03/12/2024
๐๐๐๐ง๐๐ข๐ก๐ ๐๐ฅ๐๐ช ๐ก๐ ๐ฃ๐๐๐ฆ๐๐ฆ๐๐ฌ๐๐ ๐ฆ๐ ๐๐๐ฅ๐๐ก๐๐๐๐๐ก ๐ก๐ ๐ ๐๐๐๐ ๐ก๐ ๐๐๐ฅ๐๐๐ก ๐ก๐ ๐๐ก๐ ๐๐๐จ๐๐๐๐ ๐๐ข๐ก๐๐๐ฃ๐๐๐ข๐ก
(๐๐ฆ๐ค๐ฆ๐ฎ๐ฃ๐ฆ๐ณ 2)
Sa ngalan ng +Ama, at ng +Anak, at ng +Espiritu Santo. Amen.
N: O Diyos, halina at akoโy tulungan.
B: O Panginoon, magmadali ka sa iyong pagdamay.
N: Papuri sa Ama, at sa Anak, at sa Espiritu Santo.
B: Kapara noong una, ngayon at magpasawalang hanggan. Amen.
AWIT: INANG SAKDAL LINIS
Inang sakdal linis kami ay ihingi
Sa Diyos Ama naming awang minimithi.
Ave, Ave, Ave Maria 2X
Bayang tinubuaโy ipinagdarasal
At kapayapaan nitong sanlibutan.
Ave, Ave, Ave Maria 2X
PAGSISISI
B: Panginoong Hesukristo, Diyos na totoo at tao namang totoo, pinagsisisihan kong masakit sa tanang loob ko ang dilang pagkakasala ko sa iyo. Ikaw nga ang Diyos ko, Panginoon ko at Ama ko, na iniibig ko ng higit sa lahat. Nagtitika akong matibay na di na muling magkakasala sa iyo, at nagtitika naman akong magkumpisal ng dilang kasalanan ko. Umaasa akong patatawarin mo rin alang-alang sa iyong mahal na pasyon at pagkamatay sa krus dahilan sa akin. Amen.
PAMBUNGAD NA PANALANGIN
B: O Mahal na Birhen ng Inmaculada Concepcion, kaibig-ibig na anak ng Diyos Ama, kalinis-linisang Ina ng Diyos Anak at kabanal-banalang esposa ng Diyos Espiritu Santo, inihahandog namin sa iyo ang pagsisiyam na ito bilang parangal sa mga biyayang ipinagkaloob sa iyo ng Diyos, lalung-lalo na sa kalinis-linisang paglilihi sa iyo ni Santa Ana. Loobin mong magunita namin at isabuhay ang iyong tuwa, liwanag, hapis at luwalhati sa mga misteryo ng buhay at misyon ng Panginoong Hesukristo. Itulot mong matularan namin ang iyong kalinisan at kabanalan upang makamit ang iyong awa at kalinga sa ikararangal ng Diyos at ikabubuti ng aming kaluluwa, alang-alang kay Kristong aming Panginoon. Amen.
IKATLONG ARAW
TEMA Tulad ni Maria, Tinatawag ang mga Mahihirap na Ibahagi si Kristo sa Kapwa
PAGBASA Lucas 1:39-45
Makalipas ang ilang araw, gumayak si Maria at nagmamadaling pumunta sa isang bayang bulubundukin sa Judea, sa bahay ni Zacarias. Pagdating doon ay binati niya si Elisabet. Nang marinig ni Elisabet ang pagbati ni Maria, biglang gumalaw ang sanggol sa kanyang sinapupunan at siya ay napuspos ng Espiritu Santo. Napasigaw siya sa galak, "Pinagpala ka sa mga babae, at pinagpala rin ang dinadala mo sa iyong sinapupunan! Sino ako upang dalawin ng ina ng aking Panginoon? Sapagkat pagkarinig ko ng iyong pagbati ay gumalaw sa tuwa ang sanggol sa aking sinapupunan. Mapalad ka, sapagkat sumampalataya kang matutupad ang sinabi sa iyo ng Panginoon!"
PAGNINILAY SA IKATLONG ARAW
N: Nakita nating ang alipin o lingkod ng Panginoon na si Maria ay bumisita sa kanyang pinsang si Sta. Isabel. Baun-baon ang kagalakang hatid ng anghel, kanyang binisita ang pinsan na kung saan na nabahaginan din ng kagalakan na hatid ni Hesus na nasa kanyang sinapupunan. Hindi lang sinarili ni Maria ang kagalakang hatid ng Panginoon. Dahil puno siya ng biyaya, dumaloy din sa pinsan ang pagpapala kaya itoโy napuspos ng Espiritu Santo.
Ang mga mahihirap din ay may malaking bahagi sa plano ng kaligtasan ng Diyos. Tinatawagan ang mga mahihirap na hindi lang sila ang bisitahin ng mga taong simbahan na dala ang ebanghelyo, kundi sila rin ay maaaring maging tagapagdala at minsan nga ay mas mabuting na saksi ng ebanghelyo ni Kristo.
(sandaling katahimikan)
PANALANGIN SA IKATLONG ARAW
B: Amang mapagmahal, nawa ang diwang hatid ng pagbisita ni Maria sa kanyang pinsan ay maghatid ng inspirasyon sa mga mahihirap na tumugon sa panawagang maging tagapagdala at tagapagpalaganap ng ebanghelyo ni Kristo sa mundo. Patuloy na pagpalain Mo nawa ang mga biktima ng kahirapan, kawalang hustisya, digmaan, sakuna, at iba pa, na sa gitna ng kanilang kahirapan magawa pa rin nawa nilang maipahayag si Kristo. Ang kanilang presensiya nawa ay magbigay pagpapala at kagalakan lalo na sa kapwa mahihirap.
Hinihiling namin ito sa Iyo, sa pamamagitan ni Kristo, kasama ng Espiritu Santo magpasawalang hanggan. Amen.
MAGNIFICAT
N: Dinadakila ng aking kaluluwa ang Panginoon, at nagalak ang aking espiritu sa Diyos na aking Tagapagligtas.
B: Sapagka't nilingap niya ang kababaan ng kaniyang lingkod.
N: Mula ngayon ay tatawagin akong mapalad ng lahat ng saliโt-saling lahi. sapagka't gumawa sa akin ang Makapangyayari sa lahat ng mga dakilang bagay.
N: Banal ang tawag sa kanya at umaabot sa Kanyang awa sa lahat ng mga may takot sa kanya.
B: Ipinakita niya ang lakas ng Kanyang bisig, pinangalat ang mga taong may palalong puso.
N: Ibinulid sa luklukan ang mga makapangyarihan at itinampok ang mga mababang-loob.
B: Binusog Niya ng mga mabubuting bagay ang mga nagugutom at pinaalis niya na walang dala ang mayayaman.
N: Tinulungan Niya si Israel na Kanyang lingkod bilang alaala ng Kanyang awa.
B: Gaya ng ipinangako Niya sa ating mga magulang, kay Abraham at sa kanyang lahi magpakailanman.
N: Luwalhati sa Ama at sa Anak at sa Espiritu Santo.
B: Kapara noong una, ngayon at magpasawalahang hanggan. Amen.
B: Dinarakila ng aking kaluluwa ang Panginoon, at nagagalak ang aking espiritu sa Diyos na aking tagapagligtas.
PAGLUHOG
N: Pasalamatan natin ang Panginoon dahil sa kagandahang-loob Niya sa atin. Pinagingdapat Niya tayong tumanggap ng kanyang mga biyaya at pagpapala sa pamamagitan ni Maria, Inmaculda Concepcion, Ina at Patrona ng Naic. Halinaโt idulog natin sa kanya ang ating natatanging kahilingan sa pagsisiyam na ito.
(Sandaling katahimikan na susundan ng pagdarasal ng tatlong Aba Ginoong Maria)
N: Aba Ginoong Maria, napupuno ka ng grasya, ang Panginoon ay sumasaiyo, bukod kang pinagpala sa babaeng lahat at pinagpala naman ang โyong Anak na si Hesus.
B: Santa Maria Ina ng Diyos, ipinalangin mo kaming mga makasalanan, ngayon at kung kamiโy mamamatay. Amen.
MEMORARE
B: Alalahanin mo, O lubhang mahabaging Birheng Maria, kailanmanโy di narining na may dumudulog sa iyong pag-aampon, humihingi ng iyong tulong at nagmamakaawa ng iyong sakloo, na iyong pinabayaan. Dala ng pag-asa na ito, dumudulog ako sa iyo, O Birhen ng mga birhen, aming Ina, sa iyo akoโy lumalapit, sa iyo akoโy humaharap na makasalanan at namimighati, Ina ng walang hanggang berbo, huwag mo akong siphayuin, ang aking pagluhog, bagkus, sa iyong habag, pakinggan mo ako at pakapakinggan. Amen.
PANGWAKAS NA PANALANGIN
B: O Mahal na Birhen ng Inmaculada Concepcion, Inang kaibig-ibig, pinasasalamatan ka namin sa biyayang ipinagkaloob sa amin ng Ama sa pamamagitan mo. Ipagpatuloy mo sana ang iyong paglingap sa aming buhay nang umiral sa aming piling ang mga kaugaliang kristiyano โ ang pagdarasal ng sama-sama, ang pagmamahalan sa bawat isa at ang pagmamalasakit sa kapwa-tao. Sa aming pagdulog sa iyo, akayin mo kami patungo sa iyong Anak nang lumalim ang aming pananampalataya, pag-asa at pag-ibig sa gitna ng kadilimang dulot ng kasalanan, pakundangan sa kalinis-linisang paglilihi sa iyo, alang-alang kay Kristong aming Panginoon. Amen.
N: O Maria, ipinaglihing walang sala,
B: Ipinalangin mo kaming sa iyoโy dumudulog.
AWIT SA MAHAL NA BIRHEN LA PURISIMA.
I O Birhen La Purisima, O Inang sinisinta
Ikaโy aming kagalakan at lakas sa tuwina
Kami ay iyong lingapin, sa tuwinaโy pagpalain
Kay Hesus kami ay โyong samahan
Nang ang grasya ay makamtan.
KORO: Ina at Patrona ng Naic, kami ay nagdiriwang
Sa pagsinta mong tunay sa aming iyong mga anak.
II O Birhen La Purisima, O Inang walang sala
Sa ligalig ng buhay, kami ay ipag-adya
Sa aming paglalakbay, ikaw ang tala at gabay.
Kalinisan mo at kabanalan
Nawa ay aming matularan (Koro)
III O Birhen La Purisima, O Inang puspos ng grasya
Dinggin mong aming samo at dalangin ng puso
Pananampalataya, pag-asaโt pag-ibig
Pagtalima mo at katapatan
Sa Diyos ikaw ay ay huwaran. (Koro2X)
Sa ngalan ng +Ama, at ng +Anak, at ng +Espiritu Santo. Amen.
