19/08/2026
PROTIPS - August 19, 2026
Create a Culture of Gratitude (Part 2)
By Maloi Malibiran-Salumbides
Ang sabi sa 1 Thessalonians 5:18, "give thanks in all circumstances; for this is God's will for you in Christ Jesus." Maraming paalala ang Bibliya sa atin tungkol sa kahalagahan ng pagiging mapagpasalamat. Sa New Testament ay ikinuwento pa nga kung paanong nagpagaling si Jesus ng sampung ketongin. Ngunit sa sampu ay isa lamang ang bumalik sa kanya upang magpasalamat. Pagpapakita ito na marami talaga ang mabilis makalimot at hindi sanay na magpasalamat. Kahapon ay ibinigay ko sa inyo ang unang tatlong tips sa pagkakaroon ng culture of gratitude sa ating opisina. Let's complete the acrostic THANKS as I give you the last 3 tips on this topic.
Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.
Thanksgiving should be articulated. Kailangang ipinahahayag natin ang ating pasasalamat. To be thankful at all times, we need to think of the good in every situation, have thanksgiving exercises and appreciate what other people do for us. Ano pa ang dapat nating gawin para maging bahagi ng kultura sa ating trabaho o negosyo ang pagiging thankful?
Name specific blessings that you are thankful for. Mahilig tayong magbigay ng blanket apology pati na rin blanket gratitude. Yun bang kapag humingi tayo ng patawad ang sasabihin natin, "Sorry na sa lahat lahat ng atraso ko sa iyo ha." Kapag naman nagpasalamat, "Thank you sa lahat-lahat ng kabutihan mo ha." Like an apology, your thank you will be more meaningful and effective kung ito ay specific. Ano ang regalo, tulong, serbisyo o biyaya na ipinagpapasalamat mo? Pangalanan mo ito isa-isa upang masanay at matuto tayo na i-appreciate ang maraming pagpapala na dumarating sa buhay natin.
Keep realistic expectations. Minsan ang dahilan ng kawalan natin ng appreciation sa mga ginagawa ng iba para sa atin ay ang sobrang taas at unrealistic expectations na mayroon tayo. Ibinibigay na ng mga kasama mo sa trabaho ang kanilang best pero kulang pa rin ito para sa iyo. Hindi ko naman sinasabing babaan mo ang standards mo. Pero ang tanong, makatotohanan ba ang expectations mo?
Selflessly serve. Kapag narasanan mo ang hirap at pagod ng totoong paglilingkod, you will have a better appreciation of the effort and service that other people do. Hindi mo susungitan ang crew na nagkamali ng kuha ng order mo, kasi alam mo ang hirap na pinagdaanan ng mga working student. Hindi ka magrereklamo kung medyo hindi na nakuhang ngumiti sa iyo ng isang saleslady, kasi nauunawaan mong maghapon na siyang nakatayo at pagod na siya. Sa halip na magsungit at magreklamo, hahanap ka ng paraan para ipaalam sa kanila na naiintindihan mo ang hirap ng trabaho nila dahil naranasan mo rin iyon. Magiging mapagpasalamat ka sa trabahong ginagawa ng iba kung ikaw mismo ay nagtatrabaho at naglilingkod sa iba. Selflessly serve so that you will also be thankful when others serve you.
Hindi lang salita ang pasasalamat. Thanks should be part of our work and lifestyle. Think of the good in every situation, have thanksgiving exercises, appreciate what other people do for us, name specific blessings that you are thankful for, keep realistic expectations and selflessly serve. Six simple tips to create a culture of gratitude in your place of work.
BE A BLESSING IN THE WORKPLACE TODAY!
