Shrine Promoters of San Antonio de Padua

31/08/2026

𝐍𝐎𝐁𝐄𝐍𝐀 𝐊𝐀𝐘 𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀

+ Sa Ngalan ng Ama, ng Anak, at ng Espiritu Santo. Amen.

𝐏𝐚𝐠𝐬𝐢𝐬𝐢𝐬𝐢
Diyos ko at aking lahat, sa Iyo ako sumasampalataya at nananalig na kailanma’y hindi ako mapapahamak; iniibig kita higit sa lahat ng bagay at pinagsisisihan ko ang aking mga kasalanan. Mamatay na muna bago magkasala muli, alisan Mo ako ng buhay bago mahiwalay sa Iyo; at bigyan ako ngayon ng lubos na pagsisisi sa aking mga sala, mga luha upang hugasan ang aking mga dungis; ibuhos Mo sa akin ang Iyong pag-ibig at ang pananatili sa paglilingkod sa Iyo; mamatay sa akin ang lahat ng bisyo at mabuhay ang tanang kabanalan at tularan ko ang aking maluwalhating tagapag-ampon na si San Antonio de Padua at dahil sa kanyang pamamagitan tulungan Mo ang lahat kong pangangailangan sa katawan at kaluluwa at lalong lalo na ang hinihingi ko ngayon kung lalong ikaluluwalhati ng Diyos at ikagagaling ng kaluluwa ko. Alang-alang kay Kristong Panginoon namin. Siya nawa.

𝐏𝐚𝐧𝐚𝐥𝐚𝐧𝐠𝐢𝐧 𝐤𝐚𝐲 𝐒𝐚𝐧 𝐀𝐧𝐭𝐨𝐧𝐢𝐨 𝐬𝐚 𝐀𝐧𝐮𝐦𝐚𝐧𝐠 𝐏𝐚𝐧𝐠𝐚𝐧𝐠𝐚𝐢𝐥𝐚𝐧𝐠𝐚𝐧
O maluwalhating San Antonio, lirio ng kalinisan, hiyas at luwalhati ng mga Kristiyano, querubin ng karunungan at serafin ng pag-ibig sa Diyos. Ikinatutuwa namin ang mga biyaya na ibinuhos sa iyo ng Panginoon. Yamang pinuspos ka ng pag-ibig, pagkamaawain at kapangyarihan, ipinamamanhik namin sa iyo ng buong tiwala at pagpapakumbaba na tulungan mo kami. Tingnan mo ang aming mga hirap at sakit at ang aming takot na baka hindi mailigtas ang kaluluwa namin. Ipinagmamakaamo namin sa iyo, dahil sa pagsintang naranasan mo noong ang matamis na batang Hesus ay lumagay sa iyong mga bisig, na sabihin mo sa Kaniya ang aming mga kailangan. Isa lamang buntong hininga ng iyong dibdib na hiniligan ni Hesus ay sapat na upang makalunas sa aming kailangan at makapuno ng lugod sa amin. Alalahanin mo kung gaano kalaki ang iyong ligaya noong niyayakap mo Siya sa iyong dibdib, idinidikit sa Kanya ang iyong pisngi, nakikinig sa Kaniyang mga bulong. Isipin mo ang lahat ng ito at pakinggan kami, alang alang sa iyong di masaysay na pag-ibig. Kung ikaw lamang ay makikita namin, aming didiligin ng mga luha ang iyong mga paa, ipagtatapat sa iyo ang aming mga damdamin, mga alinlangan ukol sa aming ikaliligtas. Ngunit hindi ka namin maaaring makita kung kaya't binabati ka namin, O maluwalhating katoto ng Panginoon. Kami ay nangangayupapang itinataas ang aming mga pusong nagdadalamhati sa langit at sa iyo. At naghihintay na sa pamamagitan mo ay ipagkaloob sa amin ng Panginoong namahinga sa iyong mga bisig ang aming mga kahilingan. (Banggitin ang inyong kahilingan) O anghel ng pag-ibig, ibigay mo ang ninanasa namin at aming ilalathala ang kaluwalhatian mo at ipagbubunyi si Hesus na totoong nagmahal sa iyo. Siya nawa.

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐍𝐢ñ𝐨 𝐇𝐞𝐬𝐮𝐬 𝐧𝐚 𝐧𝐚𝐬𝐚 𝐁𝐢𝐬𝐢𝐠 𝐧𝐢 𝐒𝐚𝐧 𝐀𝐧𝐭𝐨𝐧𝐢𝐨
O matamis na Niño Hesus, tanging pag-asa ng namimighating kaluluwa; naninikluhod kami ng buong pagpapakumbaba sa Iyong mga paanan at alang-alang sa walang hanggang pag-ibig at biyaya na ipinagkaloob Mo sa Iyong lingkod na ni San Antonio noong siya’y Iyong dalawin, yakapin, punin ng tuwa at ligaya. Isinasamo namin sa Iyo na pumarini Ka sa amin at Iyong patikman sa mga kaluluwang sa Iyo’y umaasa ang tamis ng Iyong pagdalaw.

𝐌𝐠𝐚 𝐏𝐚𝐦𝐚𝐧𝐡𝐢𝐤 𝐤𝐚𝐲 𝐒𝐚𝐧 𝐀𝐧𝐭𝐨𝐧𝐢𝐨
1. Pari: San Antonio ng Padua, aming pintakasi at manananggol
Bayan: Ipagkaloob mo ang hinihingi namin sa iyo.
2. Pari: San Antonio ng Padua, makapangyarihan sa wika at sa gawa
Bayan: Ipagkaloob mo ang hinihingi namin sa iyo.
3. Pari: San Antonio ng Padua, laging mapagbigay sa mga tumatawag sa iyo
Bayan: Ipagkaloob mo ang hinihingi namin sa iyo.
4. Pari: San Antonio ng Padua, luwalhati ng Santa Iglesia at karangalan ng Orden ni San Francisco
Bayan: Ipagkaloob mo ang hinihingi namin sa iyo.
5. Pari: San Antonio ng Padua, na totoong iniibig na pinarangalan ng Niño Hesus
Bayan: Ipagkaloob mo ang hinihingi namin sa iyo.

𝐌𝐚𝐧𝐚𝐥𝐚𝐧𝐠𝐢𝐧 𝐓𝐚𝐲𝐨
Magdulot nawa ng tuwa, O Diyos, sa Iyong Iglesia, ang pag-aampon ng Iyong Confesor at Doktor na si San Antonio, upang lagi ng lumakas dahil sa mga tulong sa kaluluwa at maging dapat magkamit ng ligayang walang katapusan. Alang-alang kay Hesukristong aming Panginoon. Siya nawa.

𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀,
𝐈𝐏𝐀𝐍𝐀𝐋𝐀𝐍𝐆𝐈𝐍 𝐌𝐎 𝐊𝐀𝐌𝐈!

+ Sa Ngalan ng Ama, ng Anak, at ng Espiritu Santo. Amen.

24/08/2026

15/08/2026

Maligayang ika-831 na Kaarawan, Mahal naming Poong San Antonio!

"𝓗𝓲𝓷𝓭𝓲 𝓴𝓪𝔂𝓪𝓷𝓰 𝓼𝓾𝓴𝓪𝓽𝓲𝓷 𝓷𝓰 𝔂𝓪𝓶𝓪𝓷 𝓸 𝓭𝓪𝓷𝓰𝓪𝓵 𝓪𝓷𝓰 𝓱𝓪𝓵𝓪𝓰𝓪 𝓷𝓰 𝓹𝓾𝓼𝓸𝓷𝓰 𝓫𝓾𝓴𝓪𝓼 𝓼𝓪 𝓓𝓲𝔂𝓸𝓼."

Ngayon ay ipinagdiriwang natin ang kapanganakan ni San Antonio ng Padua, kilala bilang Patron ng mga nawawalang bagay at isa sa mga dakilang mangangaral ng Simbahang Katolika.

Si San Antonio ng Padua ay ipinanganak noong taong 1195 sa Lisbon, Portugal, labintatlong taon pagkatapos ipanganak si San Francisco ng Assisi. Ang kanyang mga magulang ay sina Martin at Maria Bulhom. Siya ay bininyagan sa pangalang Fernando Martins de Bulhom at siya ay lumaki sa marangya at maringal na pamilya.

Maraming mga tao ang lumalapit kay San Antonio bilang tagahanap ng nawawalang bagay. Ayon sa kuwento, ang kanyang paboritong aklat na naglalaman ng mga personal na tala at komento ay ninakaw ng isang baguhan. Makatutulong ang laman ng aklat para sa orden ng Pransiskano. Nanalangin si San Antonio at hindi nagtagal, ibinalik ng baguhan sa orden ang aklat.

Si San Antonio ay ang tumawag sa mga tao pabalik sa pananampalataya. Nagkamit siya ng pamagat na “Martilyo ng mga Erehe”. Sa kanyang kanonisasyon noong 1231, binanggit siya ni Papa Gregorio IX bilang “Repositoryo ng Banal na Kasulatan”. Noong 1946, idineklara si San Antonio bilang Pantas ng Simbahan.

Bagama’t nabuhay lamang si San Antonio sa loob ng tatlumpu’t anim na taon, ginamit siya ng Diyos sa makapangyarihang paraan. Ang isang makabuluhan at kalidad na buhay ay makakamtan lamang sa pamamagitan ng biyaya ng Diyos. Natanggap ni San Antonio ang isang buhay na puno ng grasya at biyaya dahil sa kanyang buong pusong pag-aalay sa Diyos. Kadalasan, hinahangad natin ang isang buhay na mahaba kaysa sa buhay na banal. Gayunpaman, maraming dakilang santo, kabilang na si San Antonio ang nabuhay lamang ng maikli. Tandaan natin na nais ng Diyos na gugulin natin ang ating buhay para sa paglago sa kabanalan at pagsunod sa Kanya. Ang paggawa nito ang siyang nagbibigay sa atin ng isang kalidad at mas higit pa sa isang mahabang buhay.

Sa pag-ibig ni San Antonio sa Salita ng Diyos at sa kanyang pagsisikap na maunawaan ito, lalo natin siyang tularan. Habang binabanggit ang panalangin sa kanyang kapistahan, nais ng Simbahan na matuto tayo sa kanya. Maging banal, mapagpakumbaba, at walang ibang ginagawa kundi ang kalooban ng Diyos para sa ikabubuti ng lahat.

Ipinagdiriwang ng ating mga kapatid sa Brgy. Kalumpang ang Kapistahan ni San Antonio ng Padua. Viva! Maligayang Kapistahan po ni Tata Tonio!

𝗣𝗮𝗻𝗮𝗹𝗮𝗻𝗴𝗶𝗻:
O San Antonio, pinili ka ng Diyos na ipabatid sa daigdig ang iyong kabanalan upang maakit ang marami sa paggawa ng kabutihan.

Hilingin mo kay Jesus na hawak mo sa iyong bisig ang mahigpit ko ngayong pangangailangan. (Tumigil sandali at banggitin ang kahilingan)

Samahan mo ako sa aking panalangin sapagkat ang dasal ng isang banal na kagaya mo ay dinirinig ng Diyos!

Pagkalooban nawa ako ng Panginoon ng tanda ng Kaniyang pagmamahal, pagkalinga at paggabay.

Sa tulong mo, nawa'y ipagkaloob Niya sa akin ang kaganapan sa buhay at pag-ibig na walang hanggan. Amen.

San Antonio de Padua, protektahan at ipanalangin mo po kami!

Antonius Media | Social Communications Commission
‎
‎

08/08/2026

Maraming salamat, Archdiocesan Shrine and Parish of San Antonio de Padua sa Bolbok, Lipa City, Batangas at sa minamahal na Kapatiran ni San Antonio! Padayon sa paglilingkod!

Nawa’y magpatuloy tayong tumahak sa mga yapak ni San Antonio de Padua — sa kababaang-loob, pag-ibig, at pananampalataya — tungo sa ating Panginoong Diyos.

Magkikita tayong muli, mahal namin kayo!

23/07/2026

22/07/2026

𝐁𝐔𝐊𝐀𝐒 𝐍𝐀 | 𝐈𝐊𝐀𝐖𝐀𝐋𝐎𝐍𝐆 𝐀𝐑𝐀𝐖 𝐍𝐆 𝐍𝐎𝐁𝐄𝐍𝐀 𝐊𝐀𝐘 𝐒𝐀𝐍𝐓𝐈𝐀𝐆𝐎 𝐀𝐏𝐎𝐒𝐓𝐎𝐋

Bukas, 𝐇𝐮𝐥𝐲𝐨 𝟐𝟑, sama-sama nating ipagpapatuloy ang ating siyam na araw na paghahanda para sa Kapistahan ni Santiago Apostol.

Sa ikawalong araw ng nobena, malugod nating tatanggapin ang Pandambanang Imahen at mga panauhin mula sa 𝐍𝐚𝐭𝐢𝐨𝐧𝐚𝐥 𝐒𝐡𝐫𝐢𝐧𝐞 𝐚𝐧𝐝 𝐏𝐚𝐫𝐢𝐬𝐡 𝐨𝐟 𝐒𝐚𝐧 𝐀𝐧𝐭𝐨𝐧𝐢𝐨 𝐝𝐞 𝐏𝐚𝐝𝐮𝐚 sa Pila, Laguna. Bilang kauna-unahang pambansang dambana sa Pilipinas na nakatalaga kay San Antonio de Padua, ito ay patuloy na dinarayo ng mga debotong humihingi ng kanyang panalangin at pamamagitan.

Inaanyayahan ang lahat na makiisa sa panalangin at Banal na Misa, at sama-samang ihanda ang ating mga puso para sa nalalapit na Dakilang Kapistahan ng ating mahal na patron.

𝐍𝐨𝐛𝐞𝐧𝐚: 𝟒:𝟎𝟎 𝐧𝐠 𝐡𝐚𝐩𝐨𝐧
𝐁𝐚𝐧𝐚𝐥 𝐧𝐚 𝐌𝐢𝐬𝐚: 𝟓:𝟎𝟎 𝐧𝐠 𝐡𝐚𝐩𝐨𝐧

📍 Archdiocesan Shrine and Parish of St. James the Greater
Ibaan, Batangas

𝐒𝐚𝐧 𝐀𝐧𝐭𝐨𝐧𝐢𝐨 𝐝𝐞 𝐏𝐚𝐝𝐮𝐚, ipanalangin Mo kami.

𝐕𝐢𝐯𝐚 𝐒𝐚𝐧𝐭𝐢𝐚𝐠𝐨! ❤️

13/07/2026

𝐍𝐎𝐁𝐄𝐍𝐀 𝐊𝐀𝐘 𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀

+ Sa Ngalan ng Ama, ng Anak, at ng Espiritu Santo. Amen.

𝐏𝐚𝐠𝐬𝐢𝐬𝐢𝐬𝐢
Diyos ko at aking lahat, sa Iyo ako sumasampalataya at nananalig na kailanma’y hindi ako mapapahamak; iniibig kita higit sa lahat ng bagay at pinagsisisihan ko ang aking mga kasalanan. Mamatay na muna bago magkasala muli, alisan Mo ako ng buhay bago mahiwalay sa Iyo; at bigyan ako ngayon ng lubos na pagsisisi sa aking mga sala, mga luha upang hugasan ang aking mga dungis; ibuhos Mo sa akin ang Iyong pag-ibig at ang pananatili sa paglilingkod sa Iyo; mamatay sa akin ang lahat ng bisyo at mabuhay ang tanang kabanalan at tularan ko ang aking maluwalhating tagapag-ampon na si San Antonio de Padua at dahil sa kanyang pamamagitan tulungan Mo ang lahat kong pangangailangan sa katawan at kaluluwa at lalong lalo na ang hinihingi ko ngayon kung lalong ikaluluwalhati ng Diyos at ikagagaling ng kaluluwa ko. Alang-alang kay Kristong Panginoon namin. Siya nawa.

𝐏𝐚𝐧𝐚𝐥𝐚𝐧𝐠𝐢𝐧 𝐤𝐚𝐲 𝐒𝐚𝐧 𝐀𝐧𝐭𝐨𝐧𝐢𝐨 𝐬𝐚 𝐀𝐧𝐮𝐦𝐚𝐧𝐠 𝐏𝐚𝐧𝐠𝐚𝐧𝐠𝐚𝐢𝐥𝐚𝐧𝐠𝐚𝐧
O maluwalhating San Antonio, lirio ng kalinisan, hiyas at luwalhati ng mga Kristiyano, querubin ng karunungan at serafin ng pag-ibig sa Diyos. Ikinatutuwa namin ang mga biyaya na ibinuhos sa iyo ng Panginoon. Yamang pinuspos ka ng pag-ibig, pagkamaawain at kapangyarihan, ipinamamanhik namin sa iyo ng buong tiwala at pagpapakumbaba na tulungan mo kami. Tingnan mo ang aming mga hirap at sakit at ang aming takot na baka hindi mailigtas ang kaluluwa namin. Ipinagmamakaamo namin sa iyo, dahil sa pagsintang naranasan mo noong ang matamis na batang Hesus ay lumagay sa iyong mga bisig, na sabihin mo sa Kaniya ang aming mga kailangan. Isa lamang buntong hininga ng iyong dibdib na hiniligan ni Hesus ay sapat na upang makalunas sa aming kailangan at makapuno ng lugod sa amin. Alalahanin mo kung gaano kalaki ang iyong ligaya noong niyayakap mo Siya sa iyong dibdib, idinidikit sa Kanya ang iyong pisngi, nakikinig sa Kaniyang mga bulong. Isipin mo ang lahat ng ito at pakinggan kami, alang alang sa iyong di masaysay na pag-ibig. Kung ikaw lamang ay makikita namin, aming didiligin ng mga luha ang iyong mga paa, ipagtatapat sa iyo ang aming mga damdamin, mga alinlangan ukol sa aming ikaliligtas. Ngunit hindi ka namin maaaring makita kung kaya't binabati ka namin, O maluwalhating katoto ng Panginoon. Kami ay nangangayupapang itinataas ang aming mga pusong nagdadalamhati sa langit at sa iyo. At naghihintay na sa pamamagitan mo ay ipagkaloob sa amin ng Panginoong namahinga sa iyong mga bisig ang aming mga kahilingan. (Banggitin ang inyong kahilingan) O anghel ng pag-ibig, ibigay mo ang ninanasa namin at aming ilalathala ang kaluwalhatian mo at ipagbubunyi si Hesus na totoong nagmahal sa iyo. Siya nawa.

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐍𝐢ñ𝐨 𝐇𝐞𝐬𝐮𝐬 𝐧𝐚 𝐧𝐚𝐬𝐚 𝐁𝐢𝐬𝐢𝐠 𝐧𝐢 𝐒𝐚𝐧 𝐀𝐧𝐭𝐨𝐧𝐢𝐨
O matamis na Niño Hesus, tanging pag-asa ng namimighating kaluluwa; naninikluhod kami ng buong pagpapakumbaba sa Iyong mga paanan at alang-alang sa walang hanggang pag-ibig at biyaya na ipinagkaloob Mo sa Iyong lingkod na ni San Antonio noong siya’y Iyong dalawin, yakapin, punin ng tuwa at ligaya. Isinasamo namin sa Iyo na pumarini Ka sa amin at Iyong patikman sa mga kaluluwang sa Iyo’y umaasa ang tamis ng Iyong pagdalaw.

𝐌𝐠𝐚 𝐏𝐚𝐦𝐚𝐧𝐡𝐢𝐤 𝐤𝐚𝐲 𝐒𝐚𝐧 𝐀𝐧𝐭𝐨𝐧𝐢𝐨
1. Pari: San Antonio ng Padua, aming pintakasi at manananggol
Bayan: Ipagkaloob mo ang hinihingi namin sa iyo.
2. Pari: San Antonio ng Padua, makapangyarihan sa wika at sa gawa
Bayan: Ipagkaloob mo ang hinihingi namin sa iyo.
3. Pari: San Antonio ng Padua, laging mapagbigay sa mga tumatawag sa iyo
Bayan: Ipagkaloob mo ang hinihingi namin sa iyo.
4. Pari: San Antonio ng Padua, luwalhati ng Santa Iglesia at karangalan ng Orden ni San Francisco
Bayan: Ipagkaloob mo ang hinihingi namin sa iyo.
5. Pari: San Antonio ng Padua, na totoong iniibig na pinarangalan ng Niño Hesus
Bayan: Ipagkaloob mo ang hinihingi namin sa iyo.

𝐌𝐚𝐧𝐚𝐥𝐚𝐧𝐠𝐢𝐧 𝐓𝐚𝐲𝐨

Magdulot nawa ng tuwa, O Diyos, sa Iyong Iglesia, ang pag-aampon ng Iyong Confesor at Doktor na si San Antonio, upang lagi ng lumakas dahil sa mga tulong sa kaluluwa at maging dapat magkamit ng ligayang walang katapusan. Alang-alang kay Hesukristong aming Panginoon. Siya nawa.

𝐒𝐀𝐍 𝐀𝐍𝐓𝐎𝐍𝐈𝐎 𝐃𝐄 𝐏𝐀𝐃𝐔𝐀,
𝐈𝐏𝐀𝐍𝐀𝐋𝐀𝐍𝐆𝐈𝐍 𝐌𝐎 𝐊𝐀𝐌𝐈!

+ Sa Ngalan ng Ama, ng Anak, at ng Espiritu Santo. Amen