Parish of St. John the Baptist- Diocese of Bataan and Bulacan

02/04/2026

ABANGAN | SIETE PALABRAS 2026

Sama- sama po nating saksihan ang kapana-panabik na Siete Palabras sa ating Parokya. Tayo'y magnilay at manalangin sa Pitong Huling Wika na sinambit ng ating Panginoong Hesus.

02/04/2026

Sa paggunita ng Huwebes Santo, inaalala natin ang Huling Hapunan ni Hesus kasama ang Kanyang mga alagad, kung saan Kanyang itinatag ang Banal na Eukaristiya at ipinakita ang halimbawa ng tunay na paglilingkod sa pamamagitan ng paghuhugas ng paa.

Nawa’y magsilbi itong paanyaya sa atin na mamuhay nang may pag-ibig, kababaang-loob, at malasakit sa kapwa, bilang pagsunod sa Kanyang halimbawa.

02/04/2026

Sa paggunita ng Miyerkules Santo, inaalala natin ang lihim na pakikipagsabwatan ni Judas Iscariote laban kay Hesus, na paalala ng kahinaan ng tao at bigat ng pagpili sa pagitan ng katapatan at pagtataksil.

Nawa’y magsilbi itong paanyaya sa atin na siyasatin ang ating puso, umiwas sa tukso, at manatiling tapat sa Panginoon sa lahat ng oras.

31/03/2026

Sa paggunita ng Martes Santo, inaalala natin ang pagtuturo ni Hesus sa Kanyang mga disipulo at ang Kanyang pagpapakita ng dakilang pagmamahal sa pamamagitan ng karunungan at gabay.

Nawa’y magsilbi itong paanyaya sa atin na suriin ang ating sariling buhay, itama ang ating mga hakbang, at mamuhay nang may pananampalataya at pagsunod sa Kanya.

30/03/2026

Sa paggunita ng Lunes Santo, inaalala natin ang paglilinis ni Hesus sa templo, isang paanyaya sa bawat isa na suriin at linisin ang ating puso mula sa kasalanan, at manumbalik sa isang tapat at dalisay na ugnayan sa Diyos.

Nawa’y maging makabuluhan ang ating pagninilay sa araw na ito bilang paghahanda sa Kanyang pagpapakasakit.

29/03/2026

𝐋𝐈𝐍𝐆𝐆𝐎 𝐍𝐆 𝐏𝐀𝐋𝐀𝐒𝐏𝐀𝐒 𝐍𝐆 𝐏𝐀𝐆𝐏𝐀𝐏𝐀𝐊𝐀𝐒𝐀𝐊𝐈𝐓 𝐍𝐆 𝐏𝐀𝐍𝐆𝐈𝐍𝐎𝐎𝐍

Inaanyayahan ang lahat na makiisa sa banal at makabuluhang pagdiriwang ng Linggo ng Palaspas ng Pagpapakasakit ng Panginoon ang taimtim na hudyat ng pagsisimula ng mga Mahal na Araw.

Nawa’y magsilbi itong paanyaya sa bawat isa na magnilay, makiisa, at muling sariwain ang dakilang sakripisyo ng ating Panginoon sa pamamagitan ng panalangin at aktibong pakikibahagi sa mga gawain ng Parokya.

27/03/2026

𝐏𝐀𝐁𝐀𝐓𝐈𝐃 𝐒𝐀 𝐌𝐆𝐀 𝐌𝐈𝐍𝐀𝐌𝐀𝐇𝐀𝐋 𝐍𝐀𝐓𝐈𝐍𝐆 𝐊𝐀𝐏𝐀𝐓𝐈𝐃 𝐍𝐀 𝐀𝐆𝐋𝐈𝐏𝐀𝐘𝐀𝐍𝐎 𝐒𝐀 𝐁𝐈𝐍𝐔𝐀𝐍𝐆𝐀𝐍

Malugod po naming ipinababatid sa lahat ang mga banal na gawain ngayong araw ng Biyernes, ika-27 ng Marso, 2026, sa pagdiriwang ng Kapistahan ng Mahal na Ina ng Hapis (Mater Dolorosa).

Nawa’y ating pagnilayan ang kanyang mga dalamhati at makibahagi nang buong debosyon at pananampalataya sa mga itinakdang gawain.

Ave Maria, Gratia Plena!

18/02/2026

Narito ang mga gawain ng ating Parokya ngayong Mahal na Araw 2026. Inaanyayahan ang lahat na makiisa sa pananalangin, pagninilay, at pagdiriwang ng mga misteryo ng pagpapakasakit, kamatayan, at muling pagkabuhay ng ating Panginoon Hesukristo. Sama-sama tayong maglakbay sa pananampalataya tungo sa liwanag ng Pasko ng Pagkabuhay.

18/02/2026

𝐌𝐈𝐄𝐑𝐂𝐎𝐋𝐄𝐒 𝐃𝐄 𝐂𝐄𝐍𝐈𝐙𝐀 𝐈 𝐌𝐈𝐘𝐄𝐑𝐊𝐔𝐋𝐄𝐒 𝐍𝐆 𝐀𝐁𝐎
Pebrero 18, 2026

Ang banal na panahong ito ang pasimula ng apatnapung araw ng taimtim na paghahanda sa paggunita ng pagpapakasakit at kamatayan ng ating Panginoong Hesukristo, at sa dakilang kapistahan ng Kanyang maluwalhating Muling Pagkabuhay.

Ipinagugunita sa lahat ng mananampalataya na ang araw na ito ay itinatalaga ng Parokya bilang araw ng pag-aayuno at pag-aabstinensya, bilang tanda ng taos-pusong pagsisisi, pagpapakumbaba, at pakikiisa sa paghihirap ni Kristo para sa ating kaligtasan.

01/05/2025

10/04/2025

𝑺𝑬𝑴𝑨𝑵𝑨 𝑺𝑨𝑵𝑻𝑨 2025

𝘕𝘢𝘳𝘪𝘵𝘰 𝘱𝘰 𝘢𝘯𝘨 𝘵𝘢𝘭𝘢𝘵𝘢𝘬𝘥𝘢𝘢𝘯 𝘯𝘨 𝘮𝘨𝘢 𝘨𝘢𝘸𝘢𝘪𝘯 𝘢𝘵 𝘬𝘢𝘨𝘢𝘯𝘢𝘱𝘢𝘯 𝘯𝘨𝘢𝘺𝘰𝘯𝘨 𝘔𝘢𝘩𝘢𝘭 𝘯𝘢 𝘈𝘳𝘢𝘸.

𝘐𝘯𝘢𝘢𝘴𝘢𝘩𝘢𝘯 𝘱𝘰 𝘯𝘢𝘮𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘱𝘢𝘬𝘪𝘬𝘪𝘪𝘴𝘢 𝘢𝘵 𝘱𝘢𝘨𝘥𝘢𝘭𝘰 𝘴𝘢 𝘮𝘨𝘢 𝘯𝘢𝘵𝘶𝘳𝘢𝘯𝘨 𝘨𝘢𝘸𝘢𝘪𝘯.

𝘔𝘢𝘳𝘢𝘮𝘪𝘯𝘨 𝘚𝘢𝘭𝘢𝘮𝘢𝘵 𝘱𝘰.