St. Jude Thaddeus Parish - Pasig

01/05/2026

𝐌𝐚𝐲𝐨 𝟏 | 𝐏𝐚𝐠𝐠𝐮𝐧𝐢𝐭𝐚 𝐤𝐚𝐲 𝐒𝐚𝐧 𝐉𝐨𝐬𝐞 𝐌𝐚𝐧𝐠𝐠𝐚𝐠𝐚𝐰𝐚
Sa kalendaryong liturhikal ng Simbahan, ang ika-1 ng Mayo ay itinalaga bilang Kapistahan ni San Jose, ang Manggagawa (San Joseph the Worker). Sa pagdiriwang na ito, kinikilala si San Jose bilang huwaran ng masipag, matuwid, at mapagkumbabang manggagawa—ang ama-amahan ni Hesus at esposo ng Mahal na Birheng Maria.

Ang kapistahang ito ay opisyal na itinatag ni Papa Pio XII noong Mayo 1, 1955, bilang tugon sa lumalaganap na pagdiriwang ng Labor Day sa iba’t ibang bansa. Layunin nitong bigyan ng Kristiyanong kahulugan ang paggawa at itampok ang dignidad ng bawat manggagawa, sa halip na ituon lamang sa usaping panlipunan o politikal.

Ayon sa Ebanghelyo (cf. Mateo 13:55), si San Jose ay isang karpintero (tekton sa Griyego, na maaaring tumukoy sa manggagawa sa kahoy o konstruksyon). Sa kanyang paggabay, natutunan din ni Hesus ang paggawa, kaya’t ang buhay-paggawa ni San Jose ay naging mahalagang bahagi ng tahimik na buhay ng Banal na Pamilya sa Nazaret.

Sa ating pamayanan, si San Jose ang patron ng Soldiers Village na sakop ng ating parokya—isang paalala ng kanyang patuloy na paggabay at pamamagitan sa mga pamilya at manggagawa sa komunidad.

30/04/2026

𝐇𝐀𝐏𝐏𝐘 𝟐𝟏𝐒𝐓 𝐄𝐏𝐈𝐒𝐂𝐎𝐏𝐀𝐋 𝐎𝐑𝐃𝐈𝐍𝐀𝐓𝐈𝐎𝐍 𝐀𝐍𝐍𝐈𝐕𝐄𝐑𝐒𝐀𝐑𝐘, 𝐁𝐈𝐒𝐇𝐎𝐏 𝐌𝐘𝐋𝐎!

Mga kaparokya, sa pagdiriwang ng Paggunita kay Santo Papa Pio V, ginugunita rin po natin ngayon ang ika-21 anibersaryo ng Ordinasyon sa Pagka-obispo ng ating minamahal na Obispo Mylo Hubert C. Vergara, DD!

Ipanalangin natin na patuloy siyang pagkalooban ng mabuting kalusugan at kaliwanagan ng pag-iisip upang magampanan niya ang kanyang misyon bilang pastol at ama ng ating diyosesis. Nawa’y samahan siya ng gabay at panalangin ng ating patron na si San Hudas Tadeo at ng ating Mahal na Ina, ang Inmaculada Concepcion.



(Bishop's photo from: Jhon Rhey Photography)

29/04/2026

𝐇𝐔𝐖𝐄𝐁𝐄𝐒 𝐍𝐆 𝐏𝐀𝐆𝐃𝐄𝐃𝐄𝐁𝐎𝐒𝐘𝐎𝐍 𝐊𝐀𝐘 𝐒𝐀𝐍 𝐇𝐔𝐃𝐀𝐒 𝐓𝐀𝐃𝐄𝐎

Mga kaparokya, ngayon ay 𝐇𝐮𝐰𝐞𝐛𝐞𝐬 - 𝐚𝐫𝐚𝐰 𝐧𝐠 𝐩𝐚𝐠𝐝𝐞𝐝𝐞𝐛𝐨𝐬𝐲𝐨𝐧 𝐬𝐚 𝐌𝐚𝐡𝐚𝐥 𝐧𝐚 𝐏𝐚𝐭𝐫𝐨𝐧 𝐒𝐚𝐧 𝐇𝐮𝐝𝐚𝐬 𝐓𝐚𝐝𝐞𝐨! Nawa sa panalangin ng ating patron ay mas lalo tayong magtiwala sa kalooban ng Diyos, manatiling matatag sa gitna ng mga pagsubok, at maging tapat na saksi ng pag-asa at pag-ibig ni Kristo sa ating pang-araw-araw na pamumuhay.

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐇𝐔𝐃𝐀𝐒 𝐓𝐀𝐃𝐄𝐎
O maluwalhating Apostol, San Hudas Tadeo,
tunay na kaanak nina Hesus at Maria, inihahabilin namin ang aming sarili sa iyong kandili. Ipanalangin mo kami at ipaalala mo sa amin na hindi kami nag-iisa sapagkat kasama namin si Kristo sa aming pakikibaka sa buhay.

Samahan mo kaming manalangin sa Diyos na bigyan kami ng pag-asa sa aming pighati at kalungkutan, tibay ng loob sa mga pagsubok, at pagsanggalang sa sunog, bagyo, baha, lindol, at iba pang mga kalamidad dulot ng kalikasan at gawa ng tao.

Ipanalangin mo kami, San Hudas Tadeo, sa mahabaging Ama na sana ay punuin kami ng biyaya na tanggapin ang lahat ng Kanyang kagustuhan nang walang pagtutol at pagaagam-agam at palalimin ang aming pananampalataya sa Kanyang walang hanggang pagmamahal.

𝑴𝒂𝒓𝒂𝒎𝒊𝒏𝒈 𝒔𝒂𝒍𝒂𝒎𝒂𝒕, 𝑺𝒂𝒏 𝑯𝒖𝒅𝒂𝒔 𝑻𝒂𝒅𝒆𝒐, 𝒔𝒂 𝒑𝒂𝒏𝒈𝒂𝒌𝒐 𝒎𝒐𝒏𝒈 𝒑𝒂𝒈-𝒂𝒔𝒂 𝒔𝒂 𝒍𝒂𝒉𝒂𝒕 𝒏𝒈 𝒎𝒈𝒂 𝒏𝒂𝒏𝒂𝒏𝒂𝒍𝒊𝒈 at bigyan mo kami ng adhikaing ibahagi ang lahat ng ito sa aming mga kapatid. Amen.
𝑺𝒂𝒏 𝑯𝒖𝒅𝒂𝒔 𝑻𝒂𝒅𝒆𝒐, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊!

29/04/2026

𝐏𝐀𝐀𝐍𝐘𝐀𝐘𝐀 | 𝐅𝐥𝐨𝐫𝐞𝐬 𝐝𝐞 𝐌𝐚𝐫𝐢𝐚 𝟐𝟎𝟐𝟔

"𝑴𝒂𝒕𝒂𝒎𝒊𝒔 𝒏𝒂 𝑩𝒊𝒓𝒉𝒆𝒏, 𝒑𝒊𝒏𝒂𝒈𝒉𝒂𝒉𝒂𝒏𝒅𝒖𝒈𝒂𝒏
𝑲𝒂𝒎𝒊'𝒚 𝒏𝒂𝒏𝒈𝒂𝒏𝒈𝒂𝒌𝒐 𝒏𝒂𝒎𝒂𝒏 𝒑𝒐𝒏𝒈 𝒎𝒂𝒈-𝒂𝒍𝒂𝒚."

Mga kaparokya, sa pagsapit muli ng buwan ng Mayo—isang natatanging panahon ng pag-aalay ng pagmamahal at debosyon sa Mahal na Birheng Maria—inaanyayahan namin kayong sama-samang makiisa sa ating May flower offering o ang Flores de Maria.

Mula 𝗠𝗮𝗿𝘁𝗲𝘀, 𝗠𝗮𝘆𝗼 𝟱, isasagawa araw-araw (maliban tuwing Lunes) ang pag-aalay ng bulaklak sa Mahal na Ina. Inaanyayahan ang mga kabataan at ang ating mga kaparokya na aktibong makibahagi sa debosyong ito bilang pagpapalalim ng ating pananampalataya. Narito ang talaan ng ating mga gawain:

𝗠𝗮𝗿𝘁𝗲𝘀 - 𝗦𝗮𝗯𝗮𝗱𝗼
5:00 n.h. - Pagdarasal ng Santo Rosaryo
6:00 n.g. - Banal na Misa at Pag-aalay ng Bulaklak sa Mahal na Ina

𝘁𝘂𝘄𝗶𝗻𝗴 𝗦𝗮𝗯𝗮𝗱𝗼
3:00 n.h. - 5:00 n.h. - Katekesis sa mga kabataan

Halina't mag-alay ng bulaklak kay Maria, Ina ng Diyos!

28/04/2026

25/04/2026

𝐌𝐆𝐀 𝐏𝐀𝐆𝐁𝐀𝐒𝐀 | 𝐈𝐤𝐚-𝟒 𝐧𝐚 𝐋𝐢𝐧𝐠𝐠𝐨 𝐧𝐠 𝐏𝐚𝐬𝐤𝐨 𝐧𝐠 𝐌𝐮𝐥𝐢𝐧𝐠 𝐏𝐚𝐠𝐤𝐚𝐛𝐮𝐡𝐚𝐲 (𝐀)

Good Shepherd Sunday
World Day of Prayer for Vocations

UNANG PAGBASA
Mga Gawa 2, 14a. 36-41

Pagbasa mula sa mga Gawa ng Mga Apostol

Noong araw ng Pentekostes, tumayo si Pedro at ang labing-isang apostol, at nagsalita siya nang malakas, “Dapat malaman ng buong Israel na itong si Hesus na ipinako ninyo sa krus – siya ang ginawa ng Diyos na Panginoon at Kristo!”

Nabagabag ang kanilang kalooban nang marinig ito, at tinanong nila si Pedro at ang mga apostol, “Mga kapatid, ano ang gagawin namin?” Sumagot si Pedro, “Pagsisihan ninyo’t talikdan ang inyong mga kasalanan at magpabinyag kayo sa pangalan ni Hesukristo upang kayo’y patawarin; at ipagkakaloob sa inyo ang Espiritu Santo. Sapagkat ang pangako’y para sa inyo at sa inyong mga anak, at sa lahat ng nasa malayo – sa bawat tatawagin ng Panginoong Diyos.”

Marami pa siyang inilahad upang patunayan ang kanyang sinabi, at nanawagan siya sa kanila, “Lumayo kayo sa masamang lahing ito upang kayo’y maligtas.” Kaya’t ang mga naniwala sa kanyang sinabi ay nagpabinyag; at nadagdag sa kanila ang may tatlunlibong tao nang araw na iyon.

Ang Salita ng Diyos.

SALMONG TUGUNAN
Salmo 22, 1-3a. 3b-4. 5. 6

Pastol ko’y Panginoong D’yos,
hindi ako magdarahop.

o kaya: Aleluya.

Panginoo’y aking Pastol, hindi ako magkukulang.
Ako’y pinahihimlay sa mainam na pastulan,
at inaakay niya ako sa tahimik na batisan,
binibigyan niya ako niyong bagong kalakasan.

Pastol ko’y Panginoong D’yos,
hindi ako magdarahop.

At sang-ayon sa pangako na kaniyang binitiwan
sa matuwid na landasi’y doon ako inaakay.
Kahit na ang daang iyo’y tumatahak sa karimlan,
hindi ako matatakot pagkat ika’y kaagapay;
ang tungkod mo at pamalo ang gabay ko at sanggalang.

Pastol ko’y Panginoong D’yos,
hindi ako magdarahop.

Sa harapan ng lingkod mo, ikaw ay may handang dulang,
ito’y iyong ginagawang nakikita ng kaaway;
nalulugod ka sa akin na ulo ko ay langisan
at pati na ang kalis ko ay iyong pinaaapaw.

Pastol ko’y Panginoong D’yos,
hindi ako magdarahop.

Tunay na ang pag-ibig mo at ang iyong kabutihan,
sasaaki’t tataglayin habang ako’y nabubuhay;
doon ako sa templo mo lalagi at mananahan.

Pastol ko’y Panginoong D’yos,
hindi ako magdarahop.

IKALAWANG PAGBASA
1 Pedro 2, 20b-25

Pagbasa mula sa unang sulat ni Apostol San Pedro

Mga pinakamamahal ko:

Pagpapalain kayo ng Diyos kung kayo’y maparusahan sa paggawa ng mabuti. Ang pagtitiis ng hirap ay bahagi ng pagkahirang sa inyo ng Diyos; sapagkat nang si Kristo ay magtiis para sa inyo, binigyan niya kayo ng halimbawang dapat tularan. Hindi siya gumagawa ng anumang kasalanan o nagsinungaling kailanman. Nang siya’y alipustain, hindi siya gumanti. Nang siya’y pahirapan, hindi siya nagbanta. Nanalig siya sa Diyos na makatarungan. Sa kanyang pagkamatay sa krus, dinala niya ang bigat ng ating mga kasalanan upang tuluyan na nating iwan ang pagkakasala at mamuhay ayon sa kalooban ng Diyos. Kayo’y gumaling sa pamamagitan ng kanyang mga sugat. Sapagkat nagkawatak-watak kayo gaya ng mga tupang naligaw, ngunit tinipon kayong muli ng Pastol at Tagapangalaga ng inyong mga kaluluwa.

Ang Salita ng Diyos.

ALELUYA
Juan 10, 14

Aleluya! Aleluya!
Ako’y pastol na butihin
kilala ko’ng tupang akin;
ako’y kilala nila rin.
Aleluya! Aleluya!

MABUTING BALITA
Juan 10, 1-10

Ang Mabuting Balita ng Panginoon ayon kay San Juan

Noong panahong iyon, sinabi ni Hesus, “Tandaan ninyo ito: ang pumapasok sa kulungan ng mga tupa nang hindi sa pinto nagdaraan, ay magnanakaw at tulisan. Ngunit ang nagdaraan sa pintuan ay siyang pastol ng mga tupa. Pinapapasok siya ng bantay-pinto, at pinakikinggan ng mga tupa ang kanyang tinig. Tinatawag niya ang kanyang mga tupa sa kani-kanilang pangalan, at inilalabas sa kulungan. Kapag nailabas na, siya’y nangunguna sa kanila at sumusunod naman ang mga tupa sapagkat nakikilala nila ang kanyang tinig. Hindi sila sumusunod sa iba, bagkus pa nga’y patakbong lumalayo, sapagkat hindi nila nakikilala ang kanyang tinig.”

Sinabi ni Hesus ang talinghagang ito, ngunit hindi nila naunawaan ang ibig niyang sabihin.

Kaya’t muling sinabi ni Hesus, “Tandaan ninyo: ako ang pintuang dinaraanan ng mga tupa. Ang mga nauna sa akin ay mga magnanakaw at mga tulisan, ngunit hindi sila pinakinggan ng mga tupa. Ako ang pintuan. Ang sinumang pumapasok sa pamamagitan ko’y maliligtas. Papasok siya’t lalabas, at makatatagpo ng pastulan. Kaya lamang pupunta rito ang magnanakaw ay upang magnakaw, pumatay, at magwasak. Naparito ako upang ang mga tupa’y magkaroon ng buhay – isang buhay na ganap at kasiya-siya.”

Ang Mabuting Balita ng Panginoon.

Mula sa Awit at Papuri

25/04/2026

NGAYON | Kasalukuyang ginaganap ang natatanging araw ng panalangin bilang paggunita sa World Day of Prayer for Vocations.

24/04/2026

🎥 LIVE NOW | 2026 DOPCEGAP Formation Teaching

Join us as the Diocese of Pasig – Catholic Elderly and Grandparents Association PH gathers for a meaningful formation session with the theme:

✨ “Old Age: A Resource for the Light-Hearted Youth”

We are blessed to have with us our Resource Speaker:
🙏 Rev. Fr. Dominique Gapayao
Parochial Vicar, Immaculate Conception Cathedral of Pasig
Assistant Director, Pasig Diocesan Social Communications Ministry

📍 Tahanan ng Mabuting Pastol
🗓 April 25, 2026 | Saturday
⏰ 8:00 AM – 11:00 AM

Let us reflect together on the wisdom of our elderly and how it continues to guide and inspire the younger generation. 💙

23/04/2026

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐖𝐨𝐫𝐥𝐝 𝐃𝐚𝐲 𝐨𝐟 𝐏𝐫𝐚𝐲𝐞𝐫 𝐟𝐨𝐫 𝐕𝐨𝐜𝐚𝐭𝐢𝐨𝐧𝐬

Mga kaparokya, in celebration of Good Shepherd Sunday and the 63rd Day of Prayer for Vocations, we invite everyone to a day of prayer

On April 25, Saturday at 4:30 PM, we will have a Holy Rosary for Vocations to be followed by the Exposition of the Blessed Sacrament.

Furthermore, the Prayer for Vocations shall be prayed in every Mass on Sunday. Stampitas and other vocation campaign materials will also be distributed to the faithful.

“The harvest is plentiful, but the laborers are few, therefore, pray earnestly to the Lord of the Harvest to send out laborers into His harvest. (Matthew 9:38)

22/04/2026

𝟒.𝟐𝟐 | 𝟏𝟎𝟎𝐓𝐇 𝐂𝐀𝐍𝐎𝐍𝐈𝐂𝐀𝐋 𝐂𝐎𝐑𝐎𝐍𝐀𝐓𝐈𝐎𝐍 𝐀𝐍𝐍𝐈𝐕𝐄𝐑𝐒𝐀𝐑𝐘 𝐎𝐅 𝐎𝐔𝐑 𝐋𝐀𝐃𝐘 𝐎𝐅 𝐓𝐇𝐄 𝐑𝐎𝐒𝐀𝐑𝐘 𝐎𝐅 𝐌𝐀𝐍𝐀𝐎𝐀𝐆

Mga kaparokya, we joyfully celebrate the 100th Canonical Coronation Anniversary of Our Lady of the Rosary of Manaoag.

The devotion to Our Lady of the Rosary of Manaoag traces back to the early 17th century in Manaoag, Pangasinan, rooted in a tradition of Marian apparition to a local farmer, who heard a voice calling him to the place where the image of the Blessed Virgin would later be venerated. The image, depicting the Virgin Mary holding the Child Jesus and the Rosary, soon became the center of a growing devotion as the faithful began to attribute many graces and favors to her intercession. Under the care of the Dominican friars, the shrine developed into one of the most prominent pilgrimage sites in the Philippines.

In 1926, her image was solemnly crowned, recognizing the deep and enduring devotion of the Filipino people and the many graces received through her prayers. For a century, her crowned image has stood as a sign of God’s enduring grace and a reminder of the deep devotion of the faithful who continually seek her maternal intercession.

Known as a loving mother and powerful guide, Our Lady of the Rosary of Manaoag has drawn countless pilgrims closer to her Son through prayer, especially the Holy Rosary.

As we celebrate this centennial, we also remember with gratitude how her replica image has visited our parish countless times, bringing with it moments of prayer, devotion, and grace for our community. May we continue to welcome her presence in our lives and entrust to her our prayers and intentions.

(Photo of Our Lady from Lorenzo Atienza Photography)