St. Anne Parish Youth Ministry

15/07/2026

15/07/2026

11/06/2026

MAS RECRUITMENT 2026 | TAWAG SA PAGLILINGKOD, TAWAG BILANG SAKRISTAN

Naririnig mo ba ang tawag ng Panginoon? Halina at maging bahagi ng Ministry of the Altar Servers ng Sta. Anne Parish at maglingkod sa banal na altar nang may pananampalataya, dedikasyon, at pagmamahal.

📌 Mga Kwalipikasyon:
✔️ 10 taong gulang pataas
✔️ Nakapag-Binyag at Unang Komunyon
✔️ Handa matuto at sumailalim sa pagsasanay
✔️ May dedikasyon sa paglilingkod at sakripisyo

Kung taglay mo ang mga ito, inaanyayahan ka naming sagutin ang tawag ng Panginoon at maging lingkod Niya sa Kanyang banal na dambana.

Magsakristan, ano tara?

Para sa karagdagang impormasyon, makipag-ugnayan kay Kuya Lorenz Cruz (MAS President) o magtungo sa ating parokya tuwing araw ng Sabado, 8:00 N.U.

06/04/2026

𝙏𝙄𝙂𝙉𝘼𝙉 | 𝘿𝘼𝘼𝙉 𝙉𝙂 𝙆𝙍𝙐𝙎 2026: 𝙇𝙖𝙠𝙗𝙖𝙮 𝙣𝙜 𝙋𝙖𝙜-𝙞𝙗𝙞𝙜, 𝙋𝙖𝙣𝙖𝙣𝙖𝙢𝙥𝙖𝙡𝙖𝙩𝙖𝙮𝙖 𝙖𝙩 𝙋𝙖𝙜𝙩𝙪𝙗𝙤𝙨

Tignan ang mga kuhang larawan mula sa taimtim na pagsasabuhay ng Daan ng Krus ng mga kabataan ng Parokya ni Sta. Ana.

Sa bawat hakbang ni Hesus patungo sa Krus, nasisilayan natin ang Kanyang wagas na pagmamahal sa sanlibutan—isang pag-ibig na handang magtiis ng hirap at sakit upang tayo ay maligtas. Ang Kanyang pagdurusa ay hindi lamang kwento ng sakit, kundi kwento ng pag-ibig na walang hanggan.

Ipinapalaala sa atin ng Daan ng Krus na ang tunay na pag-ibig ay hindi makasarili. Ang pagdurusa ni Kristo ay paanyaya sa atin na magnilay, magsisi, at mamuhay nang may kababaang-loob at pagtitiwala sa Kanyang kalooban. Nawa’y maging inspirasyon ang Kanyang sakripisyo upang higit nating mahalin ang Diyos at ang ating kapwa.

Lubos ang aming Pasasalamat sa aming Parish Priest – Rev. Fr. Arlie Q. Vento, Parish Pastoral Council, mga magulang ng ating mga kabataan sa kanilang suporta at pag-intindi, at mga sponsors na nagbigay ng suporta upang maisakatuparan ang makabuluhang pagsasabuhay na ito. Maraming salamat po sa lahat ng inyong sakripisyo at malasakit—kayo po ang ilaw at gabay ng aming kabataan. Nawa’y maibalik ng Panginoon sa inyo ang lahat ng biyaya, kabutihan, at kagalakang ipinagkaloob ninyo sa amin—siksik, liglig, at umaapaw!

02/04/2026

PAANYAYA | DAAN NG KRUS 2026

Nasilayan si Kristo sa gitna ng matinding pagdurusa—sugat, hirap, at dalamhating Kanyang tiniis alang-alang sa ating kaligtasan. Ang bawat sakit na Kanyang dinanas ay patunay ng walang hanggang pag-ibig ng Diyos para sa sangkatauhan.

Nawa’y sa paghihirap ni Kristo, makita natin ang tunay na kahulugan ng pag-ibig at pagtubos.

Inaanyayahan po namin ang lahat na makiisa, magnilay sa misteryo ng Krus, at samahan ang ating mga kabataan sa banal na paglalakbay na ito—isang paglalakbay ng pag-ibig, pananampalataya, at pagtubos na nagpapaalala sa dakilang sakripisyo ng Panginoon para sa ating kaligtasan.

Halina at makiisa sa banal na paglalakbay ng pananampalataya sa araw ng Biyernes Santo.

03 ABRIL 2026 | 05:00 N.U.

02/04/2026

PAANYAYA | DAAN NG KRUS 2026

Sa buhay ni Kristo, ang mga saserdote ay naging bahagi ng mga pangyayaring humantong sa Kanyang paghahandog sa Krus. Isang paalala na ang pagdurusa ni Kristo ay bunga ng kasalanan ng tao, ngunit naging daan ng ating kaligtasan.

Nawa’y magsilbi itong paanyaya sa mas malalim na pagninilay sa Kanyang dakilang pag-ibig.

Inaanyayahan po namin ang lahat na makiisa, magnilay sa misteryo ng Krus, at samahan ang ating mga kabataan sa banal na paglalakbay na ito—isang paglalakbay ng pag-ibig, pananampalataya, at pagtubos na nagpapaalala sa dakilang sakripisyo ng Panginoon para sa ating kaligtasan.

Halina at makiisa sa banal na paglalakbay ng pananampalataya sa araw ng Biyernes Santo.

01/04/2026

PAANYAYA | DAAN NG KRUS 2026

Inihahandog ng St. Anne Parish Youth Ministry ang taimtim na pagsasabuhay ng DAAN NG KRUS: Lakbay ng Pag-ibig, Pananampalataya, at Pagtubos sa darating na Biyernes Santo.

Ang Via Crucis ay magsisimula sa St. Anne Parish Grounds sa ganap na alas singko ng umaga (5:00 N.U.).

Inaanyayahan po namin ang lahat na makiisa, magnilay sa misteryo ng Krus, at samahan ang ating mga kabataan sa banal na paglalakbay na ito—isang paglalakbay ng pag-ibig, pananampalataya, at pagtubos na nagpapaalala sa dakilang sakripisyo ng Panginoon para sa ating kaligtasan.

Halina at makiisa sa banal na paglalakbay ng pananampalataya sa araw ng Biyernes Santo.

12/02/2026

𝐏𝐀𝐀𝐍𝐘𝐀𝐘𝐀 | 𝟐𝟎𝟐𝟔 𝐌𝐞𝐝𝐢𝐜𝐚𝐥 𝐚𝐧𝐝 𝐎𝐩𝐭𝐢𝐜𝐚𝐥 𝐌𝐢𝐬𝐬𝐢𝐨𝐧

Kaugnay sa pagdiriwang ng Kapistahan ng Mahal na Birhen ng Lourdes at ng Pandaigdigang Araw ng mga Maysakit, ang ating Parokya ay magsasagawa ng 2026 Medical and Optical Mission sa pangunguna ng ating Kura Paroko, Rev. Fr. Arlie Q. Vento, katuwang ang Parish Pastoral Council, sa pakikipagtulungan ng Olongapo Sea Lions at Cong. Jay Khonghun.

📅 Pebrero 15, 2026 (Linggo)
⏰ 08:00 ng umaga
📍 St. Anne Parish, Gordon Heights, Olongapo City

🩺 Libreng konsultasyong medikal at optikal

🆔 May PhilHealth updating at PhilSys National ID registration
Mangyaring magdala ng kahit isa (1) sa mga sumusunod:
• Government-issued ID
• PSA o LCR-issued Birth Certificate

📌 First come, first serve basis.

Inaanyayahan po ang lahat na makibahagi sa gawaing ito ng paglilingkod at malasakit sa kapwa.

10/02/2026

𝙋𝘼𝘼𝙉𝙔𝘼𝙔𝘼 : 𝘾𝘼𝙎𝙏𝙄𝙉𝙂 𝘾𝘼𝙇𝙇 𝙥𝙖𝙧𝙖 𝙨𝙖 𝙢𝙜𝙖 𝙜𝙖𝙜𝙖𝙣𝙖𝙥 𝙨𝙖 𝙇𝙞𝙫𝙚 𝙑𝙞𝙖 𝘾𝙧𝙪𝙘𝙞𝙨 2026

Ang 𝐒𝐭. 𝐀𝐧𝐧𝐞 𝐏𝐚𝐫𝐢𝐬𝐡 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲 ay patuloy na tumatanggap ng mga kabataang nais na ibahagi ang kanilang angking talento sa pag-arte upang maging bahagi ng Live Via Crucis 2026.

📌 ONGOING PA RIN ANG CASTING CALL! 📣📣📣

Para sa mga interesado, maaaring mag-message sa page ng 𝐒𝐭. 𝐀𝐧𝐧𝐞 𝐏𝐚𝐫𝐢𝐬𝐡 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲 o kaya’y dumiretso sa Parokya sa mga itinakdang oras.