https://www.facebook.com/keen.deocampo?mibextid=LQQJ4d

Camareros de Pitogo, Brgy. Nag-cruz, Pitogo (2026)

24/01/2026

Honoring the life of St. Paul the Apostle — a journey from a fierce persecutor to the ultimate 'Apostle to the Gentiles'. 📖🗡️

His radical transformation on the road to Damascus reminds us that no one is beyond God’s reach. Through tireless missionary journeys, relentless shipwrecks, and imprisonment, his zeal never wavered as he authored nearly half of the New Testament, teaching us that we truly 'walk by faith, not by sight'."

09/01/2026

Pambansang Kapistahan ng
Mahal na Poong Jesus Nazareno
Enero 9

Mahal na Poong Jesus Nazareno, banal ang iyong pangalan, dinadakila at pinapasalamatan Ka namin, nagpapakababa Ka at sumunod sa kalooban ng Ama, pinasan Mo ang krus at nag-alay ng buhay para sa aming kaligtasan.

Tanggapin Mo ang aming dasal at sakripisyo itulot Mo na kaming sumasamo at tumulad sa Iyo, na sumunod ng buong katapatan at pagmamahal, magbahagi ng mabuting balita, magsisi at itakwil ang kasalanan at masama, at maghatid ng awa at kapayapaan sa aming kapwa.

Ipinagkakatiwala namin sa Iyo ang lahat-lahat sa amin, ipinapanalangin namin ang mga nangangailangan ng Iyong tulong, ipinapaubaya namin sa Iyo ang aming mga kahilingan.

(Banggitin ang kahilingan)

Itong aming pagdedebosyon at panata ay lalo nawang magpalapit sa amin sa Iyo at aming kapwa. Upang nagmamahal at nagkakaisa kaming magtaguyod ng Iyong kaharian dito sa lupa hanggang sa langit, na aming tunay na tahanan, kung saan naghahari Ka sa kaluwalhatian magpasawalang hanggan.

Amen.

¡Viva, Nuestro Padre Jesus Nazareno!

Walang hanggang pasasalamat, Mahal na Poong Jesus Nazareno!

Ang nasa larawan ay ang antigong imahen ng Mahal na Poong Jesus Nazareno na lumalahok sa prusisyon tuwing Biyernes Santo sa Parokya ng Pagbabalik-loob ni San Pablo sa Bayan ng Pitogo.

📸: Keen de Ocampo

27/12/2025

Kapistahan ni San Juan Apostol at Evangelista
Disyembre 27

Panalangin

O maluwalhating San Juan, apostol at ebanghelista, ikaw na nag-niningning sa pamamagitan ng ganap na liwanag, sa iyo nabubunyag ang dakilang katotohanan mula sa langit. Sa iyo naipahayag ang pakikidigma ng Simbahan ng Diyos laban sa lahat ng uri ng kaaway. Ipagkaloob mo sa amin San Juan, ikaw na banal at malinis, ang biyaya upang kami’y makapamuhay ng laging tapat sa simbahan, bilang tunay na mga anak ng Diyos, at makapamuhay din naman nang may tapat na paglilingkod para sa lalong ikaluluwalhati ng Diyos, para sa pag-ibig kay Hesus at para sa kapakanan ng buong sanlibutan. Amen.

San Juan Evangelista, Ipanalangin mo kami.

Ang nasa larawan ay ang antigong imahen ni San Juan na lumalahok sa prusisyon tuwing Biyernes Santo sa Parokya ng Pagbabalik-loob ni San Pablo sa Bayan ng Pitogo.

Camarera: Ma'am Asuncion Origeneza (+) na nasa pangangalaga ni G. Rofel Ysidore P. Bontoc at Pamilya.

08/12/2025

Dakilang Kapistahan ng Inmaculada Conception
Disyembre 8

O kalinis-linisang Birhen at mapagkandiling Ina, buhat sa aming abang kalagayan at pagkakasadlak sa kasalanan ay ipinagmamakaamo namin sa iyo na pagdalitaang dinggin ang aming mga karaingan at tapunan kami ng sulyap ng mga mata mong maawain.

O batis ng awa, marapatin mo pong dinggin ang pagdarasal naming ito upang maging daan ng ipagtatamo namin ng iyong masaganang biyaya, hindi lamang para sa aming katawan kundi lalung-lalo ng mga makasalanan at ikapapanuto nitong aming bansa, alang-alang sa walang hanggang kaluwalhatian ng Diyos. Siya nawa.

Virgen Inmaculada Concepcion,
Ipanalangin mo kami.

30/10/2025

Bilang patunay ng matatag na debosyon at taos-pusong pagmamahal ng mga Pitogohin sa Mahal na Birheng Maria, at bilang pakikiisa sa pagdiriwang ng Buwan ng Santo Rosaryo, isang maringal at puspos ng pananampalatayang Misa at Prusisyon ang isinagawa ngayong Oktubre 30, 2025.

Sa bawat hakbang ng prusisyon ay dama ang taimtim na panalangin at pagdakila sa Ina ng Diyos—ang ilaw at patnubay ng bawat mananampalataya. Pagkatapos ng banal na pagdiriwang ay isinagawa ang koronasyon sa imahen ng Mahal na Birhen ng Sto. Rosario, kasabay ng pag-aalay ng mga bulaklak bilang sagisag ng pag-ibig, paggalang, at walang hanggang pagtanaw ng utang na loob ng sambayanang Pitogohin.

Isang araw ng pananampalataya, pagninilay, at pagkakaisa—isang patunay na ang pusong Pitogohin ay tunay na maka-Ina at maka-Diyos.

Viva la Virgen!!!

Conversionof Stpaul Parish

29/10/2025

PAANYAYA AT PABATID

Sa ngalan ng debosyon at pananampalataya, malugod po naming kayong inaanyayahan sa isang banal na gawain ng Pagpaparangal sa Mahal na Birhen ng Sto. Rosario bukas, ika-30 ng Oktubre 2025.

Isasagawa sa ganap na:

3:00 ng hapon – Pagdarasal ng Sto. Rosaryo
4:00 ng hapon – Banal na Misa
5:00 ng hapon – Prusisyon

Pagkatapos ng prusisyon, magkakaroon po ng Pagkokorona at Pag-aalay ng mga Bulaklak sa Mahal na Birhen bilang tanda ng ating pag-ibig at paggalang sa Kanya.

Hinihikayat po ang lahat na magdala ng mga bulaklak bilang handog sa ating Ina ng Sto. Rosario.

Tayo po ay magsama-sama sa isang makabuluhan at puspos ng pananalig na pagdiriwang upang ipahayag ang ating paggalang, pasasalamat, at pagmamahal sa Mahal na Birhen.

“Sa Mahal na Birhen, ating Ina, ating tanglaw — buong pusong debosyon ang ating ialay.”

Conversionof Stpaul Parish

27/10/2025

Kapistahan ni San Judas Tadeo
Oktubre 28

O maluwalhating Apostol San Judas Tadeo, ipanalangin mo akong labis na kaaba-aba. Gamitin mo ang iyong natatanging kaloob na mabilis na tumugon sa lahat ng humihingi ng tulong sa iyo. Saklolohan mo ako upang makatanggap ako ng kaginhawahan ng loob mula sa langit sa lahat ng aking mga pangangailangan, pagsubok at pagdurusa, lalung-lalo na sa kagipitang dinaranas ko ngayon... (Banggitin ang panalangin) Ipagkaloob mong purihin ko ang Diyos kasama mo at lahat ng mga banal magpakailanman. Amen.

San Judas Tadeo, ipanalangin mo kami!

Ang imahen ng San Judas Tadeo na inilalabas sa Conversionof Stpaul Parish ay nasa pangangalaga ng Pamilya Buñag.

22/10/2025

Tradisyunal na Araw ng Paggunita kay Santa Maria Salome
Oktubre 22

O mapagpalang Santa Maria Salome, tapat na alagad ni Hesus at ina ng mga banal na apostol Santiago at Juan, ikaw na buong pusong naglingkod sa Panginoon at nanatiling matatag sa harap ng Kanyang krus, ipanalangin mo kami. Tulungan mo kaming maging matapat na tagasunod ni Kristo, lalo na sa oras ng pagsubok at dalamhati. Turuan mo kami ng kababaang-loob, pananampalataya, at katapatan sa aming paglilingkod sa Diyos at sa kapwa. Nawa'y tulad mo, makita namin ang liwanag ng muling pagkabuhay ni Kristo sa gitna ng aming mga takot at pagdududa. Santa Maria Salome, ina ng pananampalataya, ipanalangin mo kami kay Hesus na aming Panginoon. Amen.

Santa Maria Salome, ipanalangin mo kami.

Ang imahen ng SANTA MARIA SALOME
na inilalabas sa Conversionof Stpaul Parish
ay nasa pangangalaga nina G. at Gng. Gene Sto. Domingo at Pamilya / Gng. Carolina B. Amon at Pamilya.

07/10/2025

Kapistahan ng Mahal na Birhen ng Santo Rosaryo
Oktubre 7

O Reyna ng Pilipinas
Sa iyong mga mapagkalingang kamay, tangan-tangan mo si Hesus na aming Panginoon, aming Hari at Tagapagligtas. Tangan-tangan mo siya upang aming sambahin at paglingkuran, upang aming mahalin at gawing sandigan ng aming kaligtasan. O aming Ina at Reyna, munti ang aming mga puso subalit dakila ang aming pagmanahal. Hinihiling namin na dalawin mo kami, at sa ami'y manahan ang iyong Anak; upang makaisa kami sa iyong piling, upang mapuspos kami ng iyong pag-ibig at patnubay, upang akayin kami sa walang hanggang Fiat at Magnificat sa Diyos na Makapangyarihan. Amen

Kupkupin mo kami sa iyong pagkakandili, O Reyna ng Santo Rosaryo. Huwag mo kaming siphayuin sa aming pagluhog, bagkus ipag-adya mo kami sa lahat ng panganib at kasamaan. O maluwalhati at pinagpalang Birhen. Amen.

Mahal na Birhen ng Santo Rosaryo, ipanalangin mo kami at ang buong mundo.

Viva La Virgen!

Ang imahen ay nasa pangangalaga nina Gng. Evelyn Rios at Harry Yu

📸: Rofel Ysidore Bontoc
Edited by Keen de Ocampo

25/09/2025

𝗢𝗥𝗔𝗧𝗜𝗢 𝗜𝗠𝗣𝗘𝗥𝗔𝗧𝗔 𝗣𝗔𝗥𝗔 𝗦𝗔 𝗞𝗔𝗟𝗔𝗠𝗜𝗗𝗔𝗗

𝘚𝘢 𝘯𝘨𝘢𝘭𝘢𝘯 𝘯𝘨 𝘈𝘮𝘢, 𝘢𝘵 𝘯𝘨 𝘈𝘯𝘢𝘬, 𝘢𝘵 𝘯𝘨 𝘌𝘴𝘱𝘪𝘳𝘪𝘵𝘶 𝘚𝘢𝘯𝘵𝘰. 𝘈𝘮𝘦𝘯.

𝘈𝘮𝘢𝘯𝘨 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯
𝘯𝘪𝘭𝘪𝘬𝘩𝘢 𝘔𝘰 𝘢𝘵 𝘯𝘪𝘭𝘢𝘨𝘺𝘢𝘯 𝘯𝘨 𝘬𝘢𝘢𝘺𝘶𝘴𝘢𝘯
𝘢𝘯𝘨 𝘮𝘶𝘯𝘥𝘰𝘯𝘨 𝘸𝘢𝘭𝘢𝘯𝘨 𝘩𝘶𝘨𝘪𝘴 𝘴𝘢 𝘴𝘪𝘮𝘶𝘭𝘢.
𝘕𝘢𝘯𝘨 𝘢𝘯𝘨 𝘮𝘨𝘢 𝘢𝘭𝘢𝘨𝘢𝘥 𝘯𝘨 𝘪𝘺𝘰𝘯𝘨 𝘈𝘯𝘢𝘬
𝘢𝘺 𝘯𝘢𝘩𝘢𝘳𝘢𝘱 𝘴𝘢 𝘮𝘢𝘭𝘢𝘬𝘢𝘴 𝘯𝘢 𝘶𝘯𝘰𝘴 𝘴𝘢 𝘥𝘢𝘨𝘢𝘵 𝘴𝘢 𝘎𝘢𝘭𝘪𝘭𝘦𝘢, 𝘐𝘯𝘶𝘵𝘶𝘴𝘢𝘯 𝘯𝘪𝘺𝘢𝘯𝘨 𝘩𝘶𝘮𝘪𝘯𝘵𝘰 𝘪𝘵𝘰.
𝘈𝘯𝘨 𝘶𝘯𝘰𝘴 𝘢𝘺 𝘵𝘶𝘮𝘢𝘭𝘪𝘮𝘢
𝘢𝘵 𝘢𝘯𝘨 𝘮𝘨𝘢 𝘢𝘭𝘢𝘨𝘢𝘥 𝘢𝘺 𝘯𝘢𝘱𝘢𝘯𝘢𝘵𝘢𝘨.

𝘕𝘨𝘢𝘺𝘰𝘯𝘨 𝘬𝘢𝘮𝘪’𝘺 𝘯𝘢𝘩𝘢𝘩𝘢𝘳𝘢𝘱 𝘴𝘢 𝘪𝘴𝘢𝘯𝘨 𝘬𝘢𝘭𝘢𝘮𝘪𝘥𝘢𝘥,
𝘥𝘢𝘴𝘢𝘭 𝘯𝘢𝘮𝘪’𝘺 𝘪𝘱𝘢𝘨𝘴𝘢𝘯𝘨𝘨𝘢𝘭𝘢𝘯𝘨 𝘬𝘢𝘮𝘪
𝘴𝘢 𝘩𝘢𝘨𝘶𝘱𝘪𝘵 𝘯𝘨 𝘶𝘯𝘰𝘴 𝘢𝘵 𝘱𝘪𝘯𝘴𝘢𝘭𝘢𝘯𝘨 𝘥𝘶𝘭𝘰𝘵 𝘯𝘨 𝘣𝘢𝘨𝘺𝘰,
𝘣𝘪𝘨𝘺𝘢𝘯 𝘯𝘨 𝘬𝘢𝘱𝘢𝘯𝘢𝘵𝘢𝘨𝘢𝘯 𝘢𝘯𝘨 𝘢𝘮𝘪𝘯𝘨 𝘬𝘢𝘭𝘰𝘰𝘣𝘢𝘯
𝘢𝘵 𝘴𝘢 𝘪𝘺𝘰𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯,
𝘪𝘣𝘢𝘭𝘪𝘬 𝘢𝘯𝘨 𝘬𝘢𝘢𝘺𝘶𝘴𝘢𝘯 𝘢𝘵 𝘬𝘢𝘱𝘢𝘺𝘢𝘱𝘢𝘢𝘯
𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘏𝘦𝘴𝘶𝘬𝘳𝘪𝘴𝘵𝘰
𝘬𝘢𝘴𝘢𝘮𝘢 𝘯𝘨 𝘌𝘴𝘱𝘪𝘳𝘪𝘵𝘶 𝘚𝘢𝘯𝘵𝘰 𝘮𝘢𝘨𝘱𝘢𝘴𝘢𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.

𝘕. 𝘗𝘢𝘯𝘨𝘪𝘯𝘰𝘰𝘯 𝘯𝘢𝘮𝘪𝘯𝘨 𝘋𝘪𝘺𝘰𝘴, 𝘪𝘱𝘢𝘬𝘪𝘵𝘢 𝘔𝘰 𝘯𝘢 𝘢𝘯𝘨 𝘪𝘺𝘰𝘯𝘨 𝘱𝘢𝘨-𝘪𝘣𝘪𝘨 𝘔𝘰𝘯𝘨 𝘸𝘢𝘨𝘢𝘴.
𝘉. 𝘒𝘢𝘮𝘪 𝘢𝘺 𝘭𝘪𝘯𝘨𝘢𝘱𝘪𝘯 𝘢𝘵 𝘴𝘢 𝘬𝘢𝘩𝘪𝘳𝘢𝘱𝘢𝘯 𝘢𝘺 𝘐𝘺𝘰𝘯𝘨 𝘪𝘭𝘪𝘨𝘵𝘢𝘴.

San Pablo Apostol, ipanalangin mo po kami!

📷: Keen de Ocampo

14/09/2025

Kapistahan ng Mahal na Birhen ng Hapis
Setyembre 15

Aba Ginoong Maria, napupuno ka ng hapis, ang nagpakasakit na ipinako sa Krus ay sumasaiyo, bukod kang namighati sa babaeng lahat at tanging kaisa ka naman sa Mahal na
Pasyon ng iyong Anak na si Jesus.

Santa Maria Ina na Manunubos, bahaginan mo
Kami ng iyong pagpapakasakit.
Ipanalangin mo kaming mga makasalanan na naging dahilan ng pagkapako Niya sa
Krus, ngayon at sa oras ng aming kamatayan
Amen.

Mahal na Birhen ng Hapis,
Ipanalangin mo kami.

Ang imahen ay nasa pangangalaga ng Pamilya Jaranilla.

📸: Keen de Ocampo

Camareros de Pitogo

24/01/2026

09/01/2026

27/12/2025

08/12/2025

30/10/2025

29/10/2025

27/10/2025

22/10/2025

07/10/2025

25/09/2025

14/09/2025

Address

Website

Alerts

Contact The Place Of Worship

Shortcuts

Share

Category