WVMC Pamplona Chapter

16/08/2026

Send a message to learn more

16/08/2026

VERSE OF THE DAY | PANULTIHON 29:25 (RCPV)

"Kahadloki ang tawo ug maalaot ka; saligi ang GINOO ug mabulahan ka."

Ayaw itugyan egsuon ang imong kinabuhi sa kahadlok sa tawo, kay ang opinyon ug paghukom sa uban mahimong makapaluya sa imong pagtuo. Hinuon, salig sa Ginoo bisan pa sa mga pagsulay ug kawalay kasigurohan, kay ang tinuod nga panalangin makita sa kinabuhi nga nagsalig ug nagatuman sa Iyang kabubut-on. Kung ang Ginoo ang imong saligan, dili ka mapakyas sa dalan nga iyang giandam alang kanimo.

Thanks for reading egsuon. God bless us all. Ingat! ☺️🙏

Send a message to learn more

12/08/2026

VERSE OF THE DAY | MATTHEW 28:19–20 (NIV)

The Great Commission

"Therefore go and make disciples of all nations, baptizing them in the name of the Father and of the Son and of the Holy Spirit, 20 and teaching them to obey everything I have commanded you. And surely I am with you always, to the very end of the age.”

Isip mga Kristohanon o pinili nga katawhan sa Dios, ang Mateo 28:19–20 nagpahinumdom kanato nga ang kaluwasan dili lamang panalangin nga atong dawaton, kundili usa usab ka misyon nga atong ipaambit. Gitawag kita ni Jesus sa paghimo og mga tinun-an, pagtudlo sa iyang pulong, ug pagkinabuhi isip mga saksi sa iyang grasya bisan asa kita ipadala. Bisan usahay mahadlok o mobati kita nga dili takos, makasunod kita nga may kaisog tungod kay si Jesus mismo nagsaad nga dili kita niya biyaan. Uban Siya kanato kanunay, hangtod sa kahangturan.

Ang Mateo 28:19–20 wala nagtudlo nga ang ministeryo mahimong sentro sa KWARTA, halad, o personal nga GANANSYA. Ang sugo ni Jesus mao ang “ADTO UG PAGHIMO OG MGA TINUN-AN,” pagtudlo sa iyang pulong, ug pagdala sa mga tawo ngadto sa tinuod nga relasyon kang Cristo. Ang kwarta mahimong gamiton sa ministeryo, apan DILI KINI ANGAY MAHIMONG SENTRO SA MINISTERYO.

Kung ang pagtudlo kanunay naglibot sa kwarta apan gamay ra ang paghisgot bahin sa PAGHINULSOL, PAGKABALAAN, GUGMA, PAG-ALAGAD, PAGDISIPULO, ug PAGSUNOD KANG JESUS, kinahanglan nato kining susihon pinaagi sa Pulong sa Dios. Ang tinuod nga ministeryo dili pagsulbad sa atong kaugalingong interes, kundili PAG-ALAGAD KANG CRISTO ug pagtabang sa mga kalag nga makaila, mosunod, ug magpabilin kaniya.

DILI KWARTA ang sukdanan sa kalampusan sa ministeryo kundili ang pagkamatinud-anon sa pagsunod sa sugo ni Jesus.

Kasagaran karon mga minister sa mga Kristohanon nga Simbahan mga batan-on. Init kaayo sa bag-ong sugod apan human sa pipila ka tuig sa ministry, kalit lang mo-undang sa walay ego nga rason.

Kasagaran pod mahitabo kini sa mga wala kasabot kaayo unsa jud kamahinungdanon ang pagka-lider sa ministry.

Ang uban man gud egsuon nag pastor or pastora dili tungod kay fully nakasabot jud sila sa tinoud nga tawag sa Dios sa ilang kinabuhi kundili tungod kay na-motivate lamang kay naay allowance, naay maayong benepisyo nga makuha gikan sa ilang founder sa ilang simbahan o gikan mismo sa taga-supporta sa maong ministry.

So mga egsuon ayuhag pinsar una ka mo decide nga mahimo nga lider o magdala ug ministry kay basin unya lahi imohang motibo. Dili nato himoun daw NEGOSYO ang pulong sa Ginoo.

Mabal-an ra ang MONEY-STRY VERSUS MINISTRY.

Kung kwarta gani always hisgutan matag wali, aw kabalo naka ana egsuon.

Sabton ug tumanon ang The great commission dili kay mag pastor or pastora kay naay dakong KOMISYON SA KWARTA😅😆✌️

Daghan salamat egsuon sa imong pagbasa. God bless you always. Ingat!



:19–20

11/08/2026

VERSE OF THE DAY | SALMO 37:23-24 (APSD)

"Giniyahan sa GINOO ang matag lakang sa tawo nga nagkinabuhi nga matinumanon kaniya. Bisan mapandol siya, dili siya matumba tungod kay ginakuptan siya sa GINOO."

Ato kining hinumduman egsuon nga sa matag lakaw sa atong kinabuhi, dili kita pasagdan sa Ginoo. Bisan pa man og kita mapandol ug makaagi og mga pagsulay, dili kita matumba kay ang Ginoo kanunay nga nagkupot ug naggiya kanato. Busa, padayon sa pagtuo, pagsalig, ug pagkamatinumanon kaniya. 🙏

Dili kay taman ra ta sa pagtoo egsuon apan dili gihapon motuman.

God bless us all and ingat!







:23-24

Send a message to learn more

10/08/2026

VERSE OF THE DAY | EFESO 4:31 (APSD)

"Isalikway ninyo ang tanan nga kaligutgot, kapungot, ug kasuko. Ayaw na kamo pamalikas, o pagsultig daotan batok sa usag usa, o pagdinumtanay."

DAGHAN RA GIHAPON KARON NGA MGA KRISTOHANON NGA KUSOG MAMALIKAS. NGANO MANA EGSUON? FOREVER NA GYUD NA OR NAA PAY SOLUTION?

Isip mga Kristohanon, gitawag kita ni sa Dios pinaagi kang Cristo sa pagkinabuhi nga puno sa gugma, pagpasaylo, ug kalinaw. Biyai ang kasuko, pagdumot, ug kasakit sa nangagi, ug tugoti ang Ginoo nga magbag-o sa atong kasingkasing. Hinaot nga sa atong mga pulong ug binuhatan, makita sa uban ang kinaiya ni Cristo.

Ang kasingkasing nga gibag-o ni Cristo dili magkupot sa kasuko, kondili mopili sa pagpasaylo, paghigugma, ug pagkinabuhi nga malinawon egsuon.

Dili nata sama kaniadto egsuon nga wala pa nakaila kang Cristo. Atong puy-an sa tinud-anay ang Kristohanon nga kinabuhi. Kana bang dili ta hypocrito o tigpakaaron-ingnon egsuon. Balaan kaayo ta manuot-suot pero ang kasingkasing daw pantyon. Puno sa mga bukog ug kahugaw.🙄😅

Tandog napod ang mga Kristohanon ani nga mga kuan😆✌️💓

Don't worry egsuon kay gipahinumduman rata sa Dios sa iyang mga pulong. Usahay man gud malinot ta unya mura nalang ug wala.

Wa tay mahimo kay nakasulat man sa bible...

God bless you egsuon padayon sa pagkamatarong. Ingat!

Send a message to learn more

09/08/2026

VERSE OF THE DAY| 1 CORINTO 15:33 (RCPV)

"Ayaw kamo patunto. “Ang daotang mga kauban makadaot sa maayong pamatasan.”

Egsuon dili biya tanan nga atong kauban makahatag og maayong impluwensya. Ingon nga Kristohanon, pilia ang mga higala nga makapaduol kanato kang Cristo ug makapalig-on sa atong pagtuo. Dili nato pili-on kadtong mga tawo nga mao na hinuon ang makapalayo kanato sa relasyon sa Ginoo. Ang maayong kauban makatabang kanato nga magpabiling matinud-anon sa Dios.

So likayi sila egsuon ayaw koyugi. Don't compyans😆

Daghan salamat sa imong pagbasa egsuon. God bless us all!