https://www.facebook.com/105218558213597/

River Of Life - Narra PH, Bgy. Poblacion, Multipurpose Hall, Narra (2026)

26/06/2026

HOW TO BECOME A LEADER AS A MAN OF GOD: HINDI SA LAKAS MO, SA PAGSUNOD MO👑➡️🙏

Kapatid, gusto mo maging leader?
Hindi yung leader na puro utos.
Yung leader na may takot kay Lord.
Yung leader na kahit walang nakatingin, tapat pa rin.

Leader as a Man of God ≠ maingay sa stage.
Leader as a Man of God = unang lumuhod, huling magreklamo, gitna pag may gulo.

Ang mundo naghahanap ng leader na powerful.
Ang langit naghahanap ng leader na servant.
Kung gusto mo dalhin ni Lord sa mas mataas, magsimula ka sa mas mababa.

1. UNAHIN MO SI LORD AT HUWAG KANG TUMINGIN SA TITLE
Mateo 6:33– “Ngunit hanapin muna ninyo ang kanyang kaharian at ang kanyang katuwiran, at ang lahat ng mga bagay na ito ay idaragdag sa inyo.”

Gusto mo ng influence? Hanapin mo muna presence. Gusto mo ng authority? Magpasakop ka muna. Hindi ka magiging leader ng tao kung hindi ka muna alipin ni Cristo.

2. MAGING LINGKOD KA MUNA BAGO KA MAMUNO
Marcos 10:43-45 – “Ang sinumang nagnanais na maging dakila sa inyo ay magiging lingkod ninyo... Sapagkat ang Anak ng Tao ay hindi naparito upang paglingkuran, kundi upang maglingkod.”

Si Jesus mismo model. King of Kings pero naghugas ng paa. Kapatid, pag ayaw mo magbuhat ng upuan, wag kang umasa ng microphone. Leader ni Lord = servant muna.

3. MAGING TAPAT KA SA LIHIM
Lucas 16:10 – “Ang mapagkakatiwalaan sa maliit na bagay ay mapagkakatiwalaan din naman sa malaking bagay.”

Paano ka pagkakatiwalaan ni Lord ng 1000 tao kung hindi ka nga tapat sa 5 tao mo? Paano ka bibigyan ng platform kung hindi ka faithful sa quiet time mo? Small things = training ground.

4. BUHAYIN MO YUNG SINASABI MO
1 Timoteo 4:12 –“Huwag mong hayaang hamakin ka ninuman dahil sa iyong kabataan, kundi maging halimbawa ka sa mga mananampalataya sa salita, sa pamumuhay, sa pag-ibig, sa pananampalataya, sa kadalisayan.”

Lead by example, hindi by excuse. Hindi ka makakapagsabing “mag-pray kayo” kung hindi ka nagpe-pray. Hindi ka makakapagsabing “magbasa ng Bible” kung hindi mo binubuksan Bible mo. Character > Charisma.

5. MAGPAKUMBABA KA, WAG MAGMATAAS
1 Pedro 5:5-6 – “Magpakumbaba kayo sa isa't isa... Kaya nga, magpakumbaba kayo sa ilalim ng makapangyarihang kamay ng Diyos, upang itaas niya kayo sa tamang panahon.”

Ang pride killer ng leader. Si Saul bagsak kasi mayabang. Si David umangat kasi pusong lingkod. Kapatid, bababa ka muna bago ka itaas ni Lord. Hindi ka nag-lelead pag nagmamataas ka. Nagko-control ka lang._

6. PAKAININ MO SARILI MO SA SALITA NI LORD
Josue 1:8 – “Ang aklat ng kautusang ito ay huwag mahihiwalay sa iyong bibig, kundi iyong pagbubulay-bulayin araw at gabi, upang iyong masunod na gawin ayon sa lahat ng nakasulat dito.”

Leader na walang Word = tuyong balon. Paano ka magfe-feed ng iba kung gutom ka? Mag-devotion ka bago ka mag-meeting. Mag-pray ka bago ka mag-desisyon. Word + Prayer = gasolina ng leader.

7. ALAMIN MO KUNG SINO PINAGLILINGKURAN MO
Colosas 3:23* – “Anumang inyong ginagawa, gawin ninyo nang buong puso na parang sa Panginoon, at hindi sa mga tao.”

Pag tao pinaglilingkuran mo, mapapagod ka. Pag grade, promotion, likes hinahabol mo, madidiscourage ka. Pero pag si Lord amo mo, may joy ka kahit walang thank you. Kasi Siya nakakakita ng lahat ng pagod mo.

MGA MALI NA DAPAT IWASAN NG MAN OF GOD NA LEADER
1. Lead ka ng galit, hindi ng pag-ibig–
1 Corinto 13:1. Pwede kang magaling mag-utos, pero kung walang pag-ibig, maingay na gong ka lang.

2. Gusto mo spotlight, ayaw mo ng accountability –
Proverbs 27:17 “Bakala'y nagpapatalas sa bakal."
Leader need ng mentor, need ng pastor, need ng kapatid na magco-correct.

3. Madali kang magalit, mabagal kang magpatawad –
Santiago 1:19 “Maging mabilis sa pakikinig, mabagal sa pagsasalita, mabagal sa pagkagalit.”
Temper mo babagsak sa’yo.

4. Lahat gusto mo ikaw masusunod–
Filipos 2:3 “Ituring na mas mabuti ang iba kaysa sa inyong sarili.”
Leader ni Lord nakikinig, hindi lang nagsasalita.

Kapatid, hindi ka pinili ni Lord kasi perfect ka.
Pinili ka Niya kasi willing ka. Willing magpabago. Willing maglingkod. Willing maghintay.

Hindi ka leader dahil sa dami ng followers mo.
Leader ka dahil sa dami ng dinadala mong tao kay Jesus.

Tandaan mo: Si Moises pastol lang bago maging leader ng milyon.
Si David taga-alaga ng tupa bago maging hari.
Si Pedro mangingisda lang bago maging apostol.

Simulan mo sa kung nasaan ka ngayon. Sa bahay. Sa cell group. Sa work.
Maglingkod ka dun. Maging tapat ka dun.
Kasi yung taong faithful sa maliit, siya lang binibigyan ni Lord ng malaki. Lucas 19:17

“LORD, HUBUGIN MO AKO MAGING LEADER NA KATULAD MO”
kung pagod ka na sa sariling diskarte at gusto mo na si Cristo mag-lead sa’yo.

“Hindi sa lakas ka magle-lead. Sa pagsunod.
Marcos 10:45 – Ang tunay na leader, lingkod muna.
Josue 1:8 – Word + Prayer = Leader na ginagamit ni Lord.”

Kapatid, mabigat maging leader pero masarap pag si Lord kasama mo.

25/06/2026

𝗛𝗜𝗡𝗧𝗔𝗬 𝗟𝗔𝗡𝗚, 𝗠𝗔𝗬 𝗚𝗜𝗡𝗔𝗚𝗔𝗪𝗔 𝗔𝗡𝗚 𝗗𝗜𝗬𝗢𝗦 🔥✍️

May mga panahon ba sa buhay mo na pakiramdam mo ay matagal nang tahimik ang Diyos?

Nagdasal ka na, pero parang wala pa ring sagot.

Naghintay ka na, pero parang walang nangyayari.

Ginawa mo naman ang tama, pero tila mas nauuna pang makatanggap ng pagpapala ang iba.

At minsan, napapatanong ka:

"Lord, hanggang kailan pa po?"

"Lord, naririnig Mo pa ba ako?"

Kapatid, kung nasa season ka ngayon ng paghihintay, gusto kong malaman mo ito:

Hindi dahil tahimik ang Diyos ay wala na Siyang ginagawa.

Minsan, habang hinihintay mo ang sagot Niya, Siya naman ay may ginagawa sa puso mo.

Madalas gusto natin ng agarang sagot.

Gusto natin ng instant breakthrough.

Instant healing.

Instant blessing.

Instant solution.

Pero ang Diyos ay hindi lamang interesado sa kung ano ang matatanggap mo.

Mas interesado Siya sa kung sino ang nagiging tao mo habang naghihintay.

𝗚𝗢𝗗 𝗜𝗦 𝗡𝗢𝗧 𝗝𝗨𝗦𝗧 𝗕𝗨𝗜𝗟𝗗𝗜𝗡𝗚 𝗬𝗢𝗨𝗥 𝗕𝗟𝗘𝗦𝗦𝗜𝗡𝗚.🙌

𝗛𝗘 𝗜𝗦 𝗕𝗨𝗜𝗟𝗗𝗜𝗡𝗚 𝗬𝗢𝗨𝗥 𝗖𝗛𝗔𝗥𝗔𝗖𝗧𝗘𝗥.🫵

Sa panahon ng paghihintay, tinuturuan tayo ng Diyos ng pagtitiwala.

Sa panahon ng paghihintay, hinuhubog Niya ang ating pasensya.

Sa panahon ng paghihintay, pinalalalim Niya ang ating pananampalataya.

Sa panahon ng paghihintay, tinuturuan Niya tayong umasa sa Kanya at hindi lamang sa sarili nating kakayahan.

Dahil kung ibibigay agad ng Diyos ang lahat ng hinihingi natin, baka hindi tayo matutong magtiwala sa Kanya.

Minsan ang blessing ay handa na.

Pero tayo ang hindi pa handa.

At alam iyon ng Diyos.

𝗚𝗢𝗗'𝗦 𝗧𝗜𝗠𝗜𝗡𝗚 𝗜𝗦 𝗔𝗟𝗪𝗔𝗬𝗦 𝗣𝗘𝗥𝗙𝗘𝗖𝗧 ⏳

Mangangaral 3:11

"Ginawa ng Diyos na maganda ang bawat bagay sa kanyang panahon."

Pansinin mo.

Hindi sinabi ng verse na sa panahon natin.

Hindi sa oras na gusto natin.

Hindi sa petsang gusto natin.

Kundi sa panahon ng Diyos.

At ang timing ng Diyos ay laging tama.

Maaaring hindi natin ito naiintindihan ngayon, pero balang araw makikita rin natin kung bakit tayo pinaghintay.

𝗛𝗜𝗡𝗗𝗜 𝗟𝗔𝗛𝗔𝗧 𝗡𝗚 𝗣𝗔𝗚𝗛𝗜𝗛𝗜𝗡𝗧𝗔𝗬 𝗔𝗬 𝗣𝗔𝗚𝗞𝗔𝗔𝗡𝗧𝗔𝗟𝗔🔥

Maraming tao ang nagsasabi:

"Delayed lang siguro ang sagot ni Lord."

At totoo, may mga pagkakataong pinaghihintay tayo ng Diyos.

Pero tandaan din natin ito:

Not every delay is a denial.

At minsan naman,

God's denial is not His rejection.

May mga bagay tayong hinihingi na akala natin ay makakabuti sa atin.

Pero nakikita ng Diyos ang hindi natin nakikita.

May mga pintuang gusto nating mabuksan.

May mga relasyon na pilit nating ipinagdarasal.

May mga pangarap tayong gustong mangyari agad.

Pero minsan, ang sagot ng Diyos ay:

"Hindi."

Hindi dahil galit Siya.

Hindi dahil nakalimutan ka Niya.

Hindi dahil wala Siyang pakialam.

Kundi dahil mahal ka Niya.

Minsan ang "No" ng Diyos ay proteksyon.

Minsan ang "Wait" ng Diyos ay paghahanda.

At minsan ang katahimikan ng Diyos ay pagtuturo ng mas malalim na pananampalataya.

Isaias 55:8-9

"Sapagkat ang aking mga pag-iisip ay hindi ninyo mga pag-iisip, ni ang inyong mga lakad ay aking mga lakad, sabi ng Panginoon."

𝗧𝗛𝗘 𝗪𝗔𝗜𝗧𝗜𝗡𝗚 𝗦𝗘𝗔𝗦𝗢𝗡 𝗛𝗔𝗦 𝗔 𝗣𝗨𝗥𝗣𝗢𝗦𝗘 🌱

Tingnan mo si Abraham.

Naghintay siya ng maraming taon bago natanggap ang pangako ng Diyos.

Tingnan mo si Jose.

Bago siya naging pinuno sa Egipto, dumaan muna siya sa pagtataksil, pagkabilanggo, at maraming pagsubok.

Tingnan mo si David.

Bago siya naging hari, matagal muna siyang naghintay.

Lahat sila ay may pangako.

Pero lahat din sila ay dumaan sa proseso.

At ganoon din tayo.

Minsan hindi tayo nasa season ng receiving.

Minsan nasa season tayo ng preparation.

Roma 8:25

"Ngunit kung inaasahan natin ang hindi pa natin nakikita, matiyaga natin itong hinihintay."

𝗛𝗨𝗪𝗔𝗚 𝗠𝗔𝗜𝗡𝗚𝗚𝗜𝗧 𝗦𝗔 𝗧𝗜𝗠𝗜𝗡𝗚 𝗡𝗚 𝗜𝗕𝗔✨

Isa sa pinakamahirap gawin habang naghihintay ay ang hindi ikumpara ang sarili sa iba.

Nakikita mo silang umaangat.

Nakikita mo silang pinagpapala.

Nakikita mo silang natatanggap ang mga bagay na ipinagdarasal mo.

Pero tandaan mo:

May kanya-kanyang timeline ang bawat tao.

Hindi dahil nauuna sila ay nahuhuli ka na.

Hindi karera ang buhay.

At lalong hindi karera ang paglakad kasama ang Diyos.

Galacia 6:9

"Huwag tayong magsawa sa paggawa ng mabuti, sapagkat sa takdang panahon ay mag-aani tayo kung hindi tayo susuko."

Kung nasa season ka ngayon ng paghihintay, huwag mawalan ng pag-asa.❤️‍🔥

Kapag hindi pa dumarating ang sagot, magtiwala ka pa rin.

Kapag hindi mo pa nakikita ang resulta, sumunod ka pa rin.

Kapag tila tahimik ang langit, manalangin ka pa rin.

Dahil ang Diyos ay hindi natutulog.

Hindi Siya nahuhuli.

Hindi ka Niya nakakalimutan.

At habang hinihintay mo ang ginagawa Niya para sa'yo, may ginagawa rin Siya sa loob mo.

Waiting is not wasting.

Patience is not punishment.

Delay is not denial.

At kahit ang "No" ng Diyos ay hindi nangangahulugang tinanggihan ka Niya.

Minsan, ang pagtanggi ng Diyos ay proteksyon.

Minsan, ang paghihintay ay paghahanda.At minsan, ang proseso ang ginagamit Niya upang ihanda ka sa panalangin mong matagal mo nang hinihingi.

If God says "Yes," trust His blessing.

If God says "Wait," trust His timing.

If God says "No," trust His wisdom.

Because God never makes mistakes.

His timing is perfect, His plans are greater, and His love is always enough.

Kaya kapatid, huwag kang panghinaan ng loob sa panahon ng paghihintay.

Dahil kung may ginagawa kang paghihintay...

Mas higit na may ginagawa ang Diyos.

Hintay lang. May ginagawa ang Diyos. ✨

25/06/2026

𝗕𝗔𝗞𝗜𝗧 𝗞𝗔𝗛𝗜𝗧 𝗡𝗔𝗚𝗦𝗜𝗦𝗜𝗠𝗕𝗔 𝗔𝗞𝗢 𝗡𝗔𝗚𝗞𝗔𝗞𝗔𝗦𝗔𝗟𝗔 𝗣𝗔 𝗥𝗜𝗡 𝗔𝗞𝗢, 𝗔𝗡𝗢 𝗚𝗔𝗚𝗔𝗪𝗜𝗡 𝗞𝗢?

You need to understand the Gospel, it is the power of God for salvation to everyone who believes. - Romans 1:16

Usapang Gospel tayo.

Even if you come to church every sunday or being part of discipleship you cannot take away Sin, it is our nature, it is in born.

Sin is our nature, lumalabas yun sa ating buhay, hindi mo kailangan turuan maging masama dahil masama na tayo una palang, hindi mo kailangan turuan magsinungaling, magnakaw or mag chismis by nature kusa siyang lumalabas.

📍We are all headed to hell.
📍We are all fall short to God.

We cannot save ourselves by doing good works or by attending church every sunday.

God hate the sin but not the sinner because God, is Just, galit na galit ang Diyos, sa kasalanan and somebody needs to pay for that.

TAYO dapat ang mag aani ng kasalanan.

Pero hindi lang basta Just ang Lord, He is also a loving Father.

2 Peter 3:9 says
[9] The Lord isn’t slow to keep his promise, as some think of slowness, but he is patient toward you, not wanting anyone to perish but all to change their hearts and lives.

📍He doesn't want anyone go to hell but everyone come to repentance.

He is a God of patient He is willing to wait for you.

Even if He patiently waiting for us somebody needs to pay for his sin because He is Just He cannot just close His eyes to the sin of human being.

The only solution is someone who satisfy His wrath.

Kailangan meron tumanggap ng galit ng Diyos.

The ultimate solution for that is to send His sinless son to satisfy His wrath.

JESUS CHRIST

Si Jesus lang ang may kakayahan na gawin yon kasi nga Diyos Siya.

Ang kasalanan na nag umpisa sa lahi ni adan at eba, doon nagsimula maipon ang galit ng Diyos, sa mga tao.

📍Somebody needs to sacrifice to drink that cup of wrath.

Remember when Jesus, is in the mount of Getsemane He pray to His Father.

Luke 22:42
Father take this cup away from me, but nevertheless not my will but yours be done.

Alam ng Diyos, na grabe ang pagdadaanan niya when He drinks that cup of wrath, na dapat tayo yon, pero kung hindi niya gagawin yon lahat tayo ang magdudusa ng kasalanang ginawa natin.

When Jesus came 2,000 years ago He satisfied the Just requirement of God.

📍Yung naipon na galit ng Diyos, only Jesus, can drink that cup of wrath no one else.

Hindi yung Good works mo after mo mag simba.
But that doesn't mean you won't go to church anymore.

Going to church helps us to know Him more.

Ang gawin mo sa church, kilalanin mo Siya at tanggapin, pero wag mong gagawin ang part Niya.

REPENT ALL YOUR SINS.

📍You cannot do anything to add Christ salvation.

So stop blaming yourself everytime you commit Sin.
Stop asking God, kung ano ang gagawin mo dahil wala ka nang gagawin para solusyonan ang kasalanan it's already finished.

Hindi hahayaan ng Diyos, na mapunta sa Empyerno, ang mga taong made by His image.
-Genesis 1:27

Ang dapat mong gawin accept Jesus not just every sunday, but everyday of your life.

Allow Him, to renew your mind, your heart and allow Him to rebuild your life.

Yes, Sin is our nature but if we are full of God's word, He can replace that nature with His nature. (Regeneration)

📍Sin has no space in your life if your lifestyle has changed.

25/06/2026

KAILANGAN NG BIBLE STUDY SA MGA SCHOOL. HINDI LANG MATH, HINDI LANG SCIENCE — KAILANGAN NG SALITA NG DIYOS📖🏫

Kapatid, totoo lang tayo.
Tinuturuan natin mga bata mag-compute, mag-encode, mag-solve.
Pero sino magtuturo sa kanila paano magpatawad? Paano pumili ng tama? Paano lumaban sa depression, bullying, peer pressure?

Kailangan ng Bible Study sa school.
Hindi para gawing “religious school” lahat.
Kundi para may moral compass yung mga bata paglabas ng classroom.
Kasi pag walang Word ni Lord, kahit top 1 sila sa klase, pwede pa rin sila masira sa buhay.

Hindi lang talino kailangan ng kabataan ngayon. Puso. Takot sa Diyos. Character.
At ‘yon ang binubuo ng Bible Study.

BAKIT KAILANGAN TALAGA? ETO SABI NI LORD:

Kawikaan 22:6 – “Turuan mo ang bata sa daan na dapat niyang lakaran, at pagtanda man niya ay hindi niya ito hihiwalayan.”

Diretso si Solomon: Ituro mo habang bata pa. Paglaki nila, dala nila ‘yon. School ang best place magtanim kasi dun sila 8 hours a day. Kung di Word ni Lord itatanim, mundo magtatanim ng basura.

2 Timoteo 3:15-16 – “Mula sa pagkabata ay iyong nalalaman ang mga banal na kasulatan na makapagpapadunong sa iyo sa ikaliligtas sa pamamagitan ng pananampalataya kay Cristo Jesus... Ang lahat ng kasulatan ay kinasihan ng Diyos at kapaki-pakinabang sa pagtuturo, sa pagsaway, sa pagtutuwid, sa pagsasanay sa katuwiran.”

Anak, ang Bible hindi lang pang-church. Pang-turo. Pang-saway. Pang-tuwid. Pang-train sa katuwiran. Lahat ng kailangan ng estudyante, nandun na.

Awit 119:105 – “Ang salita mo'y ilawan sa aking mga paa, at liwanag sa aking landas.”

Madilim mundo ngayon: drugs, su***de, toxic relationships. Kailangan ng mga bata ng ilaw. At ang ilaw ay Salita ni Lord. Hindi sila maliligaw pag Bible ang hawak.

Deuteronomio 6:6-7 – “Ang mga salitang ito na aking iniuutos sa iyo ngayon ay sasa iyong puso; at iyong ituturo nang buong sikap sa iyong mga anak, at iyong sasalitain ito kapag ikaw ay nakaupo sa iyong bahay, at kapag ikaw ay lumalakad sa daan, at kapag ikaw ay nahihiga, at kapag ikaw ay bumabangon.”

Utang ni Lord ba Ituro 24/7?Saan? Sa bahay. Sa daan. Sa paghiga, pagbangon. Eh school yung pangalawang bahay ng mga bata. Dapat dun din tinuturo.

Josue 1:8– “Ang aklat ng kautusang ito ay huwag mahihiwalay sa iyong bibig, kundi iyong pagbubulay-bulayin araw at gabi, upang iyong masunod na gawin ayon sa lahat ng nakasulat dito; sapagkat kung magkagayo'y gagawin mong maginhawa ang iyong lakad, at kung magkagayo'y magtatagumpay ka.”

Gusto mo magtagumpay mga estudyante? Hindi lang review class. Bible study. Pagbulay-bulay araw-gabi. Doon magiging maginhawa lakad nila.

1. Maraming honor student, pero walang takot sa Diyos – Proverbs 1:7 “Ang takot kay Yahweh ang pasimula ng karunungan.”_ Pwede kang matalino, pero kung walang Diyos, ligaw ka pa rin.
2. Bullying, anxiety, su***de lumalala sa schools – Kasi puro grades tinuturo, walang identity. Romans 12:2 “Huwag kayong umayon sa mundong ito, kundi magbago sa pamamagitan ng pagbabago ng inyong pag-iisip.”Bible lang makakapag-reprogram ng isip.
3. Peer pressure > Parent advice – Kasi 8 hours kasama nila peers, 2 hours lang parents. Dapat may Bible Study para peers nila madala rin sa Word, hindi sa bisyo.
4. Character > Credentials – Pwede kang mag-graduate summa, pero kung mandaraya, sinungaling, walang respeto — talo ka pa rin sa buhay. Galacia 5:22-23. Bunga ng Espiritu tinuturo sa Bible Study.

KAYA ANO DAPAT GAWIN?
1. Parents: Mag-demand kayo – Humingi kayo ng Values Ed na Bible-based. Hindi lang “maging mabuting tao”. Dapat “maging katulad ni Cristo”.
2. Teachers: Maging ilaw kayo – Mateo 5:14-16. Kahit 5 minutes devotion bago mag-klase. Kahit verse of the day sa board.
3. Students: Mag-organize kayo– Campus Bible Study, Prayer Meeting, FCA, CCF Campus, etc. Walang pumipigil kung voluntary. Acts 1:8 – kayo maging witness sa school niyo.
4.Church: Magpadala kayo – Hindi lang youth sa church. Pasok sa campus. Adopt a school. Magturo. Mag-mentor.

Kapatid, hindi natin problema kakulangan ng classroom.
Problema natin kakulangan ng Salita sa loob ng classroom.

Pwede tayong magtayo ng 1000 school, pero kung walang Bible Study, magpapalaki lang tayo ng mga matatalino pero walang direksyon.
Pwede tayong mag-produce ng mga engineer, doctor, lawyer — pero kung walang puso para kay Lord, sino pakikinabangan ng bansa?

Kailangan ng Bible Study sa mga school.
Hindi para mang-convert by force.
Kundi para bigyan ng pag-asa, direksyon, at pag-ibig yung mga kabataang nalilito na.

“OO, KAILANGAN NG BIBLE STUDY SA SCHOOL”
kung naniniwala kang hindi lang grado dapat tinuturo, dapat din si Jesus.

"Hindi lang Math at Science ang kailangan ng estudyante.
Kailangan din nila ng Bible Study.

Kawikaan 22:6 – Ituro mo habang bata pa.”

Kapatid, pray natin schools natin. Isang henerasyon na may Word ni Lord = isang bansang babaguhin.

25/06/2026

𝗞𝗔𝗠𝗨𝗦𝗧𝗔 𝗔𝗡𝗚 𝗥𝗘𝗟𝗔𝗦𝗬𝗢𝗡 𝗠𝗢 𝗦𝗔 𝗣𝗔𝗡𝗚𝗜𝗡𝗢𝗢𝗡? 🫵🔥

Kamusta ka?

Kapag may problema ka, sino ang una mong hinahanap?

Kapag nasasaktan ka, sino ang una mong nilalapitan?

Kapag wala nang makaintindi sa'yo, sino ang una mong kinakausap?

Marahil simple lang ang mga tanong na ito, pero marami itong sinasabi tungkol sa ating relasyon sa Diyos.

Dahil kung sino ang una nating tinatakbuhan sa panahon ng kagipitan, siya rin ang madalas na pinakamalapit sa ating puso.

Pero kapatid, hindi lang dapat natin hanapin ang Diyos kapag may problema.

Hindi lang kapag may pagsubok.

Hindi lang kapag may kailangan.

Dahil ang tunay na relasyon ay hindi nabubuhay sa panahon ng emergency lamang.

𝗚𝗢𝗗 𝗗𝗘𝗦𝗜𝗥𝗘𝗦 𝗥𝗘𝗟𝗔𝗧𝗜𝗢𝗡𝗦𝗛𝗜𝗣, 𝗡𝗢𝗧 𝗝𝗨𝗦𝗧 𝗩𝗜𝗦𝗜𝗧𝗦✨

Minsan, parang ginagawa nating "visitor" ang Diyos sa buhay natin.

Kapag may problema, tinatawagan natin Siya.

Kapag may kailangan, hinahanap natin Siya.

Kapag may krisis, saka tayo nananalangin.

Pero kapag maayos na ang lahat, nakakalimutan na natin Siya.

Samantalang ang Diyos ay hindi naghahanap ng panandaliang atensyon.

Hinahanap Niya ang puso mo.

Hinahanap Niya ang relasyon mo sa Kanya.

Jeremias 29:13

"Hahanapin ninyo Ako at matatagpuan kapag buong puso ninyo Akong hahanapin."

Hindi sinabi ng Diyos na hanapin mo Siya kapag convenient.

Hindi sinabi ng Diyos na hanapin mo Siya kapag wala ka nang ibang choice.

Ang sabi Niya, hanapin mo Siya nang buong puso.

𝗠𝗔𝗟𝗔𝗣𝗜𝗧 𝗞𝗔 𝗣𝗔 𝗕𝗔?🔥
May mga panahon na dati excited kang mag-pray.

Excited kang magbasa ng Bible.

Excited kang sumamba.

Excited kang maglingkod.

Pero habang tumatagal, parang may nagbago.

Hindi ka naman umalis sa church.

Hindi ka naman tumigil maniwala.

Pero unti-unti nang lumalamig ang puso mo.

Unti-unti nang nawawala ang intimacy mo sa Diyos.

Apocalipsis 2:4

"Ngunit ito ang laban sa iyo: iniwan mo ang iyong unang pag-ibig."

Napansin mo ba?

Hindi naman biglaan ang paglayo sa Diyos.

Paunti-unti.

Hanggang sa dumating ang araw na kilala mo pa rin Siya sa isip, pero malayo na Siya sa puso mo.

𝗣𝗘𝗥𝗢 𝗛𝗜𝗡𝗗𝗜 𝗞𝗔 𝗜𝗡𝗜𝗜𝗪𝗔𝗡 𝗡𝗜 𝗟𝗢𝗥𝗗🙌

Kahit ilang beses kang nadapa.

Kahit ilang beses kang nanlamig.

Kahit ilang beses mong pinili ang ibang bagay kaysa sa Kanya.

Patuloy ka pa ring hinihintay ng Diyos.

Patuloy ka pa rin Niyang tinatawag.

Patuloy ka pa rin Niyang mahal.

Santiago 4:8

"Lumapit kayo sa Diyos at lalapit Siya sa inyo."

Napakagandang pangako.

Hindi sinabi ng Diyos na maging perpekto ka muna.

Hindi Niya sinabing ayusin mo muna ang lahat.

Ang sabi Niya:

"Lumapit ka."

Sa dami ng relasyon na mayroon tayo sa mundong ito, may isang relasyon na hindi natin dapat pabayaan.

At iyon ay ang relasyon natin sa Panginoon.🫶

Dahil darating ang panahon na maaaring iwan tayo ng tao.

Maaaring mabigo tayo sa mga bagay na inaasahan natin.

Maaaring mawala ang mga bagay na mahalaga sa atin.

Pero ang Diyos ay nananatiling tapat.

Kaya huwag mong hayaang lumipas ang isang araw na hindi mo Siya kinakausap.

Huwag mong hayaang maging normal ang pagiging malayo sa Kanya.

At huwag mong hayaang mapalitan ng mundo ang oras na para sa Diyos.

Because the strongest Christians are not those who know the most about God.

They are the ones who walk with Him daily.

And a healthy relationship with God is not built in one day, it's built every day. ❤️‍🔥

24/06/2026

𝗕𝗔𝗞𝗜𝗧 𝗞𝗨𝗠𝗔𝗞𝗔𝗠𝗣𝗜 𝗦𝗜𝗟𝗔 𝗦𝗔 𝗠𝗔𝗟𝗜 𝗞𝗘𝗦𝗔 𝗦𝗔 𝗡𝗔𝗚𝗦𝗔𝗦𝗔𝗕𝗜 𝗡𝗚 𝗧𝗢𝗧𝗢𝗢?

Ang katotohanan ay madalas masakit pakinggan.

Ang taong nagsasabi ng totoo ay hindi laging maganda ang sinasabi minsan ay itinutuwid ang mali, itinuturo ang pagkakamali, o inilalantad ang katotohanan na ayaw tanggapin ng marami.

Ang maling tao naman ay marunong magpalambing, magpuri, magbigay ng pansamantalang aliw, o magsalita ng kung ano ang gustong marinig ng iba.

Kaya natural lang na mas piliin ng tao ang nakagagaan ng pakiramdam, kahit ito ay kasinungalingan, kaysa sa nakasasakit ngunit totoo.

Kaya mas madaling piliin ng para sa iba ang madaling daan, kahit ito ay mali.

Dahil ang mga tao ay mahilig sa dilim kaysa sa liwanag, dahil masama ang kanilang mga gawa. - Juan 3:19

One of the reasons people choose to side to those who are wrong is because "Hindi pa nila nakikita ang tunay na Kulay nito"

Minsan, ang maling tao ay magaling magpanggap, magtago ng kasamaan, at magpakita ng mabuti sa paningin ng iba.

Habang ang katotohanan naman ay dahan-dahang lumalabas.
Kaya sa simula, parang panalo ang mali ngunit ito ay panandalian lamang.

📍Masakit ang hindi ka kampihan or hindi ka sang ayonan ng paligid mo kahit na tama ang mga sinasabi mo pero may nais ituro ang Diyos, sayo.

𝗛𝗶𝗻𝗱𝗶 𝗮𝗻𝗴 𝗱𝗮𝗺𝗶 𝗻𝗴 𝗸𝗮𝗸𝗮𝗺𝗽𝗶 𝗮𝗻𝗴 𝘀𝘂𝗸𝗮𝘁𝗮𝗻 𝗸𝘂𝗻𝗴 𝘀𝗶𝗻𝗼 𝗮𝗻𝗴 𝘁𝗮𝗺𝗮.

Kahit ikaw lang ang tumatayo sa katotohanan, at marami ang kumakampi sa mali, ikaw ang nasa panig ng Diyos.

Ang Diyos ay hindi bumibilang ng dami ng tao, kundi ang katapatan ng puso.

Noong panahon ni David, ni Moises, o ni Jesus, iilan lang ang sumang-ayon sa kanila, ngunit sila ang huli ang nagtagumpay.

📍Ang panalo ng mali ay panandalian lamang.
Ang katotohanan ay maaaring matagalan bago lumabas, ngunit hindi ito kailanman matatalo.

"Huwag kang mainis sa mga gumagawa ng masama… dahil sila ay matutuyong parang damo, at malalanta tulad ng luntiang halaman. Magtiwala ka sa Panginoon at gumawa ng mabuti."
- Awit 37:1–3

📍It is better to be hurt now by the truth than to succeed temporarily but lose your dignity and God's blessings.

𝗚𝗼𝗱 𝗮𝗹𝗹𝗼𝘄𝘀 𝘁𝗵𝗶𝘀 𝘁𝗼 𝘁𝗲𝘀𝘁 𝗮𝗻𝗱 𝗽𝘂𝗿𝗶𝗳𝘆 𝘆𝗼𝘂𝗿 𝗵𝗲𝗮𝗿𝘁.

Minsan, pinapayagan ng Diyos, na maranasan mo ito upang malaman mo kung ano talaga ang nasa puso mo.

- Mananatili ka pa rin ba sa katotohanan kahit walang naniniwala sa iyo?

- Mamahalin mo pa rin ba ang kapwa mo kahit sila ay kumampi laban sa iyo?

- Magtitiwala ka pa rin ba sa Diyos kahit parang matagal ang hustisya?

📍Ang taong nananatiling tapat sa gitna ng kawalan ng katarungan ay siyang pinakamatibay, at siyang pinagpapala nang lubos ng Diyos.

Ang Diyos ay sapat na bilang iyong kakampi.

Masakit isipin na hindi ka nila pinaniniwalaan, pero tandaan mo,
Ang pinakamahalaga ay hindi kung ano ang sinasabi ng tao tungkol sa iyo, kundi kung ano ang alam ng Diyos tungkol sa i puso mo.

“Kung ang Diyos ay kakampi natin, sino ang makakalaban sa atin?” — Roma 8:31

Don't let what they do change who you are.
Don't lower yourself to their level just because you are hurting.
Stay good.
Stay faithful.
Entrust everything to God.

📍God will have the final say on who is right. And on that day, you will realize that every bit of your suffering and integrity was worth it.

“Ang liwanag ay sumisikat sa dilim, at ang dilim ay hindi ito natalo.” - Juan 1:5

24/06/2026

Ganitong Soundtrip habang Kumakain sa Restaurant 😍😍

23/06/2026

𝗡𝗔𝗦𝗔 𝗙𝗘𝗟𝗟𝗢𝗪𝗦𝗛𝗜𝗣 𝗣𝗘𝗥𝗢 𝗧𝗔𝗛𝗜𝗠𝗜𝗞 𝗦𝗔 𝗚𝗜𝗟𝗜𝗗?

Naranasan mo naba na nasa Fellowship ka pero tahimik ka lang, nakikinig kalang hanggang matapos ang kwentuhan.

Walang masama na makinig, baka may mali lang kung matagal na pero wala ka parin kwento sa kanya.

Yung lahat may naranasan.
Lahat nakakilala na.
Halos lahat may kwento at patotoo kay Kristo ikaw tahimik sa sulok.

Lahat pinagyayabang nila si Jesus sa buhay nila tapos ikaw tahimik at nakatikom lang.

Maibabahagi mo lang si Jesus kung naranasan mo siya, pwedi kasing kilala mo lang siya pero wala kang naranasan sa kanya.

(LAHAT NAMAN KILALA SI JESUS, PERO HINDI LAHAT MAY KWENTO SA KANYA)

Some of Christians ngayon kilala lang si Jesus, dahil sa Pastor dahil kay Leader, Dahil sa Tiktok, or dahil sa paboritong Christian influencer pero walang sarili patotoo o naranasan kay Cristo.

"Sabi kasi ni Pastor namin si Jesus daw Healer"
"Sabi kasi ng Leader ko si Jesus daw Provider"
"Sabi kasi ng Favorite Christian influencer ko si Jesus daw ay Promise Keeper"
"Si Jesus daw savior"
"Si Jesus daw Comporter"
"He can do all things daw"
"Nothing is impossible daw kay Jesus"

Yes that's true lahat yan naranasan nila kay Cristo, Eh ikaw? Anong kwento mo? Anong karanasan mo kay Cristo?

📍Aasa ka nalang ba sa naririnig mo?
📍Aasa ka nalang ba sa kwento nila?

Dapat wag tayo ma settle sa mga naririnig lang natin dapat tayo mismo kilala natin kung sino si Jesus at maipagyabang mo sa buhay mo.

Masarap i-testify kapag ikaw mismo ang nakaranas, yung with Boldness mong sasagotin ang tanong na

"SINO SI JESUS SAYO?"

Just like Peter, When Jesus asked them during their fellowship.
"Sino ako sa inyo" ang sagot ng ilang apostle, "Ikaw daw si John The Baptist some says Ikaw daw si Elijah,
(The exciting part)
Here goes Peter answering His questions with boldness!

"IKAW ANG MESSIAH!"

"IKAW ANG CRISTO!"

"IKAW ANG ANAK NG DIYOS NA BUHAY!"

(Grabeng Boldness ni Peter that time!)

Sabi ni Jesus, mapalad ka dahil hindi sayo sinabi yan.

Bakit nasagot ni Peter yon?

Kasi Si Peter mismo naranasan niya si Jesus.
At nagbago ang buhay niya dahil kay
Jesus yung dating mangingisda ngayon mangingisda na ng Kaluluwa for advancing the Kingdom.

ΙKAW BA? Kaya mo rin bang sagutin ang tanong na SINO SI JESUS SAYO?

Tulad ni Peter, may lakas ka rin ba ng Loob ipagsigawan kung Sino si Jesus?

𝗘𝗫𝗖𝗜𝗧𝗜𝗡𝗚 𝗔𝗡𝗚 𝗙𝗘𝗟𝗟𝗢𝗪𝗦𝗛𝗜𝗣 𝗞𝗔𝗣𝗔𝗚 𝗟𝗔𝗛𝗔𝗧 𝗠𝗔𝗬 𝗥𝗘𝗟𝗔𝗧𝗜𝗢𝗡𝗦𝗛𝗜𝗣.
Hindi debate pero lahat may mga patotoo, kasi lahat may relationship na totoo.

Wag ka pumayag na nasa fellowship ka pero tahimik ka lang sa likod nila.

Let us be Like Peter wag tayo mag settle sa mga naririnig lang natin patungkol kay Jesus, dapat tayo mismo mag seek about Him, Dapat tayo mismo may testimony kung ano naranasan natin kay Jesus.

With BOLDNESS! I PAGYABANG mo si Jesus, in public dahil kilala mo siya, dahil naranasan mo siya.

Tandaan mas power ang Preaching kapag ikaw mismo ang nakaranas nito.

📍Inner witness, yan ang testimony na hindi mananakaw ng iba.

📍Mas power yung testimony kapag sayo mismo nangayari.

Payag ka pinagyayabang nila Si Jesus sa buhay nila tapos ikaw natikom lang?

Seek Him intentionally and you will find Him.

Fellowship is not just being together it’s growing together in faith.

Romans 1:16
[16] For I am not ashamed of the gospel, because it is the power of God that brings salvation to everyone who believes: first to the Jew, then to the Gentile.

Matthew 18:20
“For where two or three gather in my name, there am I with them.”

23/06/2026

𝙏𝙄𝙏𝙇𝙀: 𝘼𝙉𝙊 𝘼𝙉𝙂 𝙐𝙂𝘼𝙇𝙄 𝙉𝙂 𝙏𝙐𝙉𝘼𝙔 𝙉𝘼 𝙎𝙐𝙉𝘿𝘼𝙇𝙊 𝙉𝙄 𝘾𝙍𝙄𝙎𝙏𝙊

Nasusulat:
1 Samuel 17:26
[26]Tinanong ni David sa mga katabi niya, “Ano raw ang gantimpala sa sinumang makakapatay sa Filisteong iyan at sa makakapag-alis ng kahihiyan sa Israel? At sino ba ang paganong ito na humahamon sa hukbo ng Diyos na buháy?”

Sino mag-aakala na ang taong inutusan lamang maghatid ng makakain para sa kanyang mga kapatid na nakikipaglaban sa mga kaaway ang tunay na may ugaling Mandirigma, si David ang Tunay na Sundalo ni Cristo.

Yes, Si David ay inutusan lamang maghatid ng pagkain, pero sa kanyang paghatid ng Pagkain, lumabas sa kanya ang matagal ng nakatago, ito ay ang pagiging MANDIRIGMA. Dahil sa kanyang pagnanais na harapin si GOLIATH.

Isa-isahin natin kung ano ang makikita kay David, Anong ugali ang makikita sa isang Mandirigma/Sundalo ni Cristo.

📍BRAVE PERSON

Ang tunay na Sundalo ni Cristo, matapang! Hindi basta basta nasisiraan ng Loob. Ito ang ugali ni David.

1 Samuel 17:32
[32]Pagdating kay Saul, sinabi ni David, “Hindi po tayo dapat masiraan ng loob dahil lang sa Filisteong iyon. Ako po ang lalaban sa kanya.”

Hindi siya takot, kahit siya lang mag-isa ang haharap kay GOLIATH. Ang tunay na tapang Hindi yan nakikita kapag marami kang kasama , nakikita yan, kapag mag-isa ka nalang, Si David matapang at handa siyang harapin si GOLIATH mag-isa.

📍PROTECTIVE PERSON

Ang tunay na sundalo, Protective!
Hindi ka pwedeng maging sundalo ni Cristo kung hindi mo pinoprotektahan ang Lingkod o Bayan ng Diyos.

1 Samuel 17:34-35
[34]Ngunit sinabi ni David kay Saul, “Ako po ang nag-aalaga sa kawan ng aking ama. Kapag ang isa sa mga tupang inaalagaan ko ay tinatangay ng leon o oso,
[35]hinahabol ko po ito at inaagaw ang tupa. Kapag hinarap ako ng leon o ng oso, hinahawakan ko ito sa panga at pinapatay.

Grabe si David mag protekta sa mga tupa , at gayon din sa bayan ng Diyos. Actually pati nga sa taong nais siyang Paslangin(Si Haring Saul) grabe siya magprotect.

Bakit ganito si David? Kasi alam niyang Protektado siya ng Diyos.

Hindi ka pwedeng maging Sundalo, kung sarili mo lang ang iniingatan mo pero hindi ka marunong mag-ingat sa ibang tao.

📍PREPARED PERSON

Ang tunay na Sundalo, Laging Handa. Hindi siya nabibigla, lagi siyang may nakahandang plano.

1 Samuel 17:40-41
[40]Pagkatapos, dinampot niya ang kanyang tungkod. Namulot siya ng limang makikinis na bato sa sapa, inilagay sa kanyang supot na pampastol at lumakad upang harapin si Goliat.
[41]Si Goliat naman ay lumakad ding papalapit kay David, sa hulihan ng tagadala ng kanyang panangga.

Alam na alam ni David ang ginagawa niya, Hindi si Yahweh ang nag-utos sa kanya na dumapot ng Tungkod at Batong maninipis, Siya ang nag-isip at dahil Nakita ng Diyos na ginagawa ito ni David para sa Diyos, Sinamahan siya ng Diyos sa kanyang ginagawa.

Ang Sundalo ni Cristo, palaging Handa. Hindi ka pwedeng maging sundalo kong nasa Gyera ka na Hindi mo pa alam ang gagawin mo.

📍UNBOTHERED PERSON

Hindi natitinag sa salita ang Sundalo.

1 Samuel 17:42,45
[42]Nang makita niyang si David ay isa lamang kabataang may maamong hitsura, nilait niya ito,
[45]Sumagot si David, “Ang dala mo'y tabak, sibat at pantusok, ngunit lalabanan kita sa pangalan ni Yahweh, ang Makapangyarihang Diyos ng Israel na iyong hinahamak.

Nilait si David pero hindi siya nagpapaapekto sa salita.

Kung isang salita lang bagsak kana,. Hindi ka pwede maging Sundalo.

Ang sundalo Ni Cristo, kapag nilait lalong tumatapang makipaglaban tulad ni David. Nilait pero sumagot at lumaban kay GOLIATH.

📍STRONG PERSON

1 Samuel 17:54
[54]Dinala ni David sa Jerusalem ang ulo ni Goliat, ngunit iniuwi niya sa kanyang tolda ang mga sandata nito.

Mabigat ang ulo at mga sandata ni Goliath pero makita mo dito na makalas si David.

Ang tunay na sundalo, malakas, hindi papatay patay kumilos, siya ay aktibo, maliksi at equipped physically and Spiritually.

Kaya kapatid, Kung talagang Nais mong maging sundalo, be like David!
Have This Kind of Character, Hindi ito overnight pero kapag gusto siguradong makikita mo rin ito sa buhay mo.

God bless kapatid.

𝗣𝗿𝗮𝘆𝗲𝗿 𝗼𝗳 𝗔𝗰𝗰𝗲𝗽𝘁𝗮𝗻𝗰𝗲
Ama naming Banal Sa Langit,
Salamat po sa Buhay at sa Mensahe mo, ikaw ang aking Diyos at tagapagligtas. Patawarin mo ako sa aking mga kasalanan simula noong ako'y bata pa hanggang sa mga oras na ito, Pinagsisisihan ko itong lahat, pinapatawad ko rin ang lahat ng nagkakasala sa akin. Tinatanggap ko po ang iyong Anak na si Jesus bilang aking Panginoon at Tagapagligtas ang pinaku sa Krus, Namatay, inilibing at ikatlong araw ay muling nabuhay. Isulat mo po ang aking Pangalan sa Libro ng Buhay sa Langit.
Simula ngayon ikaw na po ang aking Ama at ako na po ang iyong Anak.
𝙄𝙉 𝙅𝙀𝙎𝙐𝙎 𝙉𝘼𝙈𝙀! 𝙄 𝙋𝙍𝘼𝙔, 𝘼𝙈𝙀𝙉!

River Of Life - Narra PH

26/06/2026

25/06/2026

25/06/2026

25/06/2026

25/06/2026

24/06/2026

24/06/2026

23/06/2026

23/06/2026

Address

Website

Alerts

Contact The Place Of Worship

Shortcuts

Share

Category