19/02/2026
Malugod at buong galang naming tinatanggap ang pagdalaw ng Kagalang galang na Gilbert A. Garcera, D.D., Arsobispo ng Roman Catholic Archdiocese of Lipa at Pangulo ng CBCP, sa Parokya ng Nuestra Señora de la Paz y Buen Viaje, Wawa, Nasugbu, Batangas, bilang bahagi ng Pastoral Careavan ng Arkidiyosesis ng Lipa.
Gaganapin ito sa mga barangay ng Wawa, Natipuan, Balaytigue, Calayo, Looc, Papaya at Bulihan sa darating na Pebrero 23–27, 2026, katuwang ang mga pari, mga relihiyoso at mga boluntaryo.
Ang kanyang presensya ay isang malaking biyaya at pagpapala sa aming pamayanan. Inaanyayahan ang lahat na makiisa at makilahok sa mga gawain bilang tanda ng ating pagkakaisa at masiglang pananampalataya. Nawa’y patuloy siyang pagpalain at patnubayan ng Poong Maykapal sa kanyang banal na misyon at paglilingkod.
