09/05/2026
LIMA KA BUTANG NGA IMONG MAAGIHAN INGON NGA PASTOR:
1 โ PAGKAWALA SA MGA SUMUSUNOD (FOLLOWERS)
Kinahanglan nimong sabton nga walay permanente nga miyembro. Kanang mga tawo nga nagsinggit ug โHallelujah!โ ug โAmen!โ?
Dili na sila permanente ug mahimo kang biyaan bisan walay duha-duha.
Busa, itukod ang imong kinabuhi ug ministeryo diha sa Dios ug dili sa mga followers.
2 โ PAGTRAYDOR SA MGA HIGALA
Ayaw pagsalig dayon sa bisan kinsa nga nagaingon nga higala nimo. Bisan gani ang pagsalig sa imong kaugalingon delikado usahay.
Ayaw paghisgot ug daotan batok sa uban. Ayaw paghunahuna nga tanan sama nimo nga mahigugmaon, matinud-anon, ug kasaligan.
Kadtong mga tawo nga imong giisip ug gipakita nga suod nga higala mahimong makapasakit ug makapakurat nimo nga walay pagtan-aw sa imong gibati.
Busa, itukod ang tanan diha sa Dios ug dili sa mga higala.
3 โ PAGDUMILI SA MGA NAA SA UNAHAN NIMO SA MINISTERYO
Kung wala pa ka nakaagi nga gisalikway sa mga mas nauna nimo sa ministeryo, nan bag-o pa ka nga magtutungha.
Dili pasabot nga daotan sila o wala silay gugma nimo, apan tingali wala pa ka sa ilang lebel o dili pa ka kabahin sa ilang pundok.
Kung naghunahuna ka nga dali ra ka nilang dawaton, sayop kana nga panglantaw.
Kasagaran, ang mga seniors sa ministeryo makig-relasyon lamang kung naa silay makita nga kaayohan o benepisyo.
Hunonga ang pag-apas sa ilang pagdawat tungod lang sa ilang resulta.
Palamboa ang imong kapasidad, personalidad, ug ministeryo.
Ug moabot ang adlaw nga sila na mismo ang mangita nimo.
4 โ KAHILOM GIKAN SA LANGIT
Kini kasagaran kaayo mahitabo. Dili tungod kay nakasala ka; adunay kaugalingong rason ang Dios.
Bisan sa Biblia adunay โsilent periods.โ
Taliwala sa libro ni Malakias ug Mateo adunay kahilom sulod sa 430 ka tuig nga walay pulong gikan sa Dios.
Kung pastor ka ug wala pa nakaagi ani nga panahon sa kahilom, tingali kinahanglan pa nimong susihon ang imong pagtawag.
Nag-ampo ka na, nagpuasa, nagsakripisyo, ug gibuhat ang tanang gisulti sa Biblia, sa mga spiritual fathers ug mentors, apan murag walay tubag ug hilom ang Dios sa imong sitwasyon.
Gigamit ka Niya aron makigsulti sa uban, apan hilom Siya sa imong kaugalingong kahimtang.
Kini gitawag nga โsilent period.โ
Lisod kaayo kini kay makalibog ug makakapoy sa sulod.
5 โ MGA PAG-ATTAKE NI SATANAS
Si Satanas moatake lamang sa butang nga hulga alang kaniya ug sa iyang mga buhat.
Kung ang imong ministeryo dili hulga para kaniya, wala siyay rason nga moatake.
Ang pagsupak moabot lamang sa mga adunay posisyon.
Ang kahoy nga adunay hinog nga bunga maoโy kasagaran labayan ug bato.
Ang manlalaro nga adunay bola maoโy pirming atakehon.
Kung nagaagi ka ug mga pag-atake sa imong kinabuhi ug ministeryo, nan welcome sa tinuod nga kinabuhi sa usa ka pastor.
Kung dili siya maka-atake diretso nimo, gamiton niya ang mga tawo nga duol nimo.
Paabota kini kanunay kay kabahin kini sa ministeryo.
Mahimong moabot pinaagi sa kakulang sa panalapi o bisan unsang butang nga makapaluya ug makapahugno nimo.
PAHIMANGNO:
WALAY PASTOR NGA WALAY GUBAT.
KON MAS MOTAAS KA, MAS MUGRABE ANG MGA PAGSULAY.
Busa, dasiga ang imong kaugalingon ug padayon sa paglakaw, mga kauban kong sundalo ni Cristo, kay adunay dakong ganti nga nagaabot!
