09/06/2026
Pitong Dahilan Kung Bakit Ikinararangal ko na Ako’y Metodista:
1. Mayroon tayong tatlong General Rules sa buhay:
Do no harm, Do good, and Stay in love with God.
Hindi lamang ito simpleng tuntunin kundi gabay sa pang-araw-araw na pamumuhay bilang Kristiyano. Tinuturuan tayong umiwas sa pananakit, maging kasangkapan ng kabutihan, at manatiling malapit sa Diyos sa pamamagitan ng panalangin, pagsamba, at banal na pamumuhay.
2. Pinahahalagahan natin ang biyaya ng Diyos para sa lahat.
Bilang Metodista, naniniwala tayo na ang grasya ng Diyos ay hindi para lamang sa iilan kundi para sa lahat ng tao. Ang pag-ibig ng Diyos ay bukas at handang tumanggap sa sinumang lumalapit sa Kanya.
3. Mahalaga sa atin ang pananampalataya at mabubuting gawa.
Hindi sapat ang paniniwala lamang; ito ay dapat makita sa pagkilos. Ang tunay na pananampalataya ay namumunga ng paglilingkod, malasakit, at pagmamahal sa kapwa.
4. Binibigyang halaga natin ang disiplina at kabanalan sa buhay.
Mula pa kay John Wesley, itinuro na ang Kristiyanong buhay ay may kaakibat na spiritual discipline tulad ng pananalangin, pag-aayuno, pag-aaral ng Biblia, at regular na pakikibahagi sa Banal na Komunyon.
5. May malasakit tayo sa katarungang panlipunan.
Ang pagiging Metodista ay hindi lamang tungkol sa loob ng simbahan kundi pati sa lipunan. Tayo ay tinatawag na manindigan para sa katotohanan, dignidad ng tao, at pagtulong sa mga naaapi at nangangailangan.
6. Pinahahalagahan natin ang koneksyonalismo at pagkakaisa.
Hindi tayo nag-iisa sa ministeryo. Bilang bahagi ng The United Methodist Church, tayo ay magkakaugnay bilang isang pamilya ng pananampalataya na nagtutulungan sa misyon at paglilingkod.
7. Itinuturo natin ang balanseng pananampalataya — isip at puso.
Ang pagiging Metodista ay may lalim sa teolohiya ngunit may init din ng espirituwalidad. May puwang ang pag-aaral, pangangatwiran, karanasan, at Kasulatan sa ating pananampalataya.
Kaya ikinararangal kong ako’y Metodista, sapagkat ito ay hindi lamang relihiyon kundi isang paraan ng pamumuhay banal,mapagmahal,makatao at nakasentro Kay Cristo.💕🙏💕 WeareUMC ♥️🙏♥️
***credit to the owner***
👉 permission to post🥰💕🙏💕👈
