Capilla de Sto.Niño - Paombong

23/08/2026

SYMPOSIUM 2026: SULYAP SA KORONA
Sa mga huling bahagi ng ating paghahanda, tayo ay inaanyayahan muli na makiisa at matuto sa huling panayam patungkol sa nalalapit na Koronasyong Episkopal ng Nuestra Señora de la Consolacion y Correa.
Ikatlong bahagi • Pagdiriwang
"Corona y Correa: Parangal at Pagdiriwang ng Bayang Bigkis sa Pag-ibig kay Maria"
Linggo, Agosto 23, 2026, 1:00 ng hapon
Parokya ng Santiago Apostol
Paombong, Bulacan
Tagapagsalita: Bro. Kendrick Ivan Panganiban

22/08/2026

MABUHAY ANG MAHAL NA BIRHENG MARIA, ANG ATING INA AT REYNA!

Ang Dekreto ng Koronasyong Episkopal na iginawad ni Lub. Kgg. Dennis C. Villarojo, D.D., Obispo ng Malolos sa Patronang Pandangal, Ina at Reynang Mapang-aliw ng Bayan ng Paombong, Nuestra Señora de la Consolacion y Correa.

Viva la Virgen!

21/08/2026

A Blessed 7th Canonical Installation Anniversary, Bishop Dennis!

Taos-pusong pagbati po mula sa buong Parokya ng Santiago Apostol - Paombong, sa pangunguna ng Kura Paroko, Rdo. P. Gener S.R. Garcia kasama ang mga pari, Sangguniang Pastoral, mga organisasyon at sambayanan ni Santiago dito sa Paombong.

Panalangin po namin ang inyong patuloy na kalusugan, lakas, at kabanalan upang patuloy ninyo kaming maakay patungo kay Kristo, sa tulong at pamamagitan ng mahal na Patron Santiago Apostol at Nuestra Señora de la Consolacion y Correa.

19/08/2026

SYMPOSIUM 2026: SULYAP SA KORONA

Sa mga huling bahagi ng ating paghahanda, tayo ay inaanyayahan muli na makiisa at matuto sa huling panayam patungkol sa nalalapit na Koronasyong Episkopal ng Nuestra Señora de la Consolacion y Correa.

Ikatlong bahagi • Pagdiriwang
"Corona y Correa: Parangal at Pagdiriwang ng Bayang Bigkis sa Pag-ibig kay Maria"

Linggo, Agosto 23, 2026, 1:00 ng hapon
Parokya ng Santiago Apostol
Paombong, Bulacan

Tagapagsalita: Bro. Kendrick Ivan Panganiban

16/08/2026

OFFICIAL POSTER | KORONASYONG EPISKOPAL

Dulce Madre del Consuelo!

Buong kagalakang inihahayag ng ating Parokya ang Opisyal na Poster para sa nalalapit na Koronasyong Episkopal ng ating Patronang Pandangal, Ina at Reynang Mapang-aliw ng Bayan ng Paombong—ang Nuestra Señora de la Consolacion y Correa.

Sa mahabang panahon at pagdaan ng maraming henerasyon, ang Mahal na Virgen ng Consolacion y Correa ay patuloy na nakatunghay, nananalangin, at nagpaparamdam ng kanyang maka-inang pagmamahal sa buong Sambayanan ng Paombong at sa lahat ng kanyang mga deboto. Sa pamamagitan ng Mahal na Ina, ating natatamo ang kaaliwang ating kailangan, lalo na sa oras ng mga pagsubok sa ating buhay.

Ngayon taon ay itinuturing na makasaysayan at natatangi ang ating pagdiriwang, sapagkat kasabay ng araw ng kanyang kapistahan ay igagawad ang Koronasyong Episkopal sa Veneradang Imahen ng Nuestra Señora de la Consolacion y Correa de Paombong.

Setyembre 6, 2026, ika-6:00 ng gabi
Parokya ng Santiago Apostol
Paombong, Bulacan

Ang Misa Pontipikal at Rito ng Koronasyon ay pangungunahan ng Obispo ng Malolos, Lub. Kgg. Dennis C. Villarojo, D.D.

Inaanyayahan ang buong Sambayanang Paombongueño at lahat ng mga deboto na makiisa sa panalangin at sa makasaysayang pagdiriwang na ito ng ating bayan at Parokya.

Viva la Virgen!

“Pag-alala. Pananampalataya. Pagdiriwang.”

OFFICIAL POSTER | KORONASYONG EPISKOPAL

Dulce Madre del Consuelo!

Buong kagalakang inihahayag ng ating Parokya ang Opisyal na Poster para sa nalalapit na Koronasyong Episkopal ng ating Patronang Pandangal, Ina at Reynang Mapang-aliw ng Bayan ng Paombong—ang Nuestra Señora de la Consolacion y Correa.

Sa mahabang panahon at pagdaan ng maraming henerasyon, ang Mahal na Virgen ng Consolacion y Correa ay patuloy na nakatunghay, nananalangin, at nagpaparamdam ng kanyang maka-inang pagmamahal sa buong Sambayanan ng Paombong at sa lahat ng kanyang mga deboto. Sa pamamagitan ng Mahal na Ina, ating natatamo ang kaaliwang ating kailangan, lalo na sa oras ng mga pagsubok sa ating buhay.

Ngayong taon ay itinuturing na makasaysayan at natatangi ang ating pagdiriwang, sapagkat kasabay ng araw ng kanyang kapistahan ay igagawad ang Koronasyong Episkopal sa Veneradang Imahen ng Nuestra Señora de la Consolacion y Correa de Paombong.

Setyembre 6, 2026, ika-6:00 ng gabi
Parokya ng Santiago Apostol
Paombong, Bulacan

Ang Misa Pontipikal at Rito ng Koronasyon ay pangungunahan ng Obispo ng Malolos, Lub. Kgg. Dennis C. Villarojo, D.D.

Inaanyayahan ang buong Sambayanang Paombongueño at lahat ng mga deboto na makiisa sa panalangin at sa makasaysayang pagdiriwang na ito ng ating bayan at Parokya.

Viva la Virgen!

“Pag-alala. Pananampalataya. Pagdiriwang.”

15/08/2026

Live: Banal na Misa
Ikadalawangpung Linggo sa Karaniwang Panahon

Agosto 16, 2026 | 8:00 ng Umaga

15/08/2026

Mahal na Birheng Iniakyat sa Langit, Ipanalangin mo kami.

PANALANGIN SA NUESTRA SEÑORA DE LA ASUNCION

Ama naming makapangyarihan sa Iyong kaningningan naakit ang Mahal na Birheng Maria, sa tulong ng iyong mga biyaya, namuhay Siyang kalinis-linisan at karapat-dapat sa Iyong mga itinakda kaya’t pinagpala Mo Siyang iniakyat sa kalangitan taglay ang kaluluwa at katawan. Ibinigay Mo siya sa aming Ina at huwaran, sa tulong ng kanyang mga panalangin at sa pagsasaloob namin ng mga bagay sa kaitaasan, pagindapatin Mong kami’y mamuhay rin sa kalinisan at karapat-dapat sa Iyong mga itinakda at kaisa Niya’y magtamasa sa Iyong piling ng kaningningang walang maliw sa pamamagitan ni Hesukristo kasama ng Espiritu Santo magpasawalang hanggan. Amen.

14/08/2026

09/08/2026

Live: Banal na Misa

Ikalabing-walong Linggo sa Karaniwang Panahon

Agosto 09, 2026 | 8:00 ng Umaga

06/08/2026

ANG OPISYAL NA SAGISAG NG KORONASYONG EPISKOPAL

Narito ang opisyal na sagisag ng Koronasyong Episkopal ng Patronang Pandangal, Ina at Reynang Mapang-aliw ng Bayan ng Paombong, Nuestra Señora de la Consolacion y Correa. Ito ay inilunsad noong ika-7 ng Setyembre ng nakaraang taon, kasabay ng Kapistahan ng Mahal na Virgen Consolacion de Paombong at ito ay idisenyo ng Obra ni Jose.

Narito ang pagpapaliwanag sa mga elemento na bumubuo sa Opisyal na Sagisag ng Koronasyong Episkopal ng Nuestra Señora de la Consolacion y Correa:

• Krus - sumasagisag ito sa Kristiyanismo at tagumpay ni Kristo laban sa kasalanan at kamatayan. Ang Krus, sa pakikipag-isa kay Maria, ay nagiging sagisag ng pananampalataya, pag-asa, at consolacion o kaaliwan.

• Korona at Doce Estrellas (12 Bituin) - ang korona ay sumasagisag sa Koronasyong Episkopal ng Nuestra Señora de la Consolacion y Correa de Paombong, ng kanyang pagiging Reyna, at ng maka-Inang pag-aaruga sa Simbahan. Sa Pahayag kabanata 12, ang “babaeng nababalutan ng araw” ay may koronang may labindalawang bituin—simbolo ng 12 lipi sa Lumang Tipan at 12 apostol sa Bagong Tipan.

• Kabibe - sumasagisag kay Santiago Apostol, ang Patron ng Parokya.

• Insignia ni Obispo Dennis, Diyosesis ng Malolos at Parokya ng Santiago Apostol - sumasagisag sa Obispo ng Diyosesis ng Malolos na nagkaloob Koronasyong Episkopal; ang Diyosesis kung saan tayo nabibilang at ang Parokya kung saan nakaluklok ang pinipintuho nating imahen ng Virgen Consolacion.

• Mga Sinag - sumasagisag sa Espiritu Santo at sa walang hanggang pag-ibig ng Diyos na ibinuhos sa Kanyang bayan.

• Kalupaan, katubigan at ang mga Kabibe - sumisimbolo sa Bayan ng Paombong at ang 14 na Barrio na nasasakupan nito.

• Auspice Maria at Sintas - ang kahulugan ng simbolong ito ay “Sa Pagkalinga ni Maria.” Ang sintas ay sagisag ng proteksyon sa Ordeng Agustino at aliw para sa mga deboto at mananampalatayang Paombongeño.

• Sasa - kumakatawan sa mga deboto ng Virgen Consolacion at mga mananampalataya ng Paombong na siyang nakatunghay sa Virgen; ito rin ang pinagmumulan ng tanyag na Sukang Paombong na siyang nagpabantog sa bayang ito.

• Koronasyong Episkopal - ito ay isang pagkilala na iginagawad ng Obispo o Arsobispo ng isang diyosesis o arkidiyosesis. Ito ay pormal na ipinahahayag sa pamamagitan ng isang Dekreto ng Koronasyon mula sa Tanggapan ng Kansilyer. Kinikilala ng dekretong ito ang debosyon at pagpipitagan sa isang imahen ng Mahal na Birhen sa isang natatanging titulo at pook.

• Patronang Pandangal - noong 1988, ipinroklama ang Nuestra Señora de la Consolacion y Correa bilang Patronang Pandangal ng Paombong, Bulacan, na lalo pang nagpatatag noon ng debosyon sa kanya.

• Taong 1639 at 2026 - ang debosyon sa Nuestra Señora de la Consolacion y Correa sa Paombong, Bulacan ay pinaniniwalaang dinala ng mga paring Agustino mula sa España noong ang bisita ng Paombong ay itinatag bilang Parokya taong 1639. Taong 2026 itinakda ang Episkopal na Koronasyon ng Nuestra Señora de la Consolacion y Correa de Paombong. Mula noon hanggang ngayon, ang debosyon sa Birheng Consolacion ay nanatiling buhay at masigasig.

• Simbolo ni San Agustin - kumakatawan sa Orden ng mga Agustino. Sinasabing ipinakilala ng mga Paring Agustino mula sa España ang debosyon sa Virgen Consolacion sa Paombong.

Manatiling nakasubaybay sa ating page para sa mga updates at gawain kaugnay ng Koronasyong Episkopal ng Mahal na Virgen Consolacion de Paombong.

Viva la Virgen!