Christ Alone Saves Christian Fellowship

Christ Alone Saves Christian Fellowship Evangelistic efforts in Panganiban, Catanduanes. We aim to grow and bear fruit in God’s will, with the goal of becoming a local church in the community one day.

Lord's Day 32 Bible StudyPaksa: Ang Buhay Cristiano sa Gitna ng Magulo at Makasalanang Mundo (Part 1)Teksto: Efeso 5:11-...
09/08/2026

Lord's Day 32 Bible Study
Paksa: Ang Buhay Cristiano sa Gitna ng Magulo at Makasalanang Mundo (Part 1)
Teksto: Efeso 5:11-17

Ang moralidad sa mundong ito ay may kabulukan dahil sa kasalanan at kasamaan ng mga tao. Ang mga Cristiano, gayong ganito rin ang pamumuhay nila noon, may pakikibahagi sa kasamaan ng mga tao ay hindi na dapat ngayon. Sila ay naliwanagan na ng katotohanan ng salita ng Diyos, iniligtas sa pamamagitan ng ebanghelyo, at may panibagong buhay nang hindi katulad ng dati.

Ayon kay Pablo, ang mga Cristiano ay hindi na dapat nakikibahagi o umaayon sa gawa ng kadiliman. Ang mga gawang tinutukoy dito ay iyong mga makasalanang gawi. Ang mga Cristiano ay hindi na dapat matagpuang gumagawa ng mga ito. Nabanggit ni Pablo sa vv. 3-8 ang mga karaniwang kasalanang palihim na ginagawa (e.g., pakikiapid, kahalayan, pag-iimbot). Ang mga ito ay gawa ng kadiliman na palihim na ginagawa dahil ang mga ito'y hindi man lang kaaya-ayang mabanggit sa publiko. Gayundin naman, kasama sa mga gawa ng kadiliman ito ang lahat ng mga kasalanang ginagawa ng isang tao dahil anumang kasalanan ay paglabag sa Diyos.

Kaya naman, ang isang Cristiano ay hindi lamang passively na hindi makikibahagi sa kasamaan kundi siya rin ay dapat na actively na sumaway sa mga gumagawa ng kasalanan. Ang mga ito ayon kay Pablo ay dapat na malantad sa liwanag, dapat na maitama.

At hindi ito maaaring gawin ng isang Cristiano sa pamamagitan lamang ng kritisismo o kaya naman pagsasabing magbago ang isang tao. Ang ganitong pamamaraan ay magdudulot lamang sa kanila na patuloy na umasa sa kanilang sarili para maging tama sa harapan ng Diyos.

Sa halip, bilang mga Cristiano na mga anak na ng liwanag, dapat na gamitin natin ang ilaw ng katotohanan na sa Bibliya matatagpuan upang magbigay liwanag sa mga taong nasa kadiliman. Imbes na pagpuna lamang sa mali ng isang tao, dapat na ibigay natin sa kanila ang sagot at pag-asa nila sa kanilang pagiging mga makasalanan—ang ebanghelyo.

Gisingin natin ang mga natutulog sa kanilang kasalanan ng mensahe ng ebanghelyo nang sa gayo'y bumangon sila sa libingan upang magliwanag sa kanila si Jesu-Cristo!

Soli Deo gloria!

Lord's Day 31 Bible StudyPaksa: Asin at Ilaw (Part 2)Teksto: Mateo 5:13-16Maliban sa pagiging mga asin nating mga Cristi...
02/08/2026

Lord's Day 31 Bible Study
Paksa: Asin at Ilaw (Part 2)
Teksto: Mateo 5:13-16

Maliban sa pagiging mga asin nating mga Cristiano kung saan ang alat natin ay ang ating impluwensya sa mundo, tayo rin ay tinawag at minarapat ng Diyos na maging mga ilaw sa sanlibutan.

Ang ilaw ay nagbibigay liwanag upang makita natin ang ating kapaligiran. Kahit may paningin tayo (sense of sight) kung walang ilaw na tatanglaw sa atin, hindi tayo makakakita. Ito ang isa pang layunin ng mga Cristiano—ang tumanglaw sa madilim na mundong ito na punong-puno ng kasalanan at kasamaan.

Ang ating paniniwala at pag-uugali ay dapat na ihayag natin sa sanlibutan. Hindi ito dapat ikahiya o ikubli sa sulok ng ating mga pribadong buhay, dapat itong isapubliko at mapapansin lamang ito ng iba sa pamamagitan ng kaibahan ng ating paniniwala, pamumuhay, at pag-uugali. Kaugnay ito ng pagiging mga asin natin; ang impluwensya natin (alat bilang mga asin) ay dapat na tumanglaw (ilaw; magliwanag) sa madilim na mundong ito.

Dahil dito, ang mga tao, Cristiano man o hindi ay mamamangha sa kaibahan natin at kikilalaning ang Diyos ang dahilan nito; gayong hindi lahat ay matutuwa rito at maaari pa tayong makaranas ng pag-uusig. Gayunpaman, tinawag tayo ng Diyos para sa mabubuting gawa na dapat na nating lakaran ngayon (Efeso 2:10). Na dito'y ang Ama natin sa langit ay maluwalhati at mapapurihan dahil anumang mabubuting gawa natin bilang mga tagasunod Niya ay dahil sa Kanya.

Higit sa lahat, tayo ay mga ilaw ng sanlibutan dahil si Jesus ay Ilaw ng sanlibutan (Juan 8:12). Bago pa Niya tayo tawagin sa tungkuling ito, Siya na ang kumakatawan sa pagiging ilaw na tumatanglaw sa makasalanang mundong ito. Siya ang araw na may dakilang liwanag; tayo ang buwan na malamlam ang ilaw ngunit nagbibigay liwanag sa kadiliman ng gabi.

Magsilbi tayong mga asin at ilaw sa mundong ito. Ipakita natin ang kaibahan natin bilang mga Cristiano nang makaakay tayo ng iba sa sa liwanag ng ebanghelyo!

Soli Deo gloria!

LD30 Bible StudyPaksa: Asin at Ilaw (Part 1)Teksto: Mateo 5:13-16Ang Sermon sa Bundok ay isang tanyag na event kung saan...
26/07/2026

LD30 Bible Study
Paksa: Asin at Ilaw (Part 1)
Teksto: Mateo 5:13-16

Ang Sermon sa Bundok ay isang tanyag na event kung saan si Jesus ay nangaral sa Kanyang mga alagad at mga taong sumusunod sa'n man Siya magpunta. Isa sa mga itinuro Niya sa bahaging ito ng ministeryo Niya ay ang pagiging asin at ilaw ng mga mananampalataya sa sangkatauhan.

Unang inihalintulad ni Jesus ang Kanyang mga alagad sa asin. Ang kagamitan ng asin ay:

• pumipigil sa pagkabulok ng pagkain
• nagbibigay lasa sa pagkain
• nagbibigay uhaw sa kumakain ng anumang may sangkap nito

Habang ang mga Cristiano naman ay ganito rin ang dapat na nagiging impluwensya sa mundo bilang mga asin:

• pagpigil sa pagkabulok ng moralidad dahil sa kasalanan
• nagbibigay lasa ng katuwiran at katotohanan kumpara sa tasteless o walang lasang handog ng kasalanan
• nagbibigay uhaw sa mga nai-impluwensyan na tao

Ngunit paano kung ang isang Cristiano ay mawalan ng alat, ibig sabihin ay walang impluwensya? Nangyayari ito kung ang Cristiano ay sumasabay na sa agos ng mundo. Hindi dapat tayo ang nai-impluwesyahan ng mundo kundi tayo ang dapat na nagi-impluwensya rito. Maraming influencers ang naglipana sa mundo, at hindi dapat Cristiano ang tumahimik bagkus ay dapat tayong magpalaganap ng katotohanan ng Ebanghelyo.

Upang tayo ay makapag-impluwensya, kinakailangan na maging malapit na muna tayo sa Diyos at Siya ang unang-unang mag-impluwensya sa atin sa pamamagitan ng Bible reading at prayer. Makakatulong din ang fellowship sa ibang mananampalataya.

Basic Ways to Influence:

1. Pagpigil sa kasamaan
2. Pagtatanggol sa katuwiran
3 Pamumuhay ng banal nang walang paumanhin
4. Pagiging vocal sa pananampalataya
5. Hayagang pagpapakita na ikaw ay Cristiano

Manindigan tayo sa katotohanan. Ipangaral ang Ebanghelyo. Mamuhay nang nararapat sa Diyos.

SDG!







LD29 Bible StudyPaksa: Ang Makapag-aalis ng Takot Natin sa KamatayanTeksto: Juan 11:17-27Isa sa mga pinaka kamangha-mang...
19/07/2026

LD29 Bible Study
Paksa: Ang Makapag-aalis ng Takot Natin sa Kamatayan
Teksto: Juan 11:17-27

Isa sa mga pinaka kamangha-manghang himalang ginawa ni Jesus ay ang pagbuhay Niya sa apat na araw nang nakalibing na patay na si Lazaro, kapatid ni Maria at Martha. Nang hiniling ni Maria na si Jesus ay tumungo sa Bethania para pagalingin si Lazaro, nagpalipas pa si Jesus ng dalawang araw bago kumilos. Hindi ito maituturing na katamaran o pagpapabaya kay Jesus bagkus ay pag-ayon sa plano Niya sa sitwasyong ito.

• Ang kahilingan ng magkapatid: kagalingan
• Ang kalooban ni Jesus: pagbubuhay na muli

Ipinapakilala ni Jesus ang dalawa sa mga “I AM” Niya sa Book of John: “Ako ang muling pagkabuhay at ang buhay” (v. 25).

1. muling pagkabuhay - Siya ang sagisag o embodiment ng muling pagkabuhay dahil Siya ang unang muling nabuhay mula sa kamatayan (1 Cor. 15:20). Bukod dito, Siya rin ang pinagmumulan ng muling pagkabuhay ng sinumang sumasampalataya sa Kanya.

2. buhay - Siya ang sagisag ng buhay. Siya ay eternal; walang pasimula at walang wakas. Bukod dito, Siya rin ang pinanggagalingan ng buhay at buhay na walang hanggan.

Ang pagbuhay Niyang muli kay Lazaro ay may dalawang layunin:

• Upang ipakita ang kapangyarihan Niya sa pagbuhay sa mga patay.
• Upang ipakita ang reyalidad kung paano Niya silang bubuhaying muli sa huling araw: ang katawang inilibing ay pag-iisahin sa kaluluwa ng namayapang nakay Cristo at gagawing niluwalhati at perpektong katawan ang pagkatao na mapupunta sa langit.

Ang ating pagkatakot sa kamatayan ay mapapawi ng pagsampalataya kay Jesus bilang Panginoon na Siyang Cristo at Anak ng Diyos na buhay (v. 27). Ito ay inaalis Niya dahil sa pag-asa at katiyakan ng isang iniligtas na buhay at muling pagkabuhay sa huling araw o sa pagbabalik Niya.

Ang takot na natural na emosyon na nararamdaman ng isang tao sa usaping kamatayan ay pinapawi ng kamatayan ni Jesus at muli Niyang pagkabuhay. Magtiwala tayo sa Kanya upang marating natin ang langit at makapiling natin Siya nang walang hanggan.

SDG!







12/07/2026

Happy Lord's Day, redeemed sinners turned blessed saints!

12/07/2026

Grabe naman George Swinnock:

"Kung ang Diyos ay walang kapantay, ang mga makasalanang nangangahas na insultuhin siya nang harap-harapan ay talaga namang baliw. Kung makakakita tayo ng isang taong nakikipaglaban (nang walang dahilan) sa isang hukbo ng mga sundalo, at inuudyukan sila na patayin siya, iisipin nating siya’y baliw. Bakit niya ilalagay ang kanyang sarili sa tiyak na kapahamakan? Sa tuwing sinasadya nating labagin ang kautusan ng Diyos, umaasta tayo na parang baliw. Nakikipaglaban tayo sa Diyos na higit na mas malakas kaysa milyun-milyong hukbo. Ginagalit natin ang Makapangyarihan sa lahat, na may kakayahang magtapon sa atin sa impiyerno sa isang iglap lamang.

"May laban ba tayo sa Diyos?"

-- George Swinnock, Ang Diyos na Walang Kapantay, p. 135 (soon from Treasuring Christ PH, in partnership with Reformation Heritage Books)

LD28 Bible StudyPaksa: Ang Panalangin ni Haring DavidTeksto: 1 Cronica 29:10-19Ang 1 Cronica ay tala ng kasaysayan ng pa...
12/07/2026

LD28 Bible Study
Paksa: Ang Panalangin ni Haring David
Teksto: 1 Cronica 29:10-19

Ang 1 Cronica ay tala ng kasaysayan ng paghahari ni David sa Israel. Pinangunahan niya ang paghahanda ng mga kagamitan para sa Templo ni Yahweh na itatayo ni Solomon sa panahong ito ay may kakayahan nang maghari sa bansa.

Libo-libong mga ginto, pilak, at tanso at milyon-milyong bakal ang natipon nila mula sa kanilang mga handog. Bukod pa rito, nagbigay din sila ng mga magaganda at mamahaling bato upang gamitin sa gagawing Templo.

Matapos na matipon ang lahat ng mga ito, nagpuri si David sa pamamagitan ng panalangin—hindi sa loob ng kanyang silid kundi sa harap ng bansang Israel. Ang karaniwang tao ay mayabang at mapagmalaki. Anumang pwedeng maipagmalaki ay ginagamit natin masabi lamang na mahusay tayo. Ngunit para kay David, may isang dapat na purihin at sambahin mula sa kanyang mga katagumpayan at para sa mga inialay nilang mga handog sa paggawa ng Templo—si Yahweh na Diyos! Siya na nagmamay-ari ng lahat sa langit at lupa at nagpapala ng kayamanan, karangalan, at kalakasan (vv. 10-12).

Ang karaniwang tao kapag may nagawang mahusay, ang bukambibig ay “Ako pa” o “Ako lang 'to”, ipinapabatid na magaling sila kaya nagawa nila ang isang bagay. Ngunit para kay David, gayong itinuturing siyang tapat sa Diyos ay itinangging sila'y karapat-dapat man lang makatanggap ng pagpapala mula sa Diyos: “Ngunit sino ako at ang bayang ito?” (v. 14). Siya'y nagpakita ng kababaang-loob sa harap ng Diyos.

Kinilala niyang ang lahat ng handog nila ay pagmamay-ari ng Diyos at galing sa Diyos at ibinabalik lamang nila (vv. 14, 16). Ang tunay na paghahandog kay David ay buong puso. Dito ri'y ipinanalangin niya si Solomon na ihanda ng Diyos na maging tapat sa mga utos Niya (v. 19).

Ang panalanging ito ni David ay naglalayong ipahayag ang kadakilaan ng Diyos at ang kapangyarihan Niya sa lahat ng mga bagay. Itinuturo nito sa atin ang kapakumbabaan, na tanging sa Diyos lamang tayo makakaasa para sa probisyon ng lahat nating pangangailangan; na dapat tayong maghandog ng buong puso sa Kanya. Nandirito ring dapat nating ipanalangin ang susunod na henerasyon na patuloy na maakay sa Diyos.

SDG!







05/07/2026

Alam ng Diyos na hindi natin kayang sundin ang Kanyang mga utos. Nang si Adan ay nagkasala, hindi kailan man inisip ng Diyos na sa tao nakasalalay ang kaligtasan. Mula nang ang ninuno natin at ama ay nagkasala, ito ay naipamana sa mga sumunod na henerasyon.

Hinihingi ng Diyos ang ‘sinless perfection’ upang ang tao ay maligtas at mapunta sa langit. May tao bang may kakayahang mabuhay nang perpekto? Wala. Ngunit may isang pumarito na na-achieve ang sinless perfection na ito hindi upang iligtas ang Kanyang sarili kundi upang iligtas ang mga taong makasalanan—ang iba at hindi ang sarili Niya.

Ikinatutuwa nating kapag may ginagawa tayo ay may isang tao na mago-offer ng tulong niya, lalo naman kung sinabi niya pang “Huwag mo nang gawin iyan, ako nang bahala diyan. I gotchu!” Kung gayon, hindi ba't dapat na mas ikatuwa natin ang katotohanang ito:

Nang si Jesus ay pumarito, tulad nito ang sinasabi Niya sa atin: “Hindi mo kayang sundin ang Kautusan ng aking Ama. Ngunit Ako, kaya Ko at Ako ang bahala sa 'yo.” Kaya namuhay nga Siya ng perpekto upang ang buhay Niyang walang kapintasan ay ang maging account natin sa harapan ng Ama para tingnan Niya tayong perpekto kahit hindi naman natin kagagawan ang katuwirang iyon kundi kay Jesus.

At sa pagpaparusa naman sa kasalanan, parang ganito naman ang sinasabi ni Jesus nang Siya'y pumarito: “Hindi mo rin kayang tiisin at danasin ang parusa ng aking Ama sa mga makasalanan. Ngunit narito Ako, Ako ang bahala sa 'yo, Ako ang aako ng parusang dapat ikaw ang dumanas.” Kung kaya't dahil sa inako na Niya ito, ang p**t ng Diyos ay mapapawi na.

Ngunit sa kaninong klase ng tao ito nagkakaroon ng bisa; ang pagpapasa ng perfect righteousness ni Jesus at ang pagpawi Niya ng parusa ng makasalanan dahil sa Kanyang kamatayan?

Ito'y may bisa o epekto lamang sa kanilang sasampalataya at magsisisi sa kanilang mga pagkakasala—ito ang hinihinging tugon ng Diyos sa mga katulad nating makasalanan upang pagpalain Niya tayo ng kaligtasan sa pamamagitan ng mga ginawa ng bugtong Niyang Anak na si Jesus.

Sabik tayong lagi sa good news. Tawag galing sa school na inenrollan, email mula sa trabahong inapplyan, o kaya naman doktor na nagsabing magaling ka na sa sakit mo; such are good news na kinapapanabikan nating madinig. Subalit hindi ba't mas mabuti ang Balita ng pagliligtas ng Diyos? Dahil tatandaan nating ang pagliligtas na ito ay mula sa Kanyang sariling p**t at walang hanggang kamatayan sa impiyerno. Habang ang Mabuting Balita naman dito ay kaligtasan at buhay na walang hanggan sa piling Niya sa langit.

Ito ang paniwalaan natin dahil ito ang pinakamabuting balita na matatanggap mo. Sumang-ayon ka rito sa pamamagitan ng pagsampalataya kay Jesu-Cristo at pagsisisi mula sa iyong mga kasalanan.

Soli Deo gloria!






LD27 Bible StudyPaksa: Ang Pinakamahalagang UtosTeksto: Mateo 22:34-40Kapag bigla tayong tinatanong, minsa'y 'di tayo ma...
05/07/2026

LD27 Bible Study
Paksa: Ang Pinakamahalagang Utos
Teksto: Mateo 22:34-40

Kapag bigla tayong tinatanong, minsa'y 'di tayo makasagot agad o kaya naman magulo ang sagot natin. Para kay Jesus, hindi Siya nasisindak ng mga challenging questions ng mga religious leaders noon. Isa sa mga pagkakataon na Siya'y sinubok nila ay nang itanong ng isang dalubhasang Pariseo kung ano ang pinakamahalagang utos sa Torah na nagtataglay ng 613 na utos.

Sinagot Niya ito nang may karunungan based sa Old Testament Scripture. Hindi Siya nag-imbento ng bagong utos bagkus ni-reference ang sinabi na noon ng Diyos (Deut. 6:5). Ang pinakamahalagang utos ay ang pag-ibig sa Panginoong Diyos ng buong puso, buong kaluluwa, at buong pag-iisip (v. 37) (buong kalakasan; Mar. 12:30).

Dahil ang Diyos ay karapat-dapat sa pag-ibig natin, hindi lamang kakaunti nito kundi buong buhay nati'y dapat umiibig sa Kanya ng walang kapantay at walang katunggali. Ang ganitong pag-ibig ay hindi maaaring ibaling sa sarili o kapwa, ito ay isang natatanging pag-ibig na ang Diyos lamang ang nararapat na object na tatanggap. At dahil may nag-iisang Diyos na dapat ibigan nang ganito, maiibig din natin nang pantay-pantay ang Tatlong Persona ng Trinity (Ama, Anak, Espiritu Santo).

Ang ikalawang pinakamahalagang utos naman ay ang pag-ibig sa kapwa tulad ng sa sarili (v. 39). Hindi rin ito gawa-gawa lang ni Jesus dahil ito ay una nang nabanggit sa Levitico 19:18. Nangangahulugang 'di dapat balewalain ang mga tao bagkus ay dapat na pakitaan ng pag-ibig na gusto nating matanggap mula sa ibang tao: tamang pagtrato at paggalang.

Kung gayon, lahat ng mga kautusan ay natutupad sa pag-ibig sa Diyos at sa kapwa dahil ang mga kautusan ay may kaugnayan sa relasyon natin sa Diyos at sa tao. Ngunit hindi natin nasunod ng perpekto ang mga utos ng Diyos. Kaya naman kailangan natin si Jesus na sinunod ang Kautusan at inako ang parusa para sa ating mga kasalanan.

Ang Kanyang mga inililigtas ay magagawa nang ibigin ang Diyos na 'di niya kayang mahalin noon at ang tao nang gaya sa pag-ibig niya sa sarili niya.

God demands such love from those He saves.





28/06/2026

Sermon Archives (from our former gathering in Virac, Christ Alone Reformed Baptist Fellowship)

We all face moments of discouragement in our Christian walk. But God's promises in Scripture remind us to hold onto hope. His faithfulness speaks from generation to generation, and His promises endure for every believer, from the ancient past until the end of time.

#4 - A clip from 10/19/25 LD42 sermon from John 17:20-21 (John 17 series): Pinag-isa ng Pananampalataya sa Nag-iisang Diyos

Address

Sto. Santiago Street, Catanduanes
Panganiban
4806

Opening Hours

8am - 1am

Website

,

Alerts

Be the first to know and let us send you an email when Christ Alone Saves Christian Fellowship posts news and promotions. Your email address will not be used for any other purpose, and you can unsubscribe at any time.

Shortcuts

Share

Category