23/03/2025
MAY MALI SA CAPTION NG RAPPLER‼️‼️
Para po sa kalinawan ng lahat kahapon po ay naglabas ng Opisyal na pahayag ang Iglesia Ni Cristo sa pamamagitan ng programa nito na SA GANANG MAMAMAYAN at doon ay nagsalita ang tagapagsalita ng Iglesia Ni Cristo ang kapatid na Edwil Zabala kung ano ang posisyon ng Iglesia Ni Cristo sa mga nangyayari nito sa bansa.
Ang sabi po ng Ka Edwil ay ito:
" Kung ano ang tama, at kung ano ang mga nasa batas natin 'yon sana dapat ang pairalin. Huwag po itong pilipitin para umayon sa nais ng sinuman.
Hindi po sumasang-ayon ang iglesia sa anumang hakbangin na hindi naaayon sa mga batas ng ating bansa.
Sapagkat ang batas po ang salalayang nagpapanatili ng kaayusan sa ating bansa kapag ang batas ay binalewala ay nagbubunga ito ng kaguluhan, hidwaan at kawalang hustisya. Alam n'yo po iyan.
Sinumang Pilipino o mamamayan ng ating bansa na may ginawang paglabag sa ating mga batas, dito dapat litisin sa ating bansa.
Bakit po? Sapagkat gumagana naman ang sistema ng ating hustisya.
Hindi po namin sinasabi na huwag litisin ang dating Pangulo sa mga inaakusa laban sa kanya. At sa ganang amin po nagtitiwala ang Iglesia Ni Cristo sa integridad at kakayahan ng hudikatura para pagpasyahan ang ganitong bagay at usapin. Ang mga hukom natin ay may kakayahan po na gampanan ang kanilang tungkulin na ipataw ang tamang hustisya at pairalin ang katarungan sa lahat ng sandali.
Kaya, hindi natin dapat isuko ang soberenya ng ating bansa sa iba. "
Malinaw po ang posisyon ng Iglesia Ni Cristo kami ay NEUTRAL at wala kaming pinapanigan na pulitiko.
Ang sinasabi ng Rappler ay wala pong katotohanan at isang maling impormasyon na magdudulot ng maling pakahulugan sa ibang mga tao.
Kami po ay nagpapasakop sa Pangulo ng ating bansa sapagkat utos ng Diyos po iyon na ibigay ang kay Cesar sa kay Cesar na ang katumbas magpasakop tayo sa Gobyerno ng ating bansa basta hindi nalalabag sa utos ng Diyos.
Wala pong pakialam ang Iglesia Ni Cristo sa usaping pulitika, ang pinakananais lamang po namin ay ang KAPAYAPAAAN at HINDI KAGULUHAN at IGALANG ANG ATING BATAS.
Ctto~
