26/12/2025
𝐒𝐚𝐧 𝐉𝐮𝐚𝐧, 𝐀𝐧𝐠 𝐏𝐢𝐧𝐚𝐤𝐚𝐦𝐚𝐦𝐚𝐡𝐚𝐥 | 𝐃𝐢𝐬𝐲𝐞𝐦𝐛𝐫𝐞 𝟐𝟕
Isang taga Galilea na anak nina Zebedeo at Salome at kapatid ni Santiagong matanda. Siya ang disipulong minamahal ni Hesus.
Nanatili siya sa tabi ng Mahal na Birhen noong si Hesus ay nakapako sa krus. Simbulo niya ang isang agila dahilan sa taas ng lipad ng kanyang diwa noong isinulat niya ang salita ng Diyos. Noong siya’y dalhin sa Roma upang usigin, siya ay inilagay sa kumukulong langis subalit himalang nabuhay. Ang pinakahuling namatay na apostol dala ng kanyang katandaan.
𝙋𝙖𝙣𝙖𝙡𝙖𝙣𝙜𝙞𝙣 𝙠𝙖𝙮 𝙎𝙖𝙣 𝙅𝙪𝙖𝙣 𝙀𝙗𝙖𝙣𝙜𝙝𝙚𝙡𝙞𝙨𝙩𝙖
Oh maningas na Serafin, alagad na minamahal nang Poong Divino Verbo, Apostol, Propeta, Doktor, Birhen at Martir, maluwalhating San Juan Evangelista, na dahilan sa malaking pag-ibig mo kay Jesukristo, ay naging dapat ka na makita mo ang pagliwanag ng katauhan niya sa bundok ng Tabor, sinamahan mo siya sa halamanan ng Getsemani, at sa kamahal-mahalang Pasion niya at pinangalanang anak ni Maria na kasama mong nanangis sa pagkatayo sa paa ng Krus; binabati ka namin ng buong galang dahilan sa kamahalan mo, at yamang makapangyarihang totoo ang iyong pamagitan, tunghan mo kami at pakinggan, at hingin mo kay Jesus na ikaw ay maging uliran namin sa paggawa ng kabanalan, at sa pag-iingat sa kahalayan ayon sa pagkalagay ng isa at isa, nang maging templo ng Espiritu Santo ang mga puso namin, at kami ay maging dapat na tahanan nang Maestro mong si Jesus, kung tinanggap namin ang katawan niya sa Santa Komunyon. Ampunin mo kami, oh Pintakasing Masintahin, iligtas mo kami sa biglang pagkamatay na ikapapahamak ng kaluluwa, at sa mga hampas ng katwiran ng Diyos, lalong lalo na sa karahasan ng lintik, at sa madlang hirap na dinadaanan namin, nang matapus sa tunay na kapayapaan ang aming paglalakad at pangingibang bayan dito sa bayang kahapis-hapis at makamtan namin aa malaking awa ng Diyos ang magandang kamatayan, daang ipagsama natin sa hindi matapus na kaluwalhatian sa langit. Amen.
