Immaculate Conception Chapel - Jovil III Village

24/12/2024

Merry Christmas 🌲🌲 everyone!
Part1

23/12/2024

9th Simbang Gabi!
Immaculate Conception Chapel - Jovil III Village
Merry Christmas to all!Good Health for Everyone!

24/07/2024

Sa patuloy na paglakas ng ulan at pananalanta ng Bagyo at Habagat, tayo'y sama-samang manalangin sa Panginooong Maykapal para sa kaligtasan ng lahat, lalo na sa mga lugar na nakakaranas ng masungit na panahon.

Nawa, tayo ay patuloy na kalingain ng Mahal na Birhen ng Antipolo, ang Ina nating mga Pilipino, upang ipag-adya tayo sa anumang kalamidad.

Mahal na Birhen ng Kapayapaan at Mabuting Paglalakbay, Ipanalangin mo kami!

14/02/2024

𝗙𝗲𝗯𝗿𝘂𝗮𝗿𝘆 𝟭𝟰, 𝟮𝟬𝟮𝟯
𝘈𝘴𝘩 𝘞𝘦𝘥𝘯𝘦𝘴𝘥𝘢𝘺 (𝘝𝘪𝘰𝘭𝘦𝘵)

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Joel 2, 12-18

Pagbasa mula sa aklat ni propeta Joel

Sinasabi ngayon ng Panginoon:
“Mataimtim kayong magsisi at manumbalik sa akin,
kayo’y mag-ayuno, managis at magdalamhati.
Magsisi kayo nang taos sa puso, hindi pakitang-tao lamang.”
Magbalik-loob kayo sa Panginoon na inyong Diyos.
Siya’y may magandang-loob at puspos ng awa,
mapagpahinuhod at tapat sa kanyang pangako;
laging handang magpatawad at hindi magpaparusa.
Maaaring lingapin kayo ng Panginoon at bigyan ng masaganang ani.
Kung magkagayon, mahahandugan natin siya ng haing butil at alak.
Ang trumpeta ay hipan ninyo, sa ibabaw ng Bundok ng Sion;
iutos ninyo na mag-ayuno ang lahat,
tawagin ninyo ang mga tao para sa isang banal na pagtitipon.
Tipunin ninyo ang lahat, matatanda’t bata,
pati mga sanggol at maging ang mga bagong kasal.
Mga saserdote, kayo’y tumayo sa pagitan ng pasukan at ng dambana,
manangis kayo’t manalangin nang ganito:
“Mahabag ka sa iyong bayan, O Panginoon.
Huwag mong tulutang kami’y hamaki’t pagtawanan ng ibang mga bansa at tanungin,
‘Nasaan ang inyong Diyos?’”
Pagkaraan, ipinamalas ng Panginoon na siya’y nagmamalasakit sa kanyang bayan.

Ang Salita ng Diyos.

𝗦𝗔𝗟𝗠𝗢𝗡𝗚 𝗧𝗨𝗚𝗨𝗡𝗔𝗡
Salmo 50, 3-4, 5-6a. 12-13. 14 at 17

P**n, iyong kaawaan
kaming sa ‘yo’y nagsisuway.

Ako’y kaawaan, O mahal kong Diyos,
sang-ayon sa iyong kagandahang-loob
mga kasalanan ko’y iyong pawiin,
ayon din sa iyong pag-ibig sa akin!
Linisin mo sana ang aking karumhan
at ipatawad mo yaring kasalanan!

P**n, iyong kaawaan
kaming sa ‘yo’y nagsisuway.

Ang pagsalansang ko ay kinikilala,
laging nasa isip ko at alaala.
Sa iyo lang ako nagkasalang tunay,
at ang nagawa ko’y di mo nagustuhan.

P**n, iyong kaawaan
kaming sa ‘yo’y nagsisuway.

Isang pusong tapat sa aki’y likhain,
bigyan mo, O Diyos, ng bagong damdamin.
Sa iyong harapa’y h’wag akong alisin;
ang Espiritu mo ang papaghariin.

P**n, iyong kaawaan
kaming sa ‘yo’y nagsisuway.

Ang galak na dulot ng ‘yong pagliligtas,
ibalik at ako ay gawin mong tapat.
Turuan mo akong makapagsalita,
at pupurihin ka sa gitna ng madla.

P**n, iyong kaawaan
kaming sa ‘yo’y nagsisuway.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
2 Corinto 5, 20 – 6, 2

Pagbasa mula sa ikalawang sulat ni Apostol San Pablo sa mga taga-Corinto

Mga kapatid, ako’y sugo ni Kristo; parang ang Diyos na rin ang namamanhik sa inyo sa pamamagitan ko: makipagkasundo kayo sa Diyos. Hindi nagkasala si Kristo, ngunit dahil sa atin, siya’y ibinilang na makasalanan upang makipag-isa tayo sa kanya at mapabanal sa harapan ng Diyos sa pamamagitan niya.

Yamang kami’y mga katulong sa gawain ng Diyos, ipinamamanhik namin sa inyo na huwag ninyong sayangin ang pagkakataong ibinibigay sa atin ng Diyos. Sapagkat sinasabi niya:

“Sa kaukulang panahon ay pinakinggan kita,
Sa araw ng pagliligtas, sinaklolohan kita.”

Tingnan ninyo! Ngayon na ang panahong nararapat! Ngayon ang araw ng pagliligtas!

Ang Salita ng Diyos.

𝗔𝗪𝗜𝗧 𝗣𝗔𝗠𝗕𝗨𝗡𝗚𝗔𝗗 𝗦𝗔 𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Salmo 94, 8ab

Kapag ngayo’y napakinggan
ang tinig ng P**ng mahal,
huwag na ninyong hadlangan
ang pagsasakatuparan
ng mithi n’ya’t kalooban.

𝙈𝘼𝘽𝙐𝙏𝙄𝙉𝙂 𝘽𝘼𝙇𝙄𝙏𝘼
Mateo 6, 1-6. 16-18

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa kanyang mga alagad: “Pag-ingatan ninyo na huwag maging pakitang-tao lamang ang paggawa ninyo ng mabuti. Kapag ganyan ang ginawa ninyo, wala kayong matatamong gantimpala buhat sa inyong Amang nasa langit.

“Kaya nga, kapag naglilimos ka, huwag mo nang ipagmakaingay ito, katulad ng ginagawa ng mga mapagpaimbabaw doon sa sinagoga at sa mga lansangan. Ginagawa nila ito upang purihin sila ng mga tao. Sinasabi ko sa inyo: tinanggap na nila ang kanilang gantimpala. Ngunit kung naglilimos ka, huwag mo nang ipaalam ito kahit sa iyong pinakamatalik na kaibigan upang malihim ang iyong paglilimos. At gagantihin ka ng iyong Amang nakakikita ng kabutihang ginagawa mo nang lihim.

“At kapag nananalangin kayo, huwag kayong tumulad sa mga mapagpaimbabaw. Mahilig silang manalangin nang patayo sa mga sinagoga at sa mga panulukang-daan, upang makita ng mga tao. Sinasabi ko sa inyo: tinanggap na nila ang kanilang gantimpala. Ngunit kapag mananalangin ka, pumasok ka sa iyong silid at isara mo ang pinto. Saka ka manalangin sa iyong Amang hindi mo nakikita, at gagantihin ka ng iyong Amang nakakikita ng kabutihang ginagawa mo nang lihim.

“Kapag nag-aayuno kayo, huwag kayong magmukhang malungkot, tulad ng mga mapagpaimbabaw. Hindi sila nag-aayos upang malaman ng mga tao na sila’y nag-aayuno. Sinasabi ko sa inyo: tinanggap na nila ang kanilang gantimpala. Kapag ikaw ay nag-aayuno, mag-ayos ka ng buhok at maghilamos upang huwag mapansin ng mga tao na nag-aayuno ka. Ang iyong Amang hindi mo nakikita ang siya lamang nakaaalam nito. Siya, na nakakikita ng kabutihang ginagawa mo ng lihim, ang gaganti sa iyo.”

Ang Mabuting Balita ng Panginoon.

𝗣𝗔𝗡𝗔𝗟𝗔𝗡𝗚𝗜𝗡 𝗡𝗚 𝗕𝗔𝗬𝗔𝗡
Miyerkules ng Abo
Patnubay sa Misa

Sa pagsisimula natin ng Panahon ng Kuwaresma, alalahanin natin ang ating mga pagkukulang, ang karahasan ng tukso, at ang pangangailangan natin ng tulong ng Diyos.

Baguhin Mo ang aming puso, O Panginoon!

Nawa’y ang Simbahan ay walang takot na manawagan sa lahat para sa pagbabalik-loob at mag-akay sa kanila sa pamamagitan ng kanyang halimbawa, manalangin tayo!

Nawa’y lahat ng ating mga pinuno sa bayan at sa simbahan ay magdulot ng inspirasyon sa pamamagitan ng kanilang kababaang-loob, kalinisan, at katapatan, manalangin tayo!

Nawa’y lahat ng mga magulang, g**o, at katekista ay makapag-punla sa kabataan ng katapatan sa tungkulin ayon sa motibong matuwid at marangal at hindi para mapuri ng balana, manalangin tayo!

Nawa’y lahat ng nang-aapi sa kapwa sa pamamagitan ng kanilang kapusukan, kasakiman, at kalupitan ay magtigil na sa kanilang masasamang gawi at matutong gumalang at magmahal sa kanilang kapwa, manalangin tayo!

Nawa’y lahat tayo’y magsimula sa Kuwaresmang ito tigib ng kababaang-loob, pagsisisi sa ating mga kasalanan, at kapasiyahang magbagong-buhay, manalangin tayo!

Panginoong Diyos, sa Iyo’y dumudulog kaming nagsisisi sa aming mga kasalanan at tapat na naghahangad ng pagbabago sa puso at isipan. Nawa ang aming buhay ay tuwinang maging pagbibigay-puri sa Iyo. Sa pamamagitan ni Kristong aming Panginoon.

Amen!

13/02/2024

𝗙𝗲𝗯𝗿𝘂𝗮𝗿𝘆 𝟭𝟬, 𝟮𝟬𝟮𝟯
San Isidro Labrador Parish - Montalban
Ministry of Lectors and Commentators
𝘓𝘦𝘯𝘵𝘦𝘯 𝘙𝘦𝘤𝘰𝘭𝘭𝘦𝘤𝘵𝘪𝘰𝘯

12/02/2024

11/02/2024

𝗙𝗲𝗯𝗿𝘂𝗮𝗿𝘆 𝟭𝟭, 𝟮𝟬𝟮𝟯
Ika-Anim na Linggo sa Karaniwang Panahon
𝘞𝘰𝘳𝘭𝘥 𝘋𝘢𝘺 𝘰𝘧 𝘵𝘩𝘦 𝘚𝘪𝘤𝘬
Presided by 𝙍𝙚𝙫𝙚𝙧𝙚𝙣𝙙 𝙁𝙖𝙩𝙝𝙚𝙧 𝘽𝙚𝙣𝙤𝙞𝙩 𝘽𝙖𝙢𝙗𝙞𝙡𝙚 𝙇𝙪𝙖𝙣𝙮𝙞, 𝘾𝙄𝘾𝙈

𝗨𝗡𝗔𝗡𝗚 𝗣𝗔𝗚𝗕𝗔𝗦𝗔
Levitico 13, 1-2. 44-46

Pagbasa mula sa aklat ng Levitico

Sinabi ng Panginoon kina Moises at Aaron, “Kung ang balat ninuman ay magbago ng kulay, mamaga o kaya’y magkaroon ng singaw na parang ketong, dadalhin siya kay Aaron o sa mga anak niyang saserdote. Ituturing siyang marumi at di ito dapat kaligtaang ipahayag ng saserdote.

“Ang mga may ketong ay dapat magsuot ng sirang damit, hindi magsusuklay, tatakpan ang kanyang nguso at laging sisigaw ng, ‘Marumi! Marumi!’ Hanggang may sugat, siya’y ituturing na marumi at sa labas ng kampamento mamamahay na mag-isa.”

Ang Salita ng Diyos.

𝗦𝗔𝗟𝗠𝗢𝗡𝗚 𝗧𝗨𝗚𝗨𝗡𝗔𝗡
Salmo 31, 1-2. 5. 11

Sa ‘yong tulong at pagtubos
ako’y binigyan mong lugod.

Mapalad ang tao na pinatawad na yaong kasalanan,
at nalimot na rin ang kanyang nagawang mga pagsalansang;
mapalad ang taong sa harap ng P**n ay di naparatangan
dahilan sa siya ay di nagkasala at hindi nalinlang.

Sa ‘yong tulong at pagtubos
ako’y binigyan mong lugod.

Ako ay lumapit sa iyong harapan at sala’y inamin,
ang aking ginawang mga pagsalansang di ko inilihim;
pinagpasiyahan kong ang lahat ng ito sa iyo’y idaing,
at aking natamo ang iyong patawaf sa sala kong angkin.

Sa ‘yong tulong at pagtubos
ako’y binigyan mong lugod.

Lahat ng matuwid at tapat sa P**n, magalak na lubos,
dahil sa natamo nilang kabutihang kaloob ng Diyos;
sumigaw sa galak ang lahat ng taong sa kanya’y sumunod.

Sa ‘yong tulong at pagtubos
ako’y binigyan mong lugod.

𝗜𝗞𝗔𝗟𝗔𝗪𝗔𝗡𝗚 𝗣𝗔𝗚𝗕𝗔𝗦𝗔
1 Corinto 10, 31 – 11, 1

Pagbasa mula sa unang sulat ni Apostol San Pablo sa mga taga-Corinto

Mga kapatid:

Kung kayo’y kumakain o umiinom, o anuman ang ginagawa ninyo, gawin ninyo ang lahat sa ikararangal ng Diyos. Huwag kayong maging sanhi ng pagkakasala ninuman – ng mga Judio, ng mga Griego, o mga kaanib sa simbahan ng Diyos. Ang sinisikap ko nama’y mabigyang-kasiyahan ang lahat ng tao sa bawat ginagawa ko; hindi ko hinahanap ang sarili kong kapakanan kundi ang kapakanan ng marami, upang maligtas sila.

Tularan ninyo ako, gaya ng pagtulad ko kay Kristo.

Ang Salita ng Diyos.

ALELUYA
Lucas 7, 16

Aleluya! Aleluya!
Narito at dumating na
isang dakilang propeta
sugo ng D’yos sa bayan n’ya.
Aleluya! Aleluya!

𝗠𝗔𝗕𝗨𝗧𝗜𝗡𝗚 𝗕𝗔𝗟𝗜𝗧𝗔
Marcos 1, 40-45

Ang Mabuting Balita ng Panginoon ayon kay San Marcos

Noong panahong iyon, may isang ketonging lumapit kay Hesus, nanikluhod at nagmakaawa: “Kung ibig po ninyo’y mapagagaling ninyo ako.” Nahabag si Hesus at hinipo siya, sabay ang wika, “Ibig ko. Gumaling ka!” Noon di’y nawala ang ketong at gumaling ang tao. Pinaalis siya agad ni Hesus matapos ang ganitong mahigpit na bilin: “Huwag mong sasabihin ito kaninuman. Sa halip ay pasuri ka sa saserdote. Pagkatapos, maghandog ka ayon sa iniutos ni Moises, upang patunayan sa mga tao na ikaw ay magaling na.” Ngunit umalis siya at bagkus ipinamalita ang nangyari, anupat hindi na hayagang makapasok ng bayan si Hesus. Naroon na lamang siya sa labas, sa mga ilang na pook, at doon pinagsasadya ng mga tao buhat sa iba’t ibang dako.

Ang Mabuting Balita ng Panginoon.

𝗣𝗔𝗡𝗔𝗟𝗔𝗡𝗚𝗜𝗡 𝗡𝗚 𝗕𝗔𝗬𝗔𝗡
Ikaanim na Linggo sa Karaniwang Panahon (B)
Patnubay sa Misa

Pinasisigla ng walang pasubaling pagtugon ni Hesus sa pakiusap ng isang ketongin, buong pananalig nating idulog sa kanya ang ating mga kahilingan:

Panginoon, dinggin mo kami!

Nawa’y ang pamayanan ng mga sumasampalataya, sa gabay ng halimbawa ng kanilang mga namumuno, ay kumalinga sa mga maysakit na tulad ng ipinakita ni Hesus sa mga ketongin ng kanyang panahon. Manalangin tayo!

Nawa’y lahat ng sumasampalataya ay masiglang magpagaling sa kanilang karamdamang espirituwal kung paanong pinanabikan nilang gumaling sa kanilang mga sakit na pisikal. Manalangin tayo!

Nawa’y lahat ng nasa paglilingkod pangkalusugan ay tumupad sa kanilang tungkulin di lamang nang buong husay kundi nang buo ring pakikiisa sa kanilang mga kapatid. Manalangin tayo!

Nawa’y lahat ng kalahok sa espirituwal na pagpapagaling ay makatupad sa kanilang tungkulin nang buong ingat at habag na tulad ng kay Kristo. Manalangin tayo!

Nawa’y lahat tayo ay laging magbigay-luwalhati sa Diyos sa lahat ng ating isipin, sabihin, o gawain. Manalangin tayo!

Panginoong Hesus, Banal na Tagapagpagaling, gawin mo kaming matatag upang kami man ay maging mga kasangkapan ng iyong nakagagaling na pagmamahal. Ikaw na nabubuhay at nakapagliligtas magpakailanman.

01/06/2023

IMMACULATE CONCEPTION CHAPEL
Flores De Mayo 2023

22/04/2023

16/12/2022

12/17/2022 (Anticipated Mass)

UNANG PAGBASA
Genesis 49, 2. 8-10

Pagbasa mula sa aklat ng Genesis

Noong mga araw na iyon, tinawag ni Jacob ang mga anak niya at kanyang sinabi:

“Kayo mga anak, magsilapit sa akin,
akong inyong ama ay sumandaling dinggin.
Ikaw, Juda, ay papupurihan
niyong mga anak ng Ina mong mahal,
hawak mo sa leeg ang iyong kaaway,
lahat mong kapatid sa iyo’y gagalang.
Mabangis na leon, ang iyong larawan,
muling nagkukubli matapos pumatay;
ang tulad ni Juda’y leong nahihimlay,
walang mangangahas lumapit sinuman.
Hawak niya’y setrong tuon sa paanan,
sagisag ng lakas at kapangyarihan;
ito’y tataglayin hanggang sa dumatal
ang tunay na Haring dito’y magtatangan.”

Ang Salita ng Diyos.

SALMONG TUGUNAN
Salmo 71, 2. 3-4ab. 7-8, 17

Mabubuhay s’yang marangal
at sasagana kailanman.

Turuan mo yaong haring humatol ng katuwiran:
sa taglay mong katarungan, O Diyos, siya’y bahaginan;
upang siya’y maging tapat mamahala sa ‘yong bayan,
at pati sa mahihirap maging tapat siyang tunay.

Mabubuhay s’yang marangal
at sasagana kailanman.

Ang lupain nawa niya’y umunlad at managana;
maghari ang katarungan sa lupain nitong bansa.
Maging tapat itong hari sa paghatol sa mahirap
at ang mga taong wala’y pag-ukulan ng paglingap.

Mabubuhay s’yang marangal
at sasagana kailanman.

Yaong buhay na mat’wid sa kanyang kapanahunan,
madama ng bansa niya at umunlad habang buhay.
Yaong kanyang kaharian ay palawak nang palawak,
mula sa ilog Eufrates, sa daigdig ay kakalat.

Mabubuhay s’yang marangal
at sasagana kailanman.

Nawa yaong kanyang ngalan ay h’wag nang malimutan,
manatiling laging bantog na katulad nitong araw;
nawa siya ay purihin ng lahat ng mga bansa,
at sa Diyos, silang lahat dumalanging:
“Harinawa pagpalain kaming lahat, tulad niyang pinagpala.”

Mabubuhay s’yang marangal
at sasagana kailanman.

ALELUYA

Aleluya! Aleluya!
Karunungan ng Maykapal,
tana’y ‘yong pangasiwaan,
halina’t kami’y turuan.
Aleluya! Aleluya!

MABUTING BALITA
Mateo 1, 1-17

Ang simula ng Mabuting Balita ng Panginoon ayon kay San Mateo

Ito ang lahi ni Hesukristo na mula sa angkan ni David na mula naman sa lahi ni Abraham.

Si Abraham ang ama ni Isaac; si Isaac ang ama ni Jacob na ama ni Juda at ng kanyang mga kapatid. Naging anak naman ni Juda kay Tamar sina Fares at Zara. Si Fares ang ama ni Esrom at si Esrom ang ama ni Aram. Si Aram ang ama ni Aminadab; si Aminadab ang ama ni Naason na ama naman ni Salmon. Naging anak ni Salmon kay Rahab si Booz, at naging anak naman ni Booz kay Ruth si Obed. Si Obed ang ama ni Jesse na ama ni Haring David.

Naging anak ni David si Solomon sa dating asawa ni Urias. Si Solomon naman ang ama ni Roboam. Si Roboam ang ama ni Abias, at si Abias ang ama ni Asa. Si Asa ang ama ni Josafat, at si Josafat ang ama ni Joram na siya namang ama ni Ozias. Itong si Ozias ay ama ni Jotam na ama ni Acaz, at si Acaz ang ama ni Ezequias. Si Ezequias ang ama ni Manases, at si Manases ang ama ni Amos na ama naman ni Josias. Si Josias ang ama ni Jeconias at ang kanyang mga kapatid. Panahon noon ng pagkakatapon ng mga Israelita sa Babilonia.

Matapos ang pagkakatapon sa Babilonia, naging anak ni Jeconias si Salatiel na ama ni Zorobabel. Si Zorobabel ang ama ni Abiud na ama ni Eliaquim, at si Eliaquim ang ama ni Azor. Si Azor ang ama ni Sadoc na ama ni Aquim; itong si Aquim ang ama ni Eliud. Si Eluid ang ama ni Eleazar; si Eleazar ang ama ni Matan na ama ni Jacob. At si Jacob ang ama ni Jose na asawa ni Maria. Si Maria naman ang ina ni Hesus na tinatawag na Kristo.

Samaktwid, labing-apat ang salin-lahi mula kay Abraham hanggang kay David, labing-apat mula kay David hanggang sa pagkakatapon ng mga Israelita sa Babilonia, at labing-apat din mula sa pagkakatapon sa Babilonia hanggang kay Kristo.

Ang Mabuting Balita ng Panginoon.

PANALANGIN NG BAYAN
SIMBANG GABI ?– Ikalawang Araw
Patnubay sa Misa

Pinasisigla ng katapatan ng Diyos sa Kanyang mga pangako, pakumbaba nating idulog sa Kanya ang ating mga kahilingan para sa mga pangangailangan ng Simbahan at ng sangkatauhan. Tumugon tayong:

Panginoon, gawin Mo kaming tapat sa Iyo!

Para sa Simbahang Katolika at lahat ng Kristiyano: Nawa sa bisa ng Ebanghelyo, magkalapit-lapit ang lahat ng nananampalataya kay Kristo. Manalangin tayo!

Para sa mga inaalipin ng demonyo sa kanilang buhay na makasalanan: Nawa patnubayan sila ng Diyos upang magsimulang mamuhay nang tapat sa Ebang- helyo. Manalangin tayo!

Para sa lahat ng mga nabiktima ng kawalan ng katarungan: Nawa ikintal ng diwa nitong Simbang Gabi sa kanilang mga puso ang pagpapatawad at kapayapaan. Manalangin tayo!

Para sa lahat ng Pilipinong mag-anak, lalo na iyong mga biktima ng paghihiwalay at kahirapan sa buhay: Nawa makatagpo sila sa kanilang Kristiyanong pananampalataya ng kailangan nilang lakas upang makaraos sa kanilang mga paghihirap. Manalangin tayo!

Para sa ating lahat na naririto at sa ating mga ipinagdarasal: Nawa liwanagan ng ilaw ng Diyos ang ating mga puso at gamitin tayong kasangkapan ng Kanyang pagmamahal. Manalangin tayo!

Tahimik nating ipanalangin ang ating mga sariling kahilingan. (Tumigil sandali.) Manalangin tayo!

Panginoong Diyos, Ikaw ang laging tapat at bukal ng lahat ng biyaya. Palakasin Mo kami upang matupad ang mga pangako sa aming binyag, lalo na ngayon sa aming Simbang Gabi. Isinasamo namin ito sa pamamagitan ni Kristong aming Panginoon.

Amen!

07/12/2022

𝐁𝐥𝐞𝐬𝐬 𝐛𝐞 𝐭𝐨 𝐞𝐯𝐞𝐫𝐲𝐨𝐧𝐞!

It is the 𝙁𝙚𝙖𝙨𝙩 𝙤𝙛 𝙩𝙝𝙚 𝙄𝙢𝙢𝙖𝙘𝙪𝙡𝙖𝙩𝙚 𝘾𝙤𝙣𝙘𝙚𝙥𝙩𝙞𝙤𝙣 !!!

Today, December 08, 2022, we honor Mary, our Mother. The Solemnity of the Immaculate Conception is a Catholic feast celebrating Mary's conception without sin. Even though this feast day occurs in the liturgical season of Advent, which prepares for the birth of Our Lord Jesus Christ, the Immaculate Conception 𝐫𝐞𝐟𝐞𝐫𝐬 𝐭𝐨 𝐭𝐡𝐞 𝐜𝐨𝐧𝐜𝐞𝐩𝐭𝐢𝐨𝐧 𝐨𝐟 𝐌𝐚𝐫𝐲 𝐢𝐧 𝐭𝐡𝐞 𝐰𝐨𝐦𝐛 𝐨𝐟 𝐡𝐞𝐫 𝐦𝐨𝐭𝐡𝐞𝐫, 𝐒𝐭. 𝐀𝐧𝐧𝐞.

Reference/s:
https://www.marywood.edu/about/history/chronological/1854-solemnity-of-the-immaculate-conception/