https://www.facebook.com/804322716367544/

Ang Tulabong, Panitan (2026)

07/10/2026

‎𝗧𝗜𝗡𝗚𝗡𝗔𝗡 | GSP Panitan NHS, matagumpay na isinagawa ang 3-Day Ultimate Senior/Cadet School Camp
‎
‎Matagumpay na isinagawa ng Girl Scout of the Philippines ng Panitan National High School ang The Ultimate Senior/Cadet School Camp 2026 kung saan nagbigay ito ng makabuluhang karanasan, bagong kaalaman at masasayang alaala sa bawat mag-aaral, Oktubre 2-4.
‎
‎Sa ilalim ng temang “LEAD ON: Girl Scouts Carrying Our Legacy, Leading the Future,” naging daan ang nasabing programa upang higit na malinang ang diwa ng pamumuno at pagkakaibigan.
‎
‎Tampok sa tatlong araw na ito ang iba't-ibang makabuluhang gawain tulad ng Campfire, Team Building, Hike Out/Cook Out at iba pang aktibidad na humamon sa kanilang kakayahan at nagpatibay sa kanilang samahan.

Sa pamamagitan ng mga gawaing ito ay nahasa ang kanilang pagiging mapamaraan, responsable at handang mamuno sa bawat hamon. Gayundin, binigyang-halaga rin dito ang paglilingkod, disiplina at pagkakaisa ng bawat Girl Scout.
‎
‎Sa pagtatapos ng tatlong araw ay baon ng bawat Girl Scout ang masasayang alaala at mahahalagang aral na magsisilbing gabay sa kanilang patuloy na paglalakbay bilang mga kabataang lider.
‎
‎
‎✍️| Mary Antonette Balgos
‎📷| Quin Ashley Deocampo & Mary Antonette Balgos

05/10/2026

Higit Pa sa “Lang”

Sa unang tingin, g**o lamang. Ngunit sa likod ng bawat pisara, bawat leksyon, at bawat araw na inilaan sa pagtuturo, may isang kuwentong hindi natin laging nakikita.

May mga g**ong minsang nangarap ng ibang landas. May mga nagbago ng plano, humarap sa mga pagsubok, at sa huli, piniling manatili sa silid-aralan. At mayroon ding matagal nang nangangarap na maging g**o.

Magkakaiba man ang kanilang mga kuwento, iisa ang kanilang ginagawa—ang maglaan ng oras, magbahagi ng kaalaman, at maniwala sa mga estudyanteng minsan ay hindi pa marunong maniwala sa sarili nila.

Dahil ang isang g**o ay hindi lamang nagtuturo ng aralin. Minsan, isang salita nila ang nagiging lakas, isang payo ang nagiging gabay, at isang simpleng sandali ang nagiging alaala na hindi natin malilimutan.

Kaya kung tatanungin, “Maestra lang?”

Hindi. Walang “lang” sa isang g**o.

Sapagkat sa bawat g**ong nakikita natin sa harap ng klase, may pusong piniling magturo, magtiyaga, at maging bahagi ng buhay ng iba.

Maligayang Araw ng mga G**o! Para sa lahat ng g**ong patuloy na nagbibigay ng liwanag sa aming mga pangarap. 💚

🎥: Grade 12 Ang Tulabong Writers
✍🏻 💻: Ashley Jean D. Igdanes

04/10/2026

𝗧𝗜𝗡𝗚𝗡𝗔𝗡 | PANITAN NHS, NAKIISA SA PAGDIRIWANG NG ARAW NG MGA G**O

Ginunita ng Panitan National High School ang Araw ng mga G**o bilang pagkilala at pasasalamat sa walang sawang dedikasyon, sakripisyo, at serbisyong iniaalay ng mga g**o para sa mga mag-aaral.

Sa pangunguna ni Dr. Leowel P. Batuigas, Punongg**o IV, inihandog ang mga regalo bilang munting pasasalamat sa mga g**o sa kanilang patuloy na paglilingkod at malaking ambag sa paghubog ng kaalaman, kakayahan, at kinabukasan ng mga mag-aaral.

Binigyan din ng pagkilala ang mga g**ong nagpakita ng natatanging dedikasyon, kahusayan, at makabuluhang ambag sa paaralan at sa komunidad.

Sa bawat aral na itinuturo at bawat pangarap na tinutulungang maabot, tunay na mahalaga ang papel ng isang g**o. Maraming salamat sa inyong puso, sipag, tiyaga, at pagmamahal sa pagtuturo.

Maligayang Araw ng mga G**o!
Saludo kami sa inyo, mga g**o ng Panitan NHS!

04/10/2026

𝗣𝗔𝗚𝗕𝗔𝗧𝗜 | Mag-aaral mula Panitan NHS, wagi sa DSTM Fair 2026

Isa na namang pamamayagpag ang nakamit ng Panitan National High School matapos masungkit ni Vynisse Jayne Divino ang ikaapat na puwesto sa Division Science, Technology and Mathematics Fair 2026 sa temang "𝑁𝑎𝑣𝑖𝑔𝑎𝑡𝑖𝑛𝑔 𝑡ℎ𝑒 𝑈𝑛𝑠𝑒𝑒𝑛, 𝑆ℎ𝑎𝑝𝑖𝑛𝑔 𝑡ℎ𝑒 𝑃𝑖𝑐𝑡𝑢𝑟𝑒 𝑡𝑜 𝑆𝑐𝑖𝑒𝑛𝑡𝑖𝑓𝑖𝑐 𝐷𝑖𝑠𝑐𝑜𝑣𝑒𝑟𝑦 𝑎𝑛𝑑 𝐼𝑛𝑛𝑜𝑣𝑎𝑡𝑖𝑜𝑛" na ginanap sa Capiz National High School, ika-3 ng Oktubre.

Sa kategoryang TUKLAS: Physical Science pinatunayan ni Divino ang kanyang husay at talino sa kanyang pananaliksik na pinamagatang "Project Scent-Guard: Classroom Odor Monitoring with Automatic Humidifier Response".

Ang tagumpay na ito ay naging posible dahil din sa mahusay at walang sawang paggabay ng kaniyang tagapagsanay na si Gng. Mary Jessa Dequiña.

Ipinagmamalaki kayo ng Panitan NHS!

✍🏻 | Natasha Piar Coronado

04/10/2026

𝗧𝗜𝗡𝗚𝗡𝗔𝗡 | Mga Sandali ng Pasasalamat at Pagpapahalaga

Mga kuhang larawan na sumasalamin sa masasaya, makabuluhan, at di-malilimutang sandali ng pagdiriwang ng Araw ng mga G**o sa Panitan National High School.

Isang espesyal na araw ng pasasalamat, pagkilala, at pagpapahalaga sa ating mga g**ong buong pusong naglilingkod at humuhubog sa kinabukasan ng bawat mag-aaral.

Saludo kami sa inyong lahat, mga mahal naming g**o!

📷 | Randy Dacles Jr, Mary Shanelle Sevilleja

04/10/2026

𝗧𝗜𝗡𝗚𝗡𝗔𝗡 | Pagkilala sa Taon ng Tapat na Paglilingkod

Isang makabuluhang seremonya ng pagkilala at pasasalamat ang isinagawa ng Panitan National High School noong Oktubre 2, 2026 sa Dadivas Gymnasium, tampok ang temang “Honoring a Legacy of Service.”

Layunin ng programa na bigyang-pugay ang mga g**ong naglaan ng maraming taon ng kanilang buhay sa tapat na paglilingkod sa paaralan, sa mga mag-aaral, at sa komunidad.

Kabilang sa mga pinarangalan ang tatlong retiradong g**o na sina Sir Baltazar Dais Jr., Sir Pio Vargas Jr., at Ma’am Emily Dorado. Kinilala ang kanilang dedikasyon, sakripisyo, at mahalagang ambag sa pagpapaunlad ng edukasyon at sa paghubog ng mga mag-aaral.

Nagbigay rin ng mensahe ng pagkilala at pasasalamat sina Ma’am Anita D. Jullar, Ma’am Jonalyn Santa Maria, at Sir Bengie Desales. Kanilang binigyang-diin ang mga alaala, aral, at inspirasyong iniwan ng mga retiradong g**o sa kanilang mga kasamahan at sa mga mag-aaral na kanilang napaglingkuran.

Higit sa isang pagdiriwang ng pagreretiro, ang okasyon ay naging pagkakataon upang kilalanin ang pamanang iniwan ng mga g**ong buong pusong naglingkod. Ang kanilang mga taon ng dedikasyon ay magsisilbing inspirasyon sa mga kasalukuyan at susunod pang henerasyon ng mga g**o.

Sa kanilang pagreretiro, dala nila ang pasasalamat ng buong komunidad ng Panitan National High School, isang pasasalamat para sa mga taong nag-alay ng panahon, kaalaman, at puso para sa kapakanan ng mga mag-aaral.

Mabuhay ang inyong serbisyo. Maraming salamat sa inyong iniwang pamana!

02/10/2026

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗚𝘂𝗿𝗼!

Dala ang aral sa bawat mag-aaral, hindi lang sila simpleng tagapatnubay ng pagkatuto, sila ang bayaning tagahatid ng pag-asa sa buhay ng bawat kabataan.

Sabi nga nila "Not all heroes wear a capes", sapagkat ang ating mga g**o ay mga bayani ng ating lipunan. Mula sa buong komunidad, pagpupugay at pagkilala sa inyong walang-sawang dedikasyon!

Maraming salamat sa lahat ng g**ong nakakakita ng potensyal sa kanilang mga estudyante. Maraming salamat sa walang sawang pagmamahal at suporta.

Ngayong araw, sabay-sabay nating batiin Ang ating mga dakilang g**o ng, Happy Teachers Day!
Mabuhay kayo!

✍🏻 | Thoshie Degoma
💻 | James Robert Ortiz

01/10/2026

𝗣𝗔𝗚𝗣𝗨𝗣𝗨𝗚𝗔𝗬 𝗦𝗔 𝗟𝗔𝗛𝗔𝗧 𝗡𝗚 𝗚𝗨𝗥𝗢

Hindi lang pisara ang minarkahan mo,
‎Kundi pati puso naming gustong matuto.
Chalk sa kamay, pagod sa katawan,
‎Pero hindi bumibitaw sa paghubog ng kinabukasan.
‎
Bawat araw, panibagong laban,
Baon ang pag-asa at kaalaman.
Minsan ma’y nagagalit, saya’y napapawi
‎Pero tuwing may natututo, doon ka rin ngumingiti.
‎
‎Ngayong Oktubre, kayo’y ipinagdiriwang,
Dahil sa inyong ibinahaging kabutihan.
Higit pa sa mga pagkilala at parangal
Ang tagumpay namin, iyon ang inyong dasal.
‎
‎Salamat sa pasensya, salamat sa tiyaga,
‎Salamat sa gabay, kayo’y tunay na biyaya.
Kayo ang ilaw sa dilim ng silid-aralan,
‎Kayo ang dahilan kung bakit may pangarap kaming naisasakatuparan.

✍️ | Ronn James Dacles
💻 | Ma. Ghie Ann Curay

‎

28/09/2026

𝗨𝗡𝗜𝗧 𝟭 𝗦𝗜𝗦𝗔𝗔 𝗠𝗘𝗘𝗧 𝟮𝟬𝟮𝟲 | Panitan, umani ng medalya sa larangan ng Athletics

Muling ipinamalas ng mga atleta mula Panitan NHS na kinatawan ng distrito ng Panitan ang kanilang husay, bilis, lakas, at determinasyon matapos umani ng mga medalya sa larangan ng Athletics sa ginanap na Unit 1 SISAA Meet 2026 noong Setyembre 26, 2026.

Sa gitna ng matinding kompetisyon, buong tapang na hinarap ng mga batang atleta ng Panitan ang kanilang mga katunggali mula sa mga distritong kalahok na Panay, Ivisan, Sapian, at Panitan bitbit ang hangaring maiuwi ang karangalan para sa kanilang distrito.

Sa bawat takbo, talon, at paghagis, ipinakita ng mga atleta ang bunga ng kanilang pagsasanay at paghahanda. Hindi lamang bilis at lakas ang kanilang ipinamalas, kundi maging ang disiplina, tiyaga, pokus, at determinasyong kinakailangan upang makamit ang tagumpay sa larangan ng palakasan.

Ang mga nakuhang medalya ay nagsilbing bunga ng kanilang pagsisikap sa paggabay ng kanilang mga tagapagsanay na sina Ma'am Shulan Dadivas. Ma'am Lo**ta Aleligay at Ma'am Rowena Cerujano.

Bitbit ang karangalang kanilang nakamit, patuloy na haharap ang dalawang atletang Paniteño sa mga susunod pang hamon bilang kalahok sa Division Meet 2026.

Mabuhay ang mga atleta ng Panitan NHS!

27/09/2026

𝐏𝐀𝐁𝐀𝐓𝐈𝐃 | 𝐊𝐚𝐢𝐧𝐚𝐧𝐠 𝐏𝐚𝐦𝐢𝐥𝐲𝐚 𝐌𝐚𝐡𝐚𝐥𝐚𝐠𝐚 𝐃𝐚𝐲

“Ang pamilyang nagkakaisa ay tahanang pinatatatag ng pagmamahalan, pag-unawa, at pagkalinga.”

Bilang bahagi ng pagdiriwang ng Linggo ng Pamilya (Family Week), ang bawat ikaapat na Lunes ng Setyembre ay idinedeklara bilang “Kainang Pamilya Mahalaga” Day, alinsunod sa Proclamation No. 60, s. 1992, at Proclamation No. 326, s. 2012.

Kaugnay nito, at alinsunod sa Memorandum Circular No. 136, s. 2026, na inilabas ng Tanggapan ng Pangulo, suspendido ang pasok sa trabaho at mga klase simula 1:00 ng hapon sa Setyembre 28, 2026.

Hinihiling sa lahat na maging gabay ang pabatid na ito at makiisa sa pagdiriwang sa pamamagitan ng pagbibigay ng panahon para sa pamilya.

Ang Tulabong

07/10/2026

05/10/2026

04/10/2026

04/10/2026

04/10/2026

04/10/2026

02/10/2026

01/10/2026

28/09/2026

27/09/2026

Address

Telephone

Website

Alerts

Shortcuts

Share

Listing takedown request