29/04/2026
O Ina ng madla, batis ka ng awa, O Maria.
Tanggapin aming alay,
magagandang bulaklak,
na silang sagisag ng ‘yong tanging kagandahan!
Ang Buwan ng Mayo ay ang buwan sa karangalan ng ating Mahal na Birheng Maria, ang Virgen de las Flores. Mga kapatid, sama-sama tayo maghandog ng panalangin sa ating Mahal na Ina sa buong buwan na ito.
Mula Mayo 01 hanggang Mayo 31 ay magkakaroon ng palagiang Nobena at pagdarasal ng Santo Rosaryo at pag-aalay ng bulaklak sa ganap na ika-4 ng hapon.
Sa Mayo 16, araw ng Sabado, ang Banal na Misa sa ganap na ika-6 ng gabi ay susundan ng Prusisyon ng mga Sagala at Maringal na Pagpaparangal kay Maria sa ganap na ika-7 ng gabi.
Sama-sama, manalangin tayo sa Mahal na Birheng Maria. Nawa ang ating mga panalangin ay magsilbing mga rosas na ang samyo ay kahali-halina sa kanyang matamis na Anak na si Jesus.
Sa iyo aming iniaalay, pagmamahal at galak, O Maria, sapagkat gumawa sa iyo ang Makapangyarihan ng mga hiwaga at tinuring kang aming Ina!