MCC Family

Directions

MCC Family Muntinlupa Christian Church - New page

Thursday, October 31, 2024Salmo 34:15 – “Iniingatan ng Panginoon ang mga matuwid, at pinakikinggan Niya ang kanilang mga...
31/10/2024

Thursday, October 31, 2024

Salmo 34:15 – “Iniingatan ng Panginoon ang mga matuwid, at pinakikinggan Niya ang kanilang mga karaingan.”

Ayaw mo na?

Tinalikuran mo na ba ang pagdarasal para sa isang problemang matagal na at parang walang solusyon? Hindi ka ba sigurado kung ano ang ginagawa ng Diyos tungkol dito? Tandaan na ang panalangin ay paghingi sa Diyos ng tulong. Gusto Niya na makasama ka at hingin mo ang Kanyang pamumuno at kapangyarihan sa iyong buhay. Lagi kang pinakikinggan ng Diyos.

Sabi Niya sa Salmo 34:6 – “Noong wala na akong pag-asa, tumawag ako sa Panginoon. Akoʼy kanyang pinakinggan at iniligtas sa lahat ng mga dinaranas kong kahirapan.”

Mahal ka Niya at binigyan ka Niya ng regalo, ang Kanyang Anak na si Hesus, na namatay at muling nabuhay upang bigyan ka ng buhay na walang hanggan. Maaari kang magtiwala sa Kanya na gagawa para sa iyong ikabubuti. Be encouraged. Be challenged. Be blessed. Be a blessing. 🙏

Scripture reading: Jeremiah 31-32; Titus 2

Thursday, October 24, 2024Tito 2:11-12 – 11 “Sapagkat ang biyaya ng Diyos na nagbibigay ng kaligtasan ay inihayag na sa ...
24/10/2024

Thursday, October 24, 2024

Tito 2:11-12 – 11 “Sapagkat ang biyaya ng Diyos na nagbibigay ng kaligtasan ay inihayag na sa lahat ng tao. 12 Ito ang nagtuturo sa atin na talikuran ang kasamaan at makamundong pagnanasa. Kaya mamuhay tayo sa mundong ito nang maayos, matuwid at makadiyos.”

Naninindigan ka ba sa kung ano ang tama?

Ipinagtatanggol mo ba ang mga hindi tinatrato ng tama—kahit na nangangahulugan ito na minsan ay manindigan laban sa iyong mga kaibigan o mahal sa buhay? O sumasabay ka lang sa agos? Hindi ka ginawa ng Diyos na parang dikya, didikit at susunod lang sa iba—Binigyan ka Niya ng talino para tumayo sa tama!

1 Corinto 16:13 – “Maging listo kayo at magpakatatag sa inyong pananampalataya. Magpakatapang kayo at magpakatibay.”

Kung kilala mo si Jesus, sa tulong ng Banal na Espiritu ay binigyan ka rin Niya ng kapangyarihang sundin Siya at ipakita ang Kanyang pagmamahal sa iba. Magtiwala sa Kanya na pupunuin ka ng Kanyang katapangan na gawin ang tama, kahit na mahirap. Be encouraged. Be challenged. Be blessed. Be a blessing. 🙏

Scripture reading: Jeremiah 14-16; 1 Timothy 6:2a

Wednesday, October 23, 2024Colosas 3:23-24 – 23 “Anuman ang gawin nʼyo, gawin nʼyo ito nang buong katapatan na parang an...
22/10/2024

Wednesday, October 23, 2024

Colosas 3:23-24 – 23 “Anuman ang gawin nʼyo, gawin nʼyo ito nang buong katapatan na parang ang Panginoon ang pinaglilingkuran nʼyo at hindi ang tao. 24 Alam naman ninyong may gantimpala kayong matatanggap sa Panginoon, dahil si Cristo na Panginoon natin ang Siyang pinaglilingkuran ninyo.”

Paano ka maglingkod?

Naglilingkod ka ba sa Diyos sa bahay? Sa school? Sa iyong kapitbahay? Sa trabaho? Minsan, ayaw na natin dahil nakatingin tayo sa tao o kaya sa sitwasyon. Tandaan mo na hindi ka sa tao naglilingkod kundi kay Cristo. Tutulungan ka Niya na ibahagi ang pagmamahal ni Jesus sa iba ngayon, nasaan ka man. Kaya hilingin mo sa Kanya na ipakita sa iyo kung ano ang magagawa mo para sa Kanya ngayon.

Sabi pa Niya sa Colosas 3:17 – “At anuman ang ginagawa nʼyo, sa salita man o sa gawa, gawin nʼyo ang lahat bilang mananampalataya sa Panginoong Jesus, at magpasalamat kayo sa Diyos Ama sa pamamagitan Niya.”

Ang pagsamba ay hindi lamang isang araw. Ito ay magagawa mo rin sa lahat ng iyong ginagawa. Kaya, paglingkuran Si Jesus sa pamamagitan ng paghuhugas ng mga pinggan, paggapas ng mga damuhan, pagtulong sa isang kaibigan o kapitbahay, hindi pagiging tamad sa opisina, o anumang bagay na Kanyang pinagagawa sa iyo. Be encouraged. Be challenged. Be blessed. Be a blessing. 🙏

Scripture reading: Jeremiah 10-13; 1 Timothy 3-4

Address

26 Katihan Street , Poblacion
Muntinlupa City

Website

Alerts

Be the first to know and let us send you an email when MCC Family posts news and promotions. Your email address will not be used for any other purpose, and you can unsubscribe at any time.

Shortcuts

Share

Category