29/06/2023
Ca -29 ning Junio
SOLEMNIDAD DA RI SAN PEDRO AT SAN PABLO, DING ADDUANG ASIAS NING SANTA IGLESIA
O Dios a Guinu mi, dinan mu caming capasngauan qñg pamamilatan da ring Nuan a Apostol di San Pedro at San Pablo. Qñg pamamilatan da, pigcaluban me ing quécang Santa Iglesia caring mumuna nang calam ning lugud mu, ipagcalub mu naman ing alang anggang caligtasan mi. Amen.
"San Pablo Apostol, Icang panaligan mi. Ituru mu cami nung macananung lumapit cang Cristo."
"Apung Iru, talus mi ngan Sigasig mu ing caligtasan Tune lugud milalablab King balen mung caluguran"
Dalit Cang San Pablo Apostol
Amanu at Sunis: Paul Louis Nabong
San Pablo Apostol,
Ikang panaligan mi.
Ituru mu kami nung makananung
lumapit kang Kristo.
King kekeng keinan,
Ikang kekeng apusan.
Ban ing grasya ning Ginu maging kekeng sikanan.
San Pablo, San Pablo
Asias ning Pisamban.
San Pablo, San Pablo, Bendisyunan ing meto ketawan.
"Ypanalañgin Mu Cami O Nuan a San Pablo Apóstol!"
HIMNO ANTING PARANGAL CANG SAN PEDRO APOSTOL
Patulunan ming San Pedro
Ica ing telaga ning Guinu
Manibala king Iglesia,
Ampo caring obejas na
Susing mipagcalam keca
Upaya lang maniaplala
Lugud, lingap at masabal
Caring tupang mangailangan
Apung Iru, talus mi ngan
Sigasig mu ing caligtasan
Tune lugud milalablab
King balen mung caluguran
San Pedro Damdam Ca!
San Pedro Lingun Ca!
Bendisiun ipabal
Ipanalangin Mu Kami
PANALANGIN
O Dios a Ibpa mi,
kapnuan meng kagalangan
at banal a tula ing aldo iti king kapagmasusian
king Solemnidad da ring Apostol San Pedro
at San Pablo.
Ipagkalub mu sa king ing Banal a Kapulungan mu
atuntun na karing sablang bage ing
turu da reting pigmulan ning
pamangilala na’t kasuyuan keka.
Iti aduan mi keka, O Dios,
king kapamilatan nang JesuCristong Anak mu,
a mabibie at mag-ari kambe mu
king kametungan ning Banal a Espiritu,
manga man king alang angga.
Amen.
San Pedro at San Pablo Apostoles.
Ipanalangin yu kami.
Viva Apung Iru!!
Viva Apung Ambu!!
