Bisita ng Banal na Krus - SPPC Malumot

14/08/2026

08/08/2026

Ang atin pong Bisita ng Banal na Krus - SPPC Malumot ay bumabati sa ating Parish Pastoral Council Vice Chairman, Sister Ramona "Mona" Faustino-Sulit na nagdiriwang ng kanyang ika-50 taong kaarawan ngayong araw!

Happy Happy Birthday po Sister Mona!

08/08/2026

🚨 EMERGENCY ALERT

Wala po muna tayong Banal na Misa ngayong gabi.

May napansin po tayong saksakan sa isa sa mga poste/column ng ating bisita na sobrang init, at napansin din na nagbu-bubbles na ang pintura sa bahagi ng pader. Dahil dito, may posibilidad na may problema sa electrical connection at kinakailangan po itong masuri agad para sa kaligtasan ng lahat.

Magpapatawag po muna tayo ng licensed electrician upang masuri at matiyak ang kondisyon ng ating electrical system. Dahil dito, pansamantala po nating ipinagbigay-alam sa Parish Office ang kahilingan na ipagpaliban muna ang ating Banal na Misa ngayong gabi.

Hinihiling po namin ang inyong pang-unawa. Mas mahalaga po ang kaligtasan ng ating mga mananampalataya kaysa sa anumang gawain sa ating bisita.

Maraming salamat po sa inyong pang-unawa at pakikiisa. 🙏

30/07/2026

Magkita-kita po tayo sa Sabado!!! Dito na po kayo magsimba

25/07/2026

Mula po sa aming pamunuan ng Bisita ng Banal na Krus - SPPC Malumot (Neil J. Adriano, Divina G. Dayao, Maria Pilar G. Baltazar, Novalene M. Martin), ipinaaabot po namin ang aming pagbati at lubos na pagpapasalamat sa inyo na aming kasalukuyang Hermandad (Sir Chiz Francis R. Bartolome, Amarie at Francis H. Caguiao, Jason M. Marasigan, Richard T. Nicholas, Ricky N. Clemente), para sa isang makabuluhan pagsalida ngayong Pistang Parokya 2026 sa karangalan ng Patrong Santiago Apostol.

Ramdam po namin ang inyong presensya, at ang inyong pagmamahal sa tinanguang gampanin bilang Hermandad ng ating Patrong Banal na Krus.

Muli, maraming salamat po at mabuhay po tayong lahat!!! Hanggang sa susunod pong gampanin.

24/07/2026

Tayo po ay makiisa at makisaya mga ka-Bisita ng Banal na Krus - SPPC Malumot!!!

PISTANG PAROKYA 2026

Narito ang mga oras ng Banal na Misa bukas, ika-25 ng Hulyo 2026 para sa Kapistahan ng Mahal na Patron Santiago Apostol:

6:00 ng umaga
sa pangunguna ni Rdo. P. Gener S.R. Garcia
Kura Paroko, Parokya ng Santiago Apostol

8:00 ng umaga
sa pangunguna ni Rdo. Msgr. Narcisco Sampana
Bikaryo Heneral, Rektor at Kura Paroko ng Dambana ng San Agustin, Baliwag City; susundan ng prusisyon ng NS de la Consolacion y Correa at Santiago Apostol

6:00 ng gabi
sa pangunguna ni Lub. Kgg. Dennis Villarojo, D.D.
Obispo ng Diyosesis ng Malolos; susundan ng prusisyon ng Mahal na Patron Santiago Apostol at mga Patron ng nasasakupan ng Parokya

04/07/2026

MGA PABATID

1. Bilang paghahanda sa nalalapit na Koronasyong Episkopal ng ating Patronang Pandangal, ang Nuestra Señora dela Consolacion y Correa, magkakaroon po tayo ng ikalawang symposium o panayam tungkol sa Tema ng Pananampalataya na isasagawa sa Sabado, July 11, 2026 sa ganap na ika 1:00 ng hapon, sa ating Parokya.

Ang nasabing Symposium ay may Titulong: "INANG MAPANG-ALIW: Katekesis tungkol sa Koronasyon ng Imahen ng Mahal na Birhen"

2. Para naman po sa nalalapit na Kapistahan ng Mahal na Patrong Santiago Apostol sa July 25, ang Nobenaryo po ay magsisimula sa July 16-24, sa ganap na ika 5:00 ng hapon at susundan po ng Misa sa ganap na ika 6:00
ng gabi.

3. Kaugnay ng ating Pistang Parokya, sa July 18 ay isasagawa naman po ang Camino Walk 2026 na magmumula sa Parokya ng San Juan Bautista, Poblacion, Calumpit, Bulacan, at lalakad pabalik sa ating Parokya.

Mayroon pong nakalaan na libreng sasakyan patungo sa Calumpit, sa ganap na ika 2:00 ng umaga, (sa atin pong parokya ang venue ng pagtitipon-tipon)

Para sa mga mananampalatayang may sariling sasakyan, maaari na po kayong magtungo na ng deretso sa ating destinasyon.

Mayroon din pong CAMINO PASSPORT na ibenebenta sa halagang 100 piso na atin pong gagamitin sa ating paglalakbay na tatatakan sa bawat hihimpilang simbahan.

May kasama din po itong souvenir na BUTTON PIN; maaari pong mabili ang nasabing CAMINO PASSPORT at BUTTON PIN sa mga officer ng Parish Commission on Youth.

4. Magkakaroon din po tayo ng BINYAGANG PAROKYA na gaganapin sa Hulyo 19, 2026 (Linggo) sa ganap na ika 11:00 ng umaga.

Ang mga Requirements ay ang mga sumusunod:

- 3 taong gulang pababa
- Birth Certificate
- 1 ninong at 1 ninang
- ang batang bibinyagan at mga magulang ay magsusuot ng
puting damit.

Para po sa karagdagang impormasyon, makipag-ugnayan po sa opisina ng Parokya, Ang Simbahan ng Paombong - Parokya ng Santiago Apostol

Ang lahat po ay inaaanyayahang makiisa sa mga nabanggit na pagdiriwang.

Maraming Salamat po.