Bisita ni San Isidro Labrador -Laog Angat, Bulacan

Bisita ni San Isidro Labrador -Laog Angat, Bulacan The Official page of San Isidro Labrador Chapel Laog Angat, Bulacan

Isang Taos pusong pasasalamat po Rdo. P. Jerome Robles sa inyong panandaliang paglilingkod sa aming Bisita. Bagamat mai...
16/06/2026

Isang Taos pusong pasasalamat po Rdo. P. Jerome Robles sa inyong panandaliang paglilingkod sa aming Bisita. Bagamat maikli ang panahong inilagi ninyo sa amin, ang inyong mga homilya at presensya ay nag-iwan ng malalim na inspirasyon sa aming puso. Dalangin po namin ang patuloy na pagpapala ng Diyos at Gabay ng Espiritu Santo
‎
‎Ang inyong mga salita ay nagsilbing lakas at paalala sa amin na patuloy na lumakad sa pananampalataya. Hinding-hindi po namin kayo kalilimutan sa aming mga panalangin. Pagpalain po kayo ng Poong Maykapal
‎
‎
‎

MARAMING SALAMAT PO RDO. P. LESTER JOHN D. CABAIS Isang Taos pusong Pasasalamat Rdo. P. Lester John D. Cabais sa iyong ...
16/06/2026

MARAMING SALAMAT PO RDO. P. LESTER JOHN D. CABAIS

Isang Taos pusong Pasasalamat Rdo. P. Lester John D. Cabais sa iyong taon ng tapat na paglilingkod, paggabay, at pagmamahal sa Bisita ng San Isidro Labrado. Salamat sa inyong walang sawang paggabay sa aming buhay pananampalataya, sa mga inspirasyong ibinahagi ninyo sa bawat Homilya, at sa inyong presensya sa mga panahon ng aming kagalakan at kalungkutan. Dahil sa inyong dedikasyon, mas napalapit ang aming komunidad sa Panginoon.
‎
‎​Ang iyong mga salita ay naging ilaw sa aming landas, at ang iyong buhay ay naging buhay na halimbawa ng pag-ibig ni Kristo. Batid namin na may mas malaking misyon pa na naghihintay saiyo sa bagong Parokya. Baunin ninyo ang aming mga panalangin. Nawa’y patuloy kayong pagpalain, gabayan, at bigyan ng lakas ng Espiritu Santo sa inyong bagong paglalakbay.
‎
Jeremias 3:15
‎"Bibigyan ko kayo ng mga pinunong susunod sa aking kalooban. Pamumunuan kayo nang may kaalaman at pagkaunawa."
‎
‎
‎
‎

IKALABING ISANG LINGGO SA KARANIWANG PANAHON Balik na naman tayo sa "Karaniwang Panahon" o Ordinary Time sa kalendaryo n...
15/06/2026

IKALABING ISANG LINGGO SA KARANIWANG PANAHON

Balik na naman tayo sa "Karaniwang Panahon" o Ordinary Time sa kalendaryo ng ating Simbahan. Matapos ang mga malalaking kapistahan tulad ng Pasko, Muling Pagkabuhay, at Pentekostes, bumabalik tayo sa berde ang kulay ng pag-asa at paglago.
‎
‎Gaya ng isang maliit na buto na itinanim sa lupa, hindi natin nakikita ang pagkilos nito sa ilalim. Mukha itong tahimik, mukhang walang nangyayari. Pero sa takdang panahon na itinakda ng Diyos, ito ay sisibol, lalago, at magiging isang malabay na puno na magbibigay ng lilim at prutas sa marami.
‎
‎​Kung pakiramdam mo ngayon ay tila hindi naririnig ang mga hiling mo, huwag kang manghina. Patuloy ka lang magtanim ng kabutihan. Patuloy ka lang magbuhos ng pagmamahal sa pamilya mo, sa trabaho mo, at sa kapwa mo. Ang Diyos ang Siyang nagpapasibol sa mga pusong nagtitiwala sa Kanya. Ang "Karaniwang Panahon" ay hindi nangangahulugang walang saysay ang mga araw na ito ang panahon kung kailan ang mga Ordinaryong sandali ay ginagawa ng Diyos na pambihira sa pamamagitan ng Kanyang biyaya.
‎
‎Paring Tagapagdiwang:
‎Rev. Fr. Jerome Robles
‎
‎
‎

KABANAL-BANALANG KATAWAN AT DUGO NG PANGINOONG HESUKRISTO‎‎Isang hiwaga na hindi kayang lubusang maunawaan ng isip, ngun...
09/06/2026

KABANAL-BANALANG KATAWAN AT DUGO NG PANGINOONG HESUKRISTO
‎
‎Isang hiwaga na hindi kayang lubusang maunawaan ng isip, ngunit kayang-kayang yakapin ng pusong may pananalig.
‎
‎​Salamat, Panginoon, dahil pinili Mong maging pagkain ng aming kaluluwa. Sa bawat dusa, pagod, at bigat ng buhay, alam naming may Altar kaming tatakbuhan kung saan naroon Ka buhay, tunay, at naghihintay.
‎
‎Nilinis Mo kami sa Iyong banal na dugo at pinasigla sa Iyong banal na katawan.
‎​Nawa ang aming buhay ay maging isang buhay na Eukaristiya rin para sa kapwa: mapagpatawad, mapagmahal, at laging handang maglingkod.
‎
Paring Tapagadiwang
Rev. Fr. Jerome Robles

‎
‎

DAKILANG KAPISTAHAN NG TATLONG PERSONA SA IISANG DIYOS‎Sa tuwing pakiramdam natin ay nag-iisa tayo sa mundo, ipaalala na...
01/06/2026

DAKILANG KAPISTAHAN NG TATLONG PERSONA SA IISANG DIYOS

‎Sa tuwing pakiramdam natin ay nag-iisa tayo sa mundo, ipaalala natin sa ating sarili ang katotohanan ng Banal na Trinidad. Ang ating Diyos ay hindi isang malamig at malayong Manlilikha na nanonood lang mula sa itaas.
‎
‎​Siya ang Ama na yumayakap sa atin sa ating mga kahinaan.
‎Siya ang Anak na sumabay sa ating paglalakad at nag-alay ng buhay para sa atin.
‎Siya ang Espiritu Santo na nagbibigay ng lakas kapag pakiramdam natin ay pagod na tayo.
‎
‎​Ang misteryo ng Tatlong Persona sa Iisang Diyos ay patunay na ang esensya ng Diyos ay Pag-ibig at Relasyon.
‎
‎
‎
‎

‎​"Ngayong Linggo ng Pentekostes, muli nating ipinagdiriwang ang dakilang araw kung kailan pinuspos ng Espiritu Santo an...
26/05/2026

‎​"Ngayong Linggo ng Pentekostes, muli nating ipinagdiriwang ang dakilang araw kung kailan pinuspos ng Espiritu Santo ang mga Apostol. Ito ang opisyal na pagsilang ng ating Simbahan ang simula ng misyon na ipahayag ang Mabuting Balita sa buong mundo nang may lakas ng loob at walang takot.

‎​Sa gitna ng mga hamon at ingay ng mundo, nawa’y maging katulad tayo ng mga unang alagad bukas ang puso at handang magpabaybay sa agos ng Banal na Espiritu. Hilingin natin na muling mag-alab ang apoy ng pag-ibig sa ating mga puso upang mapagtagumpayan natin ang anumang pagsubok, at maging instrumento tayo ng kapayapaan at pagkakaisa sa ating kapwa.

‎​'Halina, Espiritu Santo, punuin mo ang puso ng iyong mga tapat, at papag-alabin mo sa kanila ang apoy ng iyong pag-ibig.
‎
‎
‎

22/05/2026

Isang pagbabalik-tanaw sa Banal at Makulay na Kapistahan ng ating Patron, San Isidro Labrador. Sa bawat Panalangin at Pasasalamat na ating inialay sa ating Kapilya, nawa'y patuloy tayong gabayan ng kanyang halimbawa ng kasipagan, kababaang-loob, at malalim na pananampalataya. Ang tagumpay ng pagdiriwang na ito ay patunay ng buhay na bayanihan sa ating komunidad. Maraming salamat sa bawat pamilyang nakiisa at nag-alay ng kanilang panahon at puso.
‎
‎Habang ating binabalikan ang nagdaang kapistahan ng San Isidro Labrador, muling nag-aalab ang ating puso sa pasasalamat. Salamat sa mga biyaya ng lupa, sa masaganang ani, at sa kalusugan ng bawat pamilya. Higit sa lahat, salamat sa pagkakataong muling magtipon bilang isang nagkakaisang pamayanan sa ilalim ng patnubay ng ating mahal na patron. Ang bawat kandilang sinindihan at panalanging binigkas ay tanda ng ating walang-pagmamaliw na pananampalataya.

San Isidro Labrador
Ipanalangin mo kami!
‎
‎Music Crdts: San Isidro Labrador Licaong
‎
‎
‎

SAGALAHAN SA BARRIONoong Mayo 15 2026 ay ginanap ang prusisyon sa barrio ng laog sa Kapistahan ni San Isidro Labrador,gi...
17/05/2026

SAGALAHAN SA BARRIO

Noong Mayo 15 2026 ay ginanap ang prusisyon sa barrio ng laog sa Kapistahan ni San Isidro Labrador,
ginaganap ang taonang Fiesta ng Barrio, Ang Barrio ay naghanda ng mga makukulay na pagsayaw, at pagtugtog para sa Fiesta.

Masasabing isa sa pinakamakulay na bahagi ng ating pagka-Pilipino ang Sagala. Higit sa magagarang gown at makukulay na arko, ang gabing ito ay paalala ng ating malalim na debosyon at pagpapahalaga sa ating kasaysayan.

San Isidro Labrador
IPANALANGIN MO KAMI!
‎
‎
‎

PAGBIBIGAY NG SAKRAMENTO NG BINYAG SA MGA BATA NG SPPC NG LAOG ‎Noong ika-15 ng Mayo 2026, sa ganap na ika-11 ng umaga,...
16/05/2026

PAGBIBIGAY NG SAKRAMENTO NG BINYAG SA MGA BATA NG SPPC NG LAOG

‎Noong ika-15 ng Mayo 2026, sa ganap na ika-11 ng umaga, kaalinsabay ng kapistahan ni San Isidro Labrador ay ginanap ang pagbibinyag sa bisita ng San Isidro Labrador sa Laog. Sa gitna ng pagdiriwang at pananampalataya ng sambayanan, masayang tinanggap ng Simbahan ang mga bagong binyagan na naging bahagi ng pamayanang Kristiyano.
‎
‎Naging makahulugan ang pagdiriwang sapagkat kasabay ng paggunita kay San Isidro Labrador, ang patron ng mga magsasaka at manggagawa, ay ang pagtanggap ng biyaya ng bagong buhay kay Kristo.
‎
‎
‎

BANAL NA MISA SA KAPISTAHAN NI SAN ISIDRO LABRADORIka-15 ng Mayo taong 2026, sa ganap na ika-10 ng umaga sa bayan ng Ang...
16/05/2026

BANAL NA MISA SA KAPISTAHAN NI SAN ISIDRO LABRADOR

Ika-15 ng Mayo taong 2026, sa ganap na ika-10 ng umaga sa bayan ng Angat, barangay ng Laog, ipinagdiwang ang kapistahan ng patron na si San Isidro Labrador. Kilala si San Isidro bilang patron ng mga magsasaka at manggagawa na naging huwaran ng kasipagan, kababaang-loob, at matibay na pananampalataya sa Diyos.
‎
‎Ang Banal na Misa ay pinangunahan ni Rdo. P. Lester John D. Cabais, bikaryo paroko ng parokya ng Sta. Monica sa Bayan ng Angat. Dinaluhan ito ng mga mananampalataya bilang pasasalamat sa mga biyayang natatanggap. Sa homiliya, binigyang-diin ang kahalagahan ng paghihintay at proseso sa buhay natin bilang mananampalataya.

‎
‎
‎

Address

Hulo Laog Angat, Bulacan
Norzagaray
3012

Website

Alerts

Be the first to know and let us send you an email when Bisita ni San Isidro Labrador -Laog Angat, Bulacan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category