14/08/2026
๐๐๐๐๐๐๐๐๐๐ ๐๐๐๐ ๐๐ ๐๐ ๐๐๐๐๐๐๐๐๐ ๐๐ ๐๐๐๐๐๐๐๐ ๐๐ ๐๐๐๐๐๐๐๐๐ ๐๐ ๐๐๐ ๐๐๐๐๐ ๐๐ ๐๐๐๐๐ ๐๐ ๐๐ ๐๐๐ ๐๐๐๐๐ - ๐๐๐๐๐๐๐๐๐ ๐๐๐๐
Ating parangalan ang Diyos at ihanda ang ating mga sarili sa pagdiriwang ng buhay at halimbawa ni San Roque. Tunghayan ang mga panalangin ng pagsisiyam sa baba.
-------
(+) Sa ngalan ng Ama, at ng Anak, at ng Espiritu Santo. Amen.
๐๐๐ฆ๐๐ฎ๐ง๐ ๐๐ ๐ง๐ ๐๐๐ง๐๐ฅ๐๐ง๐ ๐ข๐ง ๐ฌ๐ ๐๐ซ๐๐ฐ-๐๐ซ๐๐ฐ
Panginoon kong Diyos na walang hanggan at bukal ng lahat ng kagalingan, ako'y nagpapakumbaba sa harap ng inyong kadakilaan. Sinasamba't dinarakila Kita nang taimtim sa loob, sapagkat Ikaw nga ang Ama ko't Panginoong may gawa ng lahat at Ikaw lamang ang pinanggagalingan ng grasya at kaluwalhatian. Ninanasa kong makatulad ng mga banal sa lupa at sa langit na lubos ang pagsamba sa Iyo.
Nagpapasalamat ako nang walang humpay dahil sa di mabilang na mga biyayang ipinagkaloob Mo sa akin, lalung-lalo na ang pagkaligtas ko sa kasalanan. Kinikilala ko ang pagbibigay Mo sa akin ng malinaw na pag-iisip at malayang kalooban, at ako nama'y kinalinga Mo hanggang sa oras na ito. Gayon din, ako'y tinubos Mo, ako'y naging Kristiyano't sangkap ng Santa Iglesia Katolika, binigyan ng maraming pagkakataon na makapagsisi sa aking mga kasalanan, at pinagkalooban ng grasya sa pagbabalik-loob at sa pagbabagong asal.
Sumasampalataya ako sa Iyong mga aral na itinagubilin ng Santa Iglesia at sa pananampalatayang ito'y ibig kong mabuhay at mamatay.
O Diyos na kagalingang walang hanggan! Sinisinta Kita nang buong puso, at iniibig Kita nang higit sa lahat ng bagay dito sa mundo, higit pa rin sa aking buhay at katawan man. Totoong ako'y nagkakasala sa Iyo nang madalas at totoo rin namang hindi ko pinasalamatan ang Iyong kaloob na awa sa akin.
Ngunit sa malaking tulong ng grasyang ibinigay Mo sa akin, kinikilala ko ring lubos ang mga kamalian ko. Kinalimutan ko ang dati kong pagwawalang loob sa Iyo, at ipinahahayag ko ngayon ang pagkapoot ko sa kasalanan. Sa kaibuturan ng aking puso't kaluluwa, pinagsisihan ko ang lahat ng aking mga kasalanan. Inihahandog ko sa Iyo ang aking buhay, mga gawain at kahirapan bilang bayad puri sa aking mga kasalanan.
Nagsisisi ako nang lubos at nangangakong di na muling magkakasala. Bagamat ako'y nangangamba sa karupukan ng aking kalooban, nananalig akong mananatili Ka sa akin upang makamit ang Iyong awa at grasya. Dito lamang ako nananalig, Panginoon ko, sapagka't ibig ko pang ako'y mamatay huwag lamang magkasala sa Iyo. Ako'y magpapakasakit sa abot ng aking kaya, upang ako'y makabayad sa aking mga kasalanan. Gagampanan ko ang mga tungkulin bilang tunay na Kristiyano at pagbubutihin ko ang aking asal. Taglay ang matibay na loob, ako'y mananatili sa pamimintuho't paglilingkod sa Iyo, magpasawalang hanggan. Siya nawa.
๐๐๐ง๐ ๐ข๐ง๐ ๐๐๐ง๐๐ฅ๐๐ง๐ ๐ข๐ง ๐ฌ๐ ๐๐ค๐๐ฐ๐๐ฅ๐จ๐ง๐ ๐๐ซ๐๐ฐ
Maawaing disipulo ni JesuKristo, Roqueng kabanal-banalan, at malapit na kaibigan ng Panginoong Diyos, dinarakila namin ang iyong katangian sa mga gawang banal.
Sa malaki mong pag-ibig sa Diyos, ipinahayag Niya sa iyo ang araw at oras ng iyong kamatayan kaya't nagkaroon ka ng pagkakataong maitawag ng paring mapangungumpisalan. Siya'y nagulat sa sinag na nakitang nanggagaling sa iyong katauhan. Nadama niya ang alab ng iyong kabanalan nang tumanggap ka ng komunyon.
Ang balitang may santo sa bilangguan ay kumalat sa buong siyudad ngunit inari ng Gobernador na ito'y isang panagimpan.
Nagulat na lamang ang mga tao nang sila'y pumasok sa loob ng bilangguan at doo'y nakita nila ang isang nakasisilaw na sinag. Nakita ka nila na nakahiga ka sa lupa, at kamamatay mo pa lamang. Nasa ulunan mo ang tablang nagsasaad ng ganito: "Sinumang abutin ng salot at tumawag sa aking aliping si Roque, ay ipag-aadya ko, alang-alang sa kanya." Nagkatotoo ang mga salitang ito, nang malaman ng iyong ina na ikaw nga ang kanyang anak na may tanda ng krus sa sikmura.
O San Roque, dahil sa pangako ng Diyos sa iyo, sinasambit namin ang mahal mong ngalan, upang kami'y maligtas sa salot at sa sakit na nakahahawa. Hinihiling din namin sa iyo, sa awa't tulong ng Panginoong Diyos, na kami'y makasunod sa iyong kabanalan, alang-alang kay JesuKristong nabubuhay at naghahari magpakailan man. Siya nawa.
(Manalangin ng 3 Ama Namin, 3 Aba Ginoong Maria, at 3 Luwalhati bilang puri't galang sa Diyos sa mga biyayang kaloob kay San Roque)
๐๐๐ง๐ ๐ฐ๐๐ค๐๐ฌ ๐ง๐ ๐๐๐ง๐๐ฅ๐๐ง๐ ๐ข๐ง ๐ฌ๐ ๐๐ซ๐๐ฐ-๐๐ซ๐๐ฐ
O Diyos na maluwalhati at bukal ng walang hanggang awa, ikaw na nagkaloob sa amin ng isang San Roque, na hindi lamang isang pintakasi't mapag-ampon sa aming kaluluwa't katawan, kundi rin naman isang salaming mapagpaparisan ng mabuting asal; sa pagtupad ng Iyong kalooban at pagtuturo ng landas patungo sa Iyong kaharian ipagkaloob Mo alang-alang sa kanya na mapailalim kami sa kanyang mahal na pagkupkop. Sa gayon, sana'y maging karapat-dapat kami sa Iyong awa't mga biyaya.
Gayon din, isinasamo namin sa Iyo na kamiโy pagkalooban ng grasya ng tagumpay laban sa kasamaan upang malubos ang aming pagtulad sa kabanalang kanyang kinamtan. Hinihiling din namin ang saklolong ninanasa namin sa pagsisiyam na ito bukod pa sa isang magandang kamatayan, alang-alang sa Mahal Mong Anak na nabubuhay at naghahari kasama Mo at ng Espiritu Santo magpasawalang hanggan. Siya nawa.
๐๐๐ฅ๐ข๐ญ ๐ค๐๐ฒ ๐๐๐ง ๐๐จ๐ช๐ฎ๐
Aba matibay na moog,
Nang taong nangangasalot
๐๐๐๐๐๐๐ ๐๐ ๐๐๐๐โ๐ ๐๐๐๐๐๐,
๐๐๐๐๐๐๐ ๐๐๐๐๐๐๐๐โ๐ ๐๐๐๐๐๐.
Ngunit ang Diyos na Hari
may layong nakahihili,
pagsubok sa iyong budhi
lakas namang di ugali.
Sa piita'y naging bantayog
sa biyaya ay nalipos.
๐๐๐๐๐๐๐ ๐๐ ๐๐๐๐โ๐ ๐๐๐๐๐๐,
๐๐๐๐๐๐๐ ๐๐๐๐๐๐๐๐โ๐ ๐๐๐๐๐๐.
Nakita sa isang barlaya
nalilimbag, natatala.
Ngalan mo'y pag sinambitla
ang salot ay nawawala.
Nang di kami mangasalot
ngalan mo'y ibabantog.
๐๐๐๐๐๐๐ ๐๐ ๐๐๐๐โ๐ ๐๐๐๐๐๐,
๐๐๐๐๐๐๐ ๐๐๐๐๐๐๐๐โ๐ ๐๐๐๐๐๐.
V. Ipanalangin mo kami, maluwalhating San Roque,
R. Nang maging dapat kaming magkamit nang mga pangako ni Kristo.
Manalangin tayo:
Ay Panginoong kong Diyos! Na sinuguan mo ng anghel ang maluwalhating Roque, at pinahatiran mo siya ng kaputol na tabla, na doo'y pinagtibay mo ang pangako mo sa kanya, na di maano sa hampas ng salot, ang sinumang mamintakasi sa kanya; magdalita ka't kaming lahat, na nag-aalaala sa kaniyang panibago, ay pagkalooban mong mangaligtas sa salot na nakamamatay sa kaluluwa't katawan, pakundangan kay Hesukristong Panginoon namin. Siya nawa.
(+) Sa ngalan ng Ama, at ng Anak, at ng Espiritu Santo. Amen.
