La Consolacion Y Correa (Paombong, Bulacan)

La Consolacion Y Correa (Paombong, Bulacan) To share the Devotion Our Lady of Consolation and Cincture , Loving Mother and Queen,Patrones of the Town of Paombong.

24/01/2026

Live: Misa Anticipado

Ikatlong Linggo sa Karaniwang Panahon
Enero 24, 2026
7:30 ng gabi








17/01/2026

Live: Misa Anticipado

Kapistahan ng Panginoong Hesus, ang Banal na Sanggol
Sabado, Enero 17, 2026
7:30 ng gabi








10/01/2026

Live: Misa Anticipado

Kapistahan ng Pagbibinyag sa Panginoon
Sabado, Enero 10, 2026
7:30 ng gabi

Paring Tagapagdiwang:
Rdo. P. Gener S.R. Garcia








07/10/2022

7 Oktubre
KAPISTAHAN NG MAHAL NA BIRHEN NG SANTO ROSARYO

ANG KASAYSAYAN NG SANTO ROSARYO
ni San Louis Marie De Montfort

Walang alinlangang masasabi na ang Rosaryo ang una at pinakamahalagang panalangin dahil binubuo ito ng “Ama Namin”, ang dasal ni Kristo; ng “Aba Ginoong Maria”, ang dasal ng pagbati ni Arkanghel San Gabriel; at iba pang karaniwang panalangin. Nagsimula ang pagdarasal ng Rosaryo noong panahon ng mga apostoles at disipulo at ito ay dinarasal pa rin hanggang ngayon.

Ang Rosaryo ay ibinigay sa Simbahan ni Santo Domingo de Guzman. Ito ay tinanggap niya sa Mahal na Birhen para sa pagbabalik-loob ng mga Albegensians at ng iba pang mga makasalanan. Nakita noon ni Santo Domingo na magiging lubhang mahirap ang mapagbalik-loob ng mga Albegensians dahil sa mga napakabigat na kasalanan nila, kaya inisip niyang magtungo sa kagubatan. Nagdasal siya rito ng tatlong araw at tatlong gabi nang walang tigil. Nagsakripisyo at tumangis siya upang mawala ang galit ng Panginoon. Dahil sa labis na pagpaparusa sa sarili, si Santo Domingo ay nagkasugat-sugat at nawalan ng malay.

Sa oras na ito, nagpakita ang Mahal na Birheng Maria na may kasamang tatlong anghel at nagsabi: “Mahal kong Domingo, alam mo ba kung anong armas ang ibig ng Banal na Trinidad na gamitin para sa pagbabago ng mga tao sa daigdig?” Sumagot si Domingo: “Mahal na Birheng Maria, mas alam ninyo ito kaysa sa akin dahil pumapangalawa kayo kay Hesukristo sa pagiging instrumento ng aming kaligtasan.”

Ang Mahal na Birhen ay nagwika: “Ibig kong malaman mo na sa ganitong digmaan, ang pinakamahalagang armas ay ang aking mga salmo na siyang saligang bato ng Bagong Tipan; kaya kung ibig mong maabot ang mga tumigas nang kaluluwa at mapabalik-loob mo sila sa Diyos, ipangaral mo ang aking mga salmo.”

Kapagdaka’y tumayo si Santo Domingo na nasisiyahan at nagtungo sa katedral. Pinatunog ng mga anghel ang mga kampana upang tipunin ang mga tao. Si Santo Domingo ay nagsimulang mangaral. Bahagya pa lamang siyang nakapagsermon nang magdilim ang araw. Sinundan ito ng bagyo at lindol na labis na ikinatakot ng mga tao. Lalo silang natakot nang makita nilang gumalaw ang larawan ni Mahal na Birheng Maria na inilantad ni Santo Domingo. Tumingin ang Birhen sa langit at itinaas ang kamay ng tatlong beses upang manawagan sa Diyos na magbibigay ng kanyang parusa sa mga makasalanan kung sila ay hindi magbabalik-loob at hihiling ng kalinga sa Ina ng Diyos. Ninais ng Diyos na sa pamamagitan ng mga di pangkaraniwang pangyayaring ito, lalaganap ang debosyon sa Santo Rosaryo sa buong mundo.

Pinagpatuloy ni Santo Domingo ang kanyang pangangaral nang tumigil ang bagyo sa kanyang pagdarasal. Dahil sa napakahusay na pagpapaliwanag niya sa kahalagahan ng Rosaryo, halos lahat ng tao sa Toulose ay malugod na tinanggap ito at tinalikuran ang kanilang mga maling paniniwala. Tinalikuran din nila ang mga masasamang bisyo. Nagsimulang mamuhay sila bilang mabuting Kristiyano.

Dahil sa pagbibigay-sigla ng Espiritu Santo, ng atas ng Mahal na Birhen at ng sariling karanasan at pagsesermon, napalaganap ni Santo Domingo ang pagdarasal ng Santo Rosaryo hanggang sa huling sandali ng kanyang buhay. Nangaral siya sa matataas at hamak na tao, sa mga iskolar at mangmang, at sa Katoliko at erehe. Dinarasal noon ni Santo Domingo ang Rosaryo araw-araw bilang paghahanda na rin sa bawat sermon niya.

Ang Mahal na Birhen ay sumunod na nagpakita kay Santo Domingo sa isang kapilya sa Notre Dame, sa Paris, habang dinarasal niya ang Rosaryo bilang paghahanda sa kanyang pagsesermon. Nagkataong kapistahan noon ni San Juan Bautista na isa sa mga mangangaral ng ebanghelyo.

“Domingo, ang inihanda mong sermon ay maaring mahusay, ngunit may dala ako na nasa aklat na mas mahusay kaysa sa iyong sermon.” wika ng Mahal na Birhen.

Kinuha ni Santo Domingo ang aklat ng Mahal na Birhen, binasa nang mabuti at pagkatapos na mapagnilayan ito, nagpasalamat siya sa Mahal na Birhen.

Nang dumating ang oras ng pagsesermon, humarap si Santo Domingo sa kongregasyon na binubuo ng matataas na tao kaya naman sanay sila sa pakikinig ng mga sermong pambihira. Kasalungat ang ginawang pagsesermon ni Santo Domingo na ipinaliwanag niya sa mga tagapakinig. Nangaral siya sa paraang madaling intindihin sa tulong ng Espiritu Santo. Ipinaliwanag niya ang Rosaryo na parang ang kaharap niya ay mga bata. Ginamit niya ang mga larawang guhit na nasa aklat na ibinigay ng Mahal na Birhen.

Sa isang pagkakataon, nagpakita si Hesus at ang Mahal na Birhen kay Santo Domingo upang siya’y himukin at bigyang sigla sa malawakang pagpapalaganap niya ng Rosaryo upang masugpo ang kasalanan at mapabalik-loob ang mga makasalanan at mapasampalataya ang mga hindi naniniwala sa Diyos.

“Domingo, nasisiyahan ako dahil hindi ka umaasa sa sarili mong karunungan at hindi mo inaasahan na purihin ka ng mga tao. Dakila ang kababaang-loob mo sa paggawa para sa kaligtasan ng mga kaluluwa. Maraming alagad ng Diyos ang nagsisimulang mangaral tungkol sa kabigatan ng kasalanan. Dapat at ihanda muna ang makasalanan sa pagkakaroon sa puso ng pag-ibig sa pagdarasal lalung-lalo na sa pagdarasal ng aking mga salmo. Tulad ito ng maysakit na bibigyan agad ng mapait na gamot na kanyang ikagagaling nang hindi man lamang siya inihanda sa pagtanggap nito. Kung makapagtitiyaga lamang ang mga makasalanan sa pagdarasal lalo na ng aking mga salmo, ang Diyos Ama ay hindi makakatanggi na magbigay ng kanyang grasya, kaya ibig kong mangaral ka sa pagdarasal ng Rosaryo,” wika ni Hesus.

Ang Rosaryo ay mga katawagan ng Salmo ni Hesus at Maria noon pa mang panahon ni Santo Domingo dahil ang bilang ng Aba Ginoong Maria at Salmo sa Aklat ng mga Salmo ni David at sa Rosaryo ay magkatulad. Ang mga walang pinag-aralan ay hindi makakabasa ng mga Salmo ni David kaya ang Rosaryo ang inihahalili para sa kanila.

Pinagtibay ng Mahal na Birheng Maria ang pangalang Rosaryo sa dasal na ito. Ipinaalam niya sa ilang tao na tuwing dinarasal nila ang Aba Ginoong Maria, binibigyan nila ang Birheng Maria ng isang magandang rosas. Ang katumbas naman ng pagdarasal ng isang dekada ng Rosaryo ay isang maliit na korona ng mga rosas, at ng buong Rosaryo, malaking korona ng mga rosas na inilalagay natin sa ulo nina Hesus at Maria.

ANG BIRHEN NG SANTO ROSARYO
(Nuestra Señora de las Victorias)

Ang kapistahan ng Birhen ng Santo Rosaryo ay itinatag noong 1571 ni Papa Pio V, upang magunita ang hukbong-dagat na labanan ng mga Kristiyano at Turko sa Lepanto. Ipinalalagay na kaya nanalo ang mga Kristiyano sa labanang ito ay sa dahilang hiningan nila ng tulong ang Mahal na Birhen sa pamamagitan ng pagdarasal ng Rosaryo. Ang mga Misteryo ng Tuwa, Hapis, Luwalhati at Liwanag na may 20 misteryo sa kabuuan ay ang pinakamahahalagang pangyayari sa buhay ni Hesus at Maria. Sinabi ni San Pablo VI na ang pagdarasal ng Rosaryo nang hindi pinagninilayan ang mga misteryo ay mahahalintulad sa taong walang buhay.

Ang Litanya ng Rosaryo na kinuha sa Santwaryo ng Loreto, sa Italya, ay idinagdag sa Rosaryo noong 1592. Ang dasal na “O Hesus ko patawarin Mo ang aming mga sala...” na ibinibigkas pagkatapos ng bawat dekada, ay idinikta ng Mahal na Birhen sa tatlong bata ng pinagpakitaan niya sa Fatima noong 1917.

Para sa mga nagsasawa sa paulit-ulit na pagdarasal ng Rosaryo, dapat isipin na ang mga mangingibig ay hindi nagsasawang ulit-ulitin ang mga salitang nagpapahayag ng pagmamahal na ibinibigkas nila sa isa’t-isa. Ang pagdarasal ng Rosaryo ay pagpapakita ng pagmamahal sa Diyos at sa Mahal na Birheng Maria.

04/09/2022

4 Setyembre
KAPISTAHAN NG NUESTRA SEÑORA DE LA
CONSOLACION Y CORREA
La Gran Madre y Reina al Pueblo de Paombong

CORONILLA NG NUESTRA SEÑORA DE LA CONSOLACION Y CORREA

Sa ngalan ng Ama, ng Anak, at ng Espiritu Santo. Amen.

Matapos ang bawat artikulo ng Credo ay magkakaroon ng maikling pagninilay o sandaling katahimikan at susundan ito ng pagdarasal ng Ama Namin at Aba Ginoong Maria.

1. Sumasampalataya ako sa Diyos Amang makapangyarihan sa lahat, na may gawa ng langit at lupa.
Ama Namin at Aba Ginoong Maria
2. Sumasampalataya ako kay Hesukristong, Iisang Anak ng Diyos, Panginoong nating lahat.
Ama Namin at Aba Ginoong Maria
3. Ipinaglihi sa pamamagitan ng Espiritu Santo at ipinanganak ni Santa Mariang Birhen.
Ama Namin at Aba Ginoong Maria
4. Pinagpakasakit ni Poncio Pilato, ipinako sa krus, namatay, inilibing.
Ama Namin at Aba Ginoong Maria
5. Nanaog sa kinaroroonan ng mga yumao at nang may ikatlong araw nabuhay na mag-uli.
Ama Namin at Aba Ginoong Maria
6. Umakyat sa langit, at naluluklok sa kanan ng Diyos Amang makapangyarihan sa lahat.
Ama Namin at Aba Ginoong Maria
7. Doon nagmumulang paririto at huhukom sa nangabubuhay at nangamamatay na tao.
Ama Namin at Aba Ginoong Maria
8. Sumasamplataya ako sa Diyos Espiritu Santo.
Ama Namin at Aba Ginoong Maria
9. Sumasampalataya ako sa Banal na Simbahang Katolika, sa kasamahan ng mga banal.
Ama Namin at Aba Ginoong Maria
10. Sumasampalataya ako sa kapatawaran ng mga kasalanan.
Ama Namin at Aba Ginoong Maria
11. Sumasampalataya ako sa pagkabuhay na mag-uli ng mga nangamatay na tao.
Ama Namin at Aba Ginoong Maria
12. Suamsamplataya ako sa buhay na walang hanggan.
Ama Namin at Aba Ginoong Maria
(Ang huling Ama Namin at Aba Ginoong Maria ay ipapahayag para sa natatanging panalangin at para sa mga intensyon ng Santo Papa.)

Aba po Santa Mariang Reyna, Ina ng Awa, ikaw nga po ang kabuhayan at katamisan! Aba pinanaligan ka namin! Ikaw nga po ang tinatawag naming pinapanaw na taong anak ni Eba. Ikaw rin ang pinagbubuntong-hininga namin ng aming pagtangis dini sa lupang bayang kahapis-hapis. Ay! Aba pintakasi ka namin! Ilingon mo sa amin ang mga mata mong maawain at saka kung matapos yaring pagpanaw sa amin, ipakita mo sa amin ang iyong anak na si Hesus. Santa Maria, Ina ng Diyos! Maawin, maalam at matamis na Birhen.

V: Ipanalangin mo kami, O Santa Ina ng Diyos.
R: Nang kami ay maging dapat makinabang sa mga pangako ni Hesukristong aming Panginoon.

MANALANGIN TAYO: Panginoong Hesukristo, Ama ng Awa at Diyos ng lahat ng kaaliwan, ang Iyong mga mananampalataya ay nagsasaya sa dulot na pangangalaga ng Banal na Birheng Maria, Ina ng Kaaliwan. Sa pamamagitan ng kanyang maka-inang pamamagitan, nawa kami ay makalaya sa anumang ligalig at kapahamakan sa aming buhay at nawa kami ay maging marapat na patuluyin sa kaligayahang walang hanggan sa Langit, na kung saan Ikaw ay nabubuhay at naghahari magpasawalang-hanggan. Amen.

DALIT SA MAHAL NA BIRHENG MAPANG-ALIW

Sa lupa’t sangkalangitan,
Lubos kang kaaliwan.

Birheng Mahal, kami’y bigyan ng aliw na kailangan.

Laganap nga sa mundong ito
Kabuktuta’t paglililo
Kay Maria idaing ito
Nang igawad ang saklolo.

Birheng Mahal, kami’y bigyan ng aliw na kailangan.

Sa hirap at kalumbayan
Awa mo ay kagamutan
Pusong hapo’t walang buhay
Sa ngalan mo’y magdidiwang.

Birheng Mahal, kami’y bigyan ng aliw na kailangan.

Kaluluwa sa piitan
Wari’y lubhang nananamlay
Nang masambit Iyong ngalan
Ang langit parang nabuksan.

Birheng Mahal, kami’y bigyan ng aliw na kailangan.

Ang daing ng nararamdaman
Na tumagos sa kalangitan
Dinggin mo at ‘yong lawitan
Ng awa at pagmamahal.

Birheng Mahal, kami’y bigyan ng aliw na kailangan.

Mga taong nagbabanal
Sa tulong mo at katigan
Tukso’t sala maiwasan
Sa laot ng paglalakbay.

Birheng Mahal, kami’y bigyan ng aliw na kailangan.

Mapapalad ang mga kaluluwang
Purgatorio ang piitan
Sa debosyon kay Maria
Malapit ang kalangitan

Birheng Mahal, kami’y bigyan ng aliw na kailangan.

Halika na, Inang Mahal,
Igawad mo gabi’t araw
Mula diyan sa’yong bayan
Pagpapala’t kaaliwan.

Birheng Mahal, kami’y bigyan ng aliw na kailangan.

MANALANGIN TAYO:
Masintahing Ina, masdan mo kami ng iyong mga matang maawain. Yayamang inilaan ka at tinaguriang mapang-aliw na ipinahahayag ng iyong larawan, pukulan mo kami ng iyong mahalagang tulong na ikaw lamang ang tanging makapagbibigay alang-alang sa iyong pagiging malapit at makapangyarihan sa iyong Anak na si Hesus kung ito’y naaayon sa Kanyang banal na kalooban. At kung inaakala mo itong aming kahilingan ay hindi sa ikabubuti namin, palitan mo ito ng iba upang itong aming pagsampalataya, pag-ibig at paglilingkod sa iyong Anak ay lalong maging kasiya-siya. Mahal na Birheng Maria, aming Ina, sa pagsuyo naming ito sa iyo, nangangako kaming tutularan ang buhay mo. Sisikapin naming mabuhay na tunay na kristiyano at nang dito pa lamang sa mundong ibabaw ay simulan nang tamasahin ang kaligayahan sa kaharian ni Hesukristong Anak mo na nabubuhay at naghahari magpakailanman. Amen.

MGA TUWANG DALIT NA PAGPUPURI SA MAHAL NA SINTAS NI SAN AGUSTIN NA AMA NATIN

Aba, sintas ng hiwaga
Nagpakita ng himala

Matibay nga na sandata
Nitong Birheng sakdal ganda.

Kalasag ka na mabisa
Sa panganib at masama
Lumulupig na mistula
Sa kaaway na kuhila.

Matibay nga na sandata
Nitong Birheng sakdal ganda.

Nawawala ang ligalig
Kapag suo’t nananalig
Nalilito’t natutulig
Ang demonyong nang-uusig

Matibay nga na sandata
Nitong Birheng sakdal ganda.

Tanda itong nagbabadya
Ng ‘sang pusong sumisinta
Kutyain man para-para
Di tatakwil sa panata.

Matibay nga na sandata
Nitong Birheng sakdal ganda.

Kasangkapan, katibayan
Saksing tunay, kasapi-ka
Sa angkan ni Mariang Ina,
Iaalay buhay niya.

Matibay nga na sandata
Nitong Birheng sakdal ganda.

Mahal naming mapang-aliw
Lingapin kaming may paggiliw
Nangangakong walang maliw
Kalooban mo ay susundin.

Matibay nga na sandata
Nitong Birheng sakdal ganda.

Nais naming makarating
Sa tugatog ng mithiin
Kaya’t sintas gagamitin
Upang ika’y makapiling.

Matibay nga na sandata
Nitong Birheng sakdal ganda.

PANALANGIN SA MAHAL NA BIRHEN NG CONSOLACION
Ama naming makapangyarihan at pinagmulan ng lahat ng kabutihan, sa pamamagitan ng Mahal na Birheng Maria, sinugo mo si Hesukristong Anak Mo bilang Consolacion ng iyong sambayanan. Nawa’y makamit naming ang lahat ng kaaliwan sa tulong ng panalangin ni Maria, ang Ina ng Consolacion.
Hinihiling naming ito sa pamamagitan ni Hesukristong aming Panginoon at Iyong Anak na nabubuhay at naghaharing kasama Mo at ng Espiritu Santo, iisang Diyos magpasawalang hanggan. Amen.



03/09/2022

3 Setyembre
UNANG SABADO NG BUWAN
ARAW NG PAGDEDEBOSYON SA NUESTRA SEÑORA DE LA CONSOLACION Y CORREA
La Gran Madre y Reina al Pueblo de Paombong

CORONILLA NG NUESTRA SEÑORA DE LA CONSOLACION Y CORREA

Sa ngalan ng Ama, ng Anak, at ng Espiritu Santo. Amen.

Matapos ang bawat artikulo ng Credo ay magkakaroon ng maikling pagninilay o sandaling katahimikan at susundan ito ng pagdarasal ng Ama Namin at Aba Ginoong Maria.

1. Sumasampalataya ako sa Diyos Amang makapangyarihan sa lahat, na may gawa ng langit at lupa.
Ama Namin at Aba Ginoong Maria
2. Sumasampalataya ako kay Hesukristong, Iisang Anak ng Diyos, Panginoong nating lahat.
Ama Namin at Aba Ginoong Maria
3. Ipinaglihi sa pamamagitan ng Espiritu Santo at ipinanganak ni Santa Mariang Birhen.
Ama Namin at Aba Ginoong Maria
4. Pinagpakasakit ni Poncio Pilato, ipinako sa krus, namatay, inilibing.
Ama Namin at Aba Ginoong Maria
5. Nanaog sa kinaroroonan ng mga yumao at nang may ikatlong araw nabuhay na mag-uli.
Ama Namin at Aba Ginoong Maria
6. Umakyat sa langit, at naluluklok sa kanan ng Diyos Amang makapangyarihan sa lahat.
Ama Namin at Aba Ginoong Maria
7. Doon nagmumulang paririto at huhukom sa nangabubuhay at nangamamatay na tao.
Ama Namin at Aba Ginoong Maria
8. Sumasamplataya ako sa Diyos Espiritu Santo.
Ama Namin at Aba Ginoong Maria
9. Sumasampalataya ako sa Banal na Simbahang Katolika, sa kasamahan ng mga banal.
Ama Namin at Aba Ginoong Maria
10. Sumasampalataya ako sa kapatawaran ng mga kasalanan.
Ama Namin at Aba Ginoong Maria
11. Sumasampalataya ako sa pagkabuhay na mag-uli ng mga nangamatay na tao.
Ama Namin at Aba Ginoong Maria
12. Suamsamplataya ako sa buhay na walang hanggan.
Ama Namin at Aba Ginoong Maria
(Ang huling Ama Namin at Aba Ginoong Maria ay ipapahayag para sa natatanging panalangin at para sa mga intensyon ng Santo Papa.)

Aba po Santa Mariang Reyna, Ina ng Awa, ikaw nga po ang kabuhayan at katamisan! Aba pinanaligan ka namin! Ikaw nga po ang tinatawag naming pinapanaw na taong anak ni Eba. Ikaw rin ang pinagbubuntong-hininga namin ng aming pagtangis dini sa lupang bayang kahapis-hapis. Ay! Aba pintakasi ka namin! Ilingon mo sa amin ang mga mata mong maawain at saka kung matapos yaring pagpanaw sa amin, ipakita mo sa amin ang iyong anak na si Hesus. Santa Maria, Ina ng Diyos! Maawin, maalam at matamis na Birhen.

V: Ipanalangin mo kami, O Santa Ina ng Diyos.
R: Nang kami ay maging dapat makinabang sa mga pangako ni Hesukristong aming Panginoon.

MANALANGIN TAYO: Panginoong Hesukristo, Ama ng Awa at Diyos ng lahat ng kaaliwan, ang Iyong mga mananampalataya ay nagsasaya sa dulot na pangangalaga ng Banal na Birheng Maria, Ina ng Kaaliwan. Sa pamamagitan ng kanyang maka-inang pamamagitan, nawa kami ay makalaya sa anumang ligalig at kapahamakan sa aming buhay at nawa kami ay maging marapat na patuluyin sa kaligayahang walang hanggan sa Langit, na kung saan Ikaw ay nabubuhay at naghahari magpasawalang-hanggan. Amen.

DALIT SA MAHAL NA BIRHENG MAPANG-ALIW

Sa lupa’t sangkalangitan,
Lubos kang kaaliwan.

Birheng Mahal, kami’y bigyan ng aliw na kailangan.

Laganap nga sa mundong ito
Kabuktuta’t paglililo
Kay Maria idaing ito
Nang igawad ang saklolo.

Birheng Mahal, kami’y bigyan ng aliw na kailangan.

Sa hirap at kalumbayan
Awa mo ay kagamutan
Pusong hapo’t walang buhay
Sa ngalan mo’y magdidiwang.

Birheng Mahal, kami’y bigyan ng aliw na kailangan.

Kaluluwa sa piitan
Wari’y lubhang nananamlay
Nang masambit Iyong ngalan
Ang langit parang nabuksan.

Birheng Mahal, kami’y bigyan ng aliw na kailangan.

Ang daing ng nararamdaman
Na tumagos sa kalangitan
Dinggin mo at ‘yong lawitan
Ng awa at pagmamahal.

Birheng Mahal, kami’y bigyan ng aliw na kailangan.

Mga taong nagbabanal
Sa tulong mo at katigan
Tukso’t sala maiwasan
Sa laot ng paglalakbay.

Birheng Mahal, kami’y bigyan ng aliw na kailangan.

Mapapalad ang mga kaluluwang
Purgatorio ang piitan
Sa debosyon kay Maria
Malapit ang kalangitan

Birheng Mahal, kami’y bigyan ng aliw na kailangan.

Halika na, Inang Mahal,
Igawad mo gabi’t araw
Mula diyan sa’yong bayan
Pagpapala’t kaaliwan.

Birheng Mahal, kami’y bigyan ng aliw na kailangan.

MANALANGIN TAYO:
Masintahing Ina, masdan mo kami ng iyong mga matang maawain. Yayamang inilaan ka at tinaguriang mapang-aliw na ipinahahayag ng iyong larawan, pukulan mo kami ng iyong mahalagang tulong na ikaw lamang ang tanging makapagbibigay alang-alang sa iyong pagiging malapit at makapangyarihan sa iyong Anak na si Hesus kung ito’y naaayon sa Kanyang banal na kalooban. At kung inaakala mo itong aming kahilingan ay hindi sa ikabubuti namin, palitan mo ito ng iba upang itong aming pagsampalataya, pag-ibig at paglilingkod sa iyong Anak ay lalong maging kasiya-siya. Mahal na Birheng Maria, aming Ina, sa pagsuyo naming ito sa iyo, nangangako kaming tutularan ang buhay mo. Sisikapin naming mabuhay na tunay na kristiyano at nang dito pa lamang sa mundong ibabaw ay simulan nang tamasahin ang kaligayahan sa kaharian ni Hesukristong Anak mo na nabubuhay at naghahari magpakailanman. Amen.

MGA TUWANG DALIT NA PAGPUPURI SA MAHAL NA SINTAS NI SAN AGUSTIN NA AMA NATIN

Aba, sintas ng hiwaga
Nagpakita ng himala

Matibay nga na sandata
Nitong Birheng sakdal ganda.

Kalasag ka na mabisa
Sa panganib at masama
Lumulupig na mistula
Sa kaaway na kuhila.

Matibay nga na sandata
Nitong Birheng sakdal ganda.

Nawawala ang ligalig
Kapag suo’t nananalig
Nalilito’t natutulig
Ang demonyong nang-uusig

Matibay nga na sandata
Nitong Birheng sakdal ganda.

Tanda itong nagbabadya
Ng ‘sang pusong sumisinta
Kutyain man para-para
Di tatakwil sa panata.

Matibay nga na sandata
Nitong Birheng sakdal ganda.

Kasangkapan, katibayan
Saksing tunay, kasapi-ka
Sa angkan ni Mariang Ina,
Iaalay buhay niya.

Matibay nga na sandata
Nitong Birheng sakdal ganda.

Mahal naming mapang-aliw
Lingapin kaming may paggiliw
Nangangakong walang maliw
Kalooban mo ay susundin.

Matibay nga na sandata
Nitong Birheng sakdal ganda.

Nais naming makarating
Sa tugatog ng mithiin
Kaya’t sintas gagamitin
Upang ika’y makapiling.

Matibay nga na sandata
Nitong Birheng sakdal ganda.

PANALANGIN SA MAHAL NA BIRHEN NG CONSOLACION
Ama naming makapangyarihan at pinagmulan ng lahat ng kabutihan, sa pamamagitan ng Mahal na Birheng Maria, sinugo mo si Hesukristong Anak Mo bilang Consolacion ng iyong sambayanan. Nawa’y makamit naming ang lahat ng kaaliwan sa tulong ng panalangin ni Maria, ang Ina ng Consolacion.
Hinihiling naming ito sa pamamagitan ni Hesukristong aming Panginoon at Iyong Anak na nabubuhay at naghaharing kasama Mo at ng Espiritu Santo, iisang Diyos magpasawalang hanggan. Amen.



22/08/2022

22 August
MEMORIAL OF THE QUEENSHIP OF MARY
An Octave to the Solemnity of the Assumption

+In the name of the Father, the Son, and the Holy Spirit. Amen.

Daily Novena Prayer
Blessed Mother Mary, your Son Jesus Christ entrusted us to your protection as your own sons and daughters. At every age, the Church has known your maternal grace and intercession. In this special time of grace as we prepare to celebrate that you are our Queen, may we enjoy your protection, assistance, and love. By your sacred fiat, the Word was made flesh.

Teach us how to say yes to God when he calls us forth to work in his vineyard. Grant us reverence and humility when we receive the Lord Jesus Christ in his Holy Eucharist. We call upon you, Immaculate Virgin Mary, to inspire us by your own sorrow and suffering to true contrition for our sins. As you along with Saint Joseph made a home for the Son of God, help our families to grow in holiness in their own homes.

O Star of the Sea, please be a beacon of light for our parish so that we may fulfill our mission to bring God’s Light to the World and guide all souls to heaven.

Amen.



06/08/2022

6 Agosto
KAPISTAHAN NG PAGBABAGONG ANYO NI HESUS

Ebanghelyo: Mateo 17, 1-9

Ang Ebanghelyo natin ngayon ay tungkol sa salaysay ni San Mateo tungkol sa pagbabagong-anyo ni Hesus. Nakipag-usap si Hesus kina Moises at Elias at muling ipinakilala ng Diyos Ama kung sino si Hesus. Si Hesus ang Anak na minamahal ng Ama at may utos pa ang Ama - makinig kay Hesus. Ito ang ikalawang pagkakataon na ipinakilala ng Ama ang Kanyang Bugtong na Anak na si Hesukristo.

Bago nagsimula ang pagbabagong-anyo ni Kristo, ipinahayag ni Kristo sa Kanyang mga alagad na Siya'y magpapakasakit at papatayin ng mga autoridad. Ngunit sa ikatlong araw, muling mabubuhay si Kristo. Labis na nagulat ang mga alagad at tumutol sa sinabi ng Panginoon, lalung-lalo na si San Pedro. Hindi sila pumayag at hahayaang mamatay ang Panginoon. Siguro ang tanong nila sa kanilang isipan ay kung bakit hinahayaan ng Panginoon na patayin ng Kanyang mga kaaway.

Pagkatapos ipahayag ni Hesus ang Kanyang kamatayan, mapapakinggan natin ang mga kundisyon ng pagsunod sa Kanya. Hindi madali ang pagsunod sa Kanya. Sinabi Niya na kailangang limutin ang Kanyang sarili, pasanin ang Kanyang krus at sumunod sa Akin. Makikita natin na mahirap pala ang pagsunod kay Hesus. Hindi ito biro. Kailangang seryoso tayo sa pagsunod kay Hesus. Walang biruan ito. Kung nais nating sumunod sa Panginoon, kailangang magtiis tayo sa mga pagsubok sa buhay. Si Hesus ay nagtiis din noong pinasan Niya ang Krus patungong Kalbaryo. Tiniis Niya ang bigat ng Krus at ang mga panunuya sa Kanya ng mga tao.
Ngayon, balikan naman natin ang pagbabagong-anyo ni Hesus. Ito'y para bang isang liwanag sa dilim. Ang pagbabagong-anyo ni Hesus ay isang sulyap sa Kanyang kaluwalhatian pagkatapos ng Kanyang pagpapakasakit at pagkamatay. Hindi nagtatapos ang lahat sa kamatayan. Hindi nagtatapos ang lahat sa pagsubok. May liwanag sa dilim. May kaluwalhatian pagkatapos ng pagsubok.

Ang pagbabagong-anyo ni Hesus ay isa ring pagpapakilala kung sino nga ba Siya. Siya ang Mesiyas, ang Anak ng Diyos. Noong tinanong ni Hesus ang Kanyang mga alagad kung sino Siya, si San Pedro ang sumagot at tama ang sagot Niya tungkol kay Hesus. Pero, hindi Siya ang Mesiyas na inaakala ng marami noon. Hindi Siya yung makamundong Mesiyas. Bagkus, Siya ang Mesiyas na tunay na hari na naglilingkod sa Diyos at tao sa pamamagitan ng pagpapakumbaba. Siya ang Mesiyas na magliligtas sa lahat ng tao mula sa kanilang mga pagkakasala.

Dagdag pa ng Ama sa pagpapakilala kay Kristo bilang Anak Niya - pakinggan ninyo Siya. Ipinapakita ng utos na ito na si Kristo ay masunurin sa kalooban ng Ama. Maraming paraan upang mailigtas ng Diyos ang sangkatauhan na mas madali kaysa sa kamatayan ng Panginoon sa Krus. Tutal, Diyos rin si Hesus at maaari rin Niyang iligtas ang sangkatauhan nang hindi nahihirapan. Pero, pinili Niyang sundan ang kalooban ng Ama - ang mamatay alang-alang sa kasalanan ng sangkatauhan.

Sabi pa nga ni Hesus sa Halamanan ng Hetsemani, "Hindi ang kalooban Ko, kundi ang kalooban Mo ang masunod." Dito makikita natin ang pagiging masunurin ni Hesus. Sinasabi ni Apostol San Pablo sa kanyang sulat sa mga taga-Filipos na nanatiling masunurin si Hesus sa kalooban ng Ama hanggang kamatayan. Dahil dito, iniluwalhati ng Diyos si Hesus. Itinaas si Hesus ng Ama dahil sa Kanyang pagiging masunurin. Kung si Hesus ay naging masunurin sa Ama, tayo rin ay hindi lang hinahamon, kundi iniuutos ng Ama na makinig at sumunod kay Hesus.

No pain, no gain. Ito siguro ang pinakamasikat na kasabihan at motto ngayon. Kung walang hirap o tiyaga, walang gantimpala o makakamtan. May isang taong naging halimbawa ng kasabihang ito - ang Panginoong Hesukristo. Pinili ni Hesus na iligtas tayo sa pinakamahirap na paraan - sa pamamagitan ng kamatayan sa Krus. Sa Krus, nakamit Niya ang Kanyang kaluwalhatian. Natupad sa Krus ang misyon ni Hesus dito sa lupa. Tiniis ni Hesus ang bawat paratang sa Kanya at nanatiling masunurin sa kalooban ng Ama. Dahil naging masunurin si Hesus sa kalooban ng Ama, Siya ay itinaas at iniluwalhati ng Ama.





25/07/2022

26 Hulyo
KAPISTAHAN NINA SAN JOAQUIN AT SANTA ANA
Mga Magulang ng Birheng Maria

PANALANGIN KINA SAN JOAQUIN AT SANTA ANA
(Natatanging Panalangin para sa mga Senior Citizen)

+Sa ngalan ng Ama, ng Anak, at ng Espiritu Santo. Amen.

Panginoong Jesus, ipinanganak ng Birheng Maria na anak nina San Joaquin at Santa Ana. Pangalagaan mo nawa ng iyong buong pag-ibig ang lahat ng mga senior citizen. Bantayan mo po sila! Silang pinagmumulan ng buhay at kasaganahan ng aming mga pamilya, ng simbahan at ng buong sambayanan. Tulungan mo po sila sa kanilang pagtanda. Sila nawa sa kanilang mga pamilya ay patuloy na maging matibay na mga haligi ng pananampalataya sa salita ng Diyos, tagapagbantay ng marangal na prinsipyo ng sambayanan, at mga buhay na yaman at ehemplo ng simbahan. Gawin silang mga tagapagturo ng karunungan at tapang, upang kanilang maipasa ang mga bunga ng kanilang mga pinagdaanan sa mga susunod na salinlahi
maging ito man ay sa pamumuhay o sa pananampalataya.

Panginoong Jesus, nawa'y tulungan mo ang aming mga pamilya at ang aming sambayanan, na matutunan ang halaga ng aming mga Senior Citizen. Huwag nawa namin silang pabayaan o balewalain. Sa halip sila nawa ay aming patuloy na igalang, mahalin at bigyang-dangal. Ipaalala mo po sa amin na dapat po naming laging ipadama sa kanila ang aming patuloy na pagtanggap at pagmamahal. Sila nawa'y patuloy na mamuhay ng masagana sa natitira pa nilang mga taon sa piling namin.

Maria, ina ng lahat ng nabubuhay, lukuban mo pong lagi ang aming mga Senior Citizen sa iyong pangangalaga. Samahan mo so sila sa kanilang patuloy na paglalakbay sa mundong ito. At sa iyong panalangin sa ating Ama sa langit, itulot Niya nawang ang lahat ng pamilya ay muling magkasama sa tahanang inihanda sa paraisong inihanda ng iyong anak para sa aming lahat. Kung saan ikaw ay nag-aabang na kami ay yakapin sa buhay na walang hanggan. Amen.

SANTA ANA AT SAN JOAQUIN,
IPANALANGIN N’YO KAMI AT ANG MGA SENIOR CITIZEN.

Amen.

+Sa ngalan ng Ama, ng Anak, at ng Espiritu Santo. Amen.





25/07/2022

25 Hulyo
KAPISTAHAN NI APOSTOL SANTIAGO
Patron ng Bayan ng Paombong

PANALANGIN KAY SANTIAGO APOSTOL

+Sa ngalan ng Ama, ng Anak, at ng Espiritu Santo. Amen.

Mahal naming Santiago Apostol, mula sa pagiging mangingisda tinawag ka ng Panginoon upang mamalakaya ng sangkatauhan na bubuo ng Kristiyanong Sambayanan. Tulungan mo kami upang madinig ang tawag ni Kristo sa aming buhay. Naging saksi ka sa mga mahahalagang pangyayari sa buhay ni Hesus. Makita nawa namin sa aming paligid ang masaganang pagpapala ng Panginoon. Sa iyong buhay, tinanggap mo ang kalis ng paghihirap. Tulungan mo kami na maging matatag sa gitna ng mga pagsubok at ng hamon ng buhay. Tulungan mo kami sa aming mga pangangailangan.

(Banggitin ang sariling kahilingan)

Pagalingin mo ang aming karamdaman, patatagin mo kami sa gitna ng aming kahinaan.
Dinala mo ang Mabuting Balita sa ibang bayan: Makatulong nawa kami sa pagpapalaganap ng Simbahan. Sa aming paglalakbay, ikaw nawa ay aming maging gabay upang ang lahat ng tukso at kapahamakan na dulot ng kasalanan ay aming mapagtagumpayan, nang sa gayon kami ay makarating sa makalangit na tahanan.Makasunod nawa kami kay Kristo, tulad ng pagsunod mo ng buong katapatan hanggang sa huling sandal ng aming buhay.

SANTIAGO APOSTOL, ipanalangin Mo kami.

Amen.

+Sa ngalan ng Ama, ng Anak, at ng Espiritu Santo. Amen.






Address

St. James The Apostle Parish
Paombong
3001

Website

Alerts

Be the first to know and let us send you an email when La Consolacion Y Correa (Paombong, Bulacan) posts news and promotions. Your email address will not be used for any other purpose, and you can unsubscribe at any time.

Shortcuts

Share

Category