09/02/2022
“Bakit kailangan ko siyang ipagpray?”
Kung may nagugustuhan ka. Ipagpray mo. Ipagpray mo na ilead ka ni Lord sa tama. Hindi porket sinabing Ipagpray mo ay ipagpipilitan mo na kay Lord na "Sana siya na po kasi gusto ko po siya." Hindi ganoon yun kapatid. Tanungin mo si Lord. Humingi ka ng guidance, humingi ka ng discernment sa nararamdaman mo patungkol sa taong ginugusto mo. Ipagpray mo, magtanong ka, wag kang magpumilit. Kasi sabi nga, kapag ipinipilit nagiging mas masakit.
Kung may nagkakagusto sayo, Ipagpray mo. Hindi dahil sa gusto mo rin sya o nagkakagusto ka na rin sa kanya kundi dahil gusto mong tanungin si Lord kung tama bang papasukin ang taong yun sa buhay mo. Tanungin mo si Lord, kung ano bang magiging role nun sa buhay mo. Sigurado naman kasi may rason kung bakit siya dumating sa buhay mo, pero hindi lahat ng dumarating ay nananatili kaya para hindi gaanong masakit, ipagpray mo. Sabihin mo kay Lord para mas maging magaan ang mga bagay-bagay.
May manliligaw kang hindi Christian, pero gusto mo na rin. IPAGPRAY MO. Ipagray mo na sana sa pamamagitan mo mailead sya kay Lord. Wag ka munang magpaligaw. Magpatulong ka muna kay Lord. Ipagpray mo na sana makakilala siya kay Lord, na tanggapin niya rin si Hesus sa buhay niya, hindi dahil sa gusto mo siyang maging Bf/gf na christian... kundi dahil sa rason na iyon ang nararapat. Na gusto mo siyang masave dahil iyon ang iniuutos sayo ni Lord at hindi dahil lang sa may nararamdaman ka para sa taong yun.
Kung iniisip mong, magiging kontrabida si Lord sa buhay pag-ibig mo, nagkakamali ka. Susuportahan ka ni Lord, igaguide ka pa niya at ilelead sa kung para kanino ka talaga. Yun nga lang gusto niya, nagsasabi ka sa Kanya. Gusto niya magkwento ka. Gusto ni Lord, magpray ka. Kaya kung sino man ang gumugulo ngayon sa isipan mo at jan sa puso mo, IPAGPRAY MO.
