28/06/2025
Requiescat in Pace🕊
Ikasubo sa tibuok simbahan sa Iglesia Filipina Independiente – Parokya sa Talairon ang pagpanaw sa among hinigugma nga igsoon, higala, inahan, ug matinud-anong alagad sa atong Ginoong Dios nga si Linda "Bingkay" Z. Repusala, karong adlawa.
Si Nanay Bingkay usa ka aktibo ug mapinanggaon nga inahan sa simbahan, ilabina sa sektor sa mga kabatan-onan.
Ang iyang mainitong pag-apil sa mga kalihokan, malumo nga kinaiya, ug buotan nga pagpakig-uban sa isigkatawo nagpabilin nga dakong handumanan sa tanan nga iyang nahimamat.
Atong iapil sa atong mga pag-ampo ang iyang kalag, nga unta makaplagan niya ang kapahulayan nga dayon sa gingharian sa atong Ginoo. Atong pag-ampo usab nga ang iyang pamilya hatagan unta sa Ginoo ug kalig-on, kalinaw, ug paglaum taliwala sa kasubo ug kaguol nga ilang nabati karong taknaa.
Bisan mibiya siya sa atong panan-aw, magapadayon ang iyang kahayag sa matag kasingkasing nga iyang nahikap.
Ang gugma nga iyang gipa-ambit sa tanan magapabilin hangtod sa kahangturan.
Maayong paglakaw, nanay Bingkay.♥️
