23/08/2026
๐๐๐ข๐ฆ๐ง๐ข ๐ฎ๐ฏ, ๐ฎ๐ฌ๐ฎ๐ฒ
๐๐๐๐๐๐ช๐๐๐๐-๐จ๐ฆ๐ ๐ก๐๐ ๐๐ข๐ ๐๐ก๐๐ข ๐ฆ๐จ๐๐ข๐ ๐ฆ๐ ๐ง๐จ๐๐
Ang Ebanghelyo sumala ni San Mateo nagsaysay nga si Jesus nangutana sa iyang mga tinun-an kung kinsa Siya. Si Pedro mitubag nga si Jesus mao ang Kristo, ang Anak sa buhing Dios. Gidayeg ni Jesus si Pedro tungod kay ang iyang pag-ila kang Jesus gipadayag sa Amahan, ug gitawag Siya nga bato diin tukoron ang Iyang Simbahan.
Diha sa homiliya sa atong Kura Paroko, Rev. Fr. Joseph P. Remegia, gihatagan og gibug-aton ang pangutana ni Jesus. Kinsa Siya alang kanato? Gipasabot kita nga ang atong mga pagbasa nagsentro sa tulo ka punto nga magtubag sa unsang paagiha nato mailhan si Jesus.
1. AWTORIDAD. Si Jesus mao ang nagtukod sa simbahan ug si Pedro mao ang Iyang piniyalan. Nagagikan kang Jesus ang gahum ug gitahasan Niya si Pedro sa awtoridad dili sa pagkontrol kondili sa pagtudlo ug paggiya sa katawhan.
2. RESPONSIBILIDAD. Ang yawe nagpasabot og responsibilidad nga gisangon ngadto sa mga tawong gi-ordinahan. Sila ang gitahasan aron pag-abli sa pultahan nganha sa mga sakramento simbahan diin modagayday ang grasya, kalooy ug kaayo sa Dios.
3. PAGKAMATINUD-ANON SA DIOS. Gihatagan kita niya sa kasigurohan nga makig-uban Siya kanato kanunay. Gibilinan kita niya sa Balaang Espiritu nga maoy magdasig, maglig-on ug padayon nga magtudlo kanato sa mga butang nga langitnon.
Gidapit nga kinahanglang maminaw kita sa simbahan. Ang pulong nga gilitok niini adunay gahum ug awtoridad gikan sa Dios. Moduol kita kanunay sa mga sakramento sa simbahan nga maoy magahiusa nato kang Cristo. Ang mga sakramento mao ang gugma, kaayo ug kalooy sa Dios. Pinaagi niini makabaton kita sa lalom ug personal nga relasyon nganha Kaniya. Busa, "Atong mailhan si JesuCristo pinaagi sa atong paghigugma sa simbahan ug pagduol sa Iyang mga sakramento."
---------
---------
๐ ๐๐ญ๐๐ฒ ๐๐ง๐๐จ๐ซ๐ฆ๐๐. ๐๐ญ๐๐ฒ ๐๐จ๐ง๐ง๐๐๐ญ๐๐.
๐๐ณ๐๐๐ ๐๐๐
๐ญ๐๐๐๐๐ ๐๐๐ ๐บ๐๐๐๐๐ ๐ด๐๐
๐๐ ๐จ๐๐๐๐๐๐๐ ๐
