https://www.facebook.com/1202279252960748/

I Am a Child of God International Christian Ministry, Esquivel Street Poblacion, Norzagaray (2026)

02/08/2026

First Sunday
August 2, 2026

ANG PAGIGING TUNAY NA ALAGAD NI CRISTO

1⃣📖Scripture
-Juan 8:31
Sinabi naman ni Jesus sa mga Judiong naniniwala sa kanya, “Kung patuloy kayong susunod sa aking turo, kayo nga'y tunay na mga alagad ko.

"Manatili sa Kanyang Salita"

📝Sa gitna ng ating pagiging abala sa araw-araw trabaho, pamilya, at mga responsibilidad madalas nating nakakalimutang maglaan ng oras para sa Diyos. Ngunit ang tunay na alagad ni Cristo ay hindi lamang sumusunod kapag may oras, kundi gumagawa ng paraan upang manatili sa Kanyang Salita o turo.
💡Ang pananatili sa Salita at turo ng Diyos ay hindi nasusukat sa dami ng oras, kundi sa katapatan ng puso. Kahit sa simpleng panalangin, pagbabasa ng isang talata, at pagsasabuhay nito, ipinapakita natin na Siya ang ating inuuna.
💡Ang tunay na relasyon kay Jesus ay makikita sa consistency ng buhay. Hindi ito panandalian o kapag may kailangan lang, kundi isang panghabambuhay na commitment. Ang Salita ng Diyos ang dapat maging gabay sa ating mga desisyon, asal, at pakikitungo sa kapwa.

Tandaan ;
📍Maglaan ng oras araw-araw sa pagbabasa ng Biblia.
📍I-apply ang natutunan sa simpleng paraan (hal. pagpapatawad, pagiging mapagpakumbaba, pagtulong sa kapwa).
📍Manatiling matatag sa pananampalataya kahit may pagsubok.
📍Iwasan ang pamumuhay na taliwas sa Salita ng Diyos.
📍Ang pagsunod kay Cristo ay may kapalit na pagbabago ng puso at ugali at;
📍Ang patuloy na pananatili sa Kanya ay magbubunga ng buhay na may direksyon at layunin.

2⃣📖Scripture
-Lucas 14:27
Ang hindi magpasan ng sarili niyang krus at sumunod sa akin ay hindi maaaring maging alagad ko.

"Handang magsakripisyo at magtiis"

📝Ang “pagpapasan ng krus” ay hindi lamang tumutukoy sa paghihirap, kundi sa kusang pagtanggap ng sakripisyo, pagtanggi sa sarili, at ganap na pagsunod sa kalooban ng Diyos. Noong panahon ni Jesus, ang krus ay simbolo ng kamatayan at kahihiyan kaya ang ibig sabihin nito ay handang iwan ang sariling kagustuhan para sa Kanya.
💡Ang tunay na pagsunod kay Cristo ay hindi madali at hindi rin pansamantala. Ito ay isang pang-araw-araw na desisyon na piliin ang Diyos kaysa sarili. Hindi sapat ang paniniwala lamang; kinakailangan ang commitment, katapatan, at pagtitiis kahit may pagsubok.
💡May halaga ang pagiging alagad
Hindi ito libre; may kaakibat itong sakripisyo.
💡Pagtanggi sa sarili
Hindi laging masusunod ang ating gusto o mga pansarili; ang mahalaga ay ang kalooban ng Diyos.
💡Patuloy na pagsunod
Hindi ito minsanan, kundi araw-araw na pagpili kay Cristo.
💡Pagtitiis sa hirap
Ang pagsunod kay Jesus ay may kasamang pagsubok, ngunit may kapalit itong buhay na walang hanggan.

Tandaan:
📍Piliin ang tama kahit mahirap.
📍Manindigan sa pananampalataya kahit hindi popular.
📍Isuko ang sariling plano kung hindi ito ayon sa kalooban ng Diyos.
📍Maging handa sa sakripisyo alang-alang kay Cristo.
📍Ang tunay na alagad ay hindi sumusunod dahil madali, kundi dahil mahal mo ang Panginoon.

3⃣📖Scripture
-Juan 13:35
Kung kayo'y may pagmamahal sa isa't isa, makikilala ng lahat na kayo'y mga alagad ko.”

"Mamuhay sa pag-ibig"

📝Sa mundong puno ng galit at pagkakanya-kanya, tayo ay tinatawag na maging ilaw sa pamamagitan ng pag-ibig. Malinaw na ipinapahayag ni Jesus na ang tunay na pagkakakilanlan ng Kanyang mga alagad ay hindi nakikita sa salita lamang, kundi sa pag-ibig na ipinapakita sa kapwa.
Hindi sapat ang kaalaman sa Biblia o pagiging aktibo sa gawain ang tunay na sukatan ay kung paano tayo magmahal.
Ang pag-ibig na tinutukoy dito ay hindi lang emosyon, kundi sakripisyo, pagpapatawad, pag-unawa, at malasakit kahit mahirap.

💡Ang pagiging Kristiyano ay hindi lang label ito ay pamumuhay na may pag-ibig.
💡Nakikita ng ibang tao si Cristo sa atin sa pamamagitan ng ating pakikitungo sa iba.
💡Ang pag-ibig ay patotoo na tayo ay tunay na sumusunod sa Panginoon.

Tandaan:
📍Pag-ibig ang tanda ng tunay na alagad
Hindi titulo, kundi karakter ang mahalaga sa Diyos.
📍Pag-ibig na may gawa, hindi salita lamang
Ipinapakita ito sa pagtulong, pagpapatawad, at pag-intindi sa kapwa.
📍Pag-ibig kahit sa mahirap mahalin
Dito nasusubok ang ating pananampalataya at pagsunod kay Cristo.
📍Pagkakaisa sa pamamagitan ng pag-ibig
Kapag may pag-ibig, nagkakaroon ng kapayapaan at pagkakaisa sa simbahan at komunidad.

🫸Hindi ito teorya-ito ay pamumuhay araw-araw

🖐Tanungin ang sarili:
1.Ako ba ay nananatili sa Salita ng Diyos?
2.Handa ba akong magsakripisyo para kay Cristo?
3.Nakikita ba ang pag-ibig ko sa kapwa?

🙌 Hamon
Simulan ngayon:
👉 Mamuhay ayon sa Salita
👉 Magtiis at sumunod kay Cristo
👉 Magmahal ng totoo at walang kondisyon

🙏 Maikling Panalangin
Panginoon, turuan Mo akong maging tunay Mong alagad. Tulungan Mo akong manatili sa Iyong Salita, magtiis sa pagsunod sa Iyo, at magmahal ng totoo sa aking kapwa. Nawa’y makita Ka ng iba sa aking buhay. Amen.

02/08/2026

✨ Come and Be part of our growing family in Christ.
❤‍🔥 Join and experience God’s love with us.
⛪Let’s gather, pray, worship and fellowship together!
🙋‍♀️ A place for you belongs here. See you😍

30/07/2026

"Shakings Reveal Who You are

Luke 6:48–49

"Ang nakikinig sa aking mga salita at isinasagawa ang mga ito ay katulad ng taong nagtayo ng bahay sa ibabaw ng bato... Nang dumating ang baha at bumugso ang tubig, hindi ito natinag sapagkat matibay ang pundasyon."

Ang buhay ay hindi laging tahimik. May mga panahon ng shaking—problema, sakit, pagkawala, pagkabigo, at pagsubok. Hindi ipinapadala ng Diyos ang bawat paghihirap, ngunit ginagamit Niya ang mga ito upang ihayag ang tunay na kalagayan ng ating puso.

Hindi ang shaking ang lumilikha ng pagkatao mo—inihahayag nito kung ano na ang nasa loob mo.

1. Shaking reveals your foundation.

Luke 6:48–49

Ang nakikinig sa aking mga salita at isinasagawa ang mga ito ay katulad ng taong nagtayo ng bahay sa ibabaw ng bato... Nang dumating ang baha at bumugso ang tubig, hindi ito natinag sapagkat matibay ang pundasyon.

Kapag dumating ang bagyo, makikita kung saan talaga nakatayo ang buhay mo.

Kung ang pundasyon mo ay pera, kapag nawala ang pera, mawawasak ka.

Kung ang pundasyon mo ay tao, kapag iniwan ka, babagsak ka.

Pero kung si Cristo ang pundasyon mo, maaari kang matalo pero hindi ka tuluyang mababagsak.

Application:

Tanungin ang sarili: "Ano ba talaga ang sandigan ko?"

2. Shaking reveals what fills your heart.

Luke 6:45

"Sapagkat ang bibig ay nagsasalita mula sa nilalaman ng puso."

Kapag naiipit ang isang tao, lumalabas ang laman ng puso.

Galit ba?

Takot ba?

Pananampalataya ba?

Pag-asa ba?

Ang pressure ay parang pagpiga sa espongha—kung ano ang nasa loob, iyon ang lalabas.

Application:

Punuin ang puso ng Salita ng Diyos bago dumating ang pagsubok.

3. Shaking reveals the genuineness of your faith.

1 Peter 1:6–7

" Ito'y dapat ninyong ikagalak, kahit na maaaring magdanas muna kayo ng iba't ibang pagsubok sa loob ng maikling panahon. ''Ang ginto, bagama't nasisira, ay pinapadaan sa apoy upang malaman kung talagang dalisay. Gayundin naman, ang inyong pananampalataya, na higit na mahalaga kaysa ginto, ay sinusubok upang malaman kung ito'y talagang tapat. Sa gayon kayo'y papupurihan, dadakilain at pararangalan sa Araw na mahayag si Jesu-Cristo.

Ang ginto ay sinusubok sa apoy. Ganoon din ang pananampalataya.

Ang tunay na pananampalataya ay hindi nawawala sa gitna ng bagyo—lalo itong tumitibay.

Application:

Huwag mong isipin na dahil may pagsubok, iniwan ka na ng Diyos. Maaaring pinapanday Niya ang iyong pananampalataya.

4. God allows shaking to make you unshakable.

Hebrews 12:27–28

Ang mga salitang “Minsan pa” ay maliwanag na nagsasabing aalisin ang mga nilikhang nayayanig, upang manatili ang mga bagay na di-nayayanig.
Kaya magpasalamat tayo sa Diyos sapagkat tumanggap tayo ng isang kahariang hindi nayayanig. Sambahin natin ang Diyos sa paraang kalugud-lugod sa kanya, may paggalang at pagkatakot,

May mga bagay na inaalis ang Diyos upang ang manatili ay ang hindi matitinag.

Minsan inaalis Niya ang maling relasyon, maling pride, maling pagtitiwala, upang mas lalo kang kumapit sa Kanya.

Application: Kapag may nawala, huwag agad magreklamo. Baka may mas matibay na inihahanda ang Diyos.

Conclusion

Kapag dumating ang shaking, huwag mo lang itanong:

"Lord, bakit ito nangyari?"

Mas magandang itanong:

"Lord, ano ang gusto Mong ipakita sa akin tungkol sa puso ko?"

Ang shaking ay hindi para sirain ka—ito ay para ihayag ang tunay mong pundasyon at ihanda ka sa mas malaking layunin ng Diyos.

Psalm 62:6

"Siya lamang ang aking bato at aking kaligtasan; Siya ang aking tanggulan kaya't hindi ako matitinag."

"When life shakes you, don't panic. Let the shaking reveal that your life is built on Christ. Ang taong nakatayo kay Jesus ay maaaring yanigin, pero hindi kailanman tuluyang babagsak."

19/07/2026

July 19, 2026
Sunday Service

TEMA: Ang Diyos ay Tapat: Manampalataya Kahit Hindi Mo Pa Nakikita.

SCRIPTURE
📖Genesis 15: 1-19

"Magtiwala sa Diyos Sapagkat Tapat Siyang Tumutupad sa Kanyang mga Pangako.

✏️PANIMULA
Maraming pagkakataon sa buhay natin na tila matagal dumating ang sagot sa ating mga panalangin. May mga pangakong tila imposible nang matupad. Ganito rin ang naranasan ni Abram. Matanda na siya at wala pa ring anak, ngunit hindi nagbago ang pangako ng Diyos. Sa Genesis 15, ipinakita ng Diyos na Siya ay tapat at ang Kanyang mga pangako ay tiyak na matutupad sa Kanyang tamang panahon.

1⃣Ang Diyos ang ating kalasag at gantimpala (Genesis 15:1)
Sinabi ng Diyos kay Abram:
"Huwag kang matakot... Ako ang iyong kalasag at ang iyong dakilang gantimpala."
➡️Ipinapaalala ng Diyos na Siya mismo ang ating seguridad at proteksiyon. Kapag kasama natin ang Diyos, hindi natin kailangang pangunahan ng takot ang ating buhay.
📍Ang presensya ng Diyos ay higit na mahalaga kaysa anumang bagay na mayroon tayo.

2⃣Ang pananampalataya ay pagtitiwala kahit wala pang nakikitang katuparan (Genesis 15:2–6)
➡️Nag-alala si Abram dahil wala pa siyang anak. Ngunit ipinakita ng Diyos ang napakaraming bituin at nangakong magiging ganoon karami ang kanyang magiging lahi. ➡️Sumampalataya si Abram, at ito ay ibinilang na katuwiran.
📍Ang tunay na pananampalataya ay ang pananatiling nagtitiwala sa Diyos kahit tila imposible ang sitwasyon.

3⃣Ang pagsunod ay tanda ng tunay na pananampalataya (Genesis 15:7–11)
➡️Sinunod ni Abram ang bawat utos ng Diyos tungkol sa paghahandog.
📍Hindi sapat ang paniniwala lamang; ang pananampalataya ay nakikita sa ating pagsunod.

4⃣Ang plano ng Diyos ay may tamang panahon (Genesis 15:12–16)
➡️Sinabi ng Diyos na daraan sa paghihirap ang mga inapo ni Abram bago nila matanggap ang lupang ipinangako.
📍Maaaring may paghihintay at pagsubok, ngunit ang Diyos ay kumikilos ayon sa Kanyang perpektong plano.

5⃣Ang Diyos ay tapat sa Kanyang tipan (Genesis 15:17–19)
➡️Pinagtibay ng Diyos ang Kanyang tipan kay Abram. Ang Diyos mismo ang nangakong tutuparin ito.
📍 Hindi nagbabago ang Diyos. Ang Kanyang Salita ay laging totoo at mapagkakatiwalaan.

TANDAAN NATIN;

💥Hindi sinusukat ng Diyos ang ating pananampalataya sa bilis ng pagtupad ng Kanyang pangako kundi sa ating pagtitiwala habang naghihintay. Kung naging tapat ang Diyos kay Abram, magiging tapat din Siya sa atin. Ang Kanyang mga pangako ay maaaring hindi agad matupad ayon sa ating oras, ngunit hindi kailanman Siya nahuhuli.

Mga Halimbawa;
➖Isang taong matagal nang naghihintay ng trabaho ngunit hindi nawawalan ng pag-asa at patuloy na nananalangin.
➖Isang magulang na nagtitiwala sa Diyos para sa kinabukasan ng kanyang mga anak kahit maraming pagsubok.
➖Isang lingkod ng Diyos na patuloy na naglilingkod kahit hindi agad nakikita ang bunga ng kanyang paglilingkod.
➖Isang estudyante na nagsisikap at nananalig na gagabayan siya ng Diyos sa tamang panahon.

💥Hindi kailanman nakakalimot ang Diyos sa Kanyang mga pangako. Maaaring tila mabagal ang Kanyang tugon ayon sa ating pananaw, ngunit palaging tama ang Kanyang oras. Ang hinihingi Niya sa atin ay manatiling nananalig, sumusunod, at nagtitiwala sa Kanya.

📌APPLICATION

❤‍🔥Huwag matakot dahil ang Diyos ang iyong kalasag at tagapagtanggol.
❤‍🔥Magtiwala sa Diyos kahit hindi mo pa nakikita ang katuparan ng Kanyang pangako.
❤‍🔥Sumunod sa Diyos kahit hindi mo lubos na nauunawaan ang Kanyang plano.
❤‍🔥Maging matiyaga sa paghihintay sa tamang panahon ng Diyos.
❤‍🔥Manalangin at panghawakan ang mga pangako ng Diyos araw-araw.
❤‍🔥Alalahanin na ang Diyos ay hindi kailanman sumisira sa Kanyang mga pangako.

PANGWAKAS
Ano ang pangako ng Diyos na hinihintay mo ngayon?
Tulad ni Abram, piliin mong magtiwala at manatiling tapat. Ang Diyos na nangako ay ang Diyos ding tutupad sa Kanyang salita sa tamang panahon.
Kaya ang Genesis 15 ay nagpapaalala na ang Diyos ay tapat, ang Kanyang mga pangako ay tiyak, at ang pananampalataya ang susi upang manatiling matatag sa bawat yugto ng buhay.
Amen 🙏.

12/07/2026

July 12, 2026

Mula Sa aklat ng 📖: 2 Corinto 3:17
“Ngayon, ang Panginoon ay ang Espiritu; at kung saan naroroon ang Espiritu ng Panginoon, doon ay may kalayaan.”

🫴ANG TUNAY NA KALAYAAN AT NASA PRESENSYA NG DIYOS.
▪️Ano nga ba tunay na kahulugan ng kalayaan?
▪️Malaya ba ako sa kasalanan, takot, at pagkakasala, o bihag pa rin ako ng mga ito?
▪️Hinahayaan ko bang gabayan ako ng Banal na Espiritu sa aking mga desisyon?
▪️Saan ko hinahanap ang kapayapaan at kalayaan—sa mundo ba o sa Panginoon?
▪️Nakikita ba ng ibang tao ang kalayaan ni Cristo sa aking buhay

✏️PANIMULA
Ang kalayaang ibinibigay ng Diyos ay higit pa sa pisikal o panlabas na kalayaan. Ito ay kalayaan ng puso at kaluluwa kalayaan mula sa kasalanan, takot, pagkakasala, galit, pagkagapos sa nakaraan, at anumang humahadlang sa ating relasyon sa Diyos.Kapag hinayaan nating manguna ang Banal na Espiritu sa ating buhay, unti-unti tayong binabago upang mamuhay ayon sa kalooban ng Panginoon.
Ang tunay na kalayaan ay hindi ang paggawa ng gusto natin, kundi ang pagkakaroon ng lakas na gawin ang tama at mamuhay nang may kapayapaan, pag-ibig, at kabanalan.
Ang presensya ng Diyos ay nagbibigay ng kapayapaan sa gitna ng problema, pag-asa sa panahon ng kawalan ng pag-asa, at lakas upang mapagtagumpayan ang bawat pagsubok. Kapag ang Diyos ang naghahari sa ating puso, napapalaya tayo mula sa kapangyarihan ng kasalanan at nabibigyan ng bagong buhay, pag-asa, at kapayapaan.

Mahahalagang Maunawaan
1⃣ ANG TUNAY NA KALAYAAN AY MULA LAMANG SA PANGINOON.
Hindi kayang ibigay ng mundo ang kalayaang kailangan ng ating kaluluwa. Si Jesus lamang ang nagpapalaya sa atin mula sa kasalanan at espirituwal na pagkaalipin.
2⃣ANG BANAL NA ESPIRITU ANG GUMAGABAY SA ATING BUHAY.
Kapag sumusunod tayo sa Kanyang tinig, nagkakaroon tayo ng karunungan, kapayapaan, at lakas upang gawin ang tama.
3⃣ANG KALAYAAN AY MAY KASAMANG PANANAGUTAN
Hindi tayo pinalaya upang mamuhay sa kasalanan, kundi upang magmahal, maglingkod, at mamuhay nang banal.
4⃣ANG PRESENSY NG DIYOS AY NAGDUDULOT NG KAPAYAPAAN.
Sa gitna ng problema at pagsubok, ang presensya ng Panginoon ang nagbibigay ng pag-asa at katatagan.

➡️Marahil ay may mga tanikala tayong dala—takot, galit, kapaitan, pagkakasala, o mga alalahanin. Inaanyayahan tayo ng Diyos na lumapit sa Kanya. Kapag pinuno ng Banal na Espiritu ang ating puso, mararanasan natin ang kalayaang hindi kayang ibigay ng mundo. Ang tunay na malaya ay ang taong sumusunod kay Cristo at namumuhay sa Kanyang presensya araw-araw.

📌TANDAAN NATIN
🔥Simulan ang bawat araw sa panalangin at pagbabasa ng Salita ng Diyos.
🔥Hayaang ang Banal na Espiritu ang manguna sa bawat desisyon.
🔥Talikuran ang kasalanan at anumang naglalayo sa Diyos.
🔥Magpatawad at mamuhay nang may pag-ibig at kapakumbabaan.
🔥Magtiwala sa Panginoon sa halip na sa sariling lakas.
🔥Maging ilaw sa iba sa pamamagitan ng isang buhay na nagpapakita ng bunga ng Espiritu.

📍Tanungin natin ang mga sarili araw-araw: "Nararanasan ba ng aking puso ang kalayaang nagmumula sa presensya ng Diyos, o hinahayaan kong alipinin ako ng takot, kasalanan, at mga alalahanin?"

📍Hindi kayang ibigay ng mundo ang tunay na kalayaan. Ang kayamanan, tagumpay, o kalayawan ay pansamantala lamang. Ngunit ang presensya ng Diyos ang nagbibigay ng kalayaang walang hanggan—kalayaan na nagdudulot ng tunay na kapayapaan, kagalakan, bagong buhay, pag-asa at layunin para sa kaluwalhatian ng Diyos.

Amen🙏.

05/07/2026

First Sunday Service
July 5, 2026

TEMA: "Mamuhay na May Kabaitan, Habag, at Pagpapatawad"

📖Efeso 4:32
"Maging mabait kayo sa isa't isa, mahabagin, at magpatawaran kayo, gaya ng pagpapatawad sa inyo ng Diyos sa pamamagitan ni Cristo."

📌Panimula
▪️ Likas sa tao ang masaktan, magalit, at magkimkim ng sama ng loob. Ngunit bilang mga tagasunod ni Cristo, tinatawag tayo ng Diyos na mamuhay nang iba.
▪️Ang pagpapatawad ay hindi nakabatay sa kung karapat-dapat ba ang isang tao, kundi sa katotohanang tayo mismo ay pinatawad ng Diyos sa pamamagitan ni Jesu-Cristo.
▪️Ang pagpapatawad ay hindi nangangahulugang kinakalimutan natin ang nangyari o kinukunsinti ang kasalanan. Ito ay pagpiling palayain ang ating puso mula sa galit at kapaitan at ipagkatiwala sa Diyos ang katarungan. ▪️Kapag nagpapatawad tayo, mas nagkakaroon ng kapayapaan ang ating puso at mas naipapakita natin ang pag-ibig ni Cristo.
▪️Ang taong marunong magpatawad ay hindi mahina—siya ay matatag sa pananampalataya. Ang pagpapatawad ay nagpapalaya hindi lamang sa nagkasala kundi pati sa puso ng taong nasaktan. Kapag pinili nating magpatawad, ipinapakita natin ang biyaya at habag ng Diyos sa ating buhay.

✅Tandaan at Isabuhay araw-araw

1⃣Maging mabait sa lahat, kahit sa mga taong mahirap pakitunguhan.
2⃣Mag-isip muna bago magsalita upang hindi makasakit ng damdamin.
3⃣Magpakumbaba at maging handang humingi at magbigay ng kapatawaran.
4⃣Magpakita ng habag sa halip na agad humusga.
5⃣Magpatawad agad at huwag hayaang manatili ang galit at kapaitan sa puso.
6⃣Isabuhay araw-araw ang pag-ibig ni Cristo sa tahanan, simbahan, trabaho, at komunidad.
7⃣Tularan si Cristo sa bawat desisyon, salita, at kilos.

💖Ang tunay na Kristiyano ay nakikilala hindi lamang sa kanyang pananampalataya kundi sa paraan ng kanyang pakikitungo sa kapwa. Ang kabaitan, kahabagan, at pagpapatawad ay nagpapakita ng pag-ibig ni Cristo sa ating buhay. Ang pusong marunong magpatawad ay pusong malaya at puno ng kapayapaan.

↪️Pangwakas na Hamon
Mayroon bang tao na nahihirapan kang patawarin? Ipanalangin mo siya at hilingin sa Panginoon na bigyan ka ng pusong marunong magtiis at magpatawad. Ang taong tunay na nakaranas ng kapatawaran ni Cristo ay natututong magpatawad din sa iba. Ito ang buhay na nagbibigay ng kaluwalhatian sa Diyos.

🙏Panalangin
Ama naming nasa Langit,

Maraming salamat po sa Iyong walang hanggang pag-ibig at kapatawaran. Patawarin Mo po kami sa aming mga kasalanan at linisin ang aming puso. Tulungan Mo po kaming magpatawad sa mga nagkasala sa amin, tulad ng pagpapatawad Mo sa amin sa pamamagitan ni Jesu-Cristo. Alisin Mo po ang galit at kapaitan sa aming puso at punuin Mo po kami ng Iyong pag-ibig, habag, at kapayapaan. Nawa'y maging kalugud-lugod po ang aming buhay sa Iyong paningin.

Sa pangalan ni Jesus, aming Panginoon.

Amen.

27/06/2026

June 27, 2026
@11:38pm

📖Scripture:
Jeremias 29:11 Magandang Balita Biblia

"11 Sapagkat batid kong lubos ang mga plano ko para sa inyo; mga planong hindi ninyo ikakasama kundi para sa inyong ikabubuti. Ito'y mga planong magdudulot sa inyo ng kinabukasang punung-puno ng pag-asa."

Title:
📝Magtiwala sa Plano ng Diyos: May Pag-asa sa iyong Kinabukasan.

✏️Panimula;
➡️Napakadaling magtiwala sa Diyos kapag maayos ang lahat. Ngunit ang tunay na pananampalataya ay nasusubok kapag ang buhay ay puno ng paghihintay, kabiguan, at mga tanong na tila walang kasagutan. Ganito ang kalagayan ng bayan ng Israel nang ibigay ng Diyos ang pangakong ito. Sila ay nasa pagkabihag, malayo sa kanilang tahanan, at tila nawalan na ng pag-asa. Subalit sa gitna ng kanilang pagdurusa, nagsalita ang Diyos at tiniyak na hindi Niya sila kinalimutan.

Ito rin ang nais ipahiwatig ng Diyos sa atin ngayon. Maaaring hindi natin nauunawaan ang lahat ng nangyayari sa ating buhay, ngunit nauunawaan ito ng Diyos.
Habang tayo ay nababahala sa kasalukuyan, Siya naman ay nakatingin na sa ating kinabukasan. Ang Kanyang plano ay hindi nakabatay sa ating nararamdaman kundi sa Kanyang walang hanggang karunungan at pag-ibig.

Hindi ipinangako ng Diyos na magiging madali ang ating paglalakbay, ngunit ipinangako Niya na ang Kanyang layunin ay para sa ating ikabubuti. Minsan ginagamit Niya ang mga pagsubok upang palakasin ang ating pananampalataya, hubugin ang ating pagkatao, at ilapit tayo sa Kanya. Ang mga paghihintay na tila walang saysay ay kadalasang paghahanda ng Diyos para sa mas dakilang pagpapala.

📩 Ang Mensahe ng Buhay;

Kapag ipinagkatiwala natin ang ating buhay sa Diyos, hindi tayo nabubuhay sa takot kundi sa pag-asa. Ang ating kinabukasan ay hindi hawak ng pagkakataon, kundi ng Panginoong may perpektong plano para sa atin.

📍Tandaan Natin;

➡️Ang Diyos ay laging may mabuting layunin kahit hindi natin ito agad nakikita.

➡️Ang paghihintay ay hindi pagtanggi ng Diyos kundi paghahanda para sa Kanyang tamang panahon.

➡️Ang tunay na pananampalataya ay ang pagpiling magtiwala sa Diyos kahit hindi pa natin nakikita ang Kanyang ginagawa.

➡️Ang pag-asa sa Diyos ay nagbibigay ng lakas upang magpatuloy sa gitna ng anumang pagsubok.

📕Pangwakas;
Mayroon bang bahagi ng iyong buhay na gusto mo nang sukuan? Alalahanin natin ang Jeremias 29:11.

Huwag nating husgahan ang plano ng Diyos batay lamang sa ating kasalukuyang sitwasyon.
Ang Diyos ay hindi pa tapos sa iyong kuwento.
Patuloy tayong magtiwala, sumunod, at maghintay, sapagkat ang Kanyang mga plano ay laging higit na mabuti kaysa sa ating mga plano.
Ang Diyos na nangako ay tapat, at sa Kanyang tamang panahon, makikita mo ang katuparan ng Kanyang magandang layunin sa iyong buhay.
Amen 🙏.

22/06/2026

Mateo 22:14
"Sapagkat marami ang tinatawag, ngunit kakaunti ang mga pinili."

Mensahe ng Talata

Ipinapakita ng talatang ito na ang Diyos ay nagbibigay ng paanyaya sa maraming tao upang sumunod, maglingkod, at makibahagi sa Kanyang kaharian. Ngunit hindi lahat ay tumutugon nang may tunay na pananampalataya, pagsunod, at katapatan. Ang mga "pinili" ay yaong tumanggap sa paanyaya ng Diyos at namumuhay ayon sa Kanyang kalooban.

Paano Ito Ipamuhay sa Araw-araw?

1. Tugunin ang tawag ng Diyos sa pamamagitan ng pananalangin, pagsamba, at pagbabasa ng Kanyang Salita.
2. Mamuhay nang may kabanalan at iwasan ang mga gawaing hindi nakalulugod sa Diyos.
3. Maging tapat sa paglilingkod, sa tahanan, simbahan, at komunidad.
4. Ipakita ang pag-ibig ni Cristo sa pamamagitan ng kabutihan, pagpapatawad, at pagtulong sa kapwa.
5. Magtiyaga sa pananampalataya kahit may mga pagsubok at hamon sa buhay.

Maikling Pagninilay
Hindi sapat na marinig lamang natin ang tawag ng Diyos; mahalagang tumugon tayo nang buong puso at mamuhay ayon sa Kanyang kalooban. Nawa'y maging kabilang tayo sa mga taong hindi lamang tinawag kundi napatunayang tapat at karapat-dapat sa Kanyang harapan.

Mahalagang Mensahe:
"Ang tunay na pagiging pinili ng Diyos ay nakikita hindi lamang sa ating mga salita, kundi sa ating araw-araw na pamumuhay at katapatan sa Kanya." 🙏✨

I Am a Child of God International Christian Ministry

02/08/2026

02/08/2026

30/07/2026

19/07/2026

12/07/2026

05/07/2026

27/06/2026

22/06/2026

Address

Website

Alerts

Shortcuts

Share

Category

Listing takedown request