San Guillermo Parish

25/05/2026

𝗘𝗡𝗖𝗬𝗖𝗟𝗜𝗖𝗔𝗟 𝗟𝗘𝗧𝗧𝗘𝗥
𝑀𝐴𝐺𝑁𝐼𝐹𝐼𝐶𝐴 𝐻𝑈𝑀𝐴𝑁𝐼𝑇𝐴𝑆
𝗢𝗙 𝗛𝗜𝗦 𝗛𝗢𝗟𝗜𝗡𝗘𝗦𝗦
𝗣𝗢𝗣𝗘 𝗟𝗘𝗢 𝗫𝗜𝗩
𝗢𝗡 𝗦𝗔𝗙𝗘𝗚𝗨𝗔𝗥𝗗𝗜𝗡𝗚 𝗧𝗛𝗘 𝗛𝗨𝗠𝗔𝗡 𝗣𝗘𝗥𝗦𝗢𝗡
𝗜𝗡 𝗧𝗛𝗘 𝗧𝗜𝗠𝗘 𝗢𝗙 𝗔𝗥𝗧𝗜𝗙𝗜𝗖𝗜𝗔𝗟 𝗜𝗡𝗧𝗘𝗟𝗟𝗜𝗚𝗘𝗡𝗖𝗘

ENCYCLICAL LETTER MAGNIFICA HUMANITAS OF HIS HOLINESS POPE LEO XIV ON SAFEGUARDING THE HUMAN PERSON IN THE TIME OF ARTIFICIAL INTELLIGENCE [ Multimedia ] ___________________________

25/05/2026

TINGNAN| BEC Officers and Bukluran Leaders Installation

Pormal na itinalaga ng ating Kura Paroko, Rev Fr. Edmond Reynaldo ang mga bagong mamumuno ng BEC sa banal na Misa noong ika-9:00 ng umaga, ika-24 ng Mayo, kasabay ng pagdiriwang ng Dakilang Kapistahan ng Pentekostes.

Sa patnubay ng Espiritu Santo, nawa’y ang mga bagong lider ay maging tapat na tagapaglingkod ng Simbahan, tagapagtaguyod ng pagkakaisa, pananampalataya, at pagmamahalan sa bawat pamayanan.

Dalangin ng San Guillermo Parish ang patuloy na paggabay ng Diyos sa kanilang misyon ng paglilingkod.

25/05/2026

Noong Abril 26, 2026, sama-samang ipinagdiwang ng Sambayanan ng San Guillermo Parish ang ika-33 Taong Anibersaryo ng ating parokya sa pamamagitan ng pagdiriwang ng Banal na Misa na pinangunahan ng ating kura paroko, Rev. Fr. Edmond Reynaldo

Matapos ang Misa ay nagkaroon ng munting salu-salo at programa kasama sina Fr. Edmond at Fr. Marvin bilang pasasalamat sa biyaya ng pagkakaisa, pananampalataya, at patuloy na paglilingkod ng bawat isa sa ating pamayanan.

Purihin ang Diyos sa 33 taon ng Kanyang paggabay at pagmamahal sa ating parokya!

Viva San Guillermo de Maleval

25/05/2026

🌺 May 25
Ina, yakapin mo kami sa oras ng sakit. 🤍
Sa iyong pagmamahal, kami ay bumabangon.

🙏 Maglaan ng oras magsimba at mag-alay ng bulaklak.
💬 Mag-comment ng 🌸 kung kasama ka.

24/05/2026

🔥 𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐄𝐍𝐓𝐄𝐂𝐎𝐒𝐓𝐄𝐒🔥

Ngayong araw, ika-24 ng Mayo, 2026, ipinagdiriwang ng buong Simbahan ang Dakilang Kapistahan ng Pentecostes (Solemnity of the Pentecost), ang pagbaba ng Espiritu Santo sa mga Apostol at ang opisyal na Kaarawan ng Simbahan. Ito rin ang hudyat ng pagtatapos ng Panahon ng Muling Pagkabuhay o Easter Season.

Sa araw na ito, pinuspos ng Espiritu Santo ng lakas at tapang ang mga alagad upang humayo at ipahayag ang Mabuting Balita sa buong mundo.
Hilingin natin sa Espiritu Santo na muling panatilihing buhay at nag-aalab ang pananampalataya ng ating pamayanan dito sa San Guillermo Parish!

Magkita-kita po tayo sa ating mga Banal na Misa ngayong araw.

24/05/2026

🌺 May 24
Sa dilim ng gabi, ikaw ang aming ilaw. 🌙
Sa takot, ikaw ang aming lakas.

💬 Ano ang kinatatakutan mo ngayon? Ipagdarasal namin.

23/05/2026

Lahat ay inaanyayahan na makiisa sa pagdiriwang ng
𝓢𝓪𝓷𝓽𝓪 𝓒𝓻𝓾𝔃𝓪𝓷 2026 ng San Guillermo Parish ngayong hapon ng ika-23 ng Mayo, 2026

1:30 PM – Sunduan
📍 Florest St.
2:30 PM – Banal na Misa

3:45 PM – Prusisyon sa Karangalan ng Virgen de las Flores de Buting at Santo Cruz de Buting

5:30 PM – Pag-aalay ng Bulaklak

Halina at saksihan ang pag-aalay ng bulaklak, prusisyon, panalangin, at sama-samang pagkakaisa bilang pagpupugay sa Mahal na Virgen delas Flores de Buting.

23/05/2026

🌺 May 23
Reyna ng langit, ipanalangin mo kami. 👑
Gabayan mo kami araw-araw.

🙏👀 Grand Paaalay, tara sa prusisyon mamaya!
💬 Type “Ave Maria”

22/05/2026

🌺 May 22

Sa iyong kababaang-loob, natutunan naming magtiwala. 🌸
Sa Diyos kami umaasa.

💬 Ano ang ipinagkakatiwala mo sa Diyos today?

21/05/2026

HUWEBES NA PAMIMINTUHO SA MAHAL PATRONG SAN GUILLERMO DE MALEVAL

✝ Sa ngalan ng Ama, ng Anak, at ng Espiritu Santo, Amen ✝

Amang Makapangyarihan, isinugo Mo ang Iyong bugtong na Anak upang tubusin kami sa aming kasalanan. Batid namin ang lahat ng aming pagkukulang sa Iyong kadakilaan. Subalit pakinggan mo sana ang tinig naming mga nagkasala na nagsusumamo sa Iyo sa pamamagitan ng aming patrong San Guillermo. Huwag Mo na lamang tignan ang aming kahinaan, bagkus ang pananampalataya ng Iyong sambayanan.

Gayundin naman ang lahat ng ito ay para sa ikaluluwalhati ng Iyong pangalan.

+Papuri sa Ama….

✝ Sa ngalan ng Ama, ng Anak, at ng Espiritu Santo, Amen ✝