13/04/2026
WHEN LIFE IS UNFAIR
bakit ang unfair ng buhay?
Kung sino pa ang totoo, sila pa ang napag-iisipan ng masama.
Kung sino pa ang masipag, sila pa ang tila hindi agad nabibigyan.
Bilang Kristiyano, may mga pagkakataong parang hindi patas ang buhay.
May mga luha, pagod, at paghihintay na tayo lang at ang Diyos ang nakakaalam.
Pero tandaan natin: sa Diyos, fair ang lahat
Roma 2:11 Sapagkat ang Dios ay hindi nagtatangi ng mga tao.
Huwag mawalan ng pag-asa sa Diyos
Kung minsan pakiramdam mo ay unfair ang buhay, alalahanin mo si Joseph.
Naging napakahirap ng pinagdaanan niya pinagkaisahan ng sarili niyang mga kapatid, inihulog sa balon, ibinenta,naging slave,pinagbintangan ng kasalanang hindi niya ginawa, at ikinulong.
Sa paningin ng tao, parang napaka-unfair ng nangyari sa kanya.
Pero kahit gaano kahirap ang sitwasyon, hindi kailanman iniwan ng Diyos si Joseph.
Genesis 39:2 And the LORD was with Joseph…
Iyan ang pinakamahalagang bahagi ng kwento
hindi nawala ang presensya ng Diyos sa buhay niya.
Maaaring dumaraan ka rin ngayon sa hirap.
Baka ikaw ay pinag-uusig, pinagbibintangan, hindi nauunawaan, o tila pinagtutulungan ng mga tao sa paligid mo.
Pero kung kagaya ka man ni Joseph, tandaan mo ito
"hindi ka iiwan ng Diyos"
Maaaring unfair ang sitwasyon, pero ang Diyos ay gumagawa ng paraan upang ang sakit ngayon ay maging daan sa tagumpay bukas.
Kung ang Diyos ay sumama kay Joseph sa balon, sa bahay ni Potiphar, at maging sa bilangguan,
sasamahan ka rin Niya sa laban mo ngayon.
What people meant for harm, God can turn for your good.
