Bañga Chapel

16/06/2026

𝐈𝐊𝐀𝐖 𝐀𝐍𝐆 𝐁𝐈𝐘𝐀𝐘𝐀 𝐍𝐆 𝐃𝐈𝐘𝐎𝐒 𝐒𝐀 𝐒𝐀𝐌𝐁𝐀𝐘𝐀𝐍𝐀𝐍!

Mula sa Banga Sub-Parish Pastoral Council, kaisa ng buong pamayanan ng Parokya ni San Francisco ng Asissi, ay masaya at malugod na bumabati kay 𝐑𝐞𝐛𝐞𝐫𝐞𝐧𝐝𝐨 𝐏𝐚𝐝𝐫𝐞 𝐑𝐑 𝐀𝐍𝐓𝐎𝐍𝐈 𝐂𝐀𝐌𝐎𝐑𝐔𝐍𝐆𝐀𝐍 𝐑𝐄𝐘𝐄𝐒, sa paggawad sa kanya ng Banal na Orden ng Pagkapari ngayong araw, na pinangunahan ng Lub. Kgg. Dennis C. Villarojo, D.D., Obispo ng Malolos.

Gayundin, ang aming taos-pusong pasasalamat sa kanyang masigasig at tapat na paglilingkod bilang Katuwang na Diyakono ng Parokya ni San Francisco ng Assisi sa loob ng anim na buwan. Ipinagkakatiwala ka namin sa patuloy na paggabay at pagpapala ng Panginoon, Padre Ar-Ar! Baunin mo ang aming panalangin at pasasalamat saan ka man dalhin ng iyong misyon.

Tu es Sacerdos in Aeternum!

19/05/2026

𝐈𝐊𝐀𝐖 𝐀𝐘 𝐏𝐀𝐑𝐈, 𝐌𝐀𝐆𝐏𝐀𝐊𝐀𝐈𝐋𝐀𝐍𝐌𝐀𝐍!

Mula sa Banga Sub-Parish Pastoral Council, kami po ay taos-pusong bumabati sa ating minamahal na Kura Paroko, Reberendo Padre Edmundo D. Santos ng isang maligaya at mabiyayang pagdiriwang ng kanyang ika-25 na Anibersaryo sa Pagkapari.

Nawa'y patuloy ka pong maging mabuting pastol na mapagkalinga sa komunidad at nagpapalaganap ng Salita ng Diyos. Pagbati, Padre Edmond!

03/05/2026

ANG KRUS MO’Y DAONG NA MATIBAY, AT SA TAGUMPAY AY ILAW!

Mula sa bumubuo ng Banga Barrio Fiesta 2026 Committee, kaisa ng Hermana Mayor, Bb. Judy Ann Biunas Yutan at Hermano Mayor, G. Arnel Ricaplaza Apeña Jr., isang taos-pusong pasasalamat sa lahat ng naging bahagi ng matagumpay na pagdiriwang ng Kapistahan ng Mahal na Señor Hesukristo ng Barrio Banga ngayong taong 2026.

Higit sa lahat, ang aming walang hanggang pasasalamat ay iniaalay sa Mahal na Señor Hesukristo de Barrio Banga, sa patuloy niyang paggabay, pagpapala at pagbibigay-lakas upang maging matagumpay at makabuluhan ang pagdiriwang ng kanyang kapistahan. Gayundin ang aming pasasalamat sa lahat ng deboto at mananampalataya ng Mahal na Señor Hesukristo sa patuloy na pakikiisa at walang sawang suporta. Ang inyong debosyon at panalangin ang nagsisilbing inspirasyon upang mapanatiling buhay ang diwa ng ating tradisyon at pagmamahal sa Mahal na Señor Hesukristo de Barrio Banga.

Muli,
MARAMING SALAMAT PO! VIVA MAHAL NA SEÑOR HESUKRISTO DE BARRIO BANGA!

30/04/2026

27/04/2026

Little Ms. Bañga 2026

Part 4

27/04/2026

Little Ms. Bañga 2026

Part 3

27/04/2026

Little Ms. Banga 2026

Part 2

27/04/2026

Little Ms. Banga 2026

Part 1

25/04/2026

SA MAPALAD NA BANDILA NITONG KRUS MONG MASANGHAYA!

Kapistahan ng Mahal na Señor Hesukristo de Barrio Banga
| Ika-26 ng Abril, 2026

Tayo’y inaanyayahan na makiisa sa pagdiriwang ng Banal na Misa sa ganap na Ika-9 ng umaga, na pangungunahan ni REB. PD. EDMUNDO SANTOS, Kura Paroko ng ating parokya, kasama si, REB. PD. MARCO CABATUANDO, MSSP, Anak na Pari ng Barrio Banga. Ang Maringal na Prusisyon naman ay sa ganap na ika-5 ng hapon.

Maligayang Kapistahan, Barrio Banga!
VIVA MAHAL NA SEÑOR HESUKRISTO!