Turumba Shrine

Turumba Shrine The official page of Saint Peter of Alcantara Parish
Diocesan Shrine of Our Lady of Turumba of Pakil, Laguna.
(3)

Reach us by dropping a message in our Messenger or through our Gmail, [email protected]

Sa Birhen!

Puntos ng Pagninilay"The faith that we have remains to be a precious gift of God.”Reb. P. Jerry Oblepias, SThL | Homiliy...
24/08/2026

Puntos ng Pagninilay

"The faith that we have remains to be a precious gift of God.”

Reb. P. Jerry Oblepias, SThL | Homiliya | Ika-21 Linggo sa Karaniwang Panahon | Agosto 23, 2026




San Bartolome ApostolAgosto 24Si Nataniel ay isa sa labindalawang apostoles ni Hesukristo na taga-Cana, Galilea. Siya ay...
24/08/2026

San Bartolome Apostol
Agosto 24

Si Nataniel ay isa sa labindalawang apostoles ni Hesukristo na taga-Cana, Galilea. Siya ay anak ni Tolmai, at siya ang kaibigang hinikayat ni Felipe ng Betsaida para maging isa rin sa mga orihinal na alagad ni Hesukristo. Pinaniniwalaang nagmula sa Bar Talmai ang katawagang Bartolome. Ito ang naging bagong pangalan ni Nataniel nang maging alagad siya ni Hesus.

Matapos tawagin ni Hesus si Felipe, agad na nagtungo si Felipe kay Nataniel at sinabi rito, “Natagpuan namin si Hesus na taga-Nazaret, ang anak ni Jose. Siya ang tinutukoy ni Moises sa kanyang isinulat sa Kautusan, at gayon din ng mga propeta.” Winika naman ni Nataniel: “May magmumula bang mabuti sa Nazaret?” Muling sumagot si Felipe, “Halika’t tignan mo.”

Nang malapit na si Nataniel ay sinabi ni Hesus, “Narito ang isang tunay na Israelita na sa kaniya'y walang pagkukunyari." Nagtanong si Nataniel, “Paano ninyo ako nakilala?” Sumagot si Hesus, “Bago ka pa tawagin ni Felipe, nakita na kita nang ikaw ay nasa ilalim ng puno ng igos.” Nagwika naman si Nataniel, “Rabi, kayo ang Anak ng Diyos! Kayo ang Hari ng Israel!" Sinabi ni Hesus, “Nanampalataya ka ba dahil sa sinabi ko sa iyong nakita kita sa ilalim ng puno ng igos? Makakakita ka ng mga bagay na higit kaysa rito!”.

Kasama si Bartolome nang magpakita ang muling nabuhay na si Hesukristo at naroon ding nagdarasal sa pag-akyat ni Hesus sa Langit. Sa pagpanaog ng Banal na Espiritu, naroroon siya at nabendisyunan sa panimula ng kanilang gagawing pangangaral.

Matapos ang mga pangyayaring ito, naglakbay siya sa India at Armenia upang ipahayag ang Mabuting Balita. Matagumpay na nahimok ni Bartolome si Haring Polymius ng Armenia na maging Kristiyano, ngunit ito ay ikinagalit ng kapatid nito na si Astyages. Dahil dito, siya'y ipinahuli at pinahirapan, at namatay bilang martir sa pagbabalat sa kanya nang buhay.

Panalangin:

O maluwalhating San Bartolome, tinawag ka ni Hesus na taong walang pagkukunwari, at nakita mo ang tanda sa mundong ito na Siya ang Anak ng Diyos at Hari ng Israel. Ipagkaloob mo sa amin ang biyaya na sa tuwina ay huwag magbalatkayo at payak na tulad ng kalapati. Gayundin naman, tulungan mo kami na mapasa-amin ang biyaya ng Iyong pananampalataya na makita ang mapagpalang kamay ng Diyos sa mga pangyayari sa pang-araw-araw naming buhay. Nawa'y mapagtanto namin ang mga tanda ng panahon na maghahatid sa amin kay Hesus dito sa lupa at humantong nawa sa pakikipagkaisa namin sa Kanya sa langit magpakailanman. Amen



24/08/2026

𝐕𝐈𝐀𝐉𝐄 𝐃𝐄 𝐒𝐀𝐍 𝐕𝐈𝐂𝐄𝐍𝐓𝐄 𝐒𝐀 𝐏𝐀𝐊𝐈𝐋 𝐀𝐓 𝐏𝐀𝐍𝐆𝐈𝐋
Agosto 31, 2026 | Lunes | Holiday

Mga ka-deboto at peregrino ni San Vicente Ferrer de Mamatid, handa na ba kayo sa ating Viaje de San Vicente?

Sa darating na Agosto 31, sama-sama tayong maglalakbay bilang isang pamayanang deboto tungo sa dalawang makasaysayang simbahan sa Laguna: ang Dambana ng Birhen ng Turumba sa Pakil, Laguna at ang Simbahan ng Birhen ng De La O sa Pangil, Laguna.

Sa mga nais sumama na may sasakyan, mangyaring magpalista na sa Parish Office. Para naman sa mga walang sariling sasakyan, mayroong inilaang van ang simbahan, kaya't magpalista agad upang makapag-reserve ng inyong slot.

Tara na! Sama-sama nating ipakilala ang ating Mahal na Lolo Enteng!
VIAJE NA! VIVA SAN VICENTE FERRER DE MAMATID!

𝟯𝟱𝟬𝗧𝗛 𝗙𝗜𝗘𝗦𝗧𝗔 𝗚𝗥𝗘𝗘𝗧𝗜𝗡𝗚𝗦 𝗧𝗔𝗥𝗣𝗔𝗨𝗟𝗜𝗡Buong-galak nating ipagdiriwang sa darating na Oktubre 19, 2026, ang Ika-350 Pistang Bay...
23/08/2026

𝟯𝟱𝟬𝗧𝗛 𝗙𝗜𝗘𝗦𝗧𝗔 𝗚𝗥𝗘𝗘𝗧𝗜𝗡𝗚𝗦 𝗧𝗔𝗥𝗣𝗔𝗨𝗟𝗜𝗡

Buong-galak nating ipagdiriwang sa darating na Oktubre 19, 2026, ang Ika-350 Pistang Bayan ng Pakil sa karangalan ng ating Pintakasi at Tagapag-ampon, San Pedro de Alcántara, at ang Ika-20 Anibersaryo ng Pagiging Pang-diyosesanong Dambana ng Mahal na Birhen ng Turumba.

Bilang paghahanda sa makasaysayang pagdiriwang na ito, inilulunsad ang 𝗙𝗜𝗘𝗦𝗧𝗔 𝗚𝗥𝗘𝗘𝗧𝗜𝗡𝗚𝗦 𝗧𝗔𝗥𝗣𝗔𝗨𝗟𝗜𝗡, na ikakabit sa iba’t ibang bahagi ng kabayanan ng Pakil bilang tanda ng pakikiisa at pakikibahagi sa natatanging selebrasyong ito.

Ang bawat tarpaulin ay nagkakahalaga ng ₱500.00, na maaaring bayaran sa pamamagitan ng GCash o sa Opisina ng Parokya. Ito ay may kabuuang sukat na 5 x 3 (feet). Sa ibabang bahagi nito ay ilalagay ang pangalan na inyong nanaisin, bilang personal na pagbati at tanda ng inyong pakikiisa sa makasaysayang pagdiriwang. Ang huling araw ng pagtanggap ng mga order ay sa Setyembre 20, 2026.

Para sa mga interesado, mangyaring sagutan ang Google Form na ito: https://forms.gle/J6wzgBViupqVeKMb7

At para sa mga katanungan, mangyaring makipagugnayan kay Bro. Johannbert Emerey Moneda (https://www.facebook.com/jem.moneda?)

FE Y HUMILDAD
350 Taon ng Grasya ng Diyos, sa Yapak ni San Pedro de Alcántara, Tungo sa Pag-ibig ng Diyos.

Maraming salamat po kay Bro. Edelwilson Garcia para sa disenyo ng tarpaulin.






Santa Rosa ng LimaSegunda Patrona de las Islas FilipinasAgosto 23Isinilang sa taong 1586 sa Lima, Peru si Isabel Flores ...
23/08/2026

Santa Rosa ng Lima
Segunda Patrona de las Islas Filipinas
Agosto 23

Isinilang sa taong 1586 sa Lima, Peru si Isabel Flores de Olivia. Sa kanyang kagandahan, tinawag siyang "Rosa". Ayon sa isang kwento, sanggol pa lamang si Rosa ay nagpahiwatig na ang Panginoon ng mga kahiwagaang namalas ng kanyang ina at mga kamag-anak. Pagtaas sa ere ng sanggol, ang kanyang ngiti ay animo’y namumumukadkad na rosas. Isa ring nagbunsod sa pagtawag sa kanya ng pangalang ito.

Sa murang edad ay ninais na ni Sta. Rosa na maging madre. Madalas siyang nagdarasal at nag-aayuno nang patago. Nagsagawa rin siya ng mga matinding pagpenitensya. Bukod dito ay araw-araw niyang ginawa ang adorasyon sa Banal na Sakramento at pagtanggap ng komunyon.

Nang magdalaga, lalong lumutang ang kanyang angking ganda. Sa kabila ng pagpuri sa kanya, ninais niyang sirain ang kanyang kagandahan upang ang kanyang panlabas na anyo ay hindi na makatawag pansin sa iba at sa gayon ay di na makapag-asawa. Higit niyang ninais na ihandog ang sarili sa Panginoon. Nilagyan niya ng paminta ang kanyang mukha upang ito ay magsugat at ginupit nang maikli ang kanyang buhok.

‘Di matanggap ng pamilya ang kakaibang pagpepenitensyang kanyang ginagawa, ngunit sadyang nakaukol siya sa pagsunod sa Panginoon kaya’t sa gulang na dalawampu ay ganap ng madre sa Third Order of St. Dominic. Dito ay pinagpatuloy niya ang matinding pagdarasal, pag-aayuno, at pagpepenitensya. Kilala si Sta. Rosa na nagsuot ng koronang pilak na mabigat at may mga tinik na tumususok sa kanyang laman.

Unti-unti ay tila iginugupo na siya sa banig ng karamdaman, ngunit patuloy pa rin siya sa pagdarasal. Binawian siya ng buhay noong ika-25 ng Agosto, 1617, sa gulang na 31. Sa oras ng kanyang pagpanaw, maraming milagro ang naganap sa Lima, kaya’t dumagsa ang tao sa kanyang burol.

Siya ay idineklarang Santa ni Papa Clemente X noong taong 1671. Inoobserba ang kanyang pista tuwing ika-23 ng Agosto ngunit sa ibang mga bansa, tulad ng Peru, ipinagdiriwang ang kanyang pista tuwing ika-30 ng Agosto.

Panalangin:

O Santa Rosa, ikaw ay isang magandang bulaklak na namumulaklak sa mabato na lupa. Tunay na ikaw ay isang rosas sa mga tinik na nagpakita ng kadalisayan, kaamuhan, kahinahunan at pasensya bilang isang halimbawa para sa ating lahat. Tulungan mo kaming sundin ang iyong halimbawa upang maaari kaming maging mas kaaya-aya at katanggap-tanggap sa paningin ng Diyos. Mangyari, din, manalangin para sa akin at sa aking hangarin na kami ay ipag-adya sa salot. Tulungan mo po ang iyong bayan.

O Panginoon, hinihiling namin ito sa pamamagitan ng mapagkumbaba mong rosas na si Sta Rosa De Lima na kami ay ilayo sa salot at kapansanan, at iligtas ang aming bayan. Lahat ng ito ay hinihiling namin sa mapagpalang Pangalan ni Hesus. Sangalan ng panalangin ni Sta. Rosa na aming Patrona, kasama ng Inang Birheng Maria, at kasama ng Espiritu Santo magpasawalang hanggan. Amen.



23/08/2026

LIVE: 21st Sunday in Ordinary Time

August 23, 2026 | Sunday

Mass Presider: Rev. Fr. Jerry R. Oblepias, SThL

𝙎𝙊𝘾𝙄𝘼𝙇 𝙈𝙀𝘿𝙄𝘼 𝘼𝘾𝘾𝙊𝙐𝙉𝙏𝙎:
Facebook: Turumba Shrine
TikTok and Instagram:
Youtube: Turumba Shrine
𝙀𝙈𝘼𝙄𝙇
:[email protected]
𝗖𝗲𝗹𝗹𝗽𝗵𝗼𝗻𝗲 𝗡𝘂𝗺𝗯𝗲𝗿: 0908 200 6538
𝗟𝗮𝗻𝗱𝗹𝗶𝗻𝗲: (049) 537 9525

Diyosesis ng San Pablo
Parokya ng San Pedro de Alcantara
Dambana ng Mahal na Birhen ng Turumba
Pakil, Laguna

Turumba Media
Social Communications Commission



22/08/2026

TGEN Sunday with Bishop Junie
Episode 21
August 23, 2026 | Twenty-first Sunday in Ordinary Time

Mateo 16 : 13 - 20

Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, “Sino raw ang Anak ng Tao, ayon sa mga tao?” At sumagot sila, “Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.” “Kayo naman, ano ang sabi ninyo? Sino ako?” tanong niya sa kanila. Sumagot si Simon Pedro, “Kayo po ang Kristo, ang Anak ng Diyos na buhay.” Sinabi sa kanya ni Hesus, “Mapalad ka, Simon na anak ni Jonas! Sapagkat ang katotohanang ito’y hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.” At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.

_____

Ang “TGEN” (The Good ErmitaNews) ay isang online evangelization program ng Diyosesis ng San Pablo, sa pamamagitan ng Diocesan Commission on Social Communications, na naglalayon na ipalaganap ang aral ng Mabuting Balita sa tulong ng makabagong teknolohiya. Ang bawat episode ay available everyday at 6:00 AM.



Ikatlong Anibersaryo ng paggawad ng titulong 'Reyna ng Bayan ng Pakil' sa Mahal na Birhen ng TurumbaSa bisa ng Kapasiyah...
22/08/2026

Ikatlong Anibersaryo ng paggawad ng titulong 'Reyna ng Bayan ng Pakil' sa Mahal na Birhen ng Turumba

Sa bisa ng Kapasiyahan Bilang 107-T-2023 ng Sangguniang Bayan noong Agosto 22, 2023, pormal na kinilala ng pamahalaan ang Nuestra Señora de los Dolores de Turumba bilang ‘Reyna ng Bayan ng Pakil’.

Ang paggagawad ng titulong ito ay mahalagang tanda ng pagtatalaga sa bawat Pakileño sa pagkalinga ng Mahal na Birhen ng Turumba.

Noong Setyembre 14, 2023, kasabay ng Kampanaryo-Serenata sa Bisperas ng Koronasyong Kanonikal ng Mahal na Birhen ng Turumba, inihandog sa Birhen ang gintong ex-voto sa pangunguna ng Municipal Administrator, Ronald James Hidalgo. Dinisenyo ito ayon sa selyo ng bayan at mayroong 13 hiyas na simbolo ng 13 barangay ng bayan. Isinagawa rin dito ang panalangin ng pagtatalaga sa bayan ng Pakil, na binubuo ng Kanluran at Silangan sa magkabilang bahagi ng Laguna de Bay, sa pagkandili ng Mahal na Birhen ng Turumba.

Mabuhay ang Reyna ng bayan ng Pakil!

Sa Birhen! Sa Birhen! Sa Birhen!








TINGNAN: Araw ng mga Pari 2026Noong ika- 16 ng Agosto, araw ng Linggo nagkaroon ng maliit na salu-salo sa Kumbento ng Pa...
22/08/2026

TINGNAN: Araw ng mga Pari 2026

Noong ika- 16 ng Agosto, araw ng Linggo nagkaroon ng maliit na salu-salo sa Kumbento ng Parokya para sa pagdiriwang ng Araw ng mga Pari. Patuloy nating ipagdasal ang mga kaparian sa buong mundo upang sila ay gabayan ng Espiritu Santo sa kanilang mga tungkulin sa Simbahan at sambayanan ng Diyos.

Maligayang araw ng mga Pari, Fr. Jerry!

Turumba Media
Social Communications Commission



La Coronación de la Virgen Maria, Reina del Cielo y de la TierraAgosto 22"At lumabas ang isang dakilang tanda sa langit....
21/08/2026

La Coronación de la Virgen Maria, Reina del Cielo y de la Tierra
Agosto 22

"At lumabas ang isang dakilang tanda sa langit. Isang babaeng nararamtan ng araw. Ang buwan ay nasa ilalim ng kaniyang mga paa. Sa kaniyang ulo ay may isang putong na may labindalawang bituin." Pahayag 12:1

Sa ika-22 ng Agosto, ginugunita ng Simbahan ang pagkokorona sa Mahal na Birheng Maria bilang Reyna ng Langit at Lupa. Matapos iniakyat ang Mahal na Birhen nang buong kaluluwa't katawan sa langit, hinirang ng Diyos ang Birheng Maria, Ina ni Hesus, bilang Reyna ng langit at lupa.

Noong ika-11 ng Oktubre, 1954, nagkaroon ng pagsang-ayon ang Santo Papa Pio XII sa pagiging reyna ng Birheng Maria sa kanyang ensiklikang Ad Caeli Reginam. Inihayag niya ang kapistahang ito bilang unibersal na pagdiriwang ng Simbahan tuwing Agosto 22, na noo'y ipinagdiriwang tuwing Mayo 31 sa pagtatapos ng buwan ng Birheng Maria. Hango ang pagdiriwang at paggunita sa pagkokorona ng Mahal na Birhen sa Pahayag ng Bagong Tipan ng Bibliya. Isinama ang tagpong ito bilang ikalima sa mga misteryo ng Luwalhati ng Santo Rosaryo.




Address

1 Taft Street
Pakil
4017

Opening Hours

Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm
Sunday 6am - 5pm

Telephone

+639082006538

Website

Alerts

Be the first to know and let us send you an email when Turumba Shrine posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Turumba Shrine:

Shortcuts

Share

Category