13/05/2026
π£ππππ¨π‘ππ§π π¦π π ππππ π‘π πππ₯πππ‘ π‘π πππ§ππ π
Mayo 13
Ang Mahal na Birhen ay nagpakita sa tatlong bata na sina Lucia, Francisco, at Jacinto sa ibabaw ng isang punongkahoy sa parang ng Cova da Iria, Fatima, Portugal noong Mayo 13, 1917. Sa sumunod na mga pangitain tuwing ika- 13 ng buwan, ipinahayag ng Birhen ang kanyang layunin: ang kanyang panawagan upang magdasal sa araw-araw ng Santo Rosaryo at gumawa ng pagpapakasakit at ikapagbabalik-loob ng mga makasalanan at ikapapayapa ng daigdig. Ipinakita ng mga bata ang dami ng mga kaluluwang napapahamak sa impiyerno dahil sa pagkakasala ng mga tao. Ang huling himala na nasaksihan ng 70, 000 tao sa Fatima ay naganap noong Oktubre 13, 1917. Ang malakas na ulan ay biglang huminto. Ang araw ay nag anyong parang apoy na umiikot at mahuhulog sa lupa. Ang mga taoβy nasindak sa takot! Subalit hindi namamalayan ng mga tao ang pakikipag usap ng Birhen sa tatlong bata at ito ang kanyang tagubilin: βAko ang Birhen ng Rosaryo. Akoβy naparito upang manawagan sa mga tao at hilingiin sa kanila na sanaβy itigil na ang pagkakasala sa Diyos na lubhang napopoot na sa kanila. Gumawa ng mga pagpapakasakit at magdasal ng Santo Rosaryo araw-araw upang manumbalik ang kapayapaan. Ipinangangako ko ang kaligtasan sa mga nagdedebosyon sa aking Kalinis-linisang puso. Kung hinid manumbalik sa Diyos ang mga tao ay magkakaroon ng digmaan.
PANALANGIN
Ama naming makapangyarihan,
niloob Mong lumigaya ang buong mundo
sa pagkabuhay ng Iyong Anak na Panginoon naming HesuKristo.
Alang-alang kay Mariang Birheng Ina ng Diyos,
ipagkaloob Mong makamtan namin
ang galak ng buhay na βdi matatapos.
Iniluluhog namin ito sa pamamagitan ni HesuKristo
kasama ng Espiritu Santo
magpasawalang hanggan.
Amen.
Ang imahen ng Mahal na Birhen ng Fatima ay nasa pangangalaga ng pamilya ni Gng. Naty Comia ng Brgy. Bawi.
