27/08/2026
SAMA-SAMA NATING IPANALANGIN ANG NEPAL ๐ณ๐ต
Aming Ama sa Langit,
Pinupuri at dinadakila Ka namin, Panginoon. Ikaw ang Diyos na makapangyarihan sa lahat, ang aming kanlungan at kalakasan sa panahon ng kaguluhan.
Sa oras na ito, sama-sama naming itinataas sa Iyo ang bansang Nepal at ang lahat ng pamilyang naapektuhan ng matinding pagbaha.
Panginoon, mahabag Ka po sa kanila.
Ingatan Mo ang mga nasa panganib at iligtas ang mga nangangailangan ng tulong. Gabayan at palakasin Mo ang mga rescuers, volunteers, medical workers, at lahat ng ginagamit Mo upang makapaghatid ng tulong.
Aliwin Mo ang mga nawalan ng mahal sa buhay. Palakasin Mo ang mga nawalan ng tahanan at kabuhayan. Sa gitna ng kanilang takot at pagdadalamhati, ipadama Mo ang Iyong presensya, pagmamahal at kapayapaang nagmumula lamang sa Iyo.
Panginoon, buksan Mo ang mga pintuan ng tulong at pagkakaloob. Nawaโy magkaroon sila ng sapat na pagkain, malinis na tubig, gamot, masisilungan at lahat ng kanilang pangangailangan.
At higit sa lahat, sa gitna ng pagsubok na ito, nawaโy makilala Ka ng maraming puso at matagpuan nila ang tunay na pag-asa sa Iyo.
Hindi man namin nauunawaan ang lahat ng nangyayari, nagtitiwala kami na Ikaw ay Diyos, Ikaw ay makapangyarihan, at Ikaw ay nananatiling tapat.
Patuloy Mong balutin ng Iyong awa, proteksyon at biyaya ang buong Nepal.
Ang lahat ng ito ay aming hinihiling at ipinagkakatiwala sa Iyo, sa pangalan ng aming Panginoon at Tagapagligtas na si Jesu-Cristo.
Amen. ๐
๐ โAng Diyos ang ating kanlungan at kalakasan, laging handang tumulong sa panahon ng kaguluhan.โ
โ Awit 46:1
๐ณ๐ต CGCC FAMILY, LET US STAND TOGETHER IN PRAYER FOR NEPAL.
