Church in Carmen

26/05/2026

[2 Corinthians 5:14,15]”…ang gugma sa Dios unang naglihok sulod sa usa ka naluwas nga tawo. Sa diha nga mapugngan ang tawo sa gugma sa Dios, ang iyang kasingkasing mobalik ngadto sa Dios, ug ang Espiritu sa Dios hatagan ug higayon sa pagbuhat ug paglihok sulod kaniya…
…Sa higayon nga makakita siya og usa ka butang, ang Espiritu Santo mopakusog sa Iyang buhat. Ang magtotoo motuman sa Espiritu, ug adunay makuha gikan kaniya. Usa ka adlaw ang gugma sa Dios dili matukib nga mopugong kanimo, ug ang imong kasingkasing mobalik ngadto sa Dios, ug ikaw moingon, “O Dios, gihigugma ko ikaw.”…
…Sa dihang pakit-on ka, ang Balaang Espiritu mopakusog sa Iyang buhat, ug ikaw mosunod dayon ug moingon og Amen. Kini nga pagkamasulundon moresulta sa usa ka butang nga makuha. Ang gidak-on sa pagkakuha sa mga butang mao ang ang-ang sa imong espirituhanong pag-uswag. Ang Ginoo miingon ngadto sa mga disipulo, “Ang matag usa kaninyo nga dili mobiya sa tanan niyang mga kabtangan dili mahimo nga Akong disipulo” (Lucas 14:33)…
…ang buhat sa krus mahimo lamang nga ipatuman pinaagi sa Espiritu Santo nga ania kanato, ug unya ang mga butang mawala…
…Hangtud nga ang atong kasingkasing bukas ngadto sa Ginoo, ang Espiritu mobuhat sa buhat sa krus diha kanato. Sa krus gihubo na ni Ginoong Hesus ang tanan para kanato. Karon ang pagpatuman niini nga buhat sa paghukas pinaagi sa Balaang Espiritu gibase sa ang-ang diin ang atong kasingkasing mibalik ngadto sa Dios. Kinahanglan natong tukion pag-usab nga ang espirituhanong pag-uswag sa positibo nga bahin mao ang pagdugang sa elemento sa Dios, ug sa negatibo nga bahin kini mao ang pagkunhod sa mga butang nga nag-ilog sa dapit sa Dios. Ang gidak-on niini nga pagkunhod nag-agad sa gidak-on diin ang atong kasingkasing mibalik ngadto sa Dios. Nangandoy kami nga adunay makuha gikan kanamo matag adlaw! Mao kini nga mamatay ka kada adlaw. Sa matag higayon nga wala tay makit-an nga bisan unsa nga nakuha, nagpakita sa paghunong sa atong pag-uswag.”

03/05/2026

“Sa Jeremias 29 ang Dios nag-ingon, "Nga sa tapus ang kapitoan ka tuig matuman sa Babilonia, duawon ko kamo, ug tumanon ko ang akong maayong pulong nganha kaninyo, sa pagpabalik kaninyo niining dapita. Kay ako nahibalo sa mga hunahuna nga akong gihunahuna alang kaninyo, nagaingon si Jehova, mga hunahuna sa pakigdait, ug dili sa kadautan, aron sa paghatag kaninyo ug usa ka gipaabut nga katapusan" (vv. 10-11). Kini nga mga pulong nagmantala sa tuyo sa Dios ngadto sa mga Israelinhon; kini mao ang mga butang nga Iyang gituyo nga buhaton. Apan, tugoti ako nga mangutana kaninyo, mga igsoon, unsaon man sa Dios pagtuman sa Iyang tuyo? Sumala sa prinsipyo sa Diyos, ang Iyang katuyoan kinahanglang matuman pinaagi sa pag-ampo sa tawo dinhi sa yuta [nga mao ang pag-ampo ni Daniel sa Dan 9:18-19]. Kung wala ang pag-ampo sa tawo, ang tinguha sa Dios dili matuman. Unsang matanga sa tawo ang magamit sa Dios sa pag-ampo alang sa Iyang katuyoan? Adunay usa lamang ka matang, usa ka tawo nga nagpuyo sa atubangan sa Dios, naghulat sa Iyang atubangan, ug nagtugot sa Dios sa paghimo sa pagsugod. Sa dihang imong basahon ang basahon ni Daniel imong makita nga si Daniel usa nga wala gayod magpasiugda ug bisan unsa atubangan sa Diyos. Naghulat siya sa atubangan sa Diyos, nagtagad lamang sa Diyos, dili sa iyang kaugalingon. Sa ingon, iyang natandog ug nasabtan kining partikular nga tuyo sa Dios ug nakakat-on nga ang Dios mobalik pag-usab sa pagkabihag sa mga anak sa Israel human sa kapitoan ka tuig nga matuman. Tungod kay ang tinguha ni Daniel nahiuyon sa tuyo sa Dios, nagpuasa siya ug gibubo kini nga tinguha sa atubangan sa Dios diha sa pag-ampo. Busa ang tinguha ug tuyo sa Dios sa kasingkasing migula gikan sa Dios, misulod ngadto kang Daniel, miagi kaniya, ug sa katapusan mibalik ngadto sa trono sa Dios. Unya ang trono sa Dios milihok dayon mahitungod sa sitwasyon. Kini nga aksyon dili gayud alang sa kalipay o paghimaya ni Daniel kondili alang sa Dios aron maangkon ang himaya. Kini usa ka makahuluganon kaayo nga butang. Bisan pa nagpangamuyo si Daniel para sa uban nga pabalikon sila sang Dios, si Daniel mismo wala magbalik. Mahimo nga nakabalik na siya sa ulihi, apan wala matala nga rekord sa Biblia. Morag usa ka butang ang iyang gipangayo ug gituman kini sa Diyos, apan siya mismo wala moapil sa resulta. Busa, mahitungod sa mga prinsipyo sa pag-ampo, ang imong tibuok nga pagkatawo gikan sa ulo hangtod sa tiil kinahanglang ihiklin. Ang imong pagkatawo walay dakong luna sa pag-ampo. Sa sinugdan ang Dios mao ang nagpasiugda, sa proseso ikaw usa lamang nga nakigtambayayong sa Dios, ug sa katapusan kini alang sa kahimayaan sa Dios. Kini ang tinuod nga pag-ampo, ang tawo nahiusa sa Dios ug nakigtambayayong Kaniya dinhi sa yuta, nagtugot Kaniya sa pagpahayag sa Iyang kaugalingon ug sa pagtuman sa Iyang katuyoan pinaagi sa tawo.”

03/05/2026

01/05/2026

“[Matt. 9:2-5] Ang mga escriba, nga nagtuo nga sila nahibalo sa Kasulatan, naghunahuna nga ang Dios lamang ang adunay awtoridad sa pagpasaylo sa mga sala, ug nga si Jesus, kinsa sa ilang mga mata usa lamang ka tawo, nagpasipala sa Dios sa dihang Siya miingon, “Ang imong mga sala gipasaylo na.” Kini nagpakita nga wala sila makaamgo nga ang Ginoo mao ang Dios. Pinaagi sa paglitok sa maong pulong, ilang gisalikway ang Hari sa langitnong gingharian. Sumala sa mga eskriba, si Ginoong Jesus nagpakaaron-ingnon nga Dios ug nagpasipala Kaniya. Apan ang Ginoong Jesus, siyempre, wala gayud magpasipala, kay Siya mao ang Dios. Isip Dios, Siya dili lamang adunay awtoridad sa natural nga palibot ug sa mga demonyo; Siya usab adunay hingpit nga awtoridad sa pagpasaylo sa mga tawo sa ilang mga sala… …Matikdi nga ang Ginoo wala moingon, “Unsa ang mas lisud?” kay para Kaniya walay lisod. Para Kaniya ang pag-ingon, “Ang imong mga sala gipasaylo na,” mas sayon pa kay sa pag-ingon, “Bangon ug lakaw,” tungod kay walay usa nga nahibalo kon ang mga sala sa usa ka tawo gipasaylo na o wala. Busa, sayon ra kining isulti. Apan ang tanan makasulti kon ang usa ka tawo mobangon ug molakaw.”

30/04/2026

“[Eph. 2:6, 1:3] Kiinahanglan natong gamiton ang hugot nga pagtuo aron makaambit sa tanan nga naa kanato diha kang Kristo…
…tungod kay kita usa ni Kristo, dili nato isipon ang atong kaugalingon nga anaa sa kakabos. Sa laing bahin, kita kinahanglan nga adunay usa ka bug-os nga pagkaamgo sa unsa ang anaa kanato diha kang Kristo. Sa ilang mga pag-ampo, ang ubang mga Kristohanon gustong mopahayag kon unsa sila ka kabos, makaluluoy, ug ubos. Kini nga matang sa pag-ampo walay pagtuo o kasigurohan. Kita kinahanglan nga motuo uban sa bug-os nga kasigurohan nga kita usa ka adunahan, uban sa makubon sa tanan nga Kristo, uban sa Usa nga mao ang pagkalawas sa tanang kahupnganan sa Tulo-Usang Dios. Kung atong maamgohan kini uban ang bug-os nga kasigurohan, dili gayud nato isipon ang atong kaugalingon nga kabus. Ayaw tuohi ang imong mga pagbati bahin sa imong kaugalingon, apan ilingiw ngadto kang Kristo. Gamita ang imong pagtuo aron makaamgo kon unsa Siya, unsay Iyang naagian, unsay Iyang naangkon ug nakab-ot, ug asa Siya karon. Tungod kay Siya anaa sa ikatulo nga langit ug kita usa uban Kaniya, kita anaa usab sa ikatulo nga langit… Kita gibutang ngadto kang Kristo nga dili matukib nga kadato.”

29/04/2026

“Ang pagtuo nagpamatuod sa [espirituhanon] nga mga kamatuoran. Sa higayon nga makakita kita og usa ka butang, atong pamatud-an kini. Sa higayon nga kita motuo, atong mapamatud-an ang mga kamatuoran, ug atong nabatunan kini...
… Ang Pulong sa Dios ug ang Iyang mga saad mapamatud-an lamang pinaagi sa pagtuo. Dili kinahanglan nga magduha-duha kita nga mag-ampo sa Dios, nga mag-ingon, "Ginoo, mahimo Ka nga akong kadaugan, mahimo Ka nga akong kinabuhi, ug mahimo Ka nga akong pagkabalaan." Hinoon, kinahanglan kitang moingon Kaniya, "Ginoo, Ikaw ang akong kadaugan. Nagpasalamat ako ug nagdayeg Kanimo tungod kay Ikaw ang akong kinabuhi ug Ikaw ang akong pagkabalaan. Nagpasalamat ug nagdayeg ako Kanimo!" Mga igsoon, makasugat kita og mga tintasyon sa tanang panahon. Daghang kalisdanan ang atong giatubang, ug ang masakit nga mga pulong madungog nato. Ang ato bang mga pangamuyo sa Dios nga hatagan kita’g kusog para makadaug? Dili, kinahanglan kitang moingon, "Ginoo, nagpasalamat ako ug nagdayeg Kanimo tungod kay Ikaw ang akong kadaugan! Ginoo, ikaw ang nagmadaugon alang kanako. Nagpasalamat ako ug nagdayeg Kanimo nga gisagubang Mo ang tanan alang kanako. Salamat nga Ikaw ang akong Ulo ug ako Imong bahin. Ikaw ang punoan sa paras ug ako usa ka sanga. Ikaw ang naghatag kanako sa tanan." Siya naghatag na kanato sa tanan sumala sa Iyang Pulong!”

28/04/2026

“Ang pagtulon-an sa pagdihog wala magsulti kanato ug daghang mga butang o daghang mga pulong; kini nagtudlo kanato pinaagi sa Iyang presensya o pagkawala kanato. Kini ang kinaiya sa pagdihog. Kon kita mobuhat sa usa ka butang nga gusto sa Ginoo nga atong buhaton, kita makabaton sa pagdihog sa higayon nga kita molihok, ug kita makahibalo nga kini husto. Kon kini usa ka butang nga dili nato angay buhaton, kita mobati nga sama sa usa ka nahiyos nga ligid sa higayon nga atong buhaton kini, ug kita makahibalo nga kita wala magbuhat sa husto nga butang…
…Ang tanan nga mga anak sa Dios kinahanglan nga makakat-on og usa ka pagtulon-an, nga sa pagsunod sa Dios, kita kinahanglan nga dili mangatarungan uban Kaniya; hinoon, atong tan-awon kon aduna ba kita o wala sa makapalunhaw nga Balaang Espiritu…
…Pananglitan, kon kita nakigsulti sa usa ka tawo ug wala kitay dihogan, kon mas daghan kitag estorya mas bation nato nga walay gahom ug sa sulod nga kahaw-ang; kita mobati nga uga ug mahimong sama sa usa ka nahiyos nga ligid. Apan, kon kita adunay bug-at nga palas-anon sa sulod, kon mas mosulti kita, mas makabaton kita ug “Amen” sa sulod ug mas relaks ang atong bation. Atong mahibaloan kon unsay gusto sa Diyos nga atong buhaton.”

28/04/2026

“Ang sala nagpasabut sa tanang butang nga dili moral ug sukwahi sa moral nga kasugoan sa Dios, samtang ang kalibutan naglakip sa tanang mga tawo, mga kalihokan ug mga butang nga gawas sa Dios.
Makasala tingali ang tawo apan dili siya maingon nga napanag-iya na sa kalibutan. Apan ang tanang napanag-iya sa kalibutan segurado gyung nahugawan sa sala.
Nagpamatuod usab kini nga ang sala dili gyud maingon nga kalibutan, apan ang kalibutan naglakip gyud sa sala. Kon mahulog kita sa kalibutan, dili kita makalikay sa pagpakasala.
Kon makita na nato ang kalainan sa sala ug sa kalibutan, masabtan nato nga mas makadaut ang kalibutan, mas grabe ang epekto niini, ug mas ngilngig ang pagsupak niini sa Dios kaysa sala. Sanglit direktang kabatok man sa Dios mismo ang kalibutan, nahimo kining kaaway Niya. Kontra ang sala sa kasugoan ug sa pamaagi sa Dios, sa ato pa, sa Iyang pagkamatarung, samtang kontra ang kalibutan sa Dios mismo ug sa Iyang kinaiya, sa Iyang pagkabalaan. Gikontra sa sala ang kasugoan sa Dios, ug gikontra sa kalibutan ang Dios mismo. Tungod niini nagsulti ang Biblia nga ang pagpakighigala sa kalibutan pagpakig-away sa Dios (Sant 4:4) Kon dunay nahigugma sa kalibutan wala kaniya ang gugma sa Amahan(1 Juan 2:15). Sa pagpanawag sa Dios sa tawo nga musunod Kaniya, gitataw Niya nga biyaan gyud sa tawo ang Iyang mga balay, yuta, mga igsoong lalaki o babaye, mga ginikanan, asawa, mga anak Ubp.(Mat. 10:37, 19:29; Mar. 10:29; Luc. 18:29). Mga butang kini nga nagaumol sa kinabuhi sa tawo nga maoy nagkadaiyang ngalan sa kalibutan. Kon nagtinguha ang tawo nga musunod sa Ginoo biyaan gyud niya kining kalibotanong mga butang, kay muukopar man kini kaniya.
Ang sala maoy karaan, mabaw, ug unang lakang sa pagkahulog.
Ang kalibutan maoy katapusan, grabe, ug kinaulahiang lakang sa pagkahulog. Daghang nagtamud lang sa pagdaug sa sala, apan labi gyung gitamud sa Biblia ang pagdaug sa kalibutan (1 Juan 5:4). Mas gikinahanglan pa nga dag-on nato ang kalibutan. Kon buot kitang motubo sa kinabuhi ug mabatonan sa Ginoo, maningkamot gyud ta sa pagbatok sa kalibutan nga nag-ulipon kanato.”

[Ang Kasinatiana sa Kinabuhi; Pagbatok saKalibutan, Pagakaila sa Kalibutan]

27/04/2026

“Nasayud kita nga ang atong Manluluwas adunay balaanon ug tawhanon nga pagkamao. Apan, sa pagpanag-iya sa tawhanong esensya wala Siyay bisan unsa nga may kalabutan sa nahulog nga kinaiya sa tawo. Sumala sa Juan 1:14, ang Diyos nahimong unod. Apan gikan sa pulong ni Pablo sa Roma 8:3 atong makita nga ang Ginoo sama sa unod sa sala. Kini nagpakita nga Siya natawo uban sa tanang tawhanon nga mga hiyas nga gibuhat sa Dios, apan uban Kaniya diha lamang ang pagkasama sa unod sa sala. Isip mga nangahulog, dili kita makaamgo kon unsa ka tam-is ug unsa ka nindot ang tawo nga gibuhat sa Dios. Hunahunaa kung unsa ka tam-is ug kanindot ni Adan ug Eva sa wala pa ang pagkapukan. Anaa kanila ang tanang tawhanon nga mga hiyas nga gilalang sa Dios. Apan tungod sa pagkapukan, kini nga mga hiyas nadaot. Sa dihang ang Ginoong Jesus natawo sa usa ka tawhanon nga ulay nga adunay tawhanong kinaiya, Siya nagbaton sa tawhanong mga hiyas. Apan, ang tawhanon nga esensya ni Ginoong Jesus wala maglakip sa nahulog nga kinaiya sa tawo. Ang iyang tawhanon nga kinaiya mao ang gibuhat sa Dios. Siya adunay dagway sa nahulog nga katawhan, ang dagway sa unod sa sala, apan ang Iyang tawhanon nga kinaiya, ingon nga gibuhat sa Dios, putli, matam-is, ug makapahimuot. Daw makatilingala nga mahimo nga may Isa sa uniberso nga may niini nga pagkamao! Diha sa Tawo-Manluluwas ang tawo ug ang Dios, ang Dios ug ang tawo, gisagol aron maporma ang usa ka komposisyon nga puno sa diosnon nga mga hiyas ug sa tawhanong mga hiyas.”

26/04/2026

“Ang duha ka pagkamao sa Ginoo dili lamang gidugtong; hinoon, diha sa pagsabut sa Tawo-Manluluwas ang diosnong pagkamao ug ang tawhanong dipagkamao gisagol…
…Sumala niini nga depinisyon, kon ang duha o daghan pa nga mga butang gisagol, ang ilang orihinal nga kinaiya dili mawala apan magpabilin nga mailhan…
…Busa, Siya usa ka Persona nga adunay duha ka esensya—ang diosnon ug ang tawo—nagsagol nga walay ikatulo nga kinaiya nga nahimo. Bisan tuod ang Ginoo adunay duha ka pagkamao, Siya sa gihapon usa ka kompleto nga Persona, Usa nga Dios ug tawo.”