Little Friends of Jesus and Mary

28/05/2026

As we celebrate Pentecost and the Month of May, we also glorify and honor Mama Mary, whose faith and obedience became an inspiration to all believers. May she continue to guide us closer to her Son through prayer, love, and unity. 🙏💙

A heartfelt thank you to our dear sponsor, Sis. Kitchie San Pedro, for your generosity and support. May God bless you abundantly for your kind heart and willingness to help. 🙏✨

22/05/2026

💐
🌸Maria, Reyna ng Mayo, Gabay ng Puso at Buhay Katoliko⛪

✨Maria, Tulong ng mga Kristiyano (Mary Help of Christians)

Sa napakaraming titulo ng Mahal na Birheng Maria, isa sa pinakakilala at malalim ang kahulugan ay ang Maria, Tulong ng mga Kristiyano o Mary Help of Christians. Ang titulong ito ay nagpapakita ng paniniwala ng Simbahan na si Maria ay isang mapagmahal na Ina na patuloy na umaalalay at nananalangin para sa mga mananampalataya sa panahon ng pangangailangan at pagsubok.

Matagal nang ginagamit sa Simbahan ang titulong ito, ngunit higit itong naging tanyag noong panahon ng mga digmaan at malalaking pagsubok sa Europa. Noong taong 1571, iniuugnay ng mga Kristiyano ang tagumpay sa labanang pandagat ng mga Kristiyano laban sa mga mananakop sa pamamagitan ng panalangin ng Santo Rosaryo at pamamagitan ng Mahal na Birhen. Mula noon, lalo pang tumibay ang debosyon sa Mahal na Birhen bilang tagapagtanggol ng mga Kristiyano.

Ngunit ang opisyal na kapistahan ng Mary Help of Christians ay itinatag ni Pope Pius VII. Noong panahon ng pananakop ni Napoleon, siya ay dinakip at ikinulong. Habang nasa pagkakabilanggo, taimtim niyang ipinanalangin ang tulong ng Mahal na Birhen. Nang siya ay makalaya at makabalik sa Roma noong Mayo 24, 1814, bilang pasasalamat ay itinatag niya ang kapistahan ng Mary Help of Christians na ipinagdiriwang tuwing Mayo 24.

Mas lalo pang sumikat ang debosyong ito dahil kay Saint John Bosco o Don Bosco. Napakalaki ng kanyang pagmamahal kay Maria, Tulong ng mga Kristiyano. Madalas niyang sabihin na ang lahat ng biyaya sa kanyang gawain ay nagmumula sa tulong ng Mahal na Birhen. Dahil dito, kumalat ang debosyon sa maraming bansa at naging mahalagang bahagi ng mga paaralan at samahang Salesian.

Sa Pilipinas, itinalaga ang kanyang Dambada sa Paranaque at itinanghal bilang Basilica Menor at Pambansang Dambana.

Ang Mary Help of Christians, ngayong Flores de Mayo, ay nagpapaalala na si Maria ay hindi lamang Reyna ng Langit kundi isang Inang handang tumulong sa kanyang mga anak. Tulad ng pag-aalay ng mga bulaklak sa Flores de Mayo, iniaalay rin natin ang ating mga pag-asa, problema, at panalangin sa kanya. Kung paanong ang bulaklak ay sumisibol at namumulaklak, gayundin ang ating pananampalataya kapag inilalapit natin ang ating sarili sa Diyos sa pamamagitan ni Maria.

📸 Minor Basilica and National Shrine of Mary, Help of Christians, Paranaque City
--------------------------------------------------------------------------

🙏Panalangin kay Maria, Tulong ng mga Kristiyano📿

Mahal na Birheng Maria,
Tulong ng mga Kristiyano,
aming mapagmahal na Ina,
sa iyo kami lumalapit at humihingi ng iyong paggabay.
Tulungan mo kaming manatiling matatag sa aming pananampalataya at ilapit kami sa iyong Anak na si Hesus.
Sa oras ng aming kahinaan at pagsubok,
kami nawa’y iyong samahan at ipanalangin.

Amen. ✝️

21/05/2026

💐

🌸Maria, Reyna ng Mayo, Gabay ng Puso at Buhay Katoliko⛪

✨Mahal na Birhen ng Santo Rosario, Our Lady of La Naval de Manila:

Noong panahon ng pananakop ng mga Espanyol sa Pilipinas, may isang imahen ng Mahal na Birheng Maria na naging napakalapit sa puso ng mga Pilipino—ang Mahal na Birhen ng La Naval de Manila. Ang debosyong ito ay nagsimula sa isang imahen ng Birheng Maria at Sanggol na Hesus na ipinagawa noong 1593 ng mga Dominikano para sa mga mananampalataya sa Maynila. Ayon sa kasaysayan, ang imahen ay inukit ng isang Tsinong artisan na yumakap sa Kristiyanismo, gamit ang matibay na kahoy mula sa Pilipinas.

Ang imahen ay unang inilagak sa lumang simbahan ng Santo Domingo Church ng mga Dominikano. Sa paglipas ng panahon, lumalim ang debosyon ng mga tao sa Mahal na Birhen, lalo na noong taong 1646.

Sa taong iyon, limang malalaking labanan sa dagat ang naganap laban sa mga puwersang Olandes na nagbabantang sakupin ang Pilipinas. Bago sumabak sa laban, taimtim na nanalangin ang mga mandirigmang Pilipino at Espanyol at humingi ng tulong sa Mahal na Birhen habang nagdarasal ng Santo Rosaryo. Sa kabila ng pagiging mas maliit at kulang sa lakas ng kanilang hukbo, nagtagumpay sila sa limang labanan. Tinawag itong Battles of La Naval de Manila at itinuring ng marami na isang himala sa tulong ng Mahal na Birhen.

Bilang pasasalamat, nagsimulang ipagdiwang ang Mahal na Birhen ng La Naval. Sa pagdaan ng mga taon, lalo pang lumaganap ang debosyon at taun-taon itong ipinagdiriwang tuwing ikalawang Linggo ng Oktubre, kalimitang may prusisyon, pagdarasal ng Santo Rosaryo, at mga pagdiriwang ng pananampalataya.

Sa Panahon na ipinagdiriwang natin ang Flores de Mayo, tayo ay nagagalak dahil sa mga mabubuting bagay na naganap dahil sa tulong ng mga Panalangin ng Mahal na Ina. Ang mga maituturing na Himala sa pamimintuho sa Nuestra Señora de La Naval de Manila ay nagpapaalala sa atin na sa pag aalay natin ng ating nga bulaklak kasabay ng ating Panalangin, may pag-asa sa mga bagay na hinihingi natin sa Diyos. Dahil sa Diyos, ang lahat ng bagay ay makapangyayari ayon sa Kanyang loobin.
--------------------------------------------------------------------------

🙏Panalangin sa Mahal na Birhen ng La Naval de Manila 📿

Mahal na Birhen ng La Naval de Manila, mapagmahal naming Ina,
ipinagkakatiwala namin sa iyo ang aming pamilya, bayan, at pananampalataya.
Tulungan mo kaming manatiling matatag sa gitna ng pagsubok at ilapit mo kami sa iyong Anak na si Hesus.
Tulad ng mga naunang deboto mo,
turuan mo kaming magtiwala sa Diyos nang buong puso.

Amen.

Mahal na Birhen ng Santo Rosario, Nuestra Señora de La Naval de Manila, ipanalangin mo kami!

21/05/2026

Mga Pagbasa ngayong Araw ng Huwebes, Mayo 21, 2026 sa ika-Pitong Linggo sa Panahon ng Pasko ng Muling Pagkabuhay ng Panginoon

🪔📜🕊️
🕎📖🕎

📜 UNANG PAGBASA
Mga Gawa 22, 30; 23, 6-11

Pagbasa mula sa Mga Gawa ng Mga Apostol

Noong mga araw na iyon, ibig matiyak ng pinuno kung ano nga ang sakdal ng mga Judio laban kay Pablo, kaya’t pinagpulong niya kinabukasan ang mga punong saserdote at ang buong Sanedrin, saka kinalagan si Pablo, ipinanaog at iniharap sa kanila.

Alam ni Pablo na doo’y may mga Saduseo at Pariseo, kaya’t sinabi niya nang malakas, “Mga kapatid, ako’y Pariseo, anak ng mga Pariseo. Dahil sa pag-asa kong muling mabubuhay ang mga patay ako’y nililitis ngayon.” Matapos itong sabihin ni Pablo, nagtalu-talo ang mga Pariseo at ang mga Saduseo, at nahati ang kapulungan. Sapagkat ang sabi ng mga Saduseo, hindi muling mabubuhay ang mga patay at walang anghel o espiritu, subalit ang mga Pariseo nama’y naniniwala sa lahat ng ito. At lumakas ang kanilang sigawan. Tumindig ang ilan sa mga eskribang kapanig ng mga Pariseo at malakas na tumutol. “Wala kaming makitang pagkakasala ng taong ito. Ano kung may isang espiritu o isang anghel na nagsalita sa kanya?”

At nang maging mainitan na ang kanilang pagtatalo, natakot ang pinuno na baka lurayin nila si Pablo, kaya’t pinapanaog niya ang mga kawal, ipinakuha si Pablo at ipinapasok sa kuta.

Kinagabihan, tumayo ang Panginoon sa tabi ni Pablo at sinabi sa kanya, “Lakasan mo ang iyong loob! Nagpatotoo ka tungkol sa akin dito sa Jerusalem; ganyan din ang gawin mo sa Roma.”

Ang Salita ng Diyos.
(Salamat sa Diyos)

🎶 SALMONG TUGUNAN
Salmo 16, 1-2a at 5. 7-8. 9-10. 11

Tugon: D’yos ko, ang aking dalangi’y
ako’y iyong tangkilikin.

O Diyos, ako’y ingatan mo, ingatan ang iyong lingkod,
ang hangad ko ay maligtas kaya sa ‘yo dumudulog;
“Ika’y aking Panginoon,” ang wika ko sa aking Diyos,
“Kabutihang tinanggap ko, ay ikaw ang nagkaloob.”
Ikaw lamang, O P**n ko, ang lahat sa aking buhay,
ako’y iyong tinutugon sa lahat kong kailangan.

Tugon: D’yos ko, ang aking dalangi’y
ako’y iyong tangkilikin.

Pinupuri ko ang P**n na sa akin ay patnubay.
Kahit gabi diwa niya ang sa aki’y umaakay.
Nababatid ko na siya’y kasama ko oras-oras.
Sa piling n’ya kailanma’y hindi ako matitinag.

Tugon: D’yos ko, ang aking dalangi’y
ako’y iyong tangkilikin.

Kaya’t ako’y nagdiriwang, ang diwa ko’y nagagalak.
Ang lagi kong nadarama’y hindi ako matitinag.
Pagkat di mo tutulutang ang mahal mo ay malagak,
sa balon ng mga patay upang doon ay maagnas.

Tugon: D’yos ko, ang aking dalangi’y
ako’y iyong tangkilikin.

Ituturo mo ang landas na buhay ang hahantungan,
sa piling mo’y madarama ang lubos na kagalakan;
Ang tulong mo’y nagdudulot ng ligayang walang hanggan.

Tugon: D’yos ko, ang aking dalangi’y
ako’y iyong tangkilikin.

📖 MABUTING BALITA
Juan 17, 20-26

Ang Mabuting Balita ng Panginoon ayon kay San Juan
(Papuri ✝️ sa Iyo ✝️ Panginoon ✝️)

Noong panahong iyon, tumingala si Hesus at nanalangin, “Amang banal, hindi lamang ang aking mga alagad ang idinadalangin ko, kundi pati ang mga mananalig sa akin dahil sa kanilang pahayag. Maging isa nawa silang lahat, Ama. Kung paanong ikaw ay nasa akin at ako’y nasa iyo, gayun din naman, maging isa sila sa atin upang maniwala ang sanlibutan na ikaw ang nagsugo sa akin. Ang karangalang ibinigay mo sa akin ay ibinigay ko sa kanila upang sila’y ganap na maging isa, gaya nating iisa: ako’y nasa kanila at ikaw ay nasa akin, upang lubusan silang maging isa. At sa gayun, makikilala ng sanlibutan na sinugo mo ako, at sila’y iniibig mo katulad ng pag-ibig mo sa akin.”

“Ama, nais kong makasama sa aking kinaroroonan ang mga ibinigay mo sa akin, upang mamasdan nila ang karangalang bigay mo sa akin, sapagkat inibig mo na ako bago pa nilikha ang sanlibutan. Makatarungang Ama, hindi ka nakikilala ng sanlibutan, ngunit nakikilala kita; at nalalaman ng mga ibinigay mo sa akin na ikaw ang nagsugo sa akin. Ipinakilala kita sa kanila, at ipakikilala pa, upang ang pag-ibig mo sa akin ay sumapuso nila at ako nama’y sumakanila.”

Ang Mabuting Balita ng Panginoon.
(Pinupuri ka namin Panginoong Hesukristo ✝️)

21/05/2026

🌸🌸🌸RESHARING 💐💐💐💐

🌸 𝑪𝑶𝑴𝑬 𝑱𝑶𝑰𝑵 𝑶𝑼𝑹 𝑴𝑰𝑵𝑰 𝑺𝑨𝑵𝑻𝑨𝑪𝑹𝑼𝒁𝑨𝑵 & 𝑭𝑳𝑶𝑹𝑬𝑺 𝑫𝑬 𝑴𝑨𝑹𝑰𝑨! 🌸

Celebrate the beauty of faith and devotion at our Flores de Maria & Mini Santacruzan! 💐

🗓 When: May 31, 2026 (Sunday) | 2:00 PM
📍 Where: Our Lady of Grace, Estehonor Chapel

Let us dress in our best, offer our sweetest flowers, and honor the one who brought Jesus into the world — our beloved Mama Mary. A meaningful and fun experience for every child✨
“𝑩𝒖𝒘𝒂𝒏 𝒏𝒈 𝑴𝒂𝒚𝒐, 𝑨𝒍𝒂𝒚 𝒌𝒂𝒚 𝑴𝒂𝒓𝒊𝒂” – 𝑴𝒂𝒓𝒚, 𝑸𝒖𝒆𝒆𝒏 𝒐𝒇 𝑴𝒂𝒚, 𝒐𝒖𝒓 𝒉𝒐𝒑𝒆 𝒂𝒏𝒅 𝒈𝒍𝒐𝒓𝒚.

📞 𝗙𝗢𝗥 𝗗𝗘𝗧𝗔𝗜𝗟𝗦 & 𝗥𝗘𝗚𝗜𝗦𝗧𝗥𝗔𝗧𝗜𝗢𝗡:
𝗞𝗶𝗻𝗱𝗹𝘆 𝘃𝗶𝘀𝗶𝘁 𝗼𝗿 𝗰𝗼𝗻𝘁𝗮𝗰𝘁 𝗦𝗶𝘀. 𝗕𝗮𝗯𝘆 𝗧𝗶𝘂

20/05/2026

💐

🌸Maria, Reyna ng Mayo, Gabay ng Puso at Buhay Katoliko⛪

✨Mahal na Ina ng Laging Saklolo (Our Mother of Perpetual Help)

Sa kasaysayan ng debosyon sa Mahal na Birheng Maria, isa sa pinakamamahal at pinakatanyag sa buong mundo ang Mahal na Ina ng Laging Saklolo. Ang kanyang larawan ay hindi simpleng pinta lamang kundi isang banal na ikonang Byzantine na pinaniniwalaang ginawa noong ika-13 hanggang ika-15 siglo. Gayunman, hanggang sa kasalukuyan ay hindi tiyak kung sino ang tunay na gumuhit o nagpinta ng orihinal na larawan. Hindi naitala ang pangalan ng pintor sapagkat noong panahong iyon, maraming gumagawa ng mga banal na ikono ang hindi naglalagay ng kanilang pangalan. Para sa kanila, ang paggawa ng sagradong larawan ay hindi para sa personal na karangalan kundi isang paglilingkod at panalangin para sa Diyos.

Ang larawan ay ginawa ayon sa tradisyong Byzantine iconography, isang sinaunang paraan ng pagpipinta ng mga banal na larawan. Makikita rito ang Mahal na Birheng Maria na karga ang Batang Hesus. Sa magkabilang panig ay mga anghel—si San Miguel at San Gabriel—na may dalang mga simbolo ng magiging paghihirap ni Hesus. Makikita rin sa larawan ang tila natanggal na sandalyas ng Batang Hesus, tanda ng Kanyang pagkabigla at paglapit sa Kanyang Ina para sa pag-aaruga at kapanatagan.

Ayon sa matandang salaysay, isang mangangalakal ang kumuha ng banal na imahen mula sa isla ng Crete at dinala ito sa Roma noong bandang 1499. Sa paglipas ng panahon, naging tanyag ang larawan dahil sa mga biyayang iniuugnay rito. Dumating man ang panahon na tila ito ay nakalimutan, muli naman itong ipinakita sa mga mananampalataya.

Noong 1866, ipinagkatiwala ni Pope Pius IX sa mga pari ng Congregation of the Most Holy Redeemer ang banal na larawan at iniutos niya: “Ipakilala siya sa buong mundo.” Mula noon, mabilis na lumaganap ang debosyon sa Mahal na Ina ng Laging Saklolo hanggang sa makarating ito sa Pilipinas, kung saan naging napakalalim ng pagmamahal ng mga deboto sa kanya.

Ang opisyal na kapistahan ng Mahal na Ina ng Laging Saklolo ay ipinagdiriwang tuwing Hunyo 27.

Sa panahon ng Flores de Mayo, ang debosyong ito ay may magandang kaugnayan sapagkat ang buwan ng Mayo ay nakalaan sa Mahal na Birheng Maria. Ang mga bulaklak na iniaalay ng mga bata at pamilya ay hindi lamang dekorasyon; simbolo rin ito ng pag-ibig at pagtitiwala sa isang Ina na laging handang dumamay at sumaklolo. Tulad ng Mahal na Ina ng Laging Saklolo, si Maria ay nananatiling malapit sa kanyang mga anak sa oras ng takot, pangamba, at pangangailangan.

--------------------------------------------------------------------------

🙏Panalangin sa Mahal na Ina ng Laging Saklolo

Mahal na Ina ng Laging Saklolo,
ikaw na aming mapagmahal na Ina,
lumalapit kami sa iyo nang may buong pagtitiwala.
Sa aming kahinaan at pangangailangan,
kami ay iyong akayin patungo kay Hesus. Turuan mo kaming maging matatag sa pananampalataya at mapagmahal sa kapwa. Sa bawat pagsubok ng aming buhay,
ipaalala mong hindi kami nag-iisa sapagkat ikaw ay laging handang sumaklolo.

Amen.

Mahal na Ina ng Laging Saklolo, ipanalangin mo kami ✝️

20/05/2026

Mga Pagbasa ngayong Araw ng Miyerkules, Mayo 20, 2026 sa ika-Pitong Linggo sa Panahon ng Pasko ng Muling Pagkabuhay ng Panginoon ✝️

🪔📜🕊️
🕎📖🕎

📜 UNANG PAGBASA
Mga Gawa 20, 28-38

Pagbasa mula sa Mga Gawa ng Mga Apostol

Noong mga araw na iyon, sinabi ni Pablo sa matatanda ng simbahan ng Efeso: “Ingatan ninyo ang inyong sarili at ang lahat ng kabilang sa kawan, sapagkat inilagay sila ng Espiritu Santo sa inyong pag-iingat. Pangalagaan ninyo ang simbahan ng Diyos, na kanyang tinubos sa pamamagitan ng kamatayan ng kanyang sariling Anak. Alam kong pagkaalis ko’y magsisipasok ang mababangis na asong-gubat at walang patawad na sisilain ang kawan. Mula na rin sa inyo’y lilitaw ang mga taong magsasalita ng kasinungalingan upang mapasunod ang mga alagad, at sa gayo’y mailigaw sila. Kaya’t mag-ingat kayo, at alalahanin ninyong tinuruan ko kayo gabi’t araw sa loob ng tatlong taon — at maraming luha ang pinuhunan ko.”

“At ngayo’y itinatagubilin ko kayo sa Diyos at sa kanyang salita na nagpapahayag ng kanyang kagandahang-loob. Siya ang makapagpapatibay sa inyo at makapagbibigay ng lahat ng pagpapalang inilaan niya sa lahat ng kanyang pinapaging-banal. Hindi ko hinangad ang pilak, ginto o pananamit ninuman. Alam ninyong nagbanat ako ng buto upang kumita ng ikabubuhay naming magkakasama. Sa lahat ng pagkakataon, ipinakita ko sa inyo na sa pamamagitan ng ganitong pagpapagal ay dapat ninyong tulungan ang mahihirap. Alalahanin ang mga salita ng Panginoong Hesus: ‘Higit na mapalad ang magbigay kaysa tumanggap.’”

Pagkasabi nito, lumuhod si Pablo at nanalanging kasama nila. Silang lahat ay umiiyak at hinagkan si Pablo. Labis nilang ikinalungkot ang kanyang sinabing siya’y hindi na nila makikita uli. At siya’y inihatid nila sa barko.

Ang Salita ng Diyos.
(Salamat sa Diyos)

🎶 SALMONG TUGUNAN
Salmo 68, 29-30. 33-35a. 35b-36k

Tugon: Tanang mga kaharian,
ang P**ng D’yos ay awitan.

Sana’y iyong ipadama ang taglay mong kalakasan,
ang lakas na ginamit mo noong kami’y isanggalang.
Magmula sa Jerusalem, sa iyong tahanang templo,
na pati ang mga hari doo’y naghahandog sa iyo.

Tugon: Tanang mga kaharian,
ang P**ng D’yos ay awitan.

Umawit sa Panginoon ang lahat ng kaharian,
awitan ang pagpupuri’t ang P**n ay papurihan!
Purihin ang naglalakbay sa matandang kalangitan;
mula roo’y maririnig ang malakas niyang sigaw!

Tugon: Tanang mga kaharian,
ang P**ng D’yos ay awitan.

Ipahayag ng balana ang taglay na kalakasan,
siya’y hari ng Israel, maghahari siyang tunay;
‘yang taglay niyang lakas ay buhat sa kalangitan.
Kahanga-hanga ang Diyos sa santwaryo niyang banal,
siya ang Diyos ng Israel na sa tana’y nagbibigay
ng kapangyariha’t lakas na kanilang kailangan.

Tugon: Tanang mga kaharian,
ang P**ng D’yos ay awitan.

📖 MABUTING BALITA
Juan 17, 11b-19

Ang Mabuting Balita ng Panginoon ayon kay San Juan
(Papuri ✝️ sa Iyo ✝️ Panginoon ✝️)

Noong panahong iyon, si Hesus ay tumingala sa langit, nanalangin at ang wika: “Amang banal, ingatan mo sila sa pamamagitan ng kapangyarihan ng iyong pangalan, pangalang ibinigay mo sa akin, upang sila’y maging isa, kung paanong tayo’y iisa. Habang kasama nila ako, iningatan ko sila sa pamamagitan ng kapangyarihan ng iyong pangalang ibinigay mo sa akin. Inalagaan ko sila at ni isa’y walang napahamak, liban sa taong humanap ng kanyang kapahamakan, upang matupad ang Kasulatan. Ngunit ngayon, ako’y papunta na sa iyo; at sinasabi ko ito habang ako’y nasa sanlibutan upang mapuspos sila ng aking kagalakan. Naibigay ko na sa kanila ang iyong salita; at kinapootan sila ng sanlibutan, sapagkat hindi na sila makasanlibutan, tulad kong hindi makasanlibutan. Hindi ko idinadalanging alisin mo sila sa sanlibutan, kundi iligtas mo sila sa Masama! Hindi sila makasanlibutan, tulad kong hindi makasanlibutan. Italaga mo sila sa pamamagitan ng katotohanan; ang salita mo’y katotohanan. Kung paanong sinugo mo ako sa sanlibutan, gayun din naman, sinusugo ko sila sa sanlibutan. At alang-alang sa kanila’y itinalaga ko ang aking sarili, upang maitalaga rin sila sa pamamagitan ng katotohanan.”

Ang Mabuting Balita ng Panginoon.
(Pinupuri ka namin Panginoong Hesukristo ✝️)

19/05/2026

🌸 𝑪𝑶𝑴𝑬 𝑱𝑶𝑰𝑵 𝑶𝑼𝑹 𝑴𝑰𝑵𝑰 𝑺𝑨𝑵𝑻𝑨𝑪𝑹𝑼𝒁𝑨𝑵 & 𝑭𝑳𝑶𝑹𝑬𝑺 𝑫𝑬 𝑴𝑨𝑹𝑰𝑨! 🌸

Celebrate the beauty of faith and devotion at our Flores de Maria & Mini Santacruzan! 💐

🗓 When: May 31, 2026 (Sunday) | 2:00 PM
📍 Where: Our Lady of Grace, Estehonor Chapel

Let us dress in our best, offer our sweetest flowers, and honor the one who brought Jesus into the world — our beloved Mama Mary. A meaningful and fun experience for every child✨
“𝑩𝒖𝒘𝒂𝒏 𝒏𝒈 𝑴𝒂𝒚𝒐, 𝑨𝒍𝒂𝒚 𝒌𝒂𝒚 𝑴𝒂𝒓𝒊𝒂” – 𝑴𝒂𝒓𝒚, 𝑸𝒖𝒆𝒆𝒏 𝒐𝒇 𝑴𝒂𝒚, 𝒐𝒖𝒓 𝒉𝒐𝒑𝒆 𝒂𝒏𝒅 𝒈𝒍𝒐𝒓𝒚.

📞 𝗙𝗢𝗥 𝗗𝗘𝗧𝗔𝗜𝗟𝗦 & 𝗥𝗘𝗚𝗜𝗦𝗧𝗥𝗔𝗧𝗜𝗢𝗡:
𝗞𝗶𝗻𝗱𝗹𝘆 𝘃𝗶𝘀𝗶𝘁 𝗼𝗿 𝗰𝗼𝗻𝘁𝗮𝗰𝘁 𝗦𝗶𝘀. 𝗕𝗮𝗯𝘆 𝗧𝗶𝘂

26/06/2023

NAGTITIWALA KAMI SA IYO PANGINOON ✨

Sa panahong puso ay puno ng takot at pangamba

Liwanag mo ay nagsisilbing gabay sa tuwina

Takot ay napawi sa iyong walang hanggang awa

Kami ay mapayapa sa aming pagtitiwala

Ika-apat na linggo ng Little Friends of Jesus and Mary. Ang pagsisimba ng sama-sama upang ikaw ay makita at makasama 💒

26/06/2023

NAGTITIWALA KAMI SA IYO PANGINOON ✨

Sa panahong puso ay puno ng takot at pangamba

Liwanag mo ay nagsisilbing gabay sa tuwina

Takot ay napawi sa iyong walang hanggang awa

Kami ay mapayapa sa aming pagtitiwala

Ika-apat na linggo ng Little Friends of Jesus and Mary. Ang pagsisimba ng sama-sama upang ikaw ay makita at makasama 💒

19/06/2023

GAWIN NATING SUNDATE WITH THE LORD ANG BUONG SUNDAY MO 🫶🏻

Ang Little Friends of Jesus and Mary ay nagiinvite pa ng mga kids na gustong maging parte ng aming gawain.

Maaari kang sumama sa aming dalawang branch sa Our Lady of Grace Chapel - LFJM Estehonor Branch o sa 7-B Ilaya Branch.

Hihinikayat namin ang lahat mga bata edad 4-10 years old na maging parte ng LFJM Kids Ministry at makisaya habang natuto sa salita ng Diyos.

Ang mga edad 11-15 years old naman ay maaari ng tumulong at maging LFJM Kids Facilitators na iikot sa dalawang branch.

Sa mga 16-18 years old naman ay maaari na kayong maging LFJM Youth Facilitators na magiging gabay ng mga LFJM Kids Facilitators sa gawain.

Kung ikaw naman ay edad 19 years old and above maaari na kayong maging bahagi ng LFJM Advisers Team na magiging haligi ng mga programa para sa mga bata.

Sa mga gusto naman magserve sa misa kami ay nagdadaos ng program ng 2:00 p.m. - 5:00 p.m. at nagseserve sa huling misa.

Kung ikaw ay intresado ay maari ka ng magmessage sa group na ito upang maging bahagi ng aming pamilya at komunidad. 💒