𝐄 𝐋𝐈𝐊𝐄, 𝐅𝐎𝐋𝐋𝐎𝐖 𝐚𝐧𝐝 𝐒𝐇𝐀𝐑𝐄 our Social Media Platforms!
Para sa mga kaganapan at mga anunsyo mula sa ating Parokya.

𝐅𝐚𝐜𝐞𝐛𝐨𝐨𝐤 𝐏𝐚𝐠𝐞: https://www.facebook.com/ParokyaNiSantiagoPlaridel
𝐈𝐧𝐬𝐭𝐚𝐠𝐫𝐚𝐦: https://www.instagram.com/parokyanisantiagoapostol
𝐓𝐢𝐤𝐭𝐨𝐤: https://www.tiktok.com/
𝐘𝐨𝐮𝐭𝐮𝐛𝐞: www.youtube.com/

Halina't Ipalaganap ang Salita ng Diyos sa pamamagitan ng Social Media.

Address

Agnaya, Bulacan
Plaridel
3004

Telephone

+639234208980

Website

facebook.com

Alerts

Be the first to know and let us send you an email when Bisita ni San Isidro Labrador - Agnaya, Plaridel, Bulacan posts news and promotions. Your email address will not be used for any other purpose, and you can unsubscribe at any time.

Bisita ni San Isidro Labrador - Agnaya, Plaridel, Bulacan