11/08/2026
๐๐๐๐๐๐๐ ๐๐ ๐๐๐๐-๐๐๐๐:
Miyerkules, Agosto 12, 2026
Miyerkules ng Ika-19 Linggo sa Karaniwang Panahon (II)
o kaya Paggunita kay Santa Juana Francisca de Chantal, namanata sa Diyos
UNANG PAGBASA
Ezekiel 9, 1-7; 10, 18-22
Pagbasa mula sa aklat ni propeta Ezekiel
Sumisigaw ang Panginoon, โHalikayo, mga itinalaga upang magpahirap sa lungsod. Dalhin ninyo ang inyong mga sandata.โ Mula sa pintunan sa hilaga ay pumasok ang anim na taong tigi-tig-isa ng sandata. May kasama silang nakasuot ng kayong lino at may panulat sa baywang. Tumayo sila sa may altar na tanso.
Noon, ang kaningningan ng Panginoon ay lumagay sa itaas ng kerubin sa may pagpasok ng Templo. Tinawag niya ang lalaking nakadamit ng kayong lino at may panulat sa baywang. Sinabi niya rito, โLibutin mo ang lungsod ng Jerusalem at lagyan mo ng tanda sa noo ang lahat ng nagdalamhati dahil sa mga kasuklam-suklam na ginawa roon.โ Sa iba naman ay narinig kong sinabi niya, โSumunod kayo sa kanya at patayin ninyo ang mga tagaroon. Huwag kayong magtitira maliban sa mga may tanda sa noo. Patayin ninyong lahat ang mga tagaroon: matanda, binata, dalaga, babae at bata. Umpisahan ninyo sa santwaryo.โ Inuna nga nilang patayin ang matatanda ng bayan sa harap ng bahay. Sinabi niya sa kanila, โParumihin ninyo ang Templo at punuin ninyo ng bangkay ang patyo. Lakad na kayo!โ Lumakad sila at pumatay nang pumatay sa lungsod.
Ang kaningningan ng Panginoon ay umalis sa may pagpasok ng Templo at lumagay sa may ulunan ng kerubin. Lumipad ang mga kerubin kasama ang mga gulong, at tumigil sa may pintuan ng Templo sa gawing silangan. Nasa ulunan pa rin nila ang kaningningan ng Diyos ng Israel.
Ang mga ito ay siya ring apat na nilalang na nakita ko sa may Ilog Kebar at nalaman kong silaโy mga kerubin. Silaโy tig-aapat ng mukha at tig-aapat din ng pakpak at may mga tila kamay sa ilalim ng kanilang mga pakpak. Ang mukha nilaโy tulad din nang makita ko sila sa may Ilog Kebar. Kung saan gumawi yaong isa ay doon din yaong iba.
Ang Salita ng Diyos.
SALMONG TUGUNAN
Salmo 112, 1-2. 3-4. 5-6
Laganap sa sansinukob
ang kadakilaan ng Dโyos.
Dapat na magpuri ang mga alipin,
ang ngalan ng P**n ay dapat purihin.
Ang kanyang pangalan ay papurihan,
magmula ngayoโt magpakailanman.
Laganap sa sansinukob
ang kadakilaan ng Dโyos.
Buhat sa silangan, hanggang sa kanluran,
ang ngalan ng P**n, pupurihing tunay.
Siyaโy naghahari sa lahat ng bansa,
lampas pa sa langit ang pagkadakila.
Laganap sa sansinukob
ang kadakilaan ng Dโyos.
Walang makatulad ang Panginoong Diyos,
na sa kalangitan doon naluluklok;
buhat sa itaas siyaโy tumutunghay,
ang lupa at langit kanyang minamasdan.
Laganap sa sansinukob
ang kadakilaan ng Dโyos.
ALELUYA
2 Corinto 5, 19
Aleluya! Aleluya!
Pinagkasundo ni Kristo
ang Diyos at mga tao;
kayaโt napatawad tayo.
Aleluya! Aleluya!
MABUTING BALITA
Mateo 18, 15-20
Ang Mabuting Balita ng Panginoon ayon kay San Mateo
Noong panahong iyon, sinabi ni Hesus sa kanyang mga alagad: โKung magkasala sa iyo ang kapatid mo, puntahan mo siya at kausapin nang sarilinan. Kapag nakinig siya sa iyo, ang pagsasama ninyong magkapatid ay napapanauli mo sa dati at napapanumbalik mo siya sa Ama. Ngunit kung hindi siya makinig sa iyo, magsama ka pa ng isa o dalawang tao upang ang lahat ng pinag-usapan ninyo ay mapatunayan ng dalawa o tatlong saksi. Kung hindi siya makinig sa kanila, sabihin mo ito sa pagtitipon ng simbahan. At kung hindi pa siya makinig sa natitipong simbahan, ituring mo siyang Hentil o isang publikano.
Sinasabi ko sa inyo: anumang ipagbawal ninyo sa lupa ay ipagbabawal sa langit, at anumang ipahintulot ninyo sa lupa ay ipahihintulot sa langit.
Sinasabi ko pa rin sa inyo: kung ang dalawa sa inyo rito sa lupa ay magkaisa sa paghingi ng anumang bagay sa inyong panalangin, ipagkakaloob ito sa inyo ng aking Amang nasa langit. Sapagkat saanman may dalawa o tatlong nagkakatipon dahil sa akin, naroon akong kasama nila.โ
Ang Mabuting Balita ng Panginoon.
PANALANGIN NG BAYAN
Ika-19 na Linggo sa Karaniwang Panahon
Miyerkules
Sinabi ni Jesus sa atin, โKung dito sa lupa ay may dalawa sa inyo na nagkakaisang humihingi ng anuman, gagawin ito para sa kanila ng aking Amang nasa Langit.โ (Mt 18:19) Kaya manalangin tayo ngayon nang sama-sama,
Panginoon, dinggin mo ang aming panalangin.
o kaya
Punuin nawa kami ng iyong presensya, Panginoon.
Ang mga miyembro ng Simbahan nawaโy maging malapit ang kalooban sa isaโt isa at mamuhay sa kapayapaan at pagkakasunduan, manalangin tayo sa Panginoon.
Ang mga pinuno ng bansa nawaโy igalang ang karapatan ng bawat tao at iwaksi ang pag-uusig at pananakit, manalangin tayo sa Panginoon.
Tayo nawaโy makapagsalita ng katotohanan nang may katatagan at pagmamahal, at tanggapin ang anumang pagtatama ng iba nang may kagandahang-loob, manalangin tayo sa Panginoon.
Ang mga maysakit, matatanda, at ang mga nakaratay na sa kanilang tahanan nawaโy makita nila ang kaginhawahan at kasiyahan sa kagandahang-loob ng mga nag-aaruga sa kanila, manalangin tayo sa Panginoon.
Ang mga yumao nawaโy maging malinis ang budhi at maihanda sa walang hanggang pakikiisa kay Kristo, manalangin tayo sa Panginoon.
Ama naming nasa Langit, kapiling namin ang iyong Anak, hinihiling namin na tulungan mo kaming manalig sa kabutihan ng bawat tao at maging mahinahon kami sa isaโt isa tulad ng pagiging mabuti mo sa amin. Hinihiling namin ito sa pamamagitan ni Kristong aming Panginoon. Amen.
***************
๐๐๐ง๐ ๐ ๐ข๐ญ-๐ฉ๐๐ฌ๐๐ฌ๐๐ฅ๐๐ฆ๐๐ญ:
๐ก๐ถ๐น๐ฎ๐น๐ฎ๐บ๐ฎ๐ป:
https://www.awitatpapuri.com/2026/08/12/miyerkules-agosto-12-2026/
๐๐ฎ๐ฟ๐ฎ๐๐ฎ๐ป:
http://criticayopinioncultural.blogspot.com/2023/09/un-pastor-que-creese-un-dios-in-via.html
๐๐ช๐ซ๐ช๐ฝ๐ฒ๐ญ:
Ang lahat ng mga nilalaman at larawang ginamit sa post ay nabibilang sa kani-kanilang mga may-ari at ang pahina na ito ay hindi naghahabol ng anumang karapatan sa kanila.
