02/09/2026
๐๐๐ฃ๐๐ฆ๐ง๐๐๐๐ก ๐ก๐ ๐ฆ๐๐ก ๐ฃ๐๐ข ๐๐๐-๐ฆ๐๐ ๐ฃ๐จ, ๐ฃ๐๐ฃ๐, ๐๐ข๐ ๐ฃ๐๐ฆ๐ข๐ฅ
๐๐ป๐๐ฟ๐ผ๐ถ๐๐ผ (๐ฆ๐ฎ๐น๐บ๐ผ ๐ด๐ด:๐ฎ๐ฌ-๐ฎ๐ฎ)
Itinanghal Ko ang isang pinili Ko sa Aking bayan, at pinahiran Ko siya ng Aking banal na langis, upang laging sumakaniya ang kamay Ko at nang palakasin siya ng Aking bisig. (๐ฆ๐ฎ๐น๐บ๐ผ ๐ด๐ด:๐ฎ) Ang mga biyaya ng Panginoon ay aawitin ko magpasawalang-hanggan; sa lahat ng sali't saling-lahi ay ipahahayag ng aking bibig ang Iyong pagkamatapatin. ๐ฉ. Luwalhati sa Ama, at sa Anak, at sa Espiritu Santo. Kaparis noong una, ngayo't magpakailanman, at magpasawalang-hanggan. Siya nawa. โ Itinanghal Ko ...
๐๐ผ๐น๐ฒ๐ธ๐๐ฎ
O Diyos, na sa pagtatanggol ng pananampalatayang Katoliko at para pagpapanumbalik kay Kristo ang lahat ng bagay, pinuspos mo ang Papa San Pio ng dunong ng langit at ng lakas ng loob ng apostol. Ipagkaloob nawa ng iyong awa na, sa pagsunod sa kaniyang mga aral at halimbawa, ay aming makamtan ang iyong gantimpalang walang hanggan. Sa pamamagitan ni Jesucristong Panginoon namin, na nabubuhay at naghaharing kasama Mo at ng Espiritu Santo, Diyos, sa lahat ng panahon ng mga panahon. Siya nawa.
๐๐ฝ๐ถ๐๐๐ผ๐น๐ฎ (๐ญ ๐ง๐ฒ๐๐ฎ๐น๐ผ๐ป๐ถ๐ฐ๐ฎ ๐ฎ:๐ฎ-๐ด)
Mga kapatid: binigyan kami ng Diyos ng lakas ng loob na ipahayag sa inyo ang Magandang Balita. Ang pangangaral namin ay hindi batay sa kamalian, o sa masamang layunin, o sa hangad na manlinlang. Sapagkat minarapat ng Diyos na ipagkatiwala sa amin ang Magandang Balita, nangangaral kami, hindi upang bigyang-kasiyahan ang tao, kundi ang Diyos na sumisiyasat ng ating puso. Alam ninyo na ang aming pangangaral ay hindi sa pamamagitan ng matatamis na pangungusap, o ng mga salitang nagkukubli ng kasakiman. Saksi namin ang Diyos. Hindi kami naghangad ng papuri ninyo o ninuman kahit bilang mga apostol ni Cristo ay may karapatan kaming humingi ng anuman mula sa inyo. Sa halip ay naging magiliw kami sa inyo, tulad ng inang mapagkalinga sa kanyang mga anak. Dahil sa laki ng aming pagmamahal sa inyo, hindi lamang kami handang ibahagi sa inyo ang Magandang Balita, kundi maging ang aming buhay.
๐๐ฟ๐ฎ๐ฑ๐๐ฎ๐น (๐ฆ๐ฎ๐น๐บ๐ผ ๐ฏ๐ต:๐ญ๐ฌ-๐ญ๐ญ)
Ipinahayag ko ang iyong katarungan sa makapal na pagtitipon; hindi ko pinigil ang aking mga labi, gaya ng nalalaman Mo, O Panginoon. ๐ฉ. Ang Iyong katarungan ay hindi ko itinago sa aking puso; ang Iyong pagka-matapat at ang Iyong tulong ang ipinahayag ko.
๐๐น๐ฒ๐น๐๐๐ฎ (๐ฆ๐ฎ๐น๐บ๐ผ ๐ฎ๐ฎ:๐ฑ-๐ฒ)
Aleluya, aleluya. Pinaghahandaan mo ako ng hapag; pinapahiran mo ng langis ang aking ulo; umaapaw ang aking kopa. Aleluya.
๐๐ฏ๐ฎ๐ป๐ด๐ต๐ฒ๐น๐๐ผ (๐๐๐ฎ๐ป ๐ฎ๐ญ:๐ญ๐ฑ-๐ญ๐ณ)
Noong panahong yaon, tinanong ni Jesus si Simon Pedro, โSimon, anak ni Juan, iniibig mo ba ako nang higit sa mga ito?โ โOpo, Panginoon, alam ninyong mahal ko kayo,โ tugon niya. Sinabi sa kanya ni Jesus, โKung gayon pakainin mo ang aking mga batang tupa.โ Muli siyang tinanong ni Jesus, โSimon, anak ni Juan, iniibig mo ba ako?โ Sumagot si Pedro, โOpo, Panginoon, alam ninyong mahal ko kayo.โ Sabi ni Jesus, โAlagaan mo ang aking mga tupa.โ Pangatlong ulit na tinanong siya ni Jesus, โSimon, anak ni Juan, mahal mo ba ako?โ Nalungkot si Pedro sapagkat tatlong beses siyang tinanong ng, โMahal mo ba ako?โ At sumagot siya, โPanginoon, alam po ninyo ang lahat ng bagay; alam ninyong mahal ko kayo.โ Sinabi sa kanya ni Jesus, โPakainin mo ang aking mga tupa.โ
๐ข๐ฝ๐ฒ๐ฟ๐๐ผ๐ฟ๐๐ผ (๐ฆ๐ฎ๐น๐บ๐ผ ๐ฏ๐ฏ:๐ญ๐ฎ)
Halikayo, mga anak, makinig kayo sa akin. Aking ituturo sa inyo ang takot sa Panginoon.
๐ฆ๐ฒ๐ธ๐ฟ๐ฒ๐๐ฎ
Ipinamamanhik namin sa Iyo, O Panginoon, na magiliw Mong tanggapin ang aming sakripisyo, at ipagkaloob Mong sa pamamagitan ng mga panalangin ni Papa San Pio ay maipagdiwang namin ito nang may tumpak na debosyon at matanggap naming taglay ang tapat at dalisay na pananalig. Sa pamamagitan ni Jesucristong Panginoon namin, na nabubuhay at naghaharing kasama Mo at ng Espiritu Santo, Diyos, sa lahat ng panahon ng mga panahon. Siya nawa.
๐ฃ๐ฟ๐ฒ๐ฝ๐ฎ๐๐๐ผ ๐ป๐ด ๐ฆ๐ฎ๐ป๐๐ถ๐๐ถ๐บ๐ฎ ๐ง๐ฟ๐ถ๐ป๐ถ๐ฑ๐ฎ๐ฑ
Tunay ngang marapat at matuwid, ukol at nakagagaling ang lagi at saan man ay pasalamatan Ka, O Panginoong banal, Amang makapangyarihan, walang hanggang Diyos. Ikaw na kasama ng Iyong Bugtong na Anak at ng Espiritu Santo ay iisang Diyos, iisang Panginoon: hindi sa katangian ng iisang Persona, kundi sa Trinidad ng iisang sustansiya. Ang sinasampalatayanan namin tungkol sa Iyong kaluwalhatian, ayon sa ipinahayag Mo, ay pinaniniwalaan din namin tungkol sa Iyong Anak at tungkol sa Espiritu Santo na walang anumang kaibahan. Anupa't sa pagpapahayag ng tunay at walang hanggang pagka-Diyos, ay sambahin ang kaibahan sa mga Persona, ang kaisahan sa esensiya at ang pagkakapantay sa kamahalan. Na Siyang pinupuri ng mga Anghel at ng mga Arkanghel, ng mga Kerubin at ng mga Serapin: na walang tigil na sumisigaw sa araw-araw sa iisang tinig, na nagsasabi:
๐๐ผ๐บ๐๐ป๐๐ผ๐ป (๐๐๐ฎ๐ป ๐ฒ:๐ฑ๐ฒ-๐ฑ๐ณ)
Ang Aking laman ay tunay na pagkain, at ang Aking dugo ay tunay na inumin. Ang kumakain ng Aking laman at umiinom ng Aking dugo ay mananatili sa Akin at Ako sa kaniya.
๐ฃ๐ผ๐๐ธ๐ผ๐บ๐๐ป๐๐ผ๐ป
Pinakain kami ng pagkain na nagbibigay ng lakas sa hapag ng langit. Ipinamamanhik namin sa iyo, Panginoon naming Diyos, na sa pamamagitan ng Papa San Pio ay maging matibay kami sa pananampalataya at magkaisa sa pag-ibig sa Iyo. Sa pamamagitan ni Jesucristong Panginoon namin, na nabubuhay at naghaharing kasama Mo at ng Espiritu Santo, Diyos, sa lahat ng panahon ng mga panahon. Siya nawa.
