08/09/2021
SALIG SA DIOS
Lucas 12:22-31
22 unya mi ingon si Jesus sa iyang mga tinun-an "mao kini ang hinungdan, nga nag ingon ako kaninyo: Ayaw kamo kabalaka sa pagkaon nga inyong gikinahanglan aron kamo mabuhi o mahitungod sa sapot nga inyong gikinahanglan alang sa inyong lawas. 23 kay ang kinabuhi mas mahinungdanon pa kaayo kay sa pagkaon ug ang lawas mas mahinungdanon pa kaayo kay sa sapot. 24 Tan-awa ang mga uwak: wala sila magpugas ni mag ani. Wala silay tigomanan o kamalig apan ang Dios nagpakaon kanila! Labaw pa kamo kaayog bili kay sa mga langgam! 25 Kinsa ba kaninyo ang makadugang sa gitas-on sa iyang kinabuhi pinaagi sa pagkabalaka mahitungod niini? 26 Kon dili kamo makadumala niining gamayng butang, ngano mabalaka man kamo sa ubang butang? 27 Tan-awa giunsa pagtubo sa mga ihalas nga kabulakan: wala sila magbudlay o maghabol alang sa ilang kaugalingon. Apan sultihan ko kamo nga bisan si Solomon nga dato na kaau walay sapot nga ingon katahom sa usa niining mga bulaka. 28 Kon gibistihan sa Dios ang mga sagbot nga karong adlawa ania pa apan ugma wala na kay isugnod man sa hugdno, unsa pa kaha kamo? pagkadiyutay sa inyong pagsalig! 29 Busa ayaw kamo kabalaka sa inyong pagpangitag kan-on ug imnon. 30 (kay ang mga tawo nga wala magtuo sa Dios kanunayng nangita niining tanan.) Nasayod ang inyong Amahan nga nagkinahanglan kamo niining mga butanga. 31 Unaha hinuon pagpahari ang Dios diha sa inyong kinabuhi ug magsangkap siya kaninyo niining mga butanga.
Mateo 6:25-34
25"Tungod niini sultihan ko kamo: ayaw kabalaka unsay inyong kanon ug imnon aron kamo mabuhi o sa inyong bisti. Dili ba mas bililhon paman ang kinabuhi kay sa pagkaon ug ang lawas kay sa bisti? 26 Tan-awa ang mga langgam: wala sila magpugas o mag-ani aron ilang tigumon sa kamalig. Apan giatiman sila sa inyong Amahan nga atua sa langit! dili ba mas bilihon paman kamo kay sa mga langgam? 27 Kinsa man kaninyo ang makadugang sa gitas-on sa iyang kinabuhi pinaagi sa pagkabalaka? 28 "Ug ngano mabalaka man kamo sa inyong ibisti? tan-awa giunsa pagtubo sa bulak sa mga kaumahan. Wala sila maghago aron maka bisti. 29 Apan sulitihan ko kamo nga bisan gani si Solomon nga datu kaayo walay sapot nga sama katahom sa usa ining mga bulaka. 30 Kung gibistihan sa Dios ang mga balili nga buhi karon apan sa sunod adlaw sunogon ra, kamo pa kahay dili bistihan? Pagkagamay ninyong pagtuo! 31 Busa ayaw kamo kabalaka ug asa kamog kan-on o imnon o bisti. 32 (Kining mga butanga maoy gitinguha kanunay sa mga dili magtutuo.) Ang inyong Amahan nga atua sa langit nasayod nga nagkinahanglan kamo niining mga butanga. 33 Apan labaw sa tanan, paharia ninyo ang Dios ug pagkinabuhi kamo uyon sa iyang kabubut-on ug ang ubang butang ihatag ra niya kaninyo. 34 Busa ayaw kabalak-i ang mosunod nga adlaw kay may kaugalingon kining suliran. Ayaw na pun-i ang suliran sa matag adlaw.
