01/08/2026
Unang Sabado ng Buwan ng Agosto, Araw ng Buwanang Pagdedebosyon sa Nuestra Señora del Carmen de Barrio San Miguel de Pasig
"Bulaklak ng Carmelo, Yumayabong sa hardin. Karingalan ng Langit Liwanag sa Dilim.
PANALANGIN SA NUESTRA SEÑORA DEL CARMEN
O Mahal na Birhen del Carmen, pinakamamahal naming Ina, ipinangako mong maging pananggalang ng mga magsusuot, ang iyong banal na eskapularyo, at tagapagligtas sa lahat ng panganib sa mundo at sa mga tukso ng demonyo. Iyong ipinamalas ang katotohanang ito sa pamamagitan ng maraming himala. Sumasamo ako, Mahal na Ina, na maging tagapagligtas nawa ng buhay kong ito, ang inyong eskapularyo upang sa lahat ng tukso ay iyong samahan na maging matagumpay magpakailanman ang nananalig sa iyong tulong upang makamit ang walang hanggang biyaya.
O Birhen del Carmen, Ina ng Diyos at tagapagtanggol ng mga nagsusuot ng iyong banal na eskapularyo, yamang ang Banal na Kamahalan ay ikinararangal ka sa pamamagitan ng pagluluklok sa iyo bilang Kanyang ina, nagsusumamo ako sa iyo na mapagtagumpayan kong buhat sa iyong Mahal na Anak, ang pagpapatawad sa aking mga kasalanan at sa aking pagbabagong buhay, tulungan mo ako sa aking mga pangangailangan, pagaanin ang aking mga pasanin at ang natatanging biyaya na hinihingi ko sa panalanging ito, kung iyong mamarapatin sa iyong ngalan at pagkamakapuri at kabutihan ng aking kaluluwa.
Amen.
Dasalin ang Tatlong Ama Namin... Aba Ginoong Maria… at Luwalhati at hingin sa Birhen Del Carmen ang lahat ng nais makamtan.
Nuestra Señora Virgen del Carmen de Pasig, Ipanalangin mo kami!
Orihinal na Imahen ng Nuestra Señora del Carmen de Barrio San Miguel de Pasig
(Bulaklak ng Pag-ibig at Lakas ng Barrio San Miguel)
