22/05/2026
REGINA CAELI | Uban sa talahurong Arsobispo sa Sugbo, Most Rev. Alberto "Abet" Uy, mag-ampo kita sa Rayna sa Langit (Regina Caeli) ug ipadangat nato ang atong mga katuyoan ngadto sa Amahan, pinaagi sa pangaliya sa Mahal nga Birhen Maria.
------------------------------------------
Rayna sa Langit (Cebuano Version)
P: Rayna sa langit, paglipay, Aleluya.
T: Kay siya nga nahimo kang naangayan sa pagdala, Aleluya.
P: Nabanhaw, sumala sa iyang giingon, Aleluya.
T: Iampo mo kami sa Diyos, Aleluya.
P: Pagsadya ug paglipay, Birhen Maria, Aleluya.
T: Kay tinuod nga nabanhaw ang Ginoo, Aleluya.
Mag-ampo kita:
O Diyos, nga tungod sa pagkabanhaw sa imong Anak, nga si Jesu Cristo among Ginoo, naglipay ka sa kalibutan. Itugot, nangamuyo kami, nga tungod sa iyang Inahan, ang Birhen Maria, makaangkon kami sa kalipay sa kinabuhing dayon.
Amen.
P: Himaya sa Amahan, ug sa Anak, ug sa Espiritu Santo
T: Maingon sa sinugdan, karon ug sa gihapon, ug sa mga katuigan nga tanan. Amen.
