Sasmuan Holyweek Camarero

01/05/2025

24/04/2025

30/03/2025

15/03/2025

March 16, 2025

Kadwa nang Domingo ning Kuaresma (C)
ING MAYAP A BALITA
agpang kang San Lucas 9:28b-36

King panaun a ita, tiki na lang minukiat Jesus di Pedro, Juan at Santiago king bunduk-bundukan ban manalangin. Kabang manalangin ya, minaliwa ya itsura ing lupa na at meging makasilo king puti ing imalan na! Kabud-abud ating aduang tau a meyakit kasabi na. Deti ila di Moises at Elias; makapiblas la king e mu nanung kaligayan at kasabi re i Jesus. Pisasabian da ing tungkul king malapit nang pamanupad king parasan na ning Dios king kapamilatan na ning pangamate na karin Jerusalem.
Matudtud yang maniaman i Pedro at ding kayabe na, oneng mipagising la at ikit da ing kaligayan nang Jesus ampon ding aduang lalaking makatalakad kayabe na.
Inyang lalakuan da ne i Jesus ding adua katau, nganang Pedro kang Jesus, Maestro, mayap ing keti ta na! Gawa tamung atlung kubu; metung para keka, metung para kang Moises, at ing metung para kang Elias. (Tune nang e balu ing sasabian na.)
Kabang magsalita ya pa, linto ya ing metung a b**a at tikpan na la; mitakutan la ding alagad inyang mitulid ya karela ing b**a. Ngana ning siwalang ibat king b**a, Iti ya ing Anak ku, ing kanakung pinili, pakiramdaman ye!
Inyang tinuknang neng magsalita ing siwala, ikit deng ya na mung dili na i Jesus. Linihim da ring alagad iting bage milyari at ala lang belitanan ninuman king panaun a ita tungkul king ikit da.
ING MAYAP A BALITA ning kekatamung kaligtasan.
Kapuryan keka oh Kristo.

04/03/2025

DUST to DUST