11/08/2023
Ito ang sulat ni Apostol Pablo sa aklat ng Roma 7:21-25
Ito ang natuklasan ko tungkol sa aking sarili: Kung ibig kong gumawa ng mabuti, hinahadlangan ako ng kasamaang likas sa akin. Sa kaibuturan ng aking puso, nalulugod ako sa Kautusan ng Dios, pero may napapansin akong ibang kapangyarihan na kumikilos sa aking pagkatao, na sumasalungat sa pagsunod ko sa Kautusan na alam ko. Dahil dito, naging alipin ako ng kapangyarihan ng kasalanang likas sa aking pagkatao. Kawawa naman ako! Sino ang magliligtas sa akin sa makasalanan kong pagkatao na nagdudulot sa akin ng kamatayan? Salamat sa Dios, siya ang magliligtas sa akin sa pamamagitan ni Jesu-Cristo na ating Panginoon! Ito ang aking kalagayan: Ang kaisipan ko ay nagpapasakop sa Kautusan ng Dios, pero ang aking makasalanang pagkatao ay nagpapasakop sa kapangyarihan ng kasalanan.
Ano nga ba ang kasamaang likas sa ating pagkatao na nagpapasakop sa kapangyarihan ng kasalanan.
Ito yung mga masamang pag-uugali ng mga tao.
1. Pride / pagmamalaki, pagmamayabang o pagmamataas.
2. Inggit
3. At marami pang iba.
Ang pagsunod sa Kautusan ng Dios ay hindi lamang nakabase sa dami o laki ng iyong ministry na iyong hinawakan o sa dami ng iyong ginagawa, hindi naka base kung palagi kang present sa loob ng simbahan, hindi nakabase kung magaling kang magpreach, magaling kang magturo, magaling kang tumugtug, magaling kang umawit, magaling kang sumayaw, o magaling kang manalangin kundi ito'y nakabase sa kabutihang loob ng puso ng mga tao. Kapag ang puso ng tao ay nagpapasakop sa Kautusan ng Dios makikita sa kanya ang Dakilang pag-ibig, kagandahan at kabutihang loob ng Dios. Makikita sa atin ang fruit of the holy spirit.
Manalangin tayo:
🙏Panginoon tulungan mo kaming wag madaya sa aming mga emotion. Turuan mo kami laging magpakumbaba. Basagin mo o Dios ang puso namin na likas na masama at palitan mo ng puso mo na puno ng kabutihan upang maging karapat-dapat kami sa aming pagsunod at paglilingkod sayo bilang mga anak mo. Loobin mo Panginoon na ang buhay namin ay maging Banal mong tahan, luklukan ng iyong wagas na pagsinta, daluyan ng walang hanggang mga papuri't pagsamba maghari ka oh Dios ngayon at kailanman sa bawat simbahan, sa bawat tahanan, sa bawat pamilya, sa lahat ng mga magulang, sa lahat ng mga kabataan, sa mga sanggol, mga matatanda, sa mga lalaki at babae, sa mga tumboy at sa mga bakla, sa lahat ng mga singles, mga balo, sa lahat ng mga haligi ng tahanan, sa lahat ng mga ilaw ng tahanan at sa lahat ng mga pastors, sa lahat ng mga doctors, mga teachers, sa mga evangelist, mga apostoles, sa mga propeta, sa mga couples, sa lahat ng relationship, sa lahat ng fellowship online at face to face, sa mga nag-aaral, sa mga naghahanap pa ng trabaho, sa mga nagtatrabaho, sa mga may negosyo, sa nagpa-planong magnegosyo, sa mga nagwork abroad, sa mga opisina, sa mga eskuwelahan, sa media, sa mga hospital, sa lahat ng lugar sa buong mundo, sa lahat ng aspeto ng aming buhay, sa lahat ng tao sa mga ministries at sa lahat ng mga responsibilities sa buhay. Sa Pangalan ni Jesus at sa Banal na Espiritu ng Dios mangyari nawa. Ito ang aking panalangin na may pasasalamat.♥️Amen🙏
