28/08/2026
ORATIO IMPERATA LABAN KING CALAMIDAD
O lubus mayupayang Ibpa, tatas mi la ring pusu mi keca king capasalamatan para caring macapagmulalang lelangan mu, careti cayabe cami, para king calingapan mu a mamie kecami caring cailangan mi, at para king cabiasnan mu a mumugit king daralanan ning meto sicluban.
Tatanggapan mi la ring casalanan mi laban keca at caring sablang lelangan mu. E cami meging mayap a catiuala ning yatu. E mi ya pecaintindian ing cautusan mung pamangasiua king yatu. Ing macapadurut kecami ya ngeni ing magdusa pauli ning mali ming cararaptanan, at ngeni pupupulan mi ing pamanabusu at kealan masabal mi. Ing global warming atiu ne busal mi. Ding bagyu, albug, pamamakbung ring bulcan, at aliua pang kalamidad lalu lang darakal at sisican.
Lalapit cami keca, O malugud a Ibpa mi, at manigapung capatauaran para caring casalanan mi. Pagparalampu mi, king ding caluguran mi at ing picapagalan ming atangcang pibandian ing micabus ibat king banta ning calamidad, natural at gauang-tau.
Pagamu-amu mi keca ing gauan mu cami ngan responsabling catiuala ning lelangan mu, at maganaca ampon mapaniaup a siping-bale caring atiu king pamangailangan. AMEN.
SAGRADONG PUSU NANG JESUS,
—Pacaluluan mu cami!
INDUNG BIRHEN DOLOROSA
—Saupan at Ipanalangin mu cami!
