https://www.facebook.com/1018651631341169/

San Isidro Labrador - Diwa Chapel, Diwa, Bataan, Pilar (2026)

15/08/2026

𝗜𝗡 𝗣𝗛𝗢𝗧𝗢𝗦 | 𝘗𝘢𝘨𝘯𝘪𝘯𝘪𝘭𝘢𝘺 𝘢𝘵 𝘗𝘢𝘯𝘢𝘭𝘢𝘯𝘨𝘪𝘯 𝘴𝘢 𝘚𝘢𝘯𝘵𝘰 𝘙𝘰𝘴𝘢𝘳𝘺𝘰

Sa diwa ng pananampalataya at pagkakaisa, nagsama-sama ngayong araw ang mga Marellos at Marelletes ng Barangay Diwa kasama ang kanilang mga Aspirants upang taimtim na manalangin ng Santo Rosaryo sa ating Kapilya.

Kasabay ng paggunita sa Dakilang Kapistahan ng Pag-aakyat sa Langit sa Mahal na Birheng Maria (
(𝙎𝙤𝙡𝙚𝙢𝙣𝙞𝙩𝙮 𝙤𝙛 𝙩𝙝𝙚 𝘼𝙨𝙨𝙪𝙢𝙥𝙩𝙞𝙤𝙣 𝙤𝙛 𝙩𝙝𝙚 𝘽𝙡𝙚𝙨𝙨𝙚𝙙 𝙑𝙞𝙧𝙜𝙞𝙣 𝙈𝙖𝙧𝙮), inialay natin ang ating panalangin bilang pagpapahayag ng pagmamahal at debosyon sa ating Mahal na Ina.

Nawa’y patuloy na gabayan ni Maria ang ating mga kabataan sa kanilang paglilingkod, pananampalataya, at paglalakbay patungo kay Kristo.

Mahal na Birheng Maria, Ina ng Diyos at Ina namin, ipanalangin mo kami.

07/08/2026

𝐏𝐀𝐁𝐀𝐁𝐀𝐓𝐈𝐃 𝐏𝐀𝐑𝐀 𝐒𝐀 𝐁𝐀𝐍𝐀𝐋 𝐍𝐀 𝐌𝐈𝐒𝐀

“Ang Panginoon ang ating kanlungan at lakas, isang handang saklolo sa panahon ng kagipitan." — Awit 46:1

Dahil sa patuloy na pag-ulan dulot ng bagyo at bilang pag-iingat sa kaligtasan, kalusugan, at kapakanan ng bawat isa, ang nakatakdang Banal na Misa bukas, Agosto 8, 2026 (Sabado) sa San Isidro Labrador Chapel ay pansamantalang kinakansela.

Ang ating kaligtasan ay isang mahalagang biyaya na dapat nating pangalagaan. Sa ganitong pagkakataon, hinihikayat po ang lahat na manatili muna sa ligtas na lugar at patuloy na manalangin para sa proteksyon ng ating mga pamilya at buong pamayanan.

Bagama’t hindi man po matutuloy ang pagdiriwang ng Banal na Misa sa ating minamahal na kapilya, ang ating pananampalataya at pagkakaisa bilang sambayanan ng Diyos ay patuloy na mananatili. Sa kabila ng mga pangyayare, inaanyayahan parin po ang lahat na makiisa sa Banal na Misa ngayong darating na Linggo sa ating Parokya ng, Nagwaling, Pilar, Bataan.

🕖 7:00 ng umaga — Unang Banal na Misa
🕗 8:15 ng umaga — Ikalawang Banal na Misa
📍 San Isidro Parish — Nagwaling, Pilar, Bataan

Nawa’y sa gitna ng malakas na ulan at pagsubok ng panahon, patuloy nating maranasan ang presensya ng Panginoon na nagbibigay ng lakas, pag-asa, at kapanatagan sa bawat isa.

Maraming salamat po sa inyong pang-unawa at pakikiisa. Manatili po tayong ligtas, maging mapagmatyag, at patuloy na manalangin.

Pagpalain at ingatan nawa tayo ng ating Panginoon. 🙏

02/08/2026

𝐇𝐎𝐍𝐎𝐑𝐈𝐍𝐆 𝐎𝐔𝐑 𝐁𝐄𝐋𝐎𝐕𝐄𝐃 𝐏𝐑𝐈𝐄𝐒𝐓𝐒

"I will give you shepherds after my own heart, who will lead you with knowledge and understanding."
— Jeremiah 3:15

Sa paggunita kay St. John Mary Vianney, Patron ng mga Parish Priest, buong pasasalamat nating ipinagdiriwang ang Priest's Day bilang pagkilala sa mga pari na buong pusong nag-alay ng kanilang buhay sa paglilingkod sa Diyos at sa Kanyang Simbahan.

Sa araw na ito, taos-puso naming binabati ang aming mga minamahal na pari 𝗥𝗘𝗩. 𝗙𝗥. 𝗚𝗘𝗥𝗔𝗟𝗗 𝗦. 𝗖𝗨𝗘𝗡𝗖𝗔, 𝗢𝗦𝗝 at 𝗥𝗘𝗩. 𝗙𝗥. 𝗥𝗢𝗠𝗘𝗢 𝗧. 𝗣𝗢𝗥𝗡𝗘𝗟, 𝗢𝗦𝗝.

Maraming salamat po sa inyong tapat na paggabay sa aming pamayanang Kristiyano, sa inyong walang sawang pangangaral ng Salita ng Diyos, at sa patuloy ninyong paglilingkod sa pamamagitan ng Banal na Eukaristiya at ng mga Sakramento. Ang inyong buhay at bokasyon ay nagsisilbing inspirasyon upang lalo naming mahalin at paglingkuran ang Panginoon.

Dalangin namin na patuloy kayong pagpalain ng Diyos ng lakas, karunungan, mabuting kalusugan, at kagalakan sa inyong bokasyon. Nawa'y sa pamamagitan ng panalangin ni St. John Mary Vianney, manatili kayong mga tapat na pastol na umaakay sa sambayanan ng Diyos nang may pag-ibig, kababaang-loob, at katapatan.

Mula sa buong pamayanan ng San Isidro Labrador Chapel – Diwa, Pilar, Bataan, taos-puso naming ipinapaabot ang aming pagmamahal, paggalang, at panalangin para sa inyo.

𝗛𝗮𝗽𝗽𝘆 𝗣𝗿𝗶𝗲𝘀𝘁'𝘀 𝗗𝗮𝘆, 𝗙𝗮𝘁𝗵𝗲𝗿𝘀!🤍

"A priest is not his own; he belongs to Christ and to His Church."

02/08/2026

𝐈𝐍 𝐓𝐇𝐀𝐍𝐊𝐒𝐆𝐈𝐕𝐈𝐍𝐆 𝐅𝐎𝐑 𝐓𝐇𝐄 𝐆𝐈𝐅𝐓 𝐎𝐅 𝐓𝐇𝐄 𝐏𝐑𝐈𝐄𝐒𝐓𝐇𝐎𝐎𝐃

"The harvest is plentiful, but the laborers are few."
— Matthew 9:37

Sa pagdiriwang ng 𝗣𝗿𝗶𝗲𝘀𝘁'𝘀 𝗗𝗮𝘆, at kasabay ng paggunita kay 𝗦𝘁. 𝗝𝗼𝗵𝗻 𝗠𝗮𝗿𝘆 𝗩𝗶𝗮𝗻𝗻𝗲𝘆, ang Patron ng mga Parish Priest, buong pusong nagbibigay-pugay at taos-pusong nagpapasalamat tayo sa lahat ng mga pari na buong buhay na tumugon sa tawag ng Panginoon upang maging mga lingkod ng Kanyang Simbahan.

Ang kanilang bokasyon ay isang dakilang kaloob sa sambayanan ng Diyos. Sa bawat pagdiriwang ng Banal na Misa, sa bawat Sakramento na kanilang ipinagkakaloob, sa bawat panalangin, paggabay, at sakripisyong tahimik nilang iniaalay, patuloy nilang inilalapit ang bawat mananampalataya kay Kristo at pinatitibay ang ating pananampalataya.

Sa natatanging araw na ito, buong galak naming binabati ang aming minamahal na mga pari, 𝗥𝗲𝘃. 𝗙𝗿. 𝗚𝗲𝗿𝗮𝗹𝗱 𝗦. 𝗖𝘂𝗲𝗻𝗰𝗮, 𝗢𝗦𝗝 at 𝗥𝗲𝘃. 𝗙𝗿. 𝗥𝗼𝗺𝗲𝗼 𝗧. 𝗣𝗼𝗿𝗻𝗲𝗹, 𝗢𝗦𝗝.

Maraming salamat po sa inyong tapat, mapagkumbaba, at masigasig na paglilingkod sa Simbahan at sa sambayanan ng Diyos. Nawa'y sa pamamagitan ng panalangin at halimbawa ni St. John Mary Vianney, patuloy kayong pagkalooban ng Panginoon ng lakas, karunungan, mabuting kalusugan, at masaganang biyaya upang lalo pa ninyong maipagpatuloy ang misyong ipinagkatiwala sa inyo.

Patuloy po naming idinadalangin na pagpalain at ingatan kayo ng Diyos sa bawat hakbang ng inyong bokasyon. Nawa'y manatili kayong mga tapat na pastol, mapagpakumbabang lingkod, at buhay na saksi ng pag-ibig ni Kristo sa Kanyang Simbahan.

𝗛𝗔𝗣𝗣𝗬 𝗣𝗥𝗜𝗘𝗦𝗧'𝗦 𝗗𝗔𝗬! 🤍

"Thank you for being faithful shepherds, humble servants, and living witnesses of Christ's love."

26/07/2026

"Kapag ang Diyos ang ating priority, lagi nating mararamdaman ang presence Niya. Lagi Niya tayong aakayin patungo sa kaginhawaan, Sapagkat siya ang magtuturo sa atin ng daan patungo sa luntiang buhay na walang hanggan."

— 𝗥𝗲𝗯. 𝗣𝗮𝗱𝗿𝗲 𝗚𝗲𝗿𝗮𝗹𝗱 𝗖𝘂𝗲𝗻𝗰𝗮, 𝗢𝗦𝗝

Nawa'y patuloy nating unahin ang Diyos sa ating buhay at magtiwala sa Kanyang walang hanggang pag-ibig at paggabay.

15/07/2026

10 Reasons Why You Should Arrive Early for Mass

Many Catholics rush into church at the last minute, and some even arrive after Mass has already begun. While life can be busy, arriving early for Mass is a beautiful habit that can deepen your worship and strengthen your relationship with God.

Here are 10 reasons why arriving early matters:

🔹 1. You Prepare Your Heart for Worship
Mass is not just another event on your schedule. Arriving early gives you time to quiet your mind and prepare your heart to encounter Christ.

🔹 2. You Can Pray Before Mass Begins
The church is a sacred place. Arriving early allows you to spend a few moments in personal prayer before entering into the liturgy.

🔹 3. You Show Reverence for the Eucharist
Catholics believe that Jesus is truly present in the Blessed Sacrament. Coming early is one way of showing respect for the Lord whom you have come to worship.

🔹 4. You Avoid Distractions
Rushing through the doors at the last minute can leave you stressed and distracted. Arriving early helps you focus on God instead of worrying about what you missed.

🔹 5. You Participate in the Entire Mass
Every part of the Mass has meaning. By arriving early, you ensure that you are present from the very beginning of the sacred celebration.

🔹 6. You Set a Good Example for Others
Children, family members, and fellow parishioners notice our habits. Your punctuality can encourage others to treat Mass with greater reverence.

🔹 7. You Have Time for an Examination of Conscience
Before Mass, you can reflect on your week, thank God for His blessings, and ask forgiveness for your sins.

🔹 8. You Enter into the Sacred Atmosphere
The moments before Mass are often filled with silence, prayer, and recollection. Arriving early allows you to enter into this sacred atmosphere rather than interrupt it.

🔹 9. You Demonstrate Love for God
When we truly value something, we make time for it. Arriving early is a simple but meaningful way of showing that God comes first.

🔹 10. The Saints Encouraged It
Many saints emphasized the importance of preparing well for Holy Mass. They understood that proper preparation helps us receive greater spiritual fruits from the liturgy.

✨ Mass is the highest form of worship on earth. If we arrive early for work meetings, appointments, and social events, how much more should we strive to arrive early for the Holy Sacrifice of the Mass?

Next Sunday, try arriving 10–15 minutes early. You may be surprised by how much more peaceful, prayerful, and meaningful your experience of Mass becomes.

14/07/2026

📖 𝗣𝗔𝗚𝗡𝗜𝗡𝗜𝗟𝗔𝗬 𝟔 | 𝗔𝗻𝗴 𝗞𝗮𝗯𝗮𝗻𝗮𝗹𝗮𝗻 𝗻𝗴 𝗣𝗮𝗸𝗶𝗸𝗶𝗽𝗮𝗴𝗸𝗮𝗽𝘄𝗮

"𝘒𝘢𝘱𝘢𝘨 𝘩𝘪𝘯𝘥𝘪 𝘮𝘰 𝘯𝘢 𝘬𝘢𝘺𝘢𝘯𝘨 𝘮𝘢𝘨𝘵𝘪𝘸𝘢𝘭𝘢 𝘴𝘢 𝘵𝘢𝘰 𝘥𝘢𝘩𝘪𝘭 𝘴𝘢 𝘱𝘢𝘶𝘭𝘪𝘵-𝘶𝘭𝘪𝘵 𝘯𝘢 𝘱𝘢𝘨𝘬𝘢𝘣𝘪𝘨𝘰, 𝘵𝘢𝘯𝘥𝘢𝘢𝘯 𝘮𝘰𝘯𝘨 𝘮𝘢𝘺 𝘐𝘴𝘢𝘯𝘨 𝘭𝘢𝘨𝘪𝘯𝘨 𝘩𝘢𝘯𝘥𝘢𝘯𝘨 𝘮𝘢𝘬𝘪𝘯𝘪𝘨 𝘢𝘵 𝘩𝘪𝘯𝘥𝘪 𝘬𝘢 𝘬𝘢𝘪𝘭𝘢𝘯𝘮𝘢𝘯 𝘱𝘢𝘣𝘢𝘣𝘢𝘺𝘢𝘢𝘯 (𝘈𝘯𝘨 𝘋𝘪𝘺𝘰𝘴)"

Ito ang makabuluhang pagninilay na ibinahagi ni 𝙅𝙈 𝙈𝙖𝙜𝙨𝙞𝙣𝙤, isang 𝘾𝙝𝙖𝙥𝙚𝙡 𝙔𝙤𝙪𝙩𝙝 𝙎𝙚𝙧𝙫𝙖𝙣𝙩 ng Barangay Diwa, sa ating Panalangin at Pagninilay ng mga Kabataan.

Sa kanyang pagbabahagi, ipinaalala niya na habang tayo'y lumalago sa buhay, nakakatagpo tayo ng mga taong nagiging bahagi ng ating paglalakbay. May mga taong nagbibigay ng saya at lakas ng loob, ngunit mayroon ding mga pagkakataong nasasaktan tayo dahil sa pagtataksil, pagkabigo, o pagkawala ng tiwala.

Ngunit sa kabila ng lahat ng ito, may Isang hindi kailanman nagbabago, ang Diyos. Siya ang laging handang makinig sa bawat panalangin, umunawa sa bawat sugat ng ating puso, at samahan tayo sa bawat pagsubok. Kapag tila wala nang taong mapagsasabihan o mapagkakatiwalaan, naroon Siya, naghihintay lamang na tayo ay lumapit sa Kanya.

Nawa'y maging paalala ang pagninilay na ito na ang kabanalan ng pakikipagkapwa ay nagsisimula sa ating ugnayan sa Diyos. Kapag natutunan nating magtiwala sa Kanya, magkakaroon tayo ng lakas na magmahal, magpatawad, at muling magtiwala sa tamang panahon.

Hindi man palaging maging tapat ang tao, ang Diyos ay mananatiling tapat. Hindi man palaging may makinig sa atin, ang Diyos ay laging naroon, handa tayong yakapin, gabayan, at mahalin.

✠ 𝗕𝗔𝗡𝗔𝗟 𝗡𝗔 𝗠𝗔𝗚-𝗔𝗡𝗔𝗞 𝗡𝗚 𝗡𝗔𝗭𝗔𝗥𝗘𝗧𝗛, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙈𝙤 𝙠𝙖𝙢𝙞.

14/07/2026

📖 𝗣𝗔𝗚𝗡𝗜𝗡𝗜𝗟𝗔𝗬 𝟓 | 𝗔𝗻𝗴 𝗞𝗮𝘆𝗮𝗺𝗮𝗻𝗮𝗻 𝗻𝗴 𝗞𝗮𝗽𝗮𝘆𝗮𝗽𝗮𝗮𝗻

"𝘚𝘢𝘯𝘢 𝘩𝘪𝘯𝘥𝘪 𝘴𝘢 𝘮𝘨𝘢 𝘮𝘢𝘵𝘦𝘳𝘺𝘢𝘭 𝘯𝘢 𝘣𝘢𝘨𝘢𝘺 𝘯𝘢𝘵𝘪𝘯 𝘩𝘢𝘯𝘢𝘱𝘪𝘯 𝘢𝘯𝘨 𝘺𝘢𝘮𝘢𝘯 𝘢𝘵 𝘵𝘢𝘨𝘶𝘮𝘱𝘢𝘺, 𝘬𝘶𝘯𝘥𝘪 𝘴𝘢 𝘮𝘨𝘢 𝘴𝘪𝘮𝘱𝘭𝘦𝘯𝘨 𝘣𝘪𝘺𝘢𝘺𝘢 𝘯𝘨 𝘣𝘶𝘩𝘢𝘺, 𝘴𝘢 𝘱𝘢𝘨𝘮𝘢𝘮𝘢𝘩𝘢𝘭, 𝘢𝘵 𝘴𝘢 𝘱𝘢𝘨𝘪𝘨𝘪𝘯𝘨 𝘮𝘢𝘭𝘢𝘱𝘪𝘵 𝘴𝘢 𝘗𝘢𝘯𝘨𝘪𝘯𝘰𝘰𝘯."

Ito ang makahulugang pagninilay na ibinahagi ni 𝙅𝙞𝙖𝙝 𝙇𝙚𝙯𝙚𝙩𝙩𝙚 𝙈𝙚𝙙𝙞𝙣𝙖, 𝙎𝙚𝙘𝙧𝙚𝙩𝙖𝙧𝙮 𝙤𝙛 𝙅𝙤𝙨𝙚𝙥𝙝 𝙈𝙖𝙧𝙚𝙡𝙡𝙤 𝙔𝙤𝙪𝙩𝙝 - 𝙎𝙄𝙋 𝙉𝙖𝙜𝙬𝙖𝙡𝙞𝙣𝙜.

Sa isang mundong madalas sumusukat ng tagumpay sa dami ng ating pag-aari, pinaalalahanan tayo ng pagninilay na ito na ang tunay na kayamanan ay hindi nasusukat sa materyal na bagay, kundi sa kapayapaang nagmumula sa Diyos, sa pag-ibig na ating naibabahagi, at sa pusong nananatiling malapit sa Kanya.

Ang pinakadakilang biyaya ay hindi ang magkaroon ng higit kaysa sa iba, kundi ang mamuhay nang may pasasalamat sa mga simpleng pagpapala, magmahal nang tapat, at matagpuan ang tunay na kapayapaan sa presensya ng Panginoon.

Nawa'y maging paalala sa ating lahat na ang pinakamahalagang kayamanang maaari nating taglayin ay ang pusong puno ng pananampalataya, pag-ibig, at kapayapaan, mga biyayang hindi kailanman maaagaw ng anumang kayamanan sa mundo.

✠ 𝗕𝗔𝗡𝗔𝗟 𝗡𝗔 𝗠𝗔𝗚-𝗔𝗡𝗔𝗞 𝗡𝗚 𝗡𝗔𝗭𝗔𝗥𝗘𝗧𝗛, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙈𝙤 𝙠𝙖𝙢𝙞.

14/07/2026

📖 𝗣𝗔𝗚𝗡𝗜𝗡𝗜𝗟𝗔𝗬 𝟒 | 𝗔𝗻𝗴 𝗗𝗶𝘆𝗼𝘀 𝘀𝗮 𝗺𝗴𝗮 𝗪𝗮𝗹𝗮𝗻𝗴 𝗣𝗮𝗻𝗴𝗮𝗹𝗮𝗻

"𝘔𝘢𝘵𝘢 𝘴𝘢 𝘭𝘢𝘯𝘨𝘪𝘵.
𝘗𝘢𝘢 𝘴𝘢 𝘭𝘶𝘱𝘢.
𝘔𝘢𝘵𝘶𝘵𝘰𝘯𝘨 𝘮𝘢𝘨𝘱𝘢𝘬𝘶𝘮𝘣𝘢𝘣𝘢.
𝘔𝘢𝘨𝘪𝘯𝘨 𝘮𝘢𝘣𝘶𝘵𝘪𝘯𝘨 𝘩𝘢𝘭𝘪𝘮𝘣𝘢𝘸𝘢."

Ito ang naging makabuluhang pagninilay na ibinahagi ni 𝙍𝙚𝙞 𝘾𝙡𝙖𝙧𝙚𝙣𝙘𝙚 𝘼𝙣𝙖𝙨𝙩𝙖𝙘𝙞𝙤 - 𝙂𝙧𝙖𝙣𝙙 𝘾𝙝𝙖𝙣𝙘𝙚𝙡𝙡𝙤𝙧 𝙤𝙛 𝙈&𝙈 - 𝙉𝙖𝙜𝙬𝙖𝙡𝙞𝙣𝙜.

Sa kanyang pagbabahagi, ipinaalala niya na ang tunay na pag-ibig ay nakikita sa paraan ng ating pakikitungo sa kapwa. Bilang isang kuya sa simbahan at isang kabataan, pinipili niyang tingnan ang bawat taong kanyang nakakasalamuha nang may pagmamahal, pagmamalasakit, at pagtanggap. Sapagkat para sa kanya, bawat tao ay may halaga, may dignidad, at karapat-dapat maramdaman na sila ay mahalaga.

Hindi niya hinuhusgahan ang sinuman batay sa kanilang kalagayan sa buhay, sapagkat sa paningin ng Diyos, tayong lahat ay pantay-pantay. Sa bawat mukha ng ating kapwa, naroon ang paanyayang makita si Kristo at mahalin Siya sa pamamagitan ng ating kababaang-loob at kabutihan.

Nawa'y maging paalala sa ating lahat na ang kabanalan ay hindi lamang nasusukat sa ating mga panalangin, kundi higit sa lahat sa paraan ng ating pagmamahal, paggalang, at paglilingkod sa bawat taong ating nakakasalamuha.

✠ 𝗕𝗔𝗡𝗔𝗟 𝗡𝗔 𝗠𝗔𝗚-𝗔𝗡𝗔𝗞 𝗡𝗚 𝗡𝗔𝗭𝗔𝗥𝗘𝗧𝗛, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙈𝙤 𝙠𝙖𝙢𝙞.

14/07/2026

📖 𝗣𝗔𝗚𝗡𝗜𝗡𝗜𝗟𝗔𝗬 𝟑 | 𝗔𝗻𝗴 𝗣𝗮𝗮𝗿𝗮𝗹𝗮𝗻 𝗻𝗴 𝗣𝗮𝗴-𝗶𝗯𝗶𝗴 𝗮𝘁 𝗞𝗮𝘁𝗮𝗵𝗶𝗺𝗶𝗸𝗮𝗻

"𝘈𝘯𝘨 𝘬𝘢𝘵𝘢𝘩𝘪𝘮𝘪𝘬𝘢𝘯 𝘢𝘺 𝘩𝘪𝘯𝘥𝘪 𝘬𝘢𝘸𝘢𝘭𝘢𝘯 𝘯𝘨 𝘪𝘯𝘨𝘢𝘺, 𝘬𝘶𝘯𝘥𝘪 𝘱𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘱𝘶𝘴𝘰𝘯𝘨 𝘮𝘢𝘳𝘶𝘯𝘰𝘯𝘨 𝘮𝘢𝘬𝘪𝘯𝘪𝘨, 𝘶𝘮𝘶𝘯𝘢𝘸𝘢, 𝘢𝘵 𝘮𝘢𝘨𝘮𝘢𝘩𝘢𝘭."

Ito ang makabuluhang pagninilay na ibinahagi ni 𝘼𝙣𝙙𝙧𝙚𝙞 𝙈𝙝𝙖𝙧𝙘 𝙉𝙤𝙝𝙖𝙮, isang 𝙈𝙖𝙧𝙚𝙡𝙡𝙤 𝘼𝙡𝙩𝙖𝙧 𝙆𝙣𝙞𝙜𝙝𝙩𝙨 ng Barangay Diwa, bilang paalala na ang tunay na katahimikan ay hindi lamang natatagpuan sa kawalan ng ingay, kundi sa pusong handang makinig sa Diyos at sa kapwa.

Sa isang mundong puno ng pagmamadali at maraming tinig na humihingi ng ating pansin, inaanyayahan tayong matutong manahimik, upang marinig ang tinig ng Diyos, maunawaan ang damdamin ng ating kapwa, at higit na lumago sa pag-ibig na nagmumula sa Kanya.

Nawa'y maging paaralan ng pag-ibig ang ating puso, at maging daan ang katahimikan upang higit nating makilala ang Diyos at maisabuhay ang Kanyang pagmamahal sa ating pamilya, sa ating pamayanan, at sa bawat taong ating nakakasalamuha.

✠ 𝗕𝗔𝗡𝗔𝗟 𝗡𝗔 𝗠𝗔𝗚-𝗔𝗡𝗔𝗞 𝗡𝗚 𝗡𝗔𝗭𝗔𝗥𝗘𝗧𝗛, 𝙄𝙥𝙖𝙣𝙖𝙡𝙖𝙣𝙜𝙞𝙣 𝙈𝙤 𝙠𝙖𝙢𝙞

San Isidro Labrador - Diwa Chapel

15/08/2026

07/08/2026

02/08/2026

02/08/2026

26/07/2026

15/07/2026

14/07/2026

14/07/2026

14/07/2026

14/07/2026

Address

Website

Alerts

Shortcuts

Share

Category

Listing takedown request