https://www.facebook.com/1076460198874412/

Ministry of Altar Servers - St. Andrew the Apostle Parish Church, Poblacion, Norzagaray (2026)

14/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
ikasiyam na Araw

𝑨𝒏𝒈 𝑴𝒂𝒃𝒖𝒕𝒊𝒏𝒈 𝑩𝒂𝒍𝒊𝒕𝒂 𝒏𝒈 𝑷𝒂𝒏𝒈𝒊𝒏𝒐𝒐𝒏 𝒂𝒚𝒐𝒏 𝑲𝒂𝒚 𝑺𝒂𝒏 𝑱𝒖𝒂𝒏 15: 1-4

“Ako ang tunay na puno ng ubas, at ang Aking ama ang Tagapangalaga. Pinuputol Niya ang bawat sangang hindi namumunga at kanya namang pinuputulan at nililinis ang bawat sangang namumunga upang dumami ang bunga. Nalinis na kayo sa pamamagitan ng salitang sinabi Ko sa inyo. Manatili kayo sa Akin at mananatili Ako sa inyo. Hindi makapamumunga ang sangang hindi nakakabit sa puno. Gayundin naman, hindi kayo makapamumunga kung hindi kayo mananatili sa Akin.”

𝑷𝒂𝒈𝒏𝒊𝒏𝒊𝒍𝒂𝒚

Si San Tarcisio ay isang magandang halimbawa ng namumungang sanga ng ating Panginoong Jesus. Lagi siyang nakakapit sa ating Panginoon. Sa pagtulad natin sa mga magandang halimbawa si San Tarcisio, makita nawa sa atin ang tunay na kaanyuan ni Kristo upang tayo ay hindi kailanman mahiwalay sa Kanya. Sa pamamagitan nito, tayo rin ay makakapamunga nang sagana bunsod ng inspirasyon ng ating magiting na batang santo.

𝑷𝒂𝒏𝒂𝒍𝒂𝒏𝒈𝒊𝒏

Aming San Tarcisio, huwaran at magiting na bayani ni Kristo, mabuting halimbawa ng mga kabataan, ikaw ay kaparis ng sanga na puno ng bunga. Ipanalangin mo kaming lagi upang makapamunga kami ng mabubuting gawa sa ikalulugod ng aming kapwa at higit sa lahat ng Diyos. Lagi mong isubaybay sa amin ang iyong makapangyarihang panalangin upang huwag kaming malapitan ng masama at kumapit kami kay Jesus at makapaglingkod kami sa Kanya para sa kadakilaan ng Ama. Amen.

13/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
𝖨𝗄𝖺𝗐𝖺𝗅𝗈𝗇𝗀 𝖠𝗋𝖺𝗐

𝑨𝒏𝒈 𝑴𝒂𝒃𝒖𝒕𝒊𝒏𝒈 𝑩𝒂𝒍𝒊𝒕𝒂 𝒏𝒈 𝑷𝒂𝒏𝒈𝒊𝒏𝒐𝒐𝒏 𝒂𝒚𝒐𝒏 𝑲𝒂𝒚 𝑺𝒂𝒏 𝑱𝒖𝒂𝒏
13: 31-35

“Pagkaalis ni Judas ay sinabi ni Jesus, “Ngayo’y mahahayag na ang karangalan ng Anak ng Tao, at mahahayag din ang karangalan ng Diyos sa pamamagitan Niya, at kung mahayag na ang karangalan ng Diyos, ang Diyos naman ang maghahayag ng karangalan ng Anak at gagawin Niya iyon agad. Mga anak, kaunting panahon na lamang ninyo akong makakasama. Hahanapin ninyo Ako, ngunit sinasabi Ko sa inyo ngayon ang sinasabi ko sa mga Hudyo, hindi na kayo makakapunta sa paroroonan Ko. Isang bagong utos ang ibibigay Ko sa inyo: Magibigan kayo! Kung papaanong iniibig Ko kayo, gayundin naman, mag-ibigan kayo. Kung kayo’y mag-iibigan, makilala ng lahat na kayo’y mga alagad Ko.’”

𝑷𝒂𝒈𝒏𝒊𝒏𝒊𝒍𝒂𝒚

“Ang Diyos ay Pag-ibig.” Kung tayo’y mag-iibigan, makikilala tayo bilang mga alagad ng Panginoong Jesus. Tulad ni San Tarcisio, minahal niya ang kanyang kapwa Kristiyano. Pag-ibig ang dahilan kung bakit kusang-loob siyang nagdala ng komunyon sa mga bilanggong Kristiyano. Mahal niya ang mga kapatid sa pananampalataya at maipapadama lamang niya ito sa oras na magampanan niya ang mapanganib na misyon. Ito ang bagong utos ni Jesus bago Siya lumisan: Mag-ibigan ang bawat isa. Si Tarcisio ay isang mapagmahal na bata. Bilang isang sakristan, mayroon siyang malasakit sa kanyang kapwaKristiyano. Hindi siya makasarili at handa niyang ibuwis ang kanyang buhay alang-alang sa mga kapatid niyang Kristiyano. Tulad ni San Tarcisio, nawa’y matutunan din nating mahalin ang ating kapwa sa diwa ng pagdamay sa kanila sa oras ng kapighatian. Maipadama nawa natin ang pag-ibig natin sa kanila sa pamamagitan ng mabubuting gawa nang sa gayon ay makilala tayong mga alagad ng ating Panginoong Diyos.

𝑷𝒂𝒏𝒂𝒍𝒂𝒏𝒈𝒊𝒏

San Tarcisio, mapagmahal at mapagmalasakit ka sa iyong kapwa. Tulungan mo akong matularan ang iyong dalisay na kabayanihan upang makilala rin akong tunay na alagad ng Diyos. Amen.

12/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
Ikapitong Araw

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐋𝐮𝐜𝐚𝐬 6:20-23

“Tumingin si Jesus sa mga alagad at Kanyang sinabi, ‘Mapalad kayong mga dukha sapagkat ang Diyos ang maghahari sa inyo! Mapalad kayong mga nagugutom ngayon, sapagkat kayo’s bubusugin! Mapalad kayong mga tumatangis ngayong sapagkat kayo’y magagalak! Mapalad kayo kung dahil sa Anak ng Tao, kayo’y kinapopootan, ipinagtatabuyan at inaalimura ng mga tao at pati ang inyong pangalan ay kinasusuklaman. Magalak kayo at lumukso sa tuwa kung ito’y mangyari, sapagkat Malaki ang inyong gantimpala sa langit.”

𝑷𝒂𝒈𝒏𝒊𝒏𝒊𝒍𝒂𝒚

Inihayag ng Panginoong Jesus ang mga pangungusap na ito para sa mga tapat Niyang lingkod. Ito ay tanda ng pag-asa kapag ang isang lingkod ng Panginoon ay dumadaan sa labis na paghihirap. Ang pangungusap na ito ay ang tanging pag-asa ni San Tarcisio: “Mapalad kayo kung dahil sa Anak ng Tao, kayo’y kinapopootan, ipinagtatabuyan at inaalimura ng mga tao at pati ang inyong pangalan ay kinasusuklaman.” Masakit ang nangyari kay San Tarcisio dahil mismong mga kaibigan niya ang napoot, nagtaboy, umalimura at nasuklam sa kanya. Pinili niyang gampanan ang kanyang tungkulin kaysa makisama sa mga kaibigan. Ang pagtanggi niyang iyon ang naging dahilan kung bakit sila nagalit sa kanya. Binato siya at pilit na kinuha ang dala niyang Banal na Sakramento. Duguan siyang bumagksak sa lupa at namatay ng martir. Tulad ni San Tarcisio, nawa’y huwag nating ipagpalit ang Panginoon kahit kanino man. Maging matibay nawa tayo sa ating mga sarili at huwag bumitaw sa Panginoon dahil sa Kanyang muling pagdating, tatawagin Niya tayong tunay na mapalad.

𝑷𝒂𝒏𝒂𝒍𝒂𝒏𝒈𝒊𝒏

Mapalad na San Tarcisio, tunay kang mapalad sapagkat napagtagumpayan mo ang mga pag-uusig at pinili mong gampanan ang inyong tungkulin higit sa iyong mga kaibigan. Hinahangaan ko ang iyong katapatan sa pagganap sa gayong tungkulin. Tulungan mo akong huwag magsawa sa paglilingkod sa Panginoon, upang sa gayon ay maging mapalad din akong tulad mo. Amen.

11/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
Ikaanim na Araw

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐌𝐚𝐫𝐜𝐨𝐬 10: 13-16

“May nagdala ng mga bata kay Jesus upang hilinging ipatong Niya sa mga ito ang Kanyang Kamay, ngunit pinagwikaan sila ng mga alagad. Nagalit si Jesus nang makita ito, at sinabi sa kanila, ‘Pabayaan ninyong lumapit sa Akin ang mga bata, huwag ninyo silang sawayin sapagkat sa mga katulad nila naghahari ang Diyos. Ito ang tandaan ninyo, ang sinumang hindi tumatanggap sa paghahari ng Diyos tulad ng isang maliit na bata ay hindi mapapabilang sa mga pinanghaharian Niya.’ At kinalong ni Jesus ang mga bata, ipinatong ang Kanyang mga kamay sa kanila at pinagpala sila.”

𝑷𝒂𝒈𝒏𝒊𝒏𝒊𝒍𝒂𝒚

Tunay ngang malapit sa Panginoon ang mga bata. Sa Ebanghelyo, malinaw na sa kabila ng mga pumipigil sa mga batang makalapit sa Kanya kinalong Niya at pinagpala sila. Muli, sinabi Niya na sa mga katulad nila naghahari ang Diyos. Tulad ng mga magulang ng mga bata sa Ebanghelyo, si San Tarcisio ay inilapit ng kanyang mga magulang sa Panginoon bilang Kanyang lingkod sa kabila ng mga nag-aambang panganib. Si San Tarcisio ay naging tapat sa sakristan ng Panginoon. Bilang tugon sa Mabuting Balita, huwag nating hadlangan na makapaglingkod sa Panginoon ang mga kabataan. Nawa ay maging daan tayo na mailapit sa Kanya ang marami pang kabataan upang mamuhay sila ng malapit sa ating Panginoong Diyos.

𝑷𝒂𝒏𝒂𝒍𝒂𝒏𝒈𝒊𝒏

San Tarcisio, tunay kang marapat na tanghalin bilang patron ng mga sakristan, na tumugon sa Banal na Ministeryo ng paglilingkod sa altar. Ipanalangin mo ang mga magulang na tumututol na makapaglingkod sa Panginoon ang kanilang mga anak. Nawa’y mabuksan ang kanilang mga puso at maging daan sila na mapalapit sa Diyos ang mga kabataan nang sa gayon ay malinang ng mga kabataan ang kanilang angking katangian sa pamamagitan ng paglilingkod sa ating Panginoong Diyos. Amen.

10/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
𝖨𝗄𝖺𝗅𝗂𝗆𝖺𝗇𝗀 𝖠𝗋𝖺𝗐

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐌𝐚𝐫𝐜𝐨𝐬 8: 34-38

“Pinalapit ni Jesus ang mga tao, pati ang Kanyang mga alagad at sinabi, ‘Kung ibig ninumang sumunod sa Akin, limutin niya ang ukol sa kanyang sarili, pasanin ang kanyang krus at sumunod sa akin. Ang naghahangad na magligtas ng kanyang buhay ay siyang mawawalanng nito ngunit ang mag-alay ng kanyang buhay alang-alang sa Akin at sa Mabuting Balita ay siyang magkakamit niyon. Ano nga ang mapapala ng isang tao, maikamtan man niya ang buong daigdig kung ang katumbas naman nito ay kanyang buhay? Ano ang maibabayad ng tao para mabalik sa kanya ang kanyang buhay? Kapag ang sinuman ay nahiyang kumilala sa Akin at sa Aking Mga Salita sa harapan ng lahing ito na makasalanan at hindi tapat sa Diyos, ikahihiya rin siya ng Anak ng Tao, pagparito Niya na taglay ang dakilang kapangyarihan ng Kanyang Ama at kasama ang mga banal na anghel.’”

𝑷𝒂𝒈𝒏𝒊𝒏𝒊𝒍𝒂𝒚

Ang tunay na nagnanais na sumunod sa Panginoon ay nararapat na lumimot sa kanyang sarili at maging handa sa maraming pagsubok na kakaharapin, handang mag-alay ng buhay at kailanman ay hindi tatalikod sa pagkilala sa Panginoon. Sa panawagang ito ay nasasalamin natin ang pagtugon ni San Tarcisio sa Ebanghelyo ni Kristo. Sa buhay ng batang santo ay nilimot niya ang kapahamakan ng kanyang sarili; sa mga huling sandali ng kanyang buhay nakita natin kung paano pinasan ni San Tarcisio ang kanyang krus. Ang kamatayan ng kanyang ina at ang pag-uusig sa kanyang ama dahil sa pananampalataya kay Kristo. Nakita rin natin kung paanong si San Tarcisio ay binato at inalimura ng mga pagano. Kailanman ay hindi niya binitawan ang Banal na Sakramento. Panalangin ng katatagan ang kanyang nasambit sa bawat batong tumatama sa kanya. Duguan siyang bumagsak sa lupa tulad ng pagkamartir ni San Esteban na walang ibang nasambit kundi ang pangalang “Jesus”. Hindi niya ikinahiya ang Panginoon. Namatay siyang nasa kanyang dibdib at malapit sa kanyang puso ang Banal na Katawan ng Panginoon. Tulad ni San Tarcisio, tayo rin ay inaasahan ng Panginoong Jesus na sumunod sa Kanya.

𝑷𝒂𝒏𝒂𝒍𝒂𝒏𝒈𝒊𝒏

Pinagpalang San Tarcisio, tunay kang matapat na tagasunod ng Panginoon at huwaran ng katatagan ng pag-ibig sa Diyos. Tulungan mo kaming maging matatag sa mga krus na aming pinapasan at huwag panghinaan sa mga masasamang tuksoo sa kapaligiran. Amen.

09/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
𝖨𝗄𝖺𝖺𝗉𝖺𝗍 𝗇𝖺 𝖠𝗋𝖺𝗐

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐌𝐚𝐭𝐞𝐨
22:34-40

“Nagtipun-tipon ang mga Pariseo nang mabalitaan nilang napatahimik ni Jesus ang mga Saduseo at isa sa kanila, isang dalubahasa sa kautusan, ang nagtanong kay Jesus upang subukin ito. ‘Guro, alin po ang pinakamahalagang utos sa kautusan?’ Sumagot si Jesus, ‘Ibigin moa ng Panginoon mong Diyos ng buong puso, ng buong kaluluwa at ng buong pag-iisip. Ito ang pinakamahalagang utos. Ito naman ang pangalawa, ‘Ibigin moa ng iyong kapwa gaya ng iyong sarili. Sa dalawang utos na ito nakasalalay ang buong kautusan ni Moises at ang turo ng mga propeta.’”

𝑷𝒂𝒈𝒏𝒊𝒏𝒊𝒍𝒂𝒚

Ang sampung utos ng Diyos ay ibinuod at hinati ng Panginoong Jesus sa dalawa: Una, ang pag-ibig sa Diyos ng buong puso, ng buong kaluluwa at ng buong pag-iisip; Pangalawa, ang pag-ibig sa kapwa gaya ng sarili. Ito ang pangunahing dahilan kung bakit tinatanggap ni San Tarcisio ang pagpapakasakit at kamatayan – ang kanyang pagibig sa Panginoon ng Buong puso, kaluluwa at pag-iisip. Nang pinagkatiwala sa kanya ang Katawan ng Panginoon, inilagay niya ito sa kanyang dibdib upang mailapit sa pagtibok ng kanyang puso. Nang tangkaing agawin sa kanya, hindi niya hinayaang maagaw ito ng mga lapastangang pagano hanggang sa siya ay batuhin at duguang malupaypay. Buong puso, kaluluwa at pagiisip niyang iningatan ang banak na Katawan ng Panginoon hanggang sa siya’y malagutan ng hininga. Tulad ni San Tarcisio, tayo rin ay inaasahan ng Panginoong Diyos na umibig sa Kanya ng buong puso, kaluluwa, at pag-iisip nang sa gayaon ay makamit natin ang biyayang buhay na walang hanggan.

𝑷𝒂𝒏𝒂𝒍𝒂𝒏𝒈𝒊𝒏

Maluwalhating San Tarcisio, tunay kang kawal ni Kristo na handang ipagtanggol ang Panginoon laban sa lumalapastangan sa Kanya. Turuan mo akong maging magiting na kawal ni Kristo at magkaroon ng buong puso, kaluluwa’t pag-iisip na pag-ibig sa ating Panginoong Diyos. Amen.

09/08/2026

𝓝𝓸𝓿𝓮𝓷𝓪𝓻𝓲𝓸 𝓹𝓪𝓻𝓪 𝓴𝓪𝔂 𝓢𝓪𝓷 𝓣𝓪𝓻𝓬𝓲𝓼𝓲𝓸
𝖨𝗄𝖺𝗍𝗅𝗈𝗇𝗀 𝖠𝗋𝖺𝗐

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐌𝐚𝐭𝐞𝐨
18: 10-14

“Ingatan ninyo na huwag hamakin ang isa sa mga maliliit na ito. Sinasabi Ko sa inyo. Sa langit, ang kanilang mga anghel ay lagging nasa harapan ng Aking Ama. Sapagkat naparito ang Anak ng Tao upang iligtas ang nawawala. Ano sa akala ninyo ang gagawin ng isang taong may isang daang tupa kung maligaw ang isa sa mga iyon? Hindi kaya niya iiwan ang siyamnapu’t siyam na nanginginain sa kaburulan upang hanapin ang naligaw? Sinasabi ko sa inyo. Kapag nasumpungan niya ito, higit niyang ikagagalak ang isang ito kaysa sa siyamnapu’t siyam na hindi naligaw. Gayundin naman, hindi kalooban ng inyong Amang nasa langit na mapahamak ang isa sa mga maliliit na ito.”

𝑷𝒂𝒈𝒏𝒊𝒏𝒊𝒍𝒂𝒚

Hangad ng Diyos ang kaligtasan ng Kanyang mga anak. Patuloy Niyang hinahanap ang Kanyang mga “nawawalang tupa.” Gumagamit din Siya ng mga kasangkapan upang maihatid sa lahat ang Kanyang mga gawain ng pagliligtas. Hindi Niya nais na mapahamak ang kahit isa sa atin. Ang buhay Kristiyano ni San Tarcisio ay naging daan upang matuklasan ang kanyang kaibigang si Fabian ang liwanag ni Kristo. Ang kaligtasan ay nakamtan ni Fabian sa pamamagitan ng buhay ni San Tarcisio, isang buhay na larawan ni Jesus at buhay na tanda ng pag-ibig ng Diyos sa lahat ng tao. Patuloy na inililigtas ng Diyos ang tao at Siya ay gumagamit ng mga instrument upang madama ng lahat ang kanyang kabutihan at kapangyarihan. At si San Tarcisio ang naging kasangkapan ng Diyos uang maligtas ang Kanyang mga naliligaw
na anak. Nawa’y matularan natin ang buhay ni San Tarcisio isang buhay na tanda ng pag-ibig ng Diyos sa lahat ng naging kasangkapan Niya para sa kaligtasan ng mga pagano

𝑷𝒂𝒏𝒂𝒍𝒂𝒏𝒈𝒊𝒏

Oh, mabuting San Tarcisio, sa iyong hindi masusukat na katapatan sa Diyos, ikaw ay naging instrument sa pagkakatuklas ng liwanag ni Kristo sa iyong paganong kaibigin. Sa pamamagitan mo ay nakilala niya bilang tagapagligtas si Jesus. Tulungan mo kami upang ang aming buhay Kristiyano ay maging kasangkapan upang ang lahat ng mga bansa ay maging ganap na tagasunod ni Kristo at makilala Siya bilang Daan, Katotohanan at Buhay. Amen

07/08/2026

𝓝𝓞𝓑𝓔𝓝𝓐 𝓚𝓐𝓨 𝓢𝓐𝓝 𝓣𝓐𝓡𝓒𝓘𝓢𝓘𝓞
𝙸𝚔𝚊𝚕𝚊𝚠𝚊𝚗𝚐 𝙰𝚛𝚊𝚠

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐊𝐚𝐲 𝐒𝐚𝐧 𝐌𝐚𝐭𝐞𝐨
18: 1-5

“Nang sandaling iyo’y lumapit kay Jesus ang mga alagad at nagtanong, ‘Sino po ang pinakadakila sa kaharian ng langit?’ Tinawag ni Jesus ang isang bata, pinatayo sa harapan nila at sinabi, ‘Tandaan ninyo ito, kapag hindi kayo nagbago at tumulad sa mga bata, hinding-hindi kayo mabibilang sa mga pinaghaharian ng Diyos. Ang sinumang nagpapakababa na gaya ng batang ito ay siyang pinakadakila sa mga pinaghaharian ng Diyos. Ang sinumang tumatanggap sa isang batang ganito dahil sa Akin ay Ako ang tinatanggap.’”

𝐏𝐚𝐠𝐧𝐢𝐧𝐢𝐥𝐚𝐲

Natunghayan natin ang pagtawag ni Jesus sa isang bata upang ilarawan ang katangian ng pinakadakila sa kaharian ng langit. Sinabi Niyang kailangan na tumulad sa mga bata ang mga nagnanais na mapabilang sa kaharian ng Diyos – ang kababaangloob ng isang bata ang dapat tuluran.

𝐏𝐚𝐧𝐚𝐥𝐚𝐧𝐠𝐢𝐧

San Tarcisio, masunurin at mapagpakumbaba, buong pagmamahal kang tumalima sa mga tagubilin sa iyo upang maingatan ang Kabal-banalang Katawan ng Panginoon. Tulungan mo akong matularan ka sa pagiging masunuring anak ng Diyos upang tulad mo ay maging karapat-dapat ako sa kaharian ng langit. Amen.

07/08/2026

✨ 𝐌𝐀𝐋𝐈𝐆𝐀𝐘𝐀𝐍𝐆 𝐁𝐔𝐖𝐀𝐍 𝐍𝐆 𝐌𝐆𝐀 𝐒𝐀𝐊𝐑𝐈𝐒𝐓𝐀𝐍! ✨

Ngayong buwan ng Agosto, buong kagalakan nating ipinagdiriwang ang 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐌𝐨𝐧𝐭𝐡! Isang espesyal na panahon upang kilalanin at ipagpasalamat ang masipag at tapat na paglilingkod nating mga sakristan sa Tahanan ng Diyos.

Lalong nagiging makabuluhan ang pagdiriwang na ito dahil sa darating na 𝐀𝐠𝐨𝐬𝐭𝐨 𝟏𝟓, ating gunitain ang Kapistahan ng ating Banal na Patron—si 𝐒𝐚𝐧 𝐓𝐚𝐫𝐜𝐢𝐬𝐢𝐨, na nag-iwan ng dakilang halimbawa ng matapang at taos-pusong pagmamahal sa 𝐁𝐚𝐧𝐚𝐥 𝐧𝐚 𝐄𝐮𝐤𝐚𝐫𝐢𝐬𝐭𝐢𝐲𝐚.

Sa ating mga minamahal na 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐧𝐠 𝐏𝐚𝐫𝐨𝐤𝐲𝐚 𝐧𝐢 𝐒𝐚𝐧 𝐀𝐧𝐝𝐫𝐞𝐬 𝐀𝐩𝐨𝐬𝐭𝐨𝐥 - 𝐍𝐨𝐫𝐳𝐚𝐠𝐚𝐫𝐚𝐲, maraming salamat sa inyong paglalaan ng oras, panahon, at lakas upang mapangalagaan ang kabanalan ng ating mga Misa at pagdiriwang. Nawa'y patuloy tayong gabayan at pagpalain ni San Tarcisio sa ating paglalakbay at paglilingkod sa Altar.

23/03/2026

Isang Tawag sa Paglilingkod

Ikaw, oo ikaw! Ito na ang sign mo, kapatid.

Mabiyayang araw, mga kapatid!
Ikaw ba'y naghahangad na mapalapit kay Kristo? Handang mag-alay ng sarili para sa Kanya? At nais maranasan ang buhay paglilingkod?

Tara na, maging kaisa ka.
Narito kami para alalayan ka.
Basta't nasa iyong puso ang maging isang lingkod, tiyak na mananahan at mananatili ang Panginoong Diyos sa iyong buhay.

Kaya, tara. Subukan mo.
Kita-kits tayo ha!

Pagpalain nawa tayong lahat ng Panginoon.

MINISTREMUS ET NON MINISTREMUR

Requirements:
• 10 years old and above
• Roman Catholic
• First Communion
• Willing to serve the Lord

Ministry of Altar Servers - St. Andrew the Apostle Parish Church

14/08/2026

13/08/2026

12/08/2026

11/08/2026

10/08/2026

09/08/2026

09/08/2026

07/08/2026

07/08/2026

23/03/2026

Address

Website

Alerts

Shortcuts

Share

Category

Listing takedown request